文記火鍋

營業中

休息中

同朋友踏單車後好肚餓，晚餐去了文記火鍋位於大圍，它為顧客們提供種種惹味特色海鮮火鍋。四川麻辣湯底煲，麻辣湯底自然香辣熱辣惹味無窮，用之滲入餸中煲中滾騰起來，不同餸款必被醃出其美味質感來。黑椒鮮牛丸，黑椒醃味牛丸肉質咬落香爽，突出了黑椒味。新加坡魚蛋，新加坡特色魚蛋勝在粒粒大而質感密具彈性。蟹籽小籠湯包，細細粒的小籠包子包含著上湯連蟹籽在皮中，滾騰後清香爽口，又有像在酒樓食點心感覺。有很多款雜菜，叫了生菜，滾騰生菜幫助於火鍋餐中更清腸胃潤口。

約咗老友返母校開會，開完會兩個人都攰攰地，就喺大圍搵左間打邊爐，諗住食返餐好！今日揀咗文記，貪佢九點後入座有八五折，抵食啲！店內環境都幾好，店員都幾好傾，電仔細細甚有街坊風味！醬料放晒喺台面，簡簡單單，沒有太多混醬，釋出食物嘅原味！麻油同埋辣椒油都幾香口，幾啱我個人嘅口味！皮蛋芫荽湯底清清地，啱晒我哋兩個成日開野嘅加班族，下一下火🤣🤣！自家打丸，爽口！👍🏻👍🏻油炸鬼釀蝦滑，意外地好食，蝦滑好爽口，油炸鬼又索晒啲汁，真心推介！其餘火鍋配料都新鮮，折埋之後價錢都好合理！總評：街坊小店，食物水準不錯，價錢又唔貴，招呼唔錯，可以一試！

呢間係門口見到係一間好專業既打邊爐鋪頭入到黎有兩層 都幾大 抽風又夠好 佢都好多野食簡 好多都係自家制咁我就簡左呢個金牌筒骨煲 佢入面有兩舊勁中舊既豬肉 可以食埋佢既肉 勁好味 個湯低就加左小小胡椒 飲落口好補既感覺冰豆腐呢個簡直係打邊爐必叫 可以吸晒湯低既味 佢呢隻豆腐又夠煙un蟹籽小籠包 呢個勁特別 好似用左魚蛋包住左舊肉 入面仲要爆湯 食個陣要好小心 呢個好好食美國大桶蠔 隻隻都成隻手咁大 好正 又好新鮮爽脆珊瑚蚌 件件都大大塊 又夠爽口脆口

大圍文記火鍋在Facebook經常看到其宣傳，主力推介其海鲜非常新鮮，今日有機會來到大圍，當然是試試是否咁正。食過後，果然是很不錯的火鍋店，除湯底選擇多，夠哂火喉，而其火煱配料更是樣樣吸引，非常鮮味。坐了一陣，我們便精挑幾款時令海鮮如鮑魚、海蝦 、美國大桶蠔、 鯇魚片……等等，加上少量肉類、蔬菜和烏冬。湯底方面，極難挑選，有平也有貴，最後始終想要非常鲜味的特濃魚湯鍋。咁多，豐富火鍋配料，未食已流曬口水了。先來煲特濃魚湯鍋，咪睇佢水汪汪，冇乜配料，只看見豆腐和娃娃菜。實则味道極其鲜甜，很濃的魚湯，飲幾口已舌尖雀躍，非常鮮味。而海鲜更是非常新鲜，鲜味無窮，令味蕾超级滿足。好似鮑魚非常弹牙（界了十字花）、海蝦超爽（還會郁的）、美國大桶蠔勁肥美（沒有沙的）、 鯇魚片特別脆口（切得好靚，不連骨的）。若下次來試，一定要試其海鮮套餐，看見隔離檯order了，當中其波士顿龍蝦勁大隻（相信好鲜美），但必須要早一天预訂。其它配料也整得特別靚，食落已知新鮮過人，價錢適中，绝對值大家一試。

放工同朋友無無聊聊行下大圍，突然諗起想打邊爐但又唔想再搭車出去打。行下行下，見到有間小店係火鍋專門店！餐廳店員十分親切，見我地2個女仔係門口望左一輪，主動出黎介紹下，見佢咁友善就一於入去試試😎門口有是日精選，價錢都唔算貴！下次黎食一定要預訂！$258/位，咁抵去邊搵？餐廳都有做宵夜時段優惠，適合住附近的夜鬼打邊爐！餐廳有兩層，今次坐下層，地方雖小但都舒適叫左個清清地，減低致肥罪惡感😂打邊爐，小妹必食翠肉鯇！肉質爽甜又有魚味！鬼馬蝦條，上面的蝦肉好爽，底下的油炸鬼淥完都仲咁脆！桂花蚌好好食，又爽又鮮甜👍🏻蝦丸有驚喜😍手打蝦丸食得多，但又爽又有蝦味，仍是第一次！小店來說，著實不錯！下次會再來支持！

今日大圍、沙田一天遊，除了行街買野外，全日不停食、食、食😅。論最正一餐，非晚餐文記火鍋莫屬，這間位於大圍積信街的食店，全因同事經常幫襯，話這裏的海鮮非常新鮮，仲話經開大圍一定要試。所以，今晚試過之後，確認值得大讚👍👍👍。這店分上下層，我和老婆被编到上層坐，因時間還早，還未滿座，所以坐得非常舒服，又有大電視看，一大享受也😆。看過餐牌火煱配料，就來煲特濃魚湯鍋$138元。價錢雖不平，但湯底勁濃勁鮮味，據伙記說湯底用了大量鲜魚而製成，難怪味咁鮮甜，喝兩口已食慾大增，無得輸。當中湯底的豆腐更非常正，不是用超市的盒製豆腐，而是用新鮮的布袋豆腐，豆味夠口感更有咬口，配上特鮮魚湯底，食到停唔到口。😋😋配料第一咪是即炸響鈴$58元，未上檯已聞到好香響鈴味，而且是即炸的，可以不放在湯底馬上即食，更可放在魚湯底滾幾秒食又得，兩種食法兩種感覺，好正。👍😋西班牙黑毛豚肉$88元， 切開一片片，雖然細塊的，但肉質軟滑，味道濃郁，好重的豚肉味道，好食！👍美國大桶蠔$128元，隻隻都超大隻，隻隻都十分肥美，肉質好滑好咬口，非常鮮甜呀！鮑魚$28元/只，好實惠。全部劏好又了花，非常細心又賣相吸引。只放在湯底滾2分半

好耐冇打邊爐呢，今次食呢間出名正嘅火鍋店，不過都係第一次嚟食。佢會先送上開胃小菜，有我喜歡嘅中華沙律，嗌左双拼鍋，可以選兩種湯底，我選了瑤柱清湯鍋同四川麻辣鍋，兩個都好正丫，點了食物就等打邊爐，呢個時間拎埋醬料準備定開餐，注意要收醬料費啊，不過都好合理公道嘅。點了不少食物，有西班牙黑毛豬豚肉，手打鮮蝦滑，蟹籽墨魚滑，鯇魚片，酥化魚皮，黑椒鮮牛丸，蘇格蘭聖子皇，手切雪花牛小排，手切肥手，桂花蚌等等，食到飽晒丫，超級豐富。當中海鮮桂花蚌，聖子皇好鮮甜彈牙，手切嘅牛肉又特別好食，蝦滑墨魚滑又好滑好味，牛丸同其他丸類就好爽口彈牙，全部都好好味，食到好爽丫，正丫。價錢公道嘅，一分錢一分貨，食物幾高質，新鮮，味道好食，吾錯嘅一間火鍋店。

香港地真係好，想食甚麼都方便，炎炎夏日忽然想吃火鍋，就可以吃火鍋！未上火鍋先來小吃即叫即炸酥炸魚皮，非常香脆的酥炸魚皮沒有油臆味很棒！香口彈牙的黃金花枝丸，令食欲更高漲。爽口美味前菜和最心儀的清熱芫茜皮蛋鍋凖備就緖.......西班牙黑毛豚肉&秘製雲吞，肉味濃郁的黑毛豚肉先吃為快，雲吞用料頗佳，肉鮮蝦爽。鬼馬花枝&抵食醉雞件，花枝的爽滑口感是可取，油條吸取好味湯底，又是另一種美味。上等素生根是吃火鍋的最佳拍檔，還有爽爽生麵。如果喜歡嘆番杯啤酒，這是好選擇。吃飽飽，很滿足的火煱。

打邊爐最緊要係乜？我就覺得係食材啦，今次搵到間新鮮食材嘅火鍋店，叫文記火鍋。呢間入到去，環境都幾大，地方都坐得幾舒服，店員服務都可以嘅，食材才是我最滿意嘅地方，岩晒識飲識食嘅我丫。先講選擇，佢由湯底至食材都好多選擇，湯底都超過十款選擇，我覺得瑤柱清湯鍋吾錯，覺得呢個湯底冇咁熱氣，又更食到食材鮮味，而且仲落左吾少瑤柱，好味好飲丫。食材選擇好多，分左不同嘅類別，不少食材值得推介，例如本地手切肥牛 牛頸，呢個好食，新鮮，吾會平時咁硬到一塊塊得雪味，佢真係食到好香嘅牛味，打邊爐一定要食牛嘛，好食嘅牛值得加分，另外，頂級桂花蚌，都吾錯，鮮甜，價錢合理，幾爽口，好味道，黑椒鮮牛丸都好好食，呢個反而原本覺得少少貴，不過真係好正，牛丸新鮮手打好爽口彈牙，加左黑椒分量岩岩好，辣辣地好惹味，好正，食過包你覺得機打嘅黑椒丸差得多啊。其他超正嘅食材有待發掘，下次食到正嘅再推介，真心覺得呢間食材係好嘅。

今日去左大圍探朋友順便一齊食呢間火鍋，朋友話食材好正又新鮮嘅，食過真係吾錯。我選了兩拼火鍋湯底，四川麻辣同瑤柱清湯，如果食得辣嘅，四川麻辣都好正，夠麻，好惹味，瑤柱都清甜，因為我食得辣，食左麻辣再食下瑤柱鍋就覺得瑤柱鍋較淡了，而朋友冇食麻辣嘅，就覺得瑤柱鍋夠味又清甜。食材方便都有好多選擇，除左一般嘅牛，丸等食材，我都點左蘇格蘭聖子皇，很巨形嘅，啖啖肉好好食丫，而且都好新鮮彈牙，吾錯，價錢都合理，另外仲有爽脆珊瑚蚌，都吾錯，肉質爽脆，味道鮮甜，還有手打鮮蝦滑都好值得推介，平時墨魚滑就聽得多，手打蝦滑都吾多有，火鍋食好彈牙美味，好食丫。整體感覺都吾錯，而且服務都好好，食材新鮮又好食，出開大圍會再嚟食先。

同朋友夜晚八點半先搵嘢食，喺大圍見到文記火鍋，就咁星期五未到星期四晚上就去打邊邊，爽一下。服務非常好，我地得兩個人俾咗個六人枱我哋，沙發可以連埋一齊坐得非常舒服。呢度有好多款牛食我朋友揀咗本地手切肥牛，我哋討論緊食頸位定係脊位，侍應好友善過嚟解釋兩者嘅分別，最後我哋揀咗較爽同較滑嘅頸位。本地肥牛果然係牛味重啲，我自己比較鍾意食本地肥牛多個美國牛。因為牛味不同，果然本地肥牛好味真係好爽好滑有牛味，肥瘦適中。第二好味係野生竹笙好好味，條條都好大條，返咗落湯度之後吸晒啲湯嘅精華，美味到不得了。仲有美國蠔，五大隻，隻隻都大大隻脹卜卜又新鮮。我雖然好飽都食咗三大隻。三寶丸係牛丸蝦丸同墨魚丸，爽口彈牙。響鈴係新鮮炸起唔會有油煙味，仲可以就咁食，俾埋麻醬你。點醬食得，好鬆化。食到脹卜卜，好豐富嘅消夜啊。

今次已經第二次黎，好鍾意，好鍾意，好鍾意佢既牛奶鍋，係3.6牛奶鍋，聽個名都覺得夠晒潤，滑黎到，除左有醬料既調味架外，仲有小食:中華沙律。湯底黎到白雪雪，試飲，清湯再加牛奶，重牛奶味。嗌左桶蠔，有五大隻，每隻仲大過我手掌，有蠔味，好味。脆鯇腩，我至愛，最緊要咬落去chok chok聲，夠脆。響鈴，即叫即炸，有兩個食法,1: 點芝麻醬即食; 2: 滾一滾，點自己秘整豉油。由於佢只係卷左兩陣到，點醬好好味。仲嗌左黑毛豬，粉腸，娃娃菜。最後叫左烏冬，佢係用日本幼身烏冬，用牛奶鍋去滾，特別滑，吸味。呢間材料新鮮，各位可以試下

Made reservation on the same day without problem and I understand why after the meal.  The place is expensive and everything came with tiny portion.  Four of us spent more than a $1,000 and we have to eat again afterward.  Overprice and totally not worth it.

一行五人大熱天時打邊爐，冷氣充足，位置易找，分兩層，材料新鮮，生猛海鮮，脆卜卜的響玲，侍應親切，服務一流，環境整潔，坐得舒服，光猛寬敞今次為友人慶祝生日，侍應主動為我們提供义碟切蛋糕！約定下次再來

大圍文記生日飯，食家最知我心就梗係去打邊爐，試了大圍開業一年的文記。位處積信街，珍禽異獸隔離，店分兩層，人多仲可以包房，座位舒適寬敞不迫狹。湯底點了冬瓜瑶柱湯象拔蚌刺身例牌$298﹐鮮甜味美﹔個人推薦佢地既四寶丸，蝦丸做得極彈牙足料，黑椒牛丸亦非平日可吃到；仲有即炸魚皮，熱辣辣即叫即炸，正到爆韭菜餃亦是自家製，多菜少肉合口味！牛肉要了手切牛頸及脊雙拼$298，頸位味濃，脊位腍香，但期望可以更好。服務很好哥仔熱情招待，吃得開心要在大圍找服務有質素食物有水準的火鍋店，可到這兒一試。FB專頁: smallsmallsmalllin