文記火鍋

營業中

休息中

尋晚同老婆食海鮮邊爐做宵夜，去到間舖，門口寫住龍蝦海鮮餐每位$258，星期五加$20，9:30後有85折，睇下啲海鮮同火煱料都ok就去試下，點知食時發現火煱料少左一樣，手工餃拼盆得2隻雲吞，咁都算拼盆？同海報寫的唔同，問下啦，話係師傅執的，無錯架啦，佢話無錯就算，繼續食，食完埋單，兩個人收左我六百幾，說好的85折呢？！話套餐無折喎！佢話海報細字有寫套餐無折，乜咁做生意都得，誤導失實，永無下次😡PS：食完勁口乾，今朝個口仲好苦，應該味精好勁

一直都知大圍多野食，但自己好少去食，今次朋友七月生日，她選擇了這間食海鮮火鍋去慶生。生日有優惠，我們四個$298，生日的那位就半價。一來是三文魚刺身，因為自己唔太好，所以無試。叫佐一jar竹蔗矛根清清熱。$298海鮮盤，一來見到好大盤，入面有龍蝦，帶子，蜆都有大中細3款，青口，多甫魚，etc食到差不多的海鮮已經有點飽，先開始食雜錦丸同肉有兩款，牛同豬，還有響鈴。食到好飽，五個女仔只係食淨少少肉，算好犀利。咁多海鮮覺得幾抵食。可以再encore~

在大圍找美食，東逛西逛決定一試這間火鍋店。餐廳面積不算大，但設樓上雅座，並安排坐最開面靠邊位置。火鍋湯底有多款選擇，由幾十至百幾不等。我們點了北海道3.6牛乳，湯底牛奶味十足，所有食材都像浸了牛奶浴一樣。點了一碟手切肥牛，$288其實比想像中貴，幸好都不令人失望，幾好味。另外有手打蝦滑、墨魚滑、花枝片、蜆、黑栢葉、雲吞、烏冬和生菜。蝦滑爽口彈牙，值得推介。其餘只能說中規中矩，黑栢葉一碟只有幾片「葉」，蜆好一般，雲吞是粉麵店的那種，帶鹼水味，似乎跟牛乳湯底不太配合，可能是全晚最不喜歡的一樣食材。整體食物不過不失，可是用餐體驗卻令人掃興。首先由於我們坐的位置後面有回收碗碟的膠盤，店員不時大大力將餐具掉進盤內，其實對食客來說是十分擾民的行為，有幾下真的被嚇到。另外，店員似乎身體有點抱恙，不停咳嗽，又打噴嚏🤧，落單和收拾碗盤都在我們身旁，店員亦沒有戴口罩，又要負責送餐，作為食客總覺得不太自在。出外食飯最怕遇到低級食客，樓上的空間小、樓底矮，隔鄰的幾個男人不斷高聲談話，除了大大聲粗口橫飛，內容更是非常露骨嘔心，一邊食一邊心想快點離開，當然這跟餐廳無關，只是我們倒楣首次光顧就有這不愉快的用餐體驗。

今日又來食餐飽，服務依舊好，麻辣湯底亦好好味，我依然無叫海鮮餐，因為散叫係抵啲，選擇多啲及有折。 今日散叫，啲料都係咁靚，無乜可以弹，而且感覺份量都多咗！ 食物如下:1) 麻辣/蕃茄薯仔湯底: 麻辣做得幾好，嚟嘅主要原因都因為佢2) 手切牛頸脊: 未輸過3) 桶蠔: 甜4) 黑栢葉: 幾秒ok, 爽，同麻辣好夾5) 貢丸: 每次都叫6) 鮑魚: 新鲜，唔特別7) 豬潤: 新鲜，厚度識中，唔特别8) 鱔片: 新鲜，正常9) 醉蝦: 出嚟賣相己吸引，啲蝦浸响酒度仲郁嘅，浸越耐越入味，尤其蝦頭啲羔，麻辣加酒香，一流，推介10) 日本海膽: 足料，鲜甜值

鋪頭位置不太方便非附近居民，但都算易搵。去過兩次進餐，兩次都點套餐。因為經驗良好，所以先去覆灼。套餐係海鮮套餐，另加牛肉、小吃、菜、丸等，但主力都係個海鮮（睇圖）。整體不差，料都係新鮮好既。第2次去吃果次，貝類較多沙石，影響體驗（都幾扣分，如果第一次就多沙石，個人係永世不會覆灼果類）。發現少人（3）還是多人（4-6），套餐（非主件類）食品（如牛，丸，菜）份量冇太大分別。 酒水價格係中高檔排檔價。Ps套餐cash only。feeling上扣分位係找續上， 我會拎找零既人（因為本身已有service charge)。

今曰成10個人入黎大圍打個邊爐有人一早就BOOK定左位,點左個餐係海鮮既餐用黎望下要咩湯底JA我地兩個煲,一個要左清酒蜆湯底,另一個胡椒豬肚湯底清酒蜆湯底-蜆有D有沙,麻麻地胡椒豬肚湯底可以再多D胡椒會好食D混我個醬跟住有一大盤丸,餃子,雲吞E個先係重點.龍蝦都幾好食,連個頭都食埋D蝦係生猛既海鮮都算唔錯幾新鮮仲有魚,青口,蜆

早一日試咗海鮮餐，可能係得兩人關係，所以盤海鮮除咗龍蝦有睇頭之外，其它都係貝類，無蝦無魚，職員話由厨房決定……。配餐嘅肉猪牛數片，而且非宣傳单所講可以自選咩牛，而且叫呢個餐唔會有任何折，列如會員折頭。今日散叫大路嘢，龍蝦(街市约70蚊隻，呢度食168,燈油火爉都要啦)，貝類無叫。 是日觀察叫海鲜餐兩枱客，4位起的會至少有蝦，另一張枱兩位的都係龍蝦配九款貝類🤣 喜歡貝類少食肉值得推介食完埋單打折$999, 個人覺得散叫好啲，個餐太多無謂嘢！同埋叫吓酒水，加碟牛都會過千，有折散叫好似抵啲順帶一提，呢度啲刺身越來越薄，師傅刀功唔錯，刺身鮮甜。希望呢間可以keep住口碑！ 感覺佢有啲嘢縮咗

琴日同女友試咗每位$258嘅海鮮餐，海鮮有十款，好新鮮，呢盤嘢若散叫己4,5百蚊，(而家包湯底$58蚊、多過加番錢，又有幾片牛幾片豬，丸、餃又一兜，菜又有幾蔬，三文魚刺身4簿片，自家製響令兩條) 咁計法係幾抵食👍👍👍如果包一個公仔麵仲好🤣。因為自己為食，所以再另加一碟炸魚皮，一碟手切牛(頸)。湯底叫沙嗲，麻辣双拼，兜嘢出嚟只佔個媧三份一，因為太少水，所以未開波己叫加湯，加湯即唔夠味，店員幫加沙嗲酱同麻辣醬。 幾香👍因為套餐，所以只收現金，呢餐叫咗4,5支大啤，合共$1129

抱住期望去食呢個豪食龍蝦餐，以為好好食誰不知道，一個字，伏！六百零一蚊2個人都算，本身都諗住加錢再叫其他野食但一食海鮮真係完全唔洗再諗，啲海鮮超多沙及完全唔新鮮，其它散野食份量超級小，2個人全部2粒，2舊，原來係無得再叫，要每樣加錢另外散叫先得完全唔夠食唔夠飽，食到野飲都經已唔敢再叫拿拿聲食完走人算 總結，寧願散叫都唔叫套餐第一次打邊爐用左9個字快速打然後走人真係一定無下次極失望任食都無咁嬲 不過服務都叫還好

上網睇文記咁多個like, 一於去試試... 勁like打邊爐既我.....19:30去到唔洗等, 去到知道無BOOK位就無o個set$258/人既海鮮拼盆, 都唔緊要...照食.. 一睇個MENU, 嘩... 大圍地區，尖沙咀銅鑼灣價錢.... 呢個價.. 食酒鍋都得啦.....最後... 湯黎左, 一邊豬肚一邊芫茜, 無味無咩料...... 當時我係到諗.. 唔明點解可以收我呢個價錢....佢D醬料得4種.. 收我15蚊個人頭.. 賺錢都唔好咁過份呀.. 黎到D份量又唔係多.. 總之... 無下次.. 牛個方面.. 呢個價錢, 可以有更好選擇...  

海鮮樣樣好味夠新鮮特別龍蝦海鮮火鍋套餐超值地方乾淨舒服服務態度好還有各種不同牛部位而且手切好值得一試閑日去唔會多人火車大圍行過去幾分鐘可以到達附近環境清靜人流唔會太多

食物一般，價錢貴，份量不多，環境ok，衛生也可以。平均一人$$$500左右。但服務不錯，上菜時間亦很快 。云吞，肉類都還可以。但應該不會有下一次。因為價錢比一般火鍋店差不多，性價比不高。兩個人，晚餐。

呢間我見好有特色 好似好正呀 最緊要佢九點後入座再平好多 岩晒我收工過黎食入到黎好大 因為佢有兩層 下面full晒仲以為要等 我又冇book台 幾驚驚佢火鍋配料都好多選擇 本身我又想食套餐 最後睇睇下心思思又想美叫金牌筒骨煲 一黎緊係要飲下個湯低先 好濃味 又勁大舊豬骨 好林好好食 兩舊咁就變左我既前菜冰豆腐 大大粒 好爽d湯低 打邊爐邊小得佢美國大桶蠔 呢個超大隻 係大隻到每隻都有手咁大 不得了呀呢個菜好大碟 兩個人都食唔晒 好低淮山 好新鮮 又爽口 超正氣既野食西班牙黑毛豬 呢個又係好大碟 好低 好林好香豬肉味竹庶茅根 呢個似自家製 新鮮材料十足

很少去新界的我 ‚ 今天約了朋友到大圍的站A出口去吃火鍋 , 行到積信街的街尾 , 看到一個圓形的大照牌 “文記火鍋”非常搶眼 , 文記燈箱旁邊還大大隻字標明 “新鮮食物”。 推開門便有人招待我們上二樓去 ‚原來這里鍋底有很多款選擇, 我選了一款外面較少有的和風清酒蜆湯鍋底 ‚果然沒叫錯, 送來的鍋底給我很大的驚喜 , 味道真的很鮮味, 略嫌清酒味少了一點, 但很正。 第二個驚喜的是本地手切肥牛(頸) , 對我喜歡吃牛肉的人來說 , 吃一碟那能滿足我 ! 還點了文記推介的鬼馬蝦條 , 如來是將攪碎的生蝦肉放在油條上 , 非常特別好吃, 是絕妙的配對。

文記火鍋海鮮刺身專門店位於大圍積信街，晚上在這裡食飯。叫左個四川麻辣湯底煲，因朋友食得辣的湯底，夠哂麻辣味道。再加上豉油或醬油加以調味，再加上紅辣椒粒、蔥菜粒及蒜蓉醬等混雜，味道更正。蟹籽龍蝦丸是大大粒蟹籽外觀及質感當然吸引，應該好多人會叫來食。脆皮芝士腸，芝士心的腸肉香味及胞皮煙勒十足。手打鮮蝦丸，不用多說白色大大粒的鮮蝦丸，自然鮮味爽滑惹味。叫左蟹籽小籠湯包 、黑椒鮮牛丸、新加坡魚蛋、生菜等等......