文華雞飯(新加坡)

營業中

休息中

本人同朋友在這裡用餐, 餐館沒有寫限時用餐, 但本人同朋友用餐也有傾談, 到走時服務員對我說我們坐咁耐要收我3倍價錢!!!這是什麼服務態度???你又不是客多, 我又不是沒有在這裡用餐, 入座時間又沒有寫明, 為什麼這間店服務員可以咁講野???想我再去食都幾難!!!

Perhaps as a result of catering to Hongkies’ preferences, I personally think the chicken rice and bakuteh actually surpasses even the real Singaporean Man Wah and the chicken rice in Fullerton! Rice was flavourful and wickedly moist with the fragrance of chicken aroma, roast chicken had an almost crispy skin and tender texture, and bakuteh was not overpoweringly medicinal. Yum!

我和朋友2個人，尊登12點半前行入去，因為無咁多人。一入到去，第1名員工叫我地坐，就被第2名員工說不好，指揮我地坐第二度，但第1名員工又話唔好，怕有4個人來要拼枱，攪到我地2個起左一半身又坐返底，坐底返又被第2名員工叫指揮我地去第二度。咁都算，食左半個鐘開始多人，d 職員開始又為左 d 客人點坐迫我地走。。。我地仲有肉骨茶未飲晒，我地隔離是4坐位，但客人有5位，識員為免5位客人等，叫佢地坐住先，職員話我地2個好快走，但其實我地2個仲未食完的。。。傾傾下計。。。突然職員少許大聲地講："你地計傾不如我調你地去果邊坐，人地5個人坐得好辛苦。。。"我好無奈地說："不用了，我地走 la"走左之後條氣真氣好唔順，其實要我地調位無問題，但你大大聲咁講話我地傾計，全村人都以為我地霸住個位囉。。。我真係好想講：我其實未食完囉！攪到隔離果5個客人坐得好辛苦是職員問題，唔係我地客人做成的！不過隔離枱果5個人都知這不是我地問題，我地走果下佢地都唔好意思既樣望一望我。。。

Decided to go try this hainan chicken rice today for lunch with a friend as it was highly recommended by a few colleagues. There was no wait to a table and the food was served very efficiently.I ordered the white chicken thigh rice, added extra $5 to the standard $75. The chicken thigh was very tender, the oily rice was very yummy. The best thing was that the sweet sauce was unlimited. I would rate this a 4.5 out of 5 because the portion could be a little bit bigger. But overall, it’s definitely

之前已聽聞這間海南雞飯有d名氣，所以特來一試。平日午餐可以55蚊既價錢食到一個海南雞飯，份量係正常套餐少1/4。另外加了5蚊要個凍檸茶。凍檸茶先上，基本上好淡，比水有d味既茶。海南雞飯一上來，份量其實好細，男人未必會夠，雞得幾件，不過最緊要係味道。我那份是雞胸，正當然冇雞脾咁嫩滑，但真係比較鞋口，味道亦比較淡，冇乜雞味。海南雞我好重視個醬汁，我試了薑蓉同甜醬汁，薑蓉很普通，偏淡，冇乜香味。 甜醬汁又係偏淡，又唔濃郁，更唔好講香味。 這個60蚊既套餐，我寧願食個50蚊有找既港式切雞飯都冇咁失望。西貢那個很出名的海南雞飯已經退左步都好過而度好多。

起骨燒雞海南雞飯午餐$55好食指數:5/10之前又見乜假期乜男女介紹過 諗住實係好野黎無死啦 😀如果你都想去試 睇埋落去先首先我見佢執緊枱掃緊垃圾咪唔坐入去住阻佢做野 佢就話我阻住佢間舖點解唔係佢一路執枱一路坐入去Fine!咁我叫左碟燒雞海南雞飯啦如果你同我一樣 都係鐘意啖啖肉既 你可以唔洗黎食 因為係無乜肉可言 雞皮佔多數 真正有肉只得右手邊三件 其餘係皮既多 個飯係好食既 不過食完好口渴不過如果你話55蚊買碗油飯加三塊雞肉既話都抵既話 你可以一試整體 名過於實唔好再話大角咀係美食隱世乜乜乜 實情係中伏仲多過乜---------------17中匯街 大角咀

放工經過大角咀搵晚飯食，諗住見門面幾靚，又多明星相，好似幾出名咁就入左去食。食品menu一版紙睇曬，都唔使點選擇就揀左一個海南雞飯單點同一個燒雞飯套餐，諗住揀呢個招牌菜實無死啦，點知就中伏。單點海南雞飯佢比左雞翼我，去完啲骨，啲皮多過肉，又冇味，又唔係特別滑，墊底果啲青瓜仲多過雞。套餐燒雞就稍為多幾舊肉，但一樣都係冇乜味，跟餐碟菜心仲老到條條有渣。成間野唯一可取既就係啲油飯係幾好食既，但如果要特登去食雞就可以考慮其他食店，我覺得會有價錢更相宜同更好既選擇。總括黎講，名過於實，明星效應，服務又麻麻，唔會再去第二次。

我自己好鐘意食海南雞，所以成日去出名既海南雞餐廳度品嚐。今次就黎到大角咀文華餐廳，試下e度既海南雞。果日我係朝早11:30去，佢果陣岩岩拉閘開門，之後就唔洗等位直接去食了🤤。今次試左兩款既雞，燒雞同白雞1. 海南雞飯（白雞）轉左雞脾，D雞好滑，油飯色澤唔錯，好夠味👍👍2. 海南雞飯（燒雞）D雞都ok滑，但燒得唔算好好食。我會傾向推介白雞3. 餐湯餐湯都係普通中湯，中規中矩。今次無飲到肉骨茶，因為個人對肉骨茶興趣不大。整體黎講，海南雞飯（白雞）值得推介，性價比都算高

雖然在大角咀的橫街橫巷之中，但現如今的科技下，其實也並不算太難找。一份海南雞脾飯套餐，一份燒雞脾飯套餐，各配了一碗肉骨茶。雞的份量不多，都去了骨，不過雞肉很滑。不建議先喝肉骨茶再吃雞或飯。因為肉骨茶的味道比較濃郁，而雞飯的味道相對清淡些，先喝茶再吃飯就吃不出雞和飯的味道了。另點了一份雞腎，三杯yault，一份非套餐的雞飯，總共280元。

文華雞飯，我記得初初拍拖時，同老婆去過柯士甸道店，之後就一直冇食過，今日竟然有雅興忽然起行，走黎大角咀搵返呢間食。舖頭都幾大，都幾多位。白雞飯套餐（$75）套餐有雞、油飯、油菜同細肉骨茶（或飲品）油飯做到粒粒分明，香而不膩。雞可以選白雞或燒雞，我就食白雞，雞肉做到皮爽肉嫩，起晒骨，皮肉間仲食到少少成啫喱狀嘅皮下精華添。檯上擺放左三色醬，即係黑豉油、辣醬同薑蓉。食新加坡式海南雞飯點可以冇三色醬呢？至於肉骨茶，實不相瞞，在下今日至第一次飲，有啲藥材味，可能年紀大左，味道又接受到喎。另外仲叫左碗喇沙雞米粉（$55），湯底都算辣，有椰香味，濃郁又惹味！不過雞放湯好似唔係好夾，配魚片同蝦仁可能會好啲。

個日叫咗個海南雞飯$5x 同一個海南雞飯套餐$7x。$5x 個海南雞飯D雞少得可憐。所以大家去呢度食最好叫套餐。同埋D服務態度真係超麻麻。海南雞飯味道簡直超普通.食普通茶餐廳好過

聽聞左呢間餐廳左一排，一直未有機會試，有時行過都見到有人排隊，今日終於有機會黎試試佢！餐廳環境偏細，台同台之間距離好近，所以坐得唔係幾舒服，不過比平民價錢，都唔可以要求人地比酒店咁既環境既，食物質素先係重點！海南雞飯推介：4星份量唔算好大份，不過男友話食完都夠飽既！雞肉嫩滑，入味但唔會太濃味，油飯味道唔錯，又唔會太油，同埋軟硬程度都岩岩好，我最怕有d餐廳d飯煮到軟林林，破壞哂成餐飯。雞肉喇沙推介：4星我都算係一個麵怪，對麵有一定要求！呢到既喇沙抵讚既係個湯底唔會太濃味，味道岩岩好，有d d 辣令個湯再突出d，米粉煮得岩岩好，唔會太淋，就算浸左一陣湯都無變淋到，抵讚既！雞肉好滑同夠入味，總體黎講係唔錯，值得推薦既唯一唔夠好就真係服務質素，可能夜晚多人啦，d 姐姐成日唔得閒應人，等位又無人帶，唔知坐邊，等埋單又叫左幾次先有人理，上菜既速度都偏慢，咁既服務質素仲要加一，就有少少唔抵！ （6點前免加一，勸大家想試既就6點前黎啦，唔駛加一，少人d可能服務仲好d)

呢間野聽就聽過好幾次，沒有再下次！！今日lunch同朋友四人行去食，結果被一個為方便餐廳而無聊嘅理由 等左25分鐘先坐低食到飯。正值中午時間，一入到餐廳無位，職員先比左餐牌我地睇住。後來，有3pair 人入黎同樣地等。職員首先同我地講：「有一張四人台就黎走，你地等果張」然後就幫我地下單。 途中有張6人台先走，按道理 理應我地四人先坐，結果職員卻安排了後來果3pair人入座先，而職員幫我地一早落左單嘅野食都已經到左！ 職員就叫我地其中兩位先坐住食，（其實都好好笑，我地四人黎食飯你先叫兩個坐低，係咪要分開食？本來就可以四個人一齊坐低食緊⋯）等左［～五分鐘～］，再有另一張四人台走人，呢個時候終於有另一個職員眼見我同一名友人企了很久仍未入座，就叫我地四個一拼坐過去。 坐左半分鐘都無，原先安排左比我地嘅四人台終於走人，而最初果個職員就叫我地四個坐返去原先安排比我地嘅台，理由係：「已經幫你地啲單落左果張台，廢是啲單亂！」 然後就兩個職員爭拗左數十秒，最後我地四人又再次起身坐返本來安排給我地嘅果張台！！ 隔離幾張台人士眼光都投過來望，搞到我地有啲尷尬！唔知頭唔知路仲會以為係我地煩要調台！！呢個係一個

如題，可以寫包單，美__同大家__嘅海南雞絕對好食過佢，嗌咗一個白雞套餐，一碟馬拉盞炒菜。雞上碟賣相係靚嘅，但係一食，係完全冇味。首先係連皮都完全冇味，其次亦冇雞味，再者雞肉更毫無咬口可言。炒菜冇鑊氣，亦冇馬拉盞味，菜亦唔新鮮。另外，套餐包一碗肉骨茶，由於雞同菜太差，令肉骨茶感覺比較易接受，但其實亦只係一碗味精湯。咁係咪所有野都一無是處呢？唔係，個油飯幾好食，大家想食油飯嘅話，可以去試，但想食海南雞，請選擇屋企附近嘅快餐店，絕對夠膽保證冇可能差得過呢度，起碼雞肉係會有咬口。總括黎講，盛名所累，如果一直係咁差都可以出到名嘅話，佢可能真係出名難食喇。

油飯好正。雞好嫩滑及醬汁有麻醬口味。超正。套餐 $55 及連肉骨茶套餐 $70。 額外點自制薏米水 $13/杯。如果家係鍾意食雞既話就不妨黎依間文華雞飯。👍🏼👍🏼😏的確幾好味。