文華雞飯(新加坡)

營業中

休息中

白雞飯套餐 $75🐣🐣🐣🐣無骨就最基本啦😌 就算來左雞胸都好滑。。係唔錯既😋😋😋😋呢個價錢仲有跟埋一個細既肉骨茶同碟菜性價比高🤟🏼 肉骨茶-美味雞雜 $20加左個雞雜🤔用左秘製醬汁鹵水得來有鮮味👍🏿有最愛既雞腎，仲係爽口既😍😍

Chicken with rice is the standout... soft meat with an oily glaze, although it is “white chicken” it can be eaten without sauce as it is already flavorful enough on its own... chicken rice also with heaps of chicken flavour, not too oily as some shops will make it, you can tell it was cooked with the chicken essence as it should be Bak kut teh is in herbal style (rather than peppery)... a little bitter with a sweet after taste... can also eat the ribs in the soup with fall off the bone meat... l

今日朋友仔帶我去大角咀中匯街食肉骨茶、海南雞飯，佢話好地道、好正宗，一於試下店鋪位於橫街，唔係好當眼，佈置以啡色為主，店內主推海南雞飯、肉骨茶餐我order左海南雞飯加肉骨茶肉骨茶肉排新鮮，味濃，好正宗新加坡風味海南雞好滑，而油飯亦好香～唔錯

突然想食喇沙，所以黎左呢間食。之前都冇留意佢嘅。佢個喇沙真心唔錯，唔係一味得個辣子，酸味控制得好好，啲海鮮好新鮮，完全食唔出雪味霉味。杯奶茶都唔錯，唯一就係冇左港式，不過冇所謂啦。

是日同友人出旺角行街，行到攰諗唔到食咩晚飯，友人推介黎呢間海南雞飯店一試，試完一定大滿足咁話。行到黎已經十分肚餓，我地分別叫左油雞同燒雞套餐，配上油菜同肉骨茶。一入口簡直令人震懾，兩款雞都好香滑，配上醬汁直頭一絕，唔捨得一啖食完；油飯恰到好處，唔會太油太濃，好適合餸雞；肉骨茶簡直係成個餐嘅靈魂，熱辣辣香口得黎充滿肉嘅鮮味，令人愛不釋手；油菜爽口新鮮，岩岩好用黎中和雞同油飯嘅油膩。就算行幾耐去都抵，出開個頭絕對要幫襯下呢間舖！

呢間餐廳我都食過十次以上每次都係午餐同同事一齊食試過好幾間海南雞，但大家都一致認為呢間最好食！平日大多一點半到個度，都唔洗等好奈就有位。大多人都會叫海南雞套餐。因為就咁叫一的飯，大多男孩子會唔夠食。而套餐只係貴20蚊，就會有一個湯，一碟菜，一個油飯同一碟海南雞。如果加飲品就加5蚊。大家都認為佢整個套餐都係好食！係有心機去製作。湯係有肉同豆pok，足料，香味十足。菜係揀過，留嘅係菜遠部分，同好少會有爛菜岀現。雞滑，無骨。但有時候上碟嘅部位比較多皮少肉。但整體嘅評份都係中上！好值得一試！圖中並非套餐，因為今日唔太餓，所以就只點左份量比較少的淨白雞飯。

來文華雞飯食過好幾次。最鍾意係個餐除咗有雞飯之外仲有肉骨茶飲啲醬油張枱度可以自己加⋯個飯非常之香，啲雞幾滑下但佢嘅份量就唔多。不過飲埋個肉骨茶就夠晒飽啦食到半路竟然見到有幾個老明星入嚟坐係隔離食亦都正正係鋪頭入面個電視無限loop咁播住某幾位老明星，例如黃日華🤣🤣🤣

經過記得雜誌介紹過呢間海南雞飯幾出名，咁係附近，無理由唔去幫襯下。咁早，就買外賣返屋企先食。叻沙都好吸引，不過都係試佢回主打個菜式嘅。跟餐其實加$20有菜有湯有飲品，相對抵，但本身我覺得$58都唔係平，又唔突別想飲嘢，所以叫左個飯only。同埋佢無下午茶嘅。幾巴閉喎。最吸引我嘅，係佢有三色醬，有部份出名海南雞飯都未必間間有。三色醬有甜鼓油，甜酸辣醬，同埋薑蓉。係個薑蓉無乜味，另2款都唔錯，點雞加入飯都正。佢伴菜得幾舊青瓜令到雞望落好似好多，其實個雞量少左D。但係個雞油飯就真係唔錯，夠軟綿，又夠油味，整體都回味嘅，唯一價錢少貴左D囉。

友人甲話肉骨茶好正，友人乙話海南雞飯好食，OK 呢餐友人發版：白雞+燒雞飯套餐($78+$3)：雞肉夠滑，真·無骨。燒雞味都OK，白雞味更純真。油飯好味又唔膩。肉骨茶套餐($73)：聽聞每家肉骨茶都有一陣自家味道。怕太燥，分咗一碗仔，入口感覺濃郁，藥材味唔太重，肉排煲到林哂又入味。新加坡叉燒飯套餐($78)：叉燒味OK，肉林，但有啲似乸林的。海鮮喇沙套餐($75)：湯底有蝦味，少辣，味都OK，但自己比較喜歡雞飯。

一坐入去先岩岩開始睇menu就即刻有人黎落單，講緊唔係問你寫得未而係放左張單係張枱咁想即刻寫。見我地未得就自己係度介紹然後想寫埋落張單度。咁..當然我就black左面叫佢比我地睇下先啦。到落得單，佢見我地唔係兩個都叫貴餐，即刻系左聲同埋拋我話少啲雞嘅。大姐你個平餐都講緊差唔多六十蚊，貴餐多碟菜多兩三塊肉同變左肉骨茶就差唔多八十。份量多啲就貴啲係合理嘅，但我食唔曬唔通又要迫住叫個貴嘅？心諗系聲都算，點知佢落完單係我後面撞左我一野sorry都無句仲要掉張單落黎枱度。即刻火都黎。我唔介意你整到我，但呢度唔係茶記，你亦唔係收緊平嘅價錢，點解可以咁嘅態度？公平啲咁講：野食係ok嘅，肉骨茶都幾好味，亦唔係每個staff都無禮貌。但今日果個帶位、落單、收銀果個阿姐態度真係奇差。我以為呢間鋪賣點係雞飯，但原來Set先係。

今日同同事幾個一齊唔行去太子反而行去大角咀度食. 之前都已經聽聞過有一間好出名的海南雞飯好想試,但個日係星期三去到又磨門丁因為店舖憑星期三例休, 所以今日咁好既機會我地就一於出發去食個海南雞飯. 去到選擇方面都唔算多, 都有海車雞飯或者LAKSA 選擇. 海南雞飯可以選擇白雞同燒雞或者白飯同油飯. 我就叫左個大雞套餐,大雞套餐既份量飯同雞其實係同細雞一樣, 不過係多左碟菜同肉骨茶. 雞好滑又唔會肥, 雞油飯好香又唔會油非常乾身, 令到你愈食愈想食.　肉骨茶都算係一個重點, 胡椒味香濃飲落去飲到好重既湯料味. 飲落辣辣地真係好吸引. 菜就真係好一般啦, 又凍又好油. 所以我下次係會叫一個小雞飯加肉骨茶就算啦～

This place specializes in hainan chicken rice though they have a few items like laksa. I would ignore the other dishes as they are average, but the hainan chicken rice is a knockout. You can get steamed, roasted or mixed - and I went for mixed to try a bit of both. I enjoyed the flavor of the chicken skin on the roasted version, while the chicken meat tasted better on the steamed version, so getting to have both was perfect. The chicken broth infused rice was perfectly made, both in flavor and t

我是一名海南雞迷 成日周圍食海南雞次次聽到有好味海南雞飯都會去試今次來到文華雞飯 最驚喜有燒雞/ 白雞選擇未試過食燒雞版海南雞飯 其實都幾好味不過我自己選了白雞 老公選了燒雞 我自己鐘意食原味多d 這樣我兩款都可以試食到飯好正 雞又滑 好食過grand hyxxt好出名的海南雞飯 個醬好味 我覺得暫時是香港最好味價錢又合理的海南雞飯 整體算大份 而且套餐連一碟菜 我覺得價錢好合理 肉骨茶好足料好濃 味道幾好味配台式珍珠奶茶 一定會再嚟食

小妹本身因好耐之前一次去台灣,食左碗肉骨茶,當時已深深愛上其後一直訪尋不同的肉骨茶,剛巧路經此店。雖然個個同事都話呢到既海南雞好好食,但我都要一意孤行,要叫呢個肉骨茶set。嘩。。首先要講個肉骨茶真係好。好。好。好大碗。雖然比不上我念念不忘個種味道,但都算唔錯。單單個份量足夠成為肉骨茶湯飯大碗內有豆卜同豬骨,啖啖肉,再跟多個油菜同客飯。不過見同事他地食個個都食海南雞,跟埋有黃油飯都好似好吸引。總括而言,食完又飽又溫暖

很久以前去過無數次尖沙嘴舊址食， 真的很好味道及服務很好的。搬到大角嘴後都有食過， 不過咁耐冇去咁今晚就入去食白雞套餐， 有一碟海南雞， 油飯， 灼菜及一碗細肉骨茶， 我再加一份雞什海南雞已經同以前的水準差很多很遠！油飯一樣咁好味，灼菜正常 （只不過D菜比較老）肉骨茶一樣咁嘅味（不過排骨比起以前少了很多） 可能是成本上漲吧！不過D服務態度很不好， 我未食完就行過來同我講 （我幫你收拾一下同比張單價你埋先， 因為我們有很多人排隊）可能佢哋覺得我一個人食飯會嘥佢哋一張檯啦！我比完錢之後，佢先至睇到我未食完， 不過我都冇晒心情再繼續食埋去就離開了！我都明白鋪租， 人工， 食物成本同燈油火蠟都好貴， 不過咁樣趕客走想快D做多一枱新客， 就不如想想點樣做生意好過啦！