文華軒中出會所 (已結業)

已經將這裡当是自己的飯堂了，經常請客人上來吃飯，前幾日同事講呢度新出了大閘蟹宴好好食所以就專門上來試下，選擇了每隻4兩的大閘蟹，完全沒有讓我們失望，而且仲要係大大既驚喜！大閘蟹真係好味，大閘蟹金毛腿，自帶獨有的蟹香，咁熱既天氣都有咁肥既黃和膏真是正！好開心有呢個地方俾我哋可以時不時地大快朵頤。而且服務都十分周到！

吃了忘記多少餐的生日飯，當中我最記得的唔係最好食個間，而係呢間，個名最特別的，我唔知你睇過未，我就真係未睇過。那天在公司有同事推薦這間飯店時，我幸好冇飲水，我唔係實會噴。同事M：不如試下個日我食個間野啦，個間會所真係幾好同事H:好唔好過你間皇仁先。同事M:咁一定冇啦，不過都唔錯，又平又幾好食。我:咁個間野叫乜呀。(我最喜歡儲好食餐廳名，仲要係會所)同事M:個間都幾出名，叫中出會。同事H同我為不折不扣的男性，受到日本人90年代AV之正式教育，我們立刻笑到反艇。在場同事M同幾個同事都唔識笑。大概女性對這些男生的奇怪事都不會太敏感又完全唔明，然後好多女性都問我中出點解咁好笑，其實你只要google一下，你就知點解。暫時不再討論中出點解，話說小弟生日，同事想一齊食餐飯順便聯誼一下，於是在同事M的推薦下，我們一起去送我中出做生日禮物。聽見都開心，一班人扶老攜幼去，幾興奮，我係話食飯，唔係中出，你千祈唔好諗邪野，中出係呢篇文章只係個地方名，唔係名詞。我開心係十九幾人可以食好多野，你地唔好誤會。中出會，全名為香港中華出入口商會會所，由文華軒主理。因為方便又好叫，所以我地一陣都以中出為簡稱。花生不用問

第一次來文華軒吃的是蟹飯，真係好好食，我食咗3碗今次嚟是因為看到蘋果日報的介紹話水蒸鍋好健康，少油，鍋上層蒸海鮮，下層放米，蒸海鲜的汁就流落下層煲粥，第一次食水晶鍋，聽講水晶鍋係文華軒招牌，連都試過話政界名人好吃，是日就一家人專門過嚟試下，吃了南非鮮鮑魚、原隻元貝、花蟹，蝦真係好生猛、入鍋即刻紮紮跳出來，好新鮮 食材真係好新鮮，又唔貴，用咗上次的現金卷，等於差唔多九折，下次穩日同埋班friend一齊過嚟再食過，順便慶祝生日

第一次幫襯, 不過AUNTIE 輩話呢間以前中午放飯會幫襯, 叫佢做"中出中入", 有趣.環境乾淨, 星期二的夜晚, 唔爆. 枱與枱有很多空間 ( 我對呢樣好有特別要求, 冇咩必要最好唔好背貼背, 椅貼椅食飯啦)菜1)  湯, 湯料真係勁多, 冇味精 (重要, 因為我係味精雷達, 冇過敏反應)2)  牛柳煲, 香口, 葱好食3)  砂鍋魚煲, 好食, 不過有點味太濃, 經理話係舖最好食, 最好賣的.    例牌人多唔夠分, 要叫多個4)  涼瓜...甘, 材料應該揀得靚5) 蟹蒸飯, 賣相唔食得都睇得, 咁都好食.6) 賽 蟹, 算係唔多油, 只係旦白有D "HI" 口7) 欖角炒飯好8) 其他肉排, 菜, 正常9) 推介- 雞, 唔怪得要四百幾蚊, 好食喎10）甜品為桂花糕，足料埋單同出面等位等到傻左又迫的酒樓差唔多，吃得開心。 服務：經理十分有禮貌

五年前，蕃茄醬剛與卡卡醬一起，又剛巧食友P及酒友C之生日飯局，於現址前身之"庭苑酒家中出會所"設宴4圍，當晚是第一次出席朋友生日聚會，一同祝賀兩位壽星，熱鬧非常，現在很難再組合當晚出席之人腳，因有去了外國的、有消聲匿跡的、有上YouTube的，當然仍有繼續大家食食食的，唉~~~好難可以再將原班人馬再一次重出江湖了，至於"中出"一詞，請不要意淫，其實是的縮寫。五年後，卡卡醬已成為蕃茄醬太太了，而庭苑酒家中會所已變成文華軒中出會所了，無變的仍是會員制，仍是主打順德菜。凡成為文華軒的會員，便可得到一支價值$398的西班牙酒，而其實加入文華軒成為會員亦只不過$398，更可以九折享用文華軒之午市及晚市消費優惠；另外，再可以九折在金殿海景宴會廳集團之旗下各分店享用晚飯消費優惠。今天因食友關係，再次中出，不過今次是午膳，先來一口順德、大良一帶的有名小食。牛耳是油炸的酥餅食品，是南乳味的，牛耳的南乳香同油香充滿口腔，我自己已消滅一小碟，在香港已不多地方有得吃了。Montalvo Wilmot餐廳的老闆本身是一名紅酒商人，主打西班牙紅酒，這支酒是需要breath的，但大家急不及待去飲第一杯，感覺是不錯的

這裡的粵菜尤以順德菜為主，堅持不加味精，菜式會有新意。餐廳在商業樓層低調經營，装修亦不算豪華，光顧的大多數是熟客。每個星期六都必與男朋友找一間坐上3-4個小時，餐廳開瓶費 $100 尚算合理。唯一缺點: 餐廳所有醒酒器底部仍有水，明顯是未有乾透就備用。但餐廳老闆本身是一名紅酒商人，他應該知道哪怕一點點的水都是會殺掉一支酒及影響其質素。為了善嚐紅酒為原則，這點恕未能接受。最後用一個普通的量瓶當作醒酒器。餐前小吃即切西班牙黑毛豬火腿併波蘿，佐酒最愛食物之一。但併波蘿有點奇怪。炸牛坑腩部長見我們自攜紅酒，推介一些佐酒食物。其實味道不過不失，沾點 "李派林喼汁" 吃。我倒覺得湯上比較令牛坑腩肉更 fully utilize其長處。虎蝦蝦子面推介這個，好吃。虎蝦肉腍，上湯汁味重，比較杰身，但配合蝦子面卻非常的讚，平時市面多芝士配伊面，這個 combination 非常少見。黑醋排骨繼西班牙黑毛豬後，無端端發現有一道杭州傳統的黑醋排骨。每顆排骨都給黑醋煮過，均勻，惹味。腐乳生菜不多介紹，夠火喉煮什麼也均勻、不會出錯。其實一間中菜餐廳的名字，沿用古時愛說吉利話、討口彩的風氣下，都會用上一個皆大歡喜的

《私たちの中出初体験》，是幾年前我來《中出會所》的感覺同體驗，大概是五年前了。《私たちの中出再体験》，我再次來到《中出會所》，再一次來感受一下這一個隱世會所的精美粵菜。大家一看到《中出》這兩個字，可能會意淫，其原因不想多說。正經地說，這一個《中出》其實是《香港中華出入口商會》的簡稱。多年前的初体験，冠名的餐廳是《庭苑酒家》，這次的再体験，會所以舊是《中出會所》，但飲食的環境，餐廳的級數已經大大不同，現在的餐廳名叫《文華軒》，格局比以前的《庭苑酒家》更高貴，感覺亦更加神秘，店方堅持不多加宣傳，而且一定要是《中出》或《文華軒》的會員，才有機會在此享餐。《文華軒》同《庭苑酒家》比較，感覺的確是煥然一新，以前的感覺，像一家小型的酒樓，現在的感覺貴氣多了，完全是一個高級會所中菜館的氣派。據店方所說，因為這會所名隱蔽，夠寧靜，私隱度極高，所以吸引都好多達官貴人的到來。這《中出會所文華軒》，主理的是廣東順德一帶的菜式，未起菜，我們先來一口順德、大良一帶的小點，叫牛耳，這是一個油炸的酥餅類食品，帶有很濃的南乳味，入口的第一感覺是硬的，再咬一口，牛耳的南乳香同油香一齊有口腔中散發出來，只可惜是這一個廣東

以前有看過食友到中出會所吃晚餐, 很好奇這會所是有甚麼可以吃的之前終於有機會來. 之前會所有甚麼我不知道, 但現在的會所叫做文華軒, 主打順德菜, 但亦有多款餐酒及黑毛豬可選我們被邀試午餐, 主辦方面安排得很好, 食物剛剛好, 不會過多, 每道都覺得很不錯花膠海皇羹足料的海皇羹, 花膠的味道蠻突出的, 湯頭有很濃的豬骨跟雞的味道有食友會覺得有點太濃稠, 但我覺得如果以羹來講就很剛好白玉紅凌漂亮的一道, 其實這是南瓜茸蒸豆腐大家都覺得味道很好, 南瓜的甜跟豆腐的豆香配合得宜. 但如果有一點的南瓜肉, 還有豆腐能切厚一點點會更好. 味道絕對是好吃的懷舊窩貼蝦很高水準的一道, 能做到好吃的蝦多士實在不多, 這裡絕對是做得好的其中一家!一咬下去是會吃到蝦膠的鮮味, 跟感受得到多士的脆身質感, 不油膩. 好吃得讓我想多吃一件, 推薦!順德欖角焗肉排我也很喜歡這個, 主要是因為他炸得很香很脆身, 而且外面的蜜配搭起來很好吃但欖角的味道可以再加強一點煎焗西江野生魽魚煲吃順德菜當然少不得吃魚, 這魚煲我想就算不太喜歡吃河鮮的朋友都會喜歡很香的魚煲, 因為裡面有蒜有薑有蔥, 搭配著鮮甜的魚肉一起吃, 味

這天的中午，我們來到這邊，品嚐了家的味道。這天享用了西班牙美酒，屬medium body。怎樣可以得到這支美酒?凡入會成為文華會的朋友，便可得到這支價值$398的西班牙的酒；而加入文華會亦只需$398；可享文華軒午市及晚市九折消費優惠；另外，更享有金殿海景宴會廳集團旗下各分店享用晚飯9折消費優惠。花膠海皇羹味道頗濃郁，湯頭膠質感十足，實在是女士的恩物呢；而當中的用料亦很新鮮，口感亦彈牙，不錯。懷舊窩貼蝦很久沒有吃蝦多士了，多士香脆不油膩；蝦肉亦算新鮮彈牙；如此懷舊的食物，吃著有否想起往事?白玉紅凌很喜歡當大的豆腐，非常幼滑；橙色的則是南瓜汁，顯得更清甜；而當中的菇則很新鮮美味；三者融合後，感覺十分健康。順德欖角焗肉排這肉排味道甜香帶酸，非常開胃；肉質軟稔，用來伴飯一流。煎焗西江野山魽魚煲魚塊很香口，這樣的做法，令到魚變得十分惹味；這個煲，用來伴飯應該都不錯的紅梅燴素珍很少腐竹是配蕃茄吃的，這樣子，腐竹變得更清新；而腐竹亦軟稔，頗喜歡的。蒜白籠仔蒸蟹飯用上了荷葉，蟹飯帶差輕輕的荷葉香，十分清新；而飯亦充滿了蟹的鮮甜香；飯粒亦分明，不會太乾，亦不會太濕；蟹肉亦美味，肉質彈牙，十分不錯。蛋白

早在五六年前，曾在未搬遷前的會所攪過生日飯局，當日兩位主角都已名成利就，當然替他們高興，然而當日另一外出位人士，左挑一碟、右拎一碟鵝肝，一臉得戚再同女朋友講：「呢兩碟我睇左好耐，最大件架！」女朋友一臉尷尬樣至今歷歷在目，而男主角近年更因在地下鐡同女士爭位，給人放上youtube而成為名人，真是十年人士幾翻身！而新店就在附近的商業大廈，亦以會所形式經營，所以人流不多。花膠海皇羹用料足，花膠切絲而滑溜，玻璃芡有點重手，中午時段不是喝例湯，感覺有點奢華啊！白玉紅凌可說是南瓜茸蒸豆腐，豆腐面再放上茶樹菇，其實清甜的瓜茸跟豆腐很配合，不過豆腐過於厚身，一舀之下便肢離破碎，而且醬汁又變得不足，如果薄身一點，味道會更突出。懷舊窩貼蝦屬於老店菜式，處理得好的不多，只見蝦膠緊貼多士面，色澤淡雅，沒有過多的油益味，咬一口，清脆俐落，泡油功夫到家，置底的吸油紙亦不見過多油積，非常到位。順德欖角焗肉排似乎名不乎實，肉排經油泡過反而彈牙，但欖角味道毫不突出，置底的洋蔥只不過是裝飾，用來送白飯還是可以的。說到順德菜，當然要有河鮮，煎焗西江野生魽魚煲原煲上，大量的薑蔥絲經一焗，怎可能不惹味？魚香四溢而肉質嫩滑，大

今日搞搞新意，同屋企人去試左個中式自助餐，本來諗住價錢咁平會冇咩特別選擇，但估唔到隨左有傳統點心蝦餃、燒買、叉燒包...仲有我至愛嘅懷舊馬拉糕同乾蒸牛肉!小食小菜都有唔少，我個人推介南乳炸金菇、椒鹽牛脷、九肚魚，雖然係熱氣左d，但都係忍唔住係咁食。兩老就比較鍾意食水蒸雞、魽魚煲、芥菜排骨煲。既然係自助餐，飲品當然任飲，但中式餐廳竟然有西班牙紅酒任飲~真係第1次見

跟UNCLE一家人去"中出會所"，名字好攪笑....原來係中華出入口商會會所 (好似係咁上下) anyway....繼小時候去過一d傳統酒樓食晚飯後，已經好少可以食到一d咁地度既中國食物。今次因為uncle 係呢度訂左位，所以一家人有機會食到 但後來發現原來唔係member應該都可以訂位的。今晚晚餐非常豐富，先有頭盤黑毛豬襯菠蘿??第一次食黑毛豬唔係襯哈密瓜而係伴菠蘿食，感覺都幾得意，uncle話其實好食既ham係唔駛襯生果，就咁食襯紅酒已經好好。呢塊ham油份好夠，好juicy，估唔到係中餐廳食到西餐野，都幾得意。另一樣中式主打係肉蟹粉絲＂保＂講真，肉蟹＂保＂好多地方都食到，佢出色既地方係用料好，會好靚蟹，隻肉蟹肉質好實好鮮，但當然一分錢一分貨啦，雖然唔知幾錢　整體上個＂保＂加埋入味既粉絲真係做得幾出色。另一樣係我最鍾意既虎蝦虎蝦肉爽都係正常，最鍾意佢伴蝦子面，可能係出面少機會試到，有fusion感覺，汁好似係上湯，但又有d creamy, 個人其實好鍾意食芝士多過上湯，但芝士太膩，上湯又唔岩食，呢個有兩方面既融合，都幾有特色。最後加多左隻燒雞，原本無乜expectation, 出

菜館的地方不大, 但是環境舒適及服務親切友善, 適合商務或私人聚會. 這晚不是品嚐他們的招牌粵菜, 而是菜館特意按主角喜好而安排的海鮮火煱. 無論是象拔蚌, 鮑魚, 蝦, 蟹, 魚, 蠔.....樣樣用料超新鮮, 看上普通不過的鮮茄豬骨湯底也美味非常(我們喝下幾碗), 便知道他們有多用心. 見到老友之餘又能品嚐可口的美食, 真係太滿足啦 .

朋友話上環有間新中菜，幾個一齊去試一下，店長介紹每日不同既無味精燉湯，一試果然好好味好足料。 是日叫大左 粉絲蟹煲~好香薑蔥味，粉絲入晒味，好食！ 乾坤豆腐~ 豆腐好滑 大蝦兩食~個蝦好脆，蝦頭椒鹽會好食些