敏華冰廳

營業中

休息中

放假同朋友打完波於是食返個下午茶先😋😋三點幾係敏華餐廳門口已經有十幾個人排緊隊啦，我地等左10幾分鐘就入得啦。好耐無食西多，所以我點左個荷蘭煉奶西多😋西多果然好味道朋友叫左個菠蘿油拼炒滑蛋😋，菠蘿油好經典，新鮮出爐，好香口👍🏻👍🏻👍🏻食完好滿足啊😬

讚：叉燒蛋飯好味，肉厚又鬆化！醬汁好，飯乾爽，簡單但做得唔錯彈：奶茶係負分，好嚡口；服務好黑面，有效率咁叫人入去但無效率咁幫人落單，叫左好耐先有人黎，等左三四個字又先見碟飯上，催單又黑面

今日喺九龍灣做嘢，出返去德福已經6點幾，所以就喺附近食埋晚飯先返屋企，平時敏華勁多人排隊，見未試過，就入去食!未入去食之前，以為又係果啲主打常餐嘅餐廳，點知招牌係煎蛋叉燒飯!咁當然係試招牌菜先啦!煎蛋叉燒飯，瘦叉少飯，好開心佢真係少碗俾我，平時其他茶餐廳明明叫少飯都係一樣俾咁多飯，搞到浪費食物，所以抵讚!雖然叉燒要瘦哦，但都係覺得唔夠瘦，有啲肥膏，但唔影響味道嘅，煎蛋亦煎得唔錯，蛋白邊係脆嘅，篤穿蛋黃撈埋啲豉油拌飯唔錯，仲叫咗杯凍奶茶，少甜剛剛好，茶味唔會太澀，如果多啲奶就更好，整體都ok!

敏華冰室，去到邊間都排曬長龍.好想食距既黯然銷魂飯.俗稱叉燒蛋飯.叉燒切得好大塊，而且係斜刀.估計係豬頸肉，上台前再用火槍燒一燒，超香口.絕對出色.菠蘿包常餐都唔錯.果然係招牌.而且對比翠X價錢都好街坊.

平時行開德福廣場都見到好多人排隊,只是試過外賣買左個菠蘿油,大部分包都是新鮮出爐,味道5錯.今日難得下午茶時段人5多,就入左去試下茶餐.坐低叫左個榨菜肉絲雞翅公仔麵,味道ok.雞翅好吃.不過呢度仲有個黯然銷魂飯非常出名,下次都可以再試下.

Cuz it is happy Friday, i went to MAN WAH to give it a try. I ordered the famous "黯然銷魂飯". It is out of my expectation and wortg the price $64The pork is juicy and thick. I luv the how egg york comes out and covers the porkWill try again

說到價格「敏華冰廳」肯定不是最便宜，但說到味道她卻可以說是數一數二，如計性價比，她甚至比附近任何的荼記為高！平時人太多時我只好放棄，當天難得看到德福花園店只有三個人排隊，所以當然立刻跟去。餐廳裝修較有特色環境不錯，雖餐廳不大，但感覺不會很壓迫。點了一客沙茶醬牛肉公仔麵，配牛乳炒滑蛋及厚多士及茶走一杯，牛肉鮮嫩不韌，與沙茶醬很搭配，滑蛋真的很香很滑，比附近任何一家茶記都好吃太多，加上厚多士配牛油真的好吃的難以形容，茶走則貼心的讓客人自己加煉奶，以這個價格食到這個質素確實無話可說！臨走前聽到菠蘿飽剛出爐，買了一個嘗一下，剛出爐的就是好吃，餐廳人流這麼旺確是充滿道理的！

今晚路過，見人龍不是太長， 即管排隊一試，等了不久便有位。聞名已久的黯然銷魂飯終於遇上了煎雙蛋飽滿的鋪在飯面，揭開下面，是幾片肥瘦適中，香味撲鼻的叉燒飯粒軟硬適中，豉油不是太多，剛好令我吃完了這碗飯。吃完了整整一大碗飯 ，胃和心都充滿了滿足感， 實在令人輕鬆愉快， 埋單50個大洋 ，實在超值， 以後一定常常來

敏華冰廳位置在德福廣場一期1樓，上電梯後非常容易找到敏華門前有麵包可以供出售，有興趣就留意一下時間（7:00 - 18:00)店內掛著不少冷廳的歷史事蹟敏華冰廳前身為文華冰廳餐廳環境乾淨，位與位之間位置闊絡食品以早餐、常餐、茶餐（輕食）為主，唔夠飽可以食特餐會較飽敏華的推薦套餐(暗然銷魂飯)當然要一試。暗然銷魂飯(餐) - $60暗然銷魂飯簡單一看便是叉燒煎蛋飯。厚切的半肥瘦叉，燒得非常香口，咬落有口感，自家製作果然唔錯。煎蛋煎得不算太香，但重點係佢既蛋黃，還是流心的。先將流心蛋蛋黃捅穿，讓細滑的蛋汁流出配上他們自家調的頭抽與香米混合一起進食，美味無窮！凍奶茶（餐加 - $3）奶茶味正常，奶味及茶味正常，解渴之選。

相信唔少人都知間嘢原本叫文華，開頭喺第二區見到同樣嘅招牌但叫敏華，仲諗緊係咪有咩生意糾紛，原來係避免同某品牌混淆為上市舖路 (好似係)。分兩條隊，面向舖頭條隊係俾大家買包。貼牆嗰條隊就排入餐廳，長期有人，齊人先可以入座，亦間中有人搏大霧直接衝入去，但通常會俾人叫住。餐廳嘅做法係先安排 1 至 2 位嘅入座，佢哋應該有方法判斷嘅，但 3 位以上真係等好耐囉，見一大堆人入咗自己都仲未入得。菠蘿包 - 次次都新鮮熱辣，以前個喇叭係咁大叫菠蘿包仲有X分鐘咋，而家冇再播，耳根清淨 蔥油雙蛋豬扒飯 - 大大塊 juicy 豬扒，切開飯面嘅蛋黃再配啲蔥油，正呀

同樣的菠蘿包但唔同分店竟然有唔同水準..............我果日係旺角間敏華試了一次,水準好好咁我去德福又見到有間分店,我馬上買兩個試點知水準差過旺角好多這一間我見到D包幾多,我以為剛剛整好.......這間敏華的菠蘿包偏軟,而且又唔夠熱,我以為同一集團水準可以保持到點知落差咁大唔通得旺角間敏華D菠蘿包先好食?完全係兩個菠蘿包就算你話係兩間唔同的店我都信10分滿分味道:6/10香味:6/10外觀:7/10抵食度:5/10

「忌廉雞湯火腿通粉」❤️「炒蛋拼多士」食番嗰靚早餐先叫做Good morning💕💕嗌左通粉配炒蛋多士，滑蛋又大份好正呀炒得，算係咁多間有名既茶餐廳炒得好食既一餐配埋牛油厚多士好正囉凍奶茶茶底好靚，係杯有質素既奶茶☕️飲得出茶底香濃！ 唔會苦劫😚😚😚❤️沙茶醬牛肉公仔麵❤️「炒蛋多士」，認真無得輸既沙茶醬牛肉，招牌牛肉果然係出色啲😍😍牛肉係新鮮既，無筋既每次黎到必嗌既，食過番尋味既。。。

之前成日經過都見到佢賣哂廣告去promote 佢個主打菜式，就係暗然銷魂飯 $50，咁今日有機會就試下有幾暗然，同埋有幾銷魂啦。暗然銷魂飯，說明點，就係一個叉蛋飯，要50蚊，係而家黎講，都未至於貴到離地，但絕對唔係平，希望佢做出黎既味道對得住佢個價錢啦。先講叉燒 佢係半肥瘦既，厚切，燒得都算香，味道口感都好過唔少燒味店，唔錯。煎蛋 有點失望，煎得唔夠濃邊，因為做得叉蛋飯，隻蛋要濃邊係好重要同埋基本，有d估唔到佢連呢一點都做唔到。總數黎講，都食得過既，但真係唔算平。

今次難得唔洗排隊 食左個暗然銷魂飯 食食吓先記得影相 太肚餓 超好食🤩 🤤自家製叉燒，大大件易入口，厚切，唔會太多肥肉，口感豐富，肉既邊專登整到有dd燶，有烤肉既香，咸甜適中，正呀，比一般燒臘店嘅叉燒出色好多🤤粒荷包蛋大大隻，一叉，蛋汁流出。另外佢個豬潤米粉都好好食#文華冰廳 #文華暗然銷魂飯#暗然銷魂飯#愛吃的人只着重食物的味道🥴#平時九龍灣德福真係冇咩好食今日見冇咩人第一次走入去呢間餐廳#第一張相係借圖呀唔好意思#第二張就自己影因爲食左一半喇人均消費：$60-100好味指數： 1️⃣2️⃣3️⃣4️⃣5️⃣6️⃣7️⃣8️⃣ 8.5/10分地址：敏華冰廳 (九龍灣)九龍灣偉業街33號德福廣場一期1樓F28號舖#hkfood #hkfoodstagram #hkfoodieblogger #hkfoods #hkfoodielife #hkfoodie #hkfoodpic #ctfoodie#hkfoodshare#cteateat#cteateat_九龍灣篇

這間敏華冰廳， 好似前排係叫文華，唔知點解而家改左名🤔裝修都幾靚，但是係之前食過一之文華係用平板自己落單可以要肥/瘦义，改名後連這個都係了，轉番人手。今日行過見唔係點洗排隊，就食呢間啦。黯然銷魂飯係招牌，黎到梗係要試一試啦👻 有雙蛋煎得幾好，蛋黃未熟🍳，最岩梗為混合飯🍚一齊食啦🙌 义燒有4塊厚切，表面甜甜地，但略嫌 “鞋” 左少少同食到少少筋位。我覺得上面同白飯底部都有的頭抽係成個飯的重點，味道幾好幾香，唔似普通豉油👍🏻整體黎講都尚算合格。