敏華冰廳

營業中

休息中

見好多人排隊，D野食相又幾吸引，就試下食呢間野～不過都排左20分鐘先有位，好彩係商場入面排，就唔會好熱💦首先叫左一個沙茶牛肉公仔麵拼滑蛋雙腸同埋歐式軟多士($52)，個滑蛋係幾唔錯，好軟好滑，條腸就冇咩特別，白恰咁😅 個麵包都係普普通通～但個沙茶牛肉公仔麵都幾好食，牛肉唔韌，沙茶醬都幾惹味，同埋佢公仔麵既份量算適中，食完成個餐都夠飽👍之後就再叫左個敏華黯然銷魂飯($52)，見好似係招牌野，就試下～個叉燒好厚切，幾surprise!!😋 同埋隻蛋竟然係雙蛋，份量十足!  同埋佢個醬汁幾特別，甜甜地～最中意食既係個自家製菠蘿包($7)，超脆!! 正過好多麵包舖～ 值得食! 整體黎講食物唔算好平，又多人排，所以唔會成日食，但都算有水準👍 

晚餐想平平地食茶記，就近近地揀左敏華冰廳。呢間餐廳長期都好多人排隊，不過等一陣就有位。我揀左黯然銷魂叉燒飯套餐，叉燒都燒得幾好食，加$6可以配忌廉溝鮮奶，仲係樽裝奶，幾好飲。

每一次都要避過食飯時間先可以過嚟食，無論咩時候我都係嗌常餐。沙嗲牛肉公仔麵配炒滑蛋多士，最鍾意飲呢度嘅凍奶茶。沙嗲牛肉味濃，公仔麵煮得軟硬適中。加埋辣椒油一流。炒滑蛋同多士不過不失。奶茶好有茶香，入口好滑，推介

老實講，淨係講廚藝，佢呢個蔥油煎雙蛋豬扒飯真係幾好食既，而且$50都唔洗又真係幾抵。塊豬扒煎得好香，就算係咁大塊咁厚肉地都能夠鎖住肉汁，食落啖啖肉又冇乜肥膏🤤。 我本來以為佢隻蛋一定係煎到熟哂，點知嚟到係兩隻流心既荷包蛋😍加埋佢啲甜豉油，用嚟撈飯真係不得了！不過，食物再好食都不及良知醒覺之美，知道佢係太興旗下之後就冇再食過，都係食返地區既良心小店同茶記好！希望愈嚟愈多食店可以效法加藤屋，見到而家吉x家咁少人就知風雨同路幾重要......本來香港既服務業就係服務香港人為主，如果你要怪點解無生意，就怪嗰個令你地客源單一化既體制同你地自己，因為香港人需要你既時候，你一手fing走我地，咎由自取。

午餐時段客人絡繹不絕，我幸運地等了15分鐘便有位。這次在餐廳裏點了蔥油豬扒煎雙蛋飯，豬扒比我想像中厚。濃濃的蔥油滲入白飯及豬扒，十分惹味。豬扒肉質柔嫩，不會煎得很乾身。我點餐時刻意點了太陽蛋，把蛋黃破穿混合白飯，再加上一小口的豬扒，口感一流！.餐後我也點了一客菠蘿油，可惜菠蘿包不是新鮮出爐，未能及時用熱力融化牛油，口感一般。.記憶中那碟豬扒飯價值60多元，雖然價錢比普通茶餐廳貴，但我絕對物有所值！

第一次去，貪新鮮試下,，一試就中伏。叫了一個扣牌的豬潤牛肉米粉，$59。豬潤明顯煮太耐，又韌又硬，湯底太咸，似係即食面湯包。至於個粉，都冇問題既，係份量太少。惟一正常係牛肉，不過得3塊。只能話，冇下次，麥當奴仲好食過佢。浪費了我$59。

Their famous cha siu with egg rice is the best!! The cha siu is so soft and the cha siu sauce seeped through the cha siu tastes perfect!! The egg was cooked perfectly and there’s two of them!! Also tried their pineapple bun. I usually don’t like bread but even I liked it! Yum yum!

今日初到德福工作，要食早餐但甚少嚟呢區，行行下，早上7點半見一間餐廳排哂隊，心諗應該唔差，排埋一份，因為一個人關係，等左3分鐘就有位喇，早餐都係果啲啦。但我眼見人地果啲最特別可能係佢嘅跟餐歐式軟多士，我見真係好軟熟，牛油亦唔係平時茶餐廳嘅一塊獨立包裝牛油，而係唧花直接上多士面的，幾特別。我自己叫左最愛嘅菠蘿油配炒滑蛋同埋熱奶茶。蛋味濃郁又夠香滑，旺角冰火菠蘿油好大個，由於餐廳自設現場烘焙，所以新鮮又夠脆，菠蘿包挺直又脆，賣相靚。

嘩呢間野係香港近年來開到緊有一間喺左近，放假梗係要試一試。要排隊就預咗㗎啦不過因為我哋只係得兩個人嘅關係，所以好快就輪到我哋入去啦。叫咗個火腿通粉早餐，但重點當然唔係食佢火腿通，而係非常出色嘅炒滑蛋，好重嘅牛奶味，而且入口非常嫩滑。仲有好脆嘅多士，亂粒粒嘅多士一查牛油即刻融化，食落口係滿足的感覺！但火腿通呢就不過不失，只能夠話唔好有太大期望。飲品方面都係好普通嘅嘢，如果唔係飲佢出名嘅熱奶茶，基本上其他嘢飲同出面嘅茶餐廳係冇分別。

每個星期日，敏華門外都會有好多人排隊食早餐，除左佢有新鮮出爐嘅菠蘿包同叉燒包外，沙茶牛肉麵同炒蛋都深受大家歡迎。今次叫左沙茶牛肉公仔麵配炒滑蛋及歐式軟多士同旺角冰火菠蘿油拼炒滑蛋。等候嘅時間都比較長，見到隔離枱比我地遲入離，但上餐時間就比我地更快。隔離枱差唔多食完，我地點嘅餐先到。聽到侍應話亂單，所以要咁耐！野食終於離到，我急不及待試佢個沙茶牛肉公仔麵，沙茶醬好香濃，唔會因爲浸左係湯而變淡左味道，牛肉嘅分量適中。炒滑蛋唔係街邊成日食到個隻味，佢加左牛奶去炒，所以蛋好重牛奶味，多士有烘底。另外，菠蘿包係新鮮出爐，外皮好脆，加埋一片厚厚嘅牛油，食完好友罪惡感！

在附近吃完飯，肚子還有一點餓，難免再想在附近覓食，原先想在麥當勞買一個豬柳蛋漢堡充肚子，但剛行過敏華冰室，就看見新鮮出爐的菠蘿包在焗爐拿出來，於是馬上排隊，買了兩個來吃！店員很細心將兩個麵包分開兩個紙袋，很細心的哦！打開紙袋，一咬下去，麵包鬆鬆軟軟的，皮十分脆，雖然沒有菠蘿在內，但已經足以令我夢然魂牽！ 下次會再親臨嘗賞黯然銷魂飯！

門口非常吸睛，一排舊式的收音機大哥大在牆上掛著，店內的角落藏著一堆復古小物，很有上世紀香港電影裡經典畫面的感覺。進店必點的是敏華黯然銷魂飯，幾大塊叉燒配上流心蛋完整鋪在飯面，加上獨有的醬料，外脆內軟肉汁豐富的叉燒伴著飯吃，超大的滿足感，一天的疲累被這碗飯妥妥地治愈了！

下午茶嗌左個菠蘿油炒滑蛋、榨菜雞翼米同埋黯然銷魂飯滑蛋好滑，應該加咗啲奶炒，菠蘿油好彩舊牛油唔算好厚唔係肥死菠蘿皮夠鬆脆呢個第一次食有驚喜喎 湯底本身好夠味，米粉唔係普通嘅，係少少透明。雞翼唔會好細隻 夠入味第二次食，今次隻蛋熟左啲，我鍾意食流出來的蛋黃多啲叉燒有啲太肥，食到好多肥膏

無論早午晚，尤其流感季節未病但又無乜胃口但又想食好野時，就一定會諗起敏華冰廳。簡直係我地香港的all day breakfast~ 住係地鐵商場上蓋，以前真係無咁方便可以食到茶記，但依家商場入面都開左，非常開心～ 想幾時食都得。美味的炒蛋為疲憊的身軀帶來力量。火腿通粉係一如既往咁好味，湯底濃郁I like it~ 是我喜歡的味道。再加多杯熱奶茶，真係不得了。不是度度都沖到一杯好奶茶，這裡有香港人的味道。通粉+炒蛋多士+奶茶，這個配搭真係百吃不厭。食食下，有廣播係新鮮出爐的菠蘿包，其實未廣播前已經聞到陣陣包香，聞到都已經流哂口水。臨走梗係打包返個做下午茶na~ 好特別有榴槤菠蘿包，鐘意食榴櫣的朋友真係萬勿錯過。

話說今日要去九龍灣附近返工咁lunch就去德福睇吓有咩食先，見到敏華冰廳就入去試吓。要了沙茶牛肉公仔麵拼滑蛋雙腸及歐式軟多士$52 再加凍奶茶$3。沙茶牛肉公仔麵個沙嗲汁真係好好唔似一般茶餐廳啲沙嗲咁淡味，公仔麵唔會煮得太un或太淋。炒蛋好有牛奶味好食過華星冰室嗰啲多多聲，腸仔煎得唔錯唔會太窿，多士整得好脆口加上牛油真係超好食。特別要講下杯凍奶茶佢唔係直接落冰係啲奶茶到，係冰鎮嘅咁樣做就唔會溝淡奶茶嘅味道非常抵讚。