拾壹麵 (已結業)

這是一餐兩父女的好好味晚餐。佐敦街坊, 因兩父女都想食麵, 行下行下, 就發現咗呢間小店。( 老實講, 平時真係唔知, 亦都唔覺眼有依間店鋪。)街坊生意, 小店經營。服務親切、有禮。應該是台式食品。屬於街坊價。爸爸食: 原味湯底鹵水五花腩幼身烏冬湯底冇味精, 好好味。五花腩睇落有啲肥, 但係食落又好舒服, 鹵水味道好濃郁。 幼身烏冬彈牙爽口。未滿3歲囡囡食: 原味湯底魚片頭日本拉麵都時冇味精湯底, 魚片頭新鮮, 拉麵彈牙爽口。自家製無花果雪梨茶(凍) - 正氣、健康好飲。總括嚟講呢間小店 - 冇得彈!

好鍾意食車仔麵, 但每次食完都好口渴, 要飲返好多水先舒服。聽朋友話佐敦有間用足料老火燉湯做既台灣麵, 一於黎試下佢個湯底。地方唔太大但高朋滿座, 檯上放了點餐紙和筆, 系自助式叫餐。只是見麵既種類, 都已經有十幾款, 超多選擇。我就點左佢既招牌豬潤麵, 再加台灣香腸同老水豬大腸, 配上米粉。先飲一啖湯, 真系原味老火湯黎, 好正。豬潤咬落好爽唔易散。但最好最好味既, 都系老水豬大腸, 非常入味。朋友點左豬手加肉燥同韓牛, 配上韓國粗粉絲。豬手夠腍又入味, 好大件。牛肉就分唔出系咪韓國, 因為我地都唔系牛專家, 麵底就唔錯, 可能系粉絲關係, 所以索晒湯汁, 好味。除了麵之外, 我地仲點左幾款小食。蔥油小圓餅, 一口咬落去就爆汁爆饀, 好juicy。老水雞中亦, 唔洗我多講, 一睇就知好入味。陳醋木耳, 酸酸地又爽脆. 好開胃。口水雞, 麻辣度適中, 雞肉夠滑。

叫左台式牛肉 魚腐 台式米線 要無味精清湯叫左杯洛神花茶，酸酸甜甜，好飲中午人係佐敦，唔知食乜，開OP睇附近有咩好食，見到呢間有折買餐飲券，就呢間啦！第一次幫襯，企係門口，買左餐飲券，睇左條款先買，一坐底話我會用，個侍應哥哥話唔得，晚上才可用，半信半疑，諗住算，但我唔會係佐敦食晚飯喎，仲要特登黎，攞手機睇多次，唔係喎，寫11:30開始用得喎，比哥哥睇，佢唔出聲，個侍應姨姨見到，話用得，話哥哥新黎唔知。唔知唔緊要，但唔好答人唔得囉！不過姨姨好有禮貌，哥哥就....新人囉，無乜反應果啲。如果個哥哥你睇到呢篇野，唔洗嬲，新人嘛，我明白，但記住唔好亂答個客囉，唔知就問同事啦！

呢度嘅車仔麵，最特別嘅就係佢嘅湯底，係全天然自己煲嘅，冇落到味精，好正氣，好有返屋企飲湯嘅味道。食麵之前叫咗口水雞，口水雞就辣汁係調過味嘅，又辣又麻，而且雞肉嫩滑。車仔麵嘅相我自己揀咗煎蛋，牛肉，豬膶，同埋台灣香腸配台灣新竹米粉。先來飲一啖湯先，湯底好有老火湯嘅味道，配上少少薑絲，感覺好健康。豬膶沒有怪味，而且好入味，非常爽嫩。香腸係輕微烤過嘅，好友台灣風味，入口重帶少少甜味。同行嘅朋友就點左紅燒牛肉配烏冬，牛肉炆得好淋好惹味，烏冬就好彈牙如果你係鍾意食辣嘅，呢度仲有三款嘅調味俾你㗎

今天突然好想食豬肝面, 專登又到這小店! 見到它們有新每月限時加喱牛腩撈面和新推出芒果紫薯奶凍! 十分有誠意!!今天特別點咗豬肝豬大腸面, 韓式牛肉泡菜五花腩肉米粉..... 豬肝和湯底依舊保持水準, 滷水大腸十分冧滑和乾淨, 炇得好入味, 韓式牛肉軟滑且有少少辣味, 配埋湯底天衣無縫。試埋個新出甜品, 外型別緻, 果味濃而紫薯香, 奶凍味清甜, 做得比好多甜品店都出色!!大大碗面, 三十幾蚊一碗, 超值!

放工行過油麻地見有d餓就去食個麵先見呢間裝修幾乾淨又新又好似幾多款可以挑同埋雙拼先$38而且仲有小食食有雞翼有餃子等等啲款式都好多而且啲小食都好吸引平均啲小食十幾20蚊仲有自家製飲品連豬潤都有得食來到是自己攞張紙寫嘅非常方便有10幾款小吃室內環境好乾淨清潔食車仔麵都可以好relaxing呢個酥炸墨魚丸上檯的時候熱辣辣份量都算多而且幾大粒而且非常香脆上邊加左少少鹽同芝麻簡直係錦上添花入口仲要好彈牙太好味夠爽口麵我就點左牛肉同煎蛋牛肉唔會好硬份量都幾多而且個麵的質地剛剛好～有菜同埋蔥花加上湯底都香濃

老公知我好鐘意食麵，今日話要帶我黎試新嘢就係位於佐敦嘅拾壹麵！自選形式十分方面，大多是台灣特色食物！而且麵類種類繁多！最重要的是純天然湯底，不含任何味精！於現今飲食行業來說也算是難得！今次我就點左雙拼上海麵加台灣腸同豬潤($38)豬潤非常新鮮！而且台灣腸也是十分地道！湯底也是非常鮮甜！一定必試！而老公就點左雙拼讚岐烏冬, 鹵水豬大腸和回味豬手！($44)豬大腸入味不在話，豬手也是一流！鹽酥雞中翼($28/5隻)雞翼十分香脆而且入味，可以一試！酥炸墨魚丸($25)也是香口非常！值得一試！新界油菜($11)十分抵食之餘非常新鮮！今次叫左芥蘭，非常爽甜！飲品方面我就點了自家製無花果雪梨茶，而老公則點了自家製山楂落神花茶($12)非常生津解渴！是日晚餐十分抵食，二人埋單食到捧著肚子走也是$179! 絕對是健康抵食之選！

行左老遠，為的是吃一碗車仔麵。你可能會覺得唔啱，但今晚我行街由旺角行到佐敦，為的就是這個近來很出名的車仔麵。這間叫拾壹麵。這裡說是非常有名的就係豬潤麵，我唔夠膽同維記對比，始終是兩回事，這裡以車仔麵為主。減肥的情況下，我只能吃生菜豬潤米。首先，一定要講那個用豚骨、雞和多種香料做成的湯來弄出個精彩的湯，沒有味精，但味道很濃，掛湯一流，我叫的米粉就大派用場了。豬潤的確是精選，一點腥味也沒有，乾淨俐落，雖然不是厚身種類，但吃下去綿綿的豬潤香可口得很，而且件數多，一點也不孤寒。菜也不會用太多油，清菜更令人覺得像在家煮東西一樣。而且呢度仲有3仲辣醬俾你揀，由小辣的大排檔辣椒醬，到中辣的潮州辣椒醬，到大辣的骷髏頭辣椒醬，任君選擇～我平時食開10小辣，潮州辣醬已經夠刺激惹味了！看見隔離枱叫的小食好正，我也點了一個台灣腸和木耳。木耳夏天食就勁適合，涼快又酸酸的，前菜食好適合。然後的台灣腸，絕對是挑起我對台灣的掛念，那個腸燒得香口，店員細心切俾我地食，不過我還是覺得一條食最好最滿足。每樣都做得不錯，而且價錢好平！係佐敦行開，係簡單晚飯的好選擇，就算行十幾分鐘來也值得。

呢度嘅車仔麵，最特別嘅就係佢嘅湯底，係全天然自己煲嘅，冇落到味精，好正氣，好有返屋企飲湯嘅味道。食麵之前叫咗口水雞，口水雞就辣汁係調過味嘅，又辣又麻，而且雞肉嫩滑。車仔麵嘅相我自己揀咗煎蛋，牛肉，豬膶，同埋台灣香腸配台灣新竹米粉。先來飲一啖湯先，湯底好有老火湯嘅味道，配上少少薑絲，感覺好健康。豬膶沒有怪味，而且好入味，非常爽嫩。香腸係輕微烤過嘅，好友台灣風味，入口重帶少少甜味。同行嘅朋友就點左紅燒牛肉配烏冬，牛肉炆得好淋好惹味，烏冬就好彈牙如果你係鍾意食辣嘅，呢度仲有三款嘅調味俾你㗎

用上平民價錢就可以食到星級美味！沒想到麵食都可以味道咁有水準，但定價卻係幾十元，加上無味精但卻食落好有味，真令人回味。環境好乾淨舒服，如果你都想食要早去，再遲下要等位呢個設計令我好喜歡，吧枱設計，一個人都唔尷尬除了無味精湯底的車仔麵，這里的自家製無花果雪梨茶(HKD15/杯)更是滋潤之選，有冷熱選擇，我也飲了兩杯，不過個人感覺凍比熱的甜少少，但熱的有點微酸，不過每人口味不同，因友人較愛熱的另外喜歡開胃酸酸甜甜的，可選擇同樣是自家製的山楂洛神花茶(HKD12/杯）亦都有凍熱同價呢到仲有好多小食，個人好喜歡泡椒鳳爪HKD18辣又唔過辣，恰到好處，而鳳爪好入味好食陳醋木耳HKD15酸中帶點花生香同芝麻香，好開胃終於來到主角招牌無味精湯底既麵食必點的豬潤同牛肉，由於無雪過夜，食落好新鮮又無雪味，個人特別喜愛牛肉，好滑，而麵的選擇有11種之多，我揀左台灣米線，食落比我地平時食到既更滑更幼而湯底完全滲入米線入面超好食，想不到湯底無味精都可以咁好味咁出色我已經同朋友們介紹左，遲下拉大隊再食過先！另外補充少少，問過店家原來無味精既湯底係要配上無鹼性的麵，所以所有麵都係無鹼性！

收左工同男朋友去旺角睇戲因為呢排成日出街食好唔健康所以今次特登上網search下d健康小店俾我地搵到間堅持無味精湯底既車仔面呢間店叫做拾壹麵 係油麻地果頭地方唔算大 但勝在乾淨佢地既招牌係冇味精既湯底，有d似媽媽煲d老火湯，飲落好舒服好正！我揀左上海麵同鮮牛肉麵質爽口彈牙 而不得不提 個牛肉係亮點好林好鮮甜而男朋友點左米線加豬潤同花枝丸豬潤係必食 大推！小食點左蔥油餅其實食落個感覺似韮菜餅多d煎到好香金黃色 而且皮薄多汁 大推另外點左口水雞同鳳爪口水雞肉質可以但略嫌唔夠麻辣 鳳爪都幾好食飲品仲有自家制無花果茶酸酸甜甜 夏天飲夠哂開胃總括黎講真係平靚正 好食又健康

今日同個朋友係油麻地買完野一路行一路傾計傾傾下就黎到佐敦真係唔好睇少女仔既吹水能力行到咁上下就肚餓行到呢間麵店附近見到都幾岩食而且都算平就入去食 呢到都有好多唔同既餸同麵揀睇到我都1516好多都想食所以就同朋友叫左兩碗麵同小食share 行到熱辣辣就當然要飲下野我地叫左兩杯自家製飲品自家製無花果雪梨茶同山楂洛神花茶雪梨茶既味道清甜聞落有種淡淡雪味都幾吸引 而山楂洛神花茶既山楂味好重對比之下洛神花味唔算好出要飲真D先試到味道酸酸甜甜兩種味道溝埋一齊好似酸梅湯不過會比普通酸梅湯更加清香甘甜岩晒咁熱既夏天飲可以消下暑可惜杯野飲唔夠凍凍d仲正  係我地等既食既時候小食就到左唔知係咪我地行得太多所以好肚餓叫左好多小食同埋因為都好平所以都叫多左鹽酥雞中翼既表層好脆以為鹽酥炸過既食物就會好咸但呢個唔係食落d肉好滑好好味而鹵水雞中翼相對上無咁嫩但都好入味 另外我地都叫左個酥炸墨魚丸呢個酥炸墨魚丸冇落粉炸食完都唔會好似其他炸野咁熱氣外皮炸到金黃色好吸睛食落外面個層有D似炸魚片頭好有油香墨魚丸唔算好彈牙但好有魚味 我地叫左一個重口味同一個清淡既線食一個係午餐肉生菜爽滑米線雖然兩個餸都唔算特別但係加埋湯底有

這天來佐敦探望朋友，朋友推介了這家吃麫食的小店，便一起來試試了。小店在商場的另一邊，再加上店面不大，看上去一點也不起眼。進到裏面，發現這裏的裝修也頗為有趣。這裏的椅子並非一般麫店的傳統木椅，反而是用了類似酒吧的高椅，在這樣的環境下顯得新奇。再加上這裏的牆身用了軟膠，看上去是磚頭但原來靠在牆上很舒服，帶着小朋友也不用怕弄傷。很快，在店員的推介下，我和朋友各自點了一個麫食，再點了一些小食和飲料，便邊聊天邊等了。首先送到的是自家製的無花果雪梨茶(凍)。剛送到時發現沒有冰，在這炎炎熱日之下感到不太吸引。而喝下去，雖然還算是冷的，但始終沒有外面凍飲那麼涼快。不過或許正因如此，喝下去時無花果和雪梨的味道十分清晰，無花果的甘香和雪梨的清甜味道混和在一起，再夾雜着一點點茶甘，也能為這熱天帶來一點涼快。當然，假如能多加一點冰就更好了！其後先送到的是陳醋木耳。這是一碟冷盤，在這種天氣下吃真是適合不過了。而且木耳爽口，再加上相信是自家製，由陳醋混合花生醬製成的醬汁，真是一流之作。陳醋本身的酸味和香味已很開胃，再加上花生醬的油香和滑溜的口感，令我和朋友都吃個不停。很快，我們二人的麫食便送到了。我點的是「咖哩牛

夏天到啦天氣熱，想食返碗面濕濕口。經過附近見到店員話佢個湯底好特別，完全冇加味精，咁少見就試吓啦。我自己就叫咗個金牌豬膶，滷水豬大腸，古早回味豬手，配蝦籽粗麵。豬膶爽脆粉嫩;大腸睇個顏色就知道好入味，香羶不肥膩；豬手炆得夠火喉，充滿滑溜嘅骨膠原，正。湯底就好似屋企媽咪煲嘅豬骨湯咁，清甜唔會過鹹，飲多幾碗仲得。蝦子粗麵完全冇鹼水味，煮得軟硬適中，唔錯。朋友就叫左滷水五花肉，台灣紅燒牛肉，豬手配爽滑米線。五花肉肥瘦相間，個皮q彈煙靭，滷水夠香唔鹹。燒牛肉入口即化，醬汁惹味。米線滑得來有咬口，朋友讚好。因為都係晚餐時間比較肚餓所以就試咗幾款小食，鹽酥雞中翼，睇落去就平平無奇，但一用筷子夾落去就知道出色，個皮脆到不得了，而且入邊勁多肉汁，嗰陣時要小心燙到！咁juicy 明顯地係生炸嘅靚雞翼，少見！蔥油小圓餅，估唔到入面有豐富嘅肉汁，講緊多到好似小籠包咁上下，餡香皮又薄，正！陳醋木耳本來以為同出邊嘅冇乜分別，但原來佢嘅醋係特別調配過，加上小小嘅辣椒，開胃到不得了！必食。簡簡單單幾個小食同面都食得出廚師嘅用心，同埋功架十足！要再嚟試多幾款小食先得！

係OPENRICE 搵食, 大多數人都會睇排名或人氣熱店, 而我就鐘意係最新食評個度睇, 睇下人地食左D 乜, 咁岩個日就睇倒依間, 經過就決定試下 蔥油小圓餅$18 煎得略脆, 入口有湯汁滷水豆腐 $12 黑滷水味濃, 豆腐表面都仲有D 脆, 豆腐入口滑, 比一般食開既潮州滷水豆腐更好食時菜本身叫生菜黎左菜芯, 但係煮得過火左, 菜芯太淋車仔面(滷水豬大腸&台灣腸)韓式粉絲 第一次食放左湯既韓式粉絲, 好夾而且吸收晒D 湯好味, 順帶一提湯底無味精, 湯用雞、乾貝、紅棗、老薑等熬, 食完絕一D 都唔口渴, 而且真係老火湯咁既味忍唔住飲多2啖滷水豬大腸大腸入味, 而且用台式黑滷水, 入口帶少少酸味, 而且滷得好淋唔會咬唔爛, 分量都算多台灣腸 正常貨式, 冇驚喜, 只係本人鐘意食車仔面(滷水豬大腸&豬潤)蝦籽麵豬潤豬潤爽脆, 新鮮無臭味, 比深水埗X記更好食蝦籽麵煮得太耐, 麵身太淋, 唔彈牙總括黎講所有食品都物超所值, 值得推介 希望老闆遲下會推出更多新菜式可以比我地試