拾壹麵 (已結業)

食得嗱喳麵，有少少預計了是在嚐重口味的東西。平民嘢嘛，大眾的口味都是吃味較濃重的物事....不過時至現在，吃得清爽健康是飲食的大潮流，就連車仔麵也不例外。好像今天，我就在這人氣店中食到了碗味道相當清的麵....最近食車仔麵，若有得揀的話小弟都會嘗試點除油麵以外的選擇。吃了那麼多年油麵，總要試試嚐新試下新嘢的。新竹米粉口感煙齦極易吸味，不失是一個理想之選....配料方面，除了慣常的豬皮魚蛋豬紅外，我往往很喜歡點些另類中但又頗常見而又傳統的配搭。好像今天吃的豬潤 + 蘿蔔 + 豬手便是了....麵一上桌，就發現這原味湯底無論色水以至味道都甚清澈淡泊，喝多兩口都不會有太大負擔；豬潤是起黃沙的但就略覺有丁點硬；蘿蔔清甜沒渣一入口就溶掉了；豬手號稱叫作"古早回味"，食落跟普通的南乳豬手實際無太大分別，肉倒是甚爽彈且夠味的....友善的阿姐向我推介這裡的無花果雪梨茶，小弟本不想叫，但看她誠意拳拳，就免為其難點了....熱騰騰的一杯雪梨茶，不太甜而非常有屋企feel，喝得出是自然冇添加之作....說到小弟曾嚐過的一眾車仔麵舖中，論到健康程度就以這兒居首了....

行入小小去搵食，黎到呢間~拾壹麵~門面睇落去好光猛，比人好乾淨，企理既感覺，一個人入左去，四人位置，同兩個女生搭枱坐。雖然係搭枱坐，但感覺唔會好迫，車仔麵唔算係好多餸揀，我揀左呢兩個餸，都係唔錯既選擇，個湯好味，真係冇味精既~個蛋有驚喜，唔會熟曬，個蛋黃仲有啲流心架，豬潤唔會好"un"，抵讚整體黎講呢餐都有驚喜既。旁邊搭枱既女仔，係食"花膠麵"，都見到有成塊花膠係道，下次可以試下。鋪頭員工得兩個一個落單，樓面，令一個就煮食既，要得得耐少少先野食。同埋份量就小左啲。

我鍾意帶老婆阿仔食車仔麵, 因為大家都可以各自選擇自己中意GE配料. 今次黎到呢間朋友試過話好食GE車仔麵,朋友話湯底冇味精, 所以更加想試, 因為岩帶埋小朋友黎食.另外, 佢地GE服務態度好好, 值得讚.我叫左呢碗. 我覺得D豬大腸GE味道好有特色, 零舍唔同, 我好中意, 值得一試.老婆叫呢碗. 鴨紅少見, 比平時食GE豬紅滑身.阿仔食呢碗. 好多牛肉呀! 佢全部成晒! 烏冬好滑.豬皮做得非常出色, 又爽又入味, 岩晒中意辣GE朋友, 因為真係好辣. 老婆叫左煎餃子, OK的. 佢都係中意豬皮多D. 因為寫住"自製", 所以都要試一試. 好飲呀, 用黎解下辣都唔錯.

實在太喜歡這小店的人情味，本週六晚，我們大膽地選擇了這本土小店作同學會聚會地點，意想不到的驚喜是他們竟細心地安排了一張靠角落的長枱，方便我們暢談，我們點了很多小食及店內招牌菜式（黃金系列、爽滑豬潤、煎小圓餅、花膠扒）大家也讚不絕口，食物水準一流，冇味精，小朋友們也吃不停，值得一提的是侍應姐姐的親切笑容😊加上週六晚沒有限時趕我們走，令我們感到甚麼是待客之道。地點鄰近地鐵🚇十分方便，講到我現在也想搭車去食碗豬潤牛肉麵

已經多次到訪拾壹麵，雖然是小店，但每次都有驚喜。大廚是中環著名會所前主廚，食材、 烹調以及賣相，所有出品都一絲不苟，用心製作。知道推出了新出品，今日就再來一試，果然沒有欺場。北菇花膠湯麵，湯頭一如以往，沒有味精，花膠比我手掌還大，很淋，味道恰到好處，不濃不淡，花菇也很入味，試食價$45，真是物超所值，值得一試。朋友試了海參北菇湯麵，也不差，只是海參略嫌未夠淋。我們也吃了其他小食，鹽酥雞翼，外脆內嫰，入味；陳醋木耳，除陳醋外也加入了麻醬醃製，味道很夾。還有每次都必飲的無花果雪梨茶，很清潤，甜度也適中。每次到訪，水準都沒有太大偏差，只見到不斷進步，最欣賞係廚師對出品既堅持，值得讚賞

返了西九兩個星期 最高興與林生多了相聚今晚他又在佐敦接我收工食晚飯啦想簡單食d野 揀左食車仔麵吳松街有兩間 最後揀了小店的拾壹麵先來小食黃金魷魚圈 就是咸蛋黃炸魷魚圈咸蛋黃好邪惡 炸得又咸又脆食唔停口呀姐推介我地飲洛神花茶和雪梨茶 $15話係自家製 飲落酸甜開胃再來的是豬大腸魚片頭蝦籽粗麵湯底揀蕃茄酸辣 BB辣度岩哂我唔食辣人士如果嫌唔夠辣有3款辣椒油 最辣有骷髏頭豬大腸鹵得入味 洗得乾淨林生叫的冬菇花枝丸蝦籽粗麵配清湯清湯配多兩條菜 林生話個麵幾好最後想讚讚姐姐服務好好 有禮貌記得買openrice coupon $80買$100 好抵食完去清玉買野飲行下九龍公園 yeah!

跨年咳仲未好唯有避辣，見到依家野無辣又多小食，咁啱仲可以買折扣劵所以同麻辣君黎試。又黎叫到成枱野，黃金雞翼，黃金魷魚圈，咖哩豬皮蘿蔔，白烚菜心，鴨血魚腐新竹米粉，花膠北菇蝦籽粗麵。酸辣怕撩咳，只可以點清湯，黎到我好沮喪話啲湯清到呢（其實我唔係投訴，係呻無得食辣），點知侍應姨姨以為我嫌啲湯寡，友善地指住枱面有三樽調味醬可以加，餐牌寫清湯無味精，我信，因為唔止顏色清連味道都清，鴨血一啲味無，唔爽唔淋唔硬唔韌咁囉；魚腐有啲實，有啲味嘅；米粉我覺得軟硬剛好；麻辣君點花膠，價錢黎講份量叫多，我地唔知嗰啲係咩花膠，有兩大一細，佢分享左細花膠畀我，可能細舊，都軟身容易咀嚼，另外兩舊我見麻辣君𡁻左好耐，最終有半舊放棄左。黃金雞翼我覺得咸蛋黃爭左少少唔夠厚，食唔到咸蛋黃香，雞翼調味都清清地；黃金魷魚圈咸蛋黃多啲，一上枱就聞到咸香味，趁熱食好，因為凍左少少就食到魷魚圈有鹼水味；唔食得麻辣只好叫我咖哩豬皮蘿蔔止下癮先，感覺咖哩無麻辣咁強烈，心理好過啲，咖哩味好淡，豬皮好硬，蘿蔔唔入味。枱面仲有三樽辣醬，有一樽好神秘得個骷髏骨頭公仔，我唔食得辣只好叫麻辣君試，佢試完之後只係講左句‘幾辣’就完左。總計$175不

本來諗住普普通通食個車仔麵, 點知有驚喜本月推介!又花膠又海參咁, 試試佢啦!好多小食喎! 不過, 今日得自己一個, 試唔到花膠北菇湯麵嘩! 好大塊花膠!! 應該叫花膠扒! 好厚呀! 都燜得好夠味, 口感偏爽。 本尊鐘意偏冧嘅, 但係都好正! $45喳 仲想點!但係今次揀錯左麵種, 韓國粉絲唔襯檯上仲有三款辣椒醬, 試左骷髏骨嗰款。真係好辣, 但好正!

紅燒花膠北菇湯麵🍜$45當個麵黎到，有少少呆左🙈竟然咁大碗，而且塊花膠真係好大塊，好似我隻肥手一樣大同厚😱即刻覺得好抵食🤤可惜味道比較清淡，花膠亦唔算好入味，但浸發得幾唔錯👍冬菇就真係麻麻地，湯底亦算清甜😎整體確實有驚喜，絕對可以一試😬支持一下小店，繼續努力👍

風和日麗既星期六，拎完貨後係佐敦揾食，自然地打開openrice睇下，腦裏閃了一下，曾經食過麵麵店啲車仔面，諗住再嘗試下，點知佐敦已經冇左了，於是search下佐敦車仔麵，呢間舖竟然有40多個，好似唔伏，就試一試吧。佢地既車仔面唔係你指乜佢比乜個種，而係你坐係樹tick紙仔，中午3點幾入去，人流唔多，由入去到離開都係得2枱客(包括我)，但不得不讚佢地既豬潤，好爽好鮮，又大塊又肥，鹵水豬腸都唔錯要加3元)，2餸面叫左蝦籽粗面$42元，而2餸面只要$39元。總體來講，小店來講真係唔錯，整體都幾好食，員工好有禮，會再來光顧。

佢雖然 門面細。 冇卡位但坐得都算舒服 佢係 食車仔麵為主 小食種類都有十幾種 但服務員態度非常好 無需等位 上餐時間快 大約等5至10分鐘就有 小食大約等 10到15分鐘 食物質素屬於中上 值得一試。。。。。。。

剛巧要到佐敦近尖沙咀開會，約了友人去佐敦開餐上網睇呢間車仔麵睇落餐牌價錢合理，我們就去左試啦！我們叫左兩碗！ 第一碗：豬手、豬潤、肉碎及拉麵配清湯姐姐話佢地的豬潤勁過深水寶維記，但我食落就覺得差不多.....豬手同豬潤都係OK level, 反而肉碎份量太少....友人好擔心肉碎會被湯沖走第二碗：牛肉、豬腸、魚腐配烏冬同蕃茄酸辣湯最好食係豬腸，好入味牛肉同魚腐都係普通，蕃茄湯都唔係好蕃茄.....小結，店鋪小本經營，亦都加入openrice優惠，雖然食物未算突出，但價錢都幾抵

話說今日出開佐敦個頭唔知食乜好之制，有個姐姐係門外熱情咁推銷佢地「無味精湯底」車仔麵，仲有d小食，咁係無咩心水既情況下就姑且一試啦。心諗.. 反正唔好食都係幾十蚊啫⋯⋯無期望反而有驚喜，麵款選擇有成10款之多，淨係米粉都有2款，江門米粉同新竹幼米粉.. 餸方面仲有紅燒牛肉，豬手，韓式牛肉等比較新穎既.. 但我冇影到相呀小食個人幾推介（如果唔怕熱氣的話），鹽酥雞翼.. 不單外脆.. 而且勁juicy.. 唔會乾*爭爭* 👍😋28蚊5隻！

今日晏畫同同事食晏 佢強烈推介豬大腸話超入味。 我就麻麻地豬大腸 最尾揀左鴨紅同埋泡菜牛肉 加炸雞翼！食車仔麵我第一口 一定飲佢個湯 。 呢個蕃茄湯底酸酸甜甜好濃，飲完第一啖已經好開胃 個米線索晒蕃茄味 我超鐘意蕃茄 所以好快食晒d 面同飲晒湯。牛肉方面就可以接受，有少少雪味，加左泡茶好少少 但肉質方面都叫做爽口 冇比鬆肉粉那到林晒， 鴨紅就因為見平時車仔麵檔比較少見 所以叫左黎試下。 幾爽滑 同埋冇一夾就散， 比左舊同事食 佢都話幾好 唔腥雞翼 炸到岩岩好 肉汁仲係入面 可以一試

餐廰唔算好大，企理乾淨。當晚只有2-3枱食客，環境幽靜。滷水五花腩粉絲(蕃茄酸辣湯底) ($36)五花腩有五片，炆得夠腍又入味。蕃茄酸辣湯底食落比望落去辣，但味道麻麻，下次可以慳返$2要清湯再配秘製辣椒醬。粉絲份量都幾多。(個人口味:3/5) )湯底)(個人口味: 4.2/5) (五花腩)金牌豬潤上海麵(原味湯底)($34)豬潤口感好滑，好味。清湯好飲，似豬骨湯底。雖然味道偏淡，但同上海麵係夾既。”友人”都覺得應該係無味精。(個人口味:3.6/5)黃金雞中翼($27)普通既鹽酥雞中翼$28有五隻係扺食好多，最後爭扎完都係決定試比較少見既黃金雞翼。賣相唔算吸引，但一食落口就有好強勁既鹹蛋黃香味，好食，好正，下次想試鹽酥雞翼。(個人口味: 4+3.7/10)食物質素滿意，惟飲品價錢稍貴。