才叔粥店 (已結業)

這天早上本來不打算再吃早餐, 皆因之後尚有午餐大局, 但亞妹話肚餓, 要食粥, 在教會附近食粥基本上得一個選擇, 好, 就一同來食碗粥吧. 好幾年沒有來了, 價位也去到$22一碗粥, 不便宜呢.皮蛋碎牛肉粥 $22: 6分, 店方標明是瑤柱粥底, 不含味精, 但不知為何, 跟上次一樣, 吃完又有點口喝, 是我的心理作用? 粥煲得不夠綿, 淡淡的, 也不夠米香. 皮蛋下得不太多. 小時候最愛吃碎牛肉粥, 因為粥店只在早上才有碎牛肉粥吃, 過了十一點就只有大大件咬不開的牛肉粥, 碎牛肉粥對我來講是特別有感情. 這天再吃, 也是感情分先行, 但就再沒有當天的感覺.齋腸粉 $12: 7分, 份量不太多, 是幾熱的, 沒有甚麼米香, 就靠甜麻醬去增加味道. 感覺上又真係幾齋.油條 $6: 6分, 十點來到, 油條已是凍凍的. 其實也是預料之內, 不過亞妹話要, 就要一條吧.水準只是一般, 但價位不便宜. 當然, 在附近沒有對手, 也不用以價去競爭.

上星期落大雨個日黎晚飯。常常覺得旺角冇乜好粥吃，先達後面富記其實幾好，不過實在太麻甩，環境衛生又麻麻，最多外賣番屋企，。次次行過勝利道都想試下才叔。友人一聽到「才叔粥鋪」個名咁古舊，本來唔想黎，以為係d舊式粥店，話：「落雨濕席席好污糟」。但我記得行過才叔都幾企理乾淨，所以最後都黎試。我地偏好食D好綿既粥（富記做到，但味精有D重手），才叔就唔算好綿，但都好吃，好似冇咩味精咁噃。一碗生滾雞粥$25：生滾雞粥就普通啦，雞算多，但味道就一般一碗瘦肉碎牛粥（唔記得$20定$25）：反而瘦肉粥咸咸香香，好好味，而且好足料，食完都幾滿足。一隻咸肉糭：幾好味，肥肉一小舊，食落軟綿綿，幾好。一隻煎堆，牛利酥：油器就普普通通想食粥時都會諗下才叔。

又再來到才叔,來此的原因,當然是為了一碗用瑤柱來煲成,軟綿綿的粥底,難道是來吃油炸鬼?雖然為粥底而來,又沒有理由吃白粥般單調,是次要一碗腰潤粥.在開放式廚房內,不再是才叔打理,得出來的腰潤粥,粥底繼續香甜,充滿著瑤柱香味,吃不出有任何味精反應.口感綿密,但豬腰吃下去有點點異味,而豬潤就沒有這個問題出現,而且很爽口.因為了粥底,而忽略了處理豬雜的功夫,不過粥底做得好,也情有可原,最多下次來吃會其他粥品.

叫豬潤皮蛋粥, 可惜老細聽錯豬肚皮蛋粥, 雖然旁邊老佰大叫"多謝你woh 妹妹,佢地咁都可以聽錯, 我耳聾都聽到啦(下刪500字)", 但要吃不是最想吃的東西始終大打折扣豬肚有八角香, 可惜不是我杯茶, 反而皮蛋甘香豐腴, 不錯但粥底就恐怕無人講得咁誇,味精是少,但不是沒有, 粥底米香不夠, 也略嫌水左d, 加上生菜菜酺花生, 真係有幾多米呢? 粥品百家不同, 各人口味又不同不過要特別黎食就不必了

早一排來試試那出名的艇仔粥，粥底一般，又要用白果腐竹來做手腳。粥料種類多得有點過份，似是想人吃粥料多於吃粥般。味道不實在，覺得加了師父。

一得閒夜晚就會泊好車就會去一去食啦~~因為呢度的艇仔粥好好食呀的粥好綿又滑~~又好足料呀~~不妨一試~~

在街檔擺檔多年,搬入舖才不過近兩三年的事,昔日拿著湯壺去買粥的情景,今天已不復見.才叔一向自傲的瑤柱粥底,每一款粥如是,基本上加白果,腐竹,甚至魚湯來煲粥,一定又香又甜,不過用上瑤柱,感覺上會高級一點.這個早上,點了這個艇仔粥,粥底吃不出很重的瑤柱味道,但其米香竟直貫丹田,說起也有點誇張,連我也覺得有點神奇.配料比$10店的貨式多,反而沒有豬肚,瘦肉,咸肉下得幾重手.花生油味太重,有點失色.下一次病到五顏六色之時,來吃碗白粥,或者即刻藥到病除也不定.

練完歌之後, 同姊姊S同弟兄F過來了這裡午膳. 很久沒有過來這裡, 雖然好近,但上次感覺不太對, 所以都沒有再來. 見晚上有大局要挑戰蓮蓉包, 就吃點粥清清地, 再加上隻糭, 同文迪分都夠了.皮蛋瘦肉粥: 7分, 瑤柱粥底, 煲得幾綿, 但總不太吃到瑤柱味, 皮蛋不太多. 不錯的粥, 但又好像比不上景叔的.鹹肉糭: 6分, $8 一隻, 比靠得住的便宜一截, 味道就係一般, 硬硬的, 鹹蛋黃就幾合心水, 肥豬肉只係小小一舊. 女士們可能比較容易接受.食完好口渴, 係如食友所講, 醬油之過? 總之要馬上過便利店買飲品.整體感覺大打折扣.

病左成個禮拜仲未好, 但因有D野要同朋友交收就照舊約係維景飲野, 之後好破例咁朋友陪我來食粥皮蛋豬肚粥($18) - 皮蛋係糖心但鹼水味太重, 豬肚份量幾多但無味亦唔爽口, 而睇店舖註明係用瑤柱粥底, 但粥底味好淡, 唔知關唔關我選既料問題?碎牛肉粉腸瘦肉粥($18) - 朋友的

第一次來到這頭. 發現, 何文田就在旺角東邊(^^|||). 附近, 很多寵物店(反映居民消費能力高?_?)一入店, 講耶大大聲的, 應該就是才叔了. 真人間中有些笑容, 若只聽聲, 一定以為是個惡人...=)說回粥. 首先點了碗牛肉粥. 味道OK, 不過我覺得像碗艇仔粥?!休息了一回, 再點魚腩粥. 味道比"牛肉粥" 好. 幾好食.吃完覺得還是公司附近的潮州粥優勝.

11月25日13:00到醫院取過驗身報告，便到這店吃碗粥。要了皮蛋瘦肉粥。粥底：粥底清純，加入了絲絲瑤柱、菜絲和充菜。(師父拜拜^.^)瘦肉：一絲絲，入味(經粗鹽醃製)皮蛋：糖心整體配合得而，值得推介。週末午市時段，人流，再來的要等位。題外話：廿年沒有進行體檢，因要辦國內工作證，逃不了。結果是膽固脝稍稍高了，其餘算正。唉！要戒口和多做運動了。

弟一次食才叔0既粥應該是25年前.當時每星期同女朋友拍拖,送完女友後總會到自由道車仔檔整碗及弟粥醫肚,當時已經留意到D 粥底好掂,D 料就比較一般,但係都算食得過,尤其是切得好細,好新鮮0既生菜絲同埋大頭菜粒,當時天寒地東,食完碗熱騰騰0既粥,成個人精神晒,遊河文田搭車番西環都仲回味緊D粥0既味道.此後每週拍完拖0既指定動作就係幫趁才叔.結左婚之後搬遠左,但間中仍然會專登楂車番去幫趁,水準一直保持,食到依家三個細路,個大仔都20歲0羅,仍然間中會一家大細去搵才叔.我而家0係大陸打工,幾個月番香港一次,好多時會一落機就帶埋行李去整番碗'樣樣有'先至番屋企.今次黃金周落黎放假,臨上機前又去整左碗.才叔0既招牌粥底,用正宗瑤柱,完全不落味精,淨食粥底都已經好好味,整碗"樣樣有"(豬雜,碎牛,生菜絲,花生,大頭菜粒,加埋胡椒粉),簡直係人間美味.不過搵才叔,都淨係食粥,其他0野就無試過嘞,話晒粥先至係才叔0既獎項嘛.以前0係街邊,衛生還算可以,但因為用發泡膠碗,就有的無多環保,而家上左舖,確實改善左好多.0甘正0既粥,25年前好佌賣15蚊一碗,15年前加到16蚊,而家都係賣18蚊,真係好食夾超

風聞勝利道阿叔粥鋪已久，今日終於有緣食到...人唔多。鋪內大隻字標榜"瑤柱粥底"，就嚟會一會你...簡簡單單整碗艇仔，基本上料嘅味道好普通，粉腸仲有D苦添；不過粥底算做夠綿，亦冇落師傅，相當不俗...食粥一定要揾D嘢嚟"送"，就食隻鹹肉糭 --- 細細隻，糉身較腍，綠豆幾多，蛋黃油水就唔多夠，肥豬肉亦只得細細嚿；個豉油就勁多師傅，我呢個對msg天不怕地不怕嘅人亦覺得有D過份...食到有D精神分裂--- 既然粥底可以唔落師傅，點解簡簡單單嘅豉油就唔可以呢?扣分...

之前聽三姑同阿澤個電台節目, 話睇住才叔由車仔當做到入舖好開心, 又勁讚好味又話成日落去食宵夜。於是我同朋友早幾晚特登走去試下, 地方都好易搵, 環境都好乾淨企理, 但係選擇唔多(只係貼著數款既粥, 油器, 腸粉同埋糉)。今次我地每人叫左個艇仔粥, 再加碟腸粉；果然d粥好綿又無味精, 料好多切得極細又好爽口, 差唔多食每一啖都有料, 但係豬腸有d苦；腸粉就普普通通, 但都係第一次食腸粉d醬汁(花生醬,甜醬同豉油)放響碟邊, 要自己撈。總括:未試過食粥都食到咁飽既, 又無味精, 不過地方都唔係好就腳

連續兩日踢6場波，對日日坐辦公室的一班老鬼來說，都米話唔「甘」。第二日開波前，照例去食左野先，是日踢番旺角場，方便好多。想食粥，一個人去左勝利道的這裡，試下個薄負盛名的瑤柱粥底得唔得。星期日的下午，人客都不算少，就叫了豬雜粥及一隻粽。先吃粥，粥底是杰底，雖然沒有什麼瑤柱的味道，但吃落都幾綿滑，沒有味精，都算不錯。豬雜是切碎了的粉腸、豬肚等等，沒有什麼味道，也沒有化學品的痕跡。豬雜是淥熟再加進粥內，不是「生滾」，所以其實在這裡叫什麼粥都是一樣味，也是粥有粥吃，料有料吃；粽是糯米加上綠豆，我家也是這樣包粽的，好處是味道較有層次，及口感會鬆化一點。但這裡的有點太實，似乎是包起了好一陣子。內有鹹蛋及肥肉，八蚊一隻，交了功課。這裡粥沒有味精，但醬油就有味精，食完都有點喉乾頸涸，下次都係食甜的穩陣。埋單26蚊，唔算平，亦不算物有所值。