才叔粥店 (已結業)

o係附近做完野,順便食lunch.佢只有五款粥同幾款小食.叫個魚片粥同牛酥.魚片粥粥底軟綿,有瑤柱成分,但鮮甜味謹一般,比妹記或富記有所不及.魚片為鮮鯇魚片,新鮮,好食.整體屬中上,o係旺角食粥有更好選擇.

至從發現左才叔既宵夜粥之後，久不久就想去整番碗。而佢入左舖，開全日之後直頭係變本加厲，直頭係上左癮咁經常去食。粥底先係才叔既招牌!你食乜野艇仔粥呀，豬什粥呀，牛肉粥等，材料都只係普通料，但只係個粥底加落去就即刻"化腐朽為神奇"，令到一碗平凡既生滾粥變得不平凡。粥底好綿、香，亦無師傅。同果d乜乜ｘ皇粥店跟本唔可以比。如果你食唔出分別，唔好意思我覺得你跟本未學識食好野。入左舖後，賣既野亦多左，但果d野就唔太得啦。最敗筆就係個腸粉。腸粉係行貨，無特別；但衰左在個豉油--師傅到，仲要好勁果隻!要扣分，就係個腸粉/糭既豉油，不是碗粥。

古時在今日人日通常會食及第粥以取狀員及第的意頭。今日路經勝利道，順道幫襯才叔的及第粥；瑤柱白粥底不俗，跟和暢的瑤柱粥底不相伯仲，而他們又叫的艇仔粥的及第粥內涵頗多，起碼有坊間小有的生腸及小腸頭，但生腸及小腸獨有的腸味則欠奉，其他配料一般，但筆者相信粥內絕無味精添加，簡簡單單的一碗白粥都相當不錯。

行經附近想食粥，叫了牛肉粥、皮蛋瘦肉粥及腸粉。食品和海皇差不多，但價錢就貴唔少。

夜晚經過旺角﹐正打算找地方吃晚飯。忽然記起有雜誌提及勝利道車仔粥檔已“上鋪”﹐記憶中我在中學時代曾經幫趁過的﹐一於再去試試。店舖很簡陋﹐但尚算整潔﹐近門口擺著的“粥車”就是老闆才叔數十年來的最佳拍檔吧。當晚食客不多﹐坐下一看﹐粥品款式只有五款﹐每款$18﹐另有腸粉蒸粽等小食。不過既然這裡是賣粥的﹐當然是吃粥。先來一個艇仔粥﹐才叔效率很高﹐不用兩分鐘艇仔粥已送上﹐粥底頗綿﹐當中有不少切得極細小的菜圃粒﹐口感是很特別﹐據說是用作代替一般街邊粥檔都會下的味精。材料也足﹕花生菜絲﹑魷魚﹑肉絲﹑豬皮絲等當然缺少不了的﹐最特別的是有粉腸﹐這個艇仔粥用料方面算是沒有欺場。吃完不夠飽﹐又不想吃粽﹐決定來多一碗牛肉粥。牛肉粥所用的並非鮮牛滑牛肉一類﹐而是混合了炸米粉的舊式牛肉碎(小時候在街邊吃的牛肉粥多是這種)。我曾經很喜歡吃這種牛肉粥﹐現在又好像喜歡鮮牛肉粥多一點。這個牛肉粥的粥底跟艇仔粥是一樣的﹐但配合牛肉粥味覺上又好像單調了一點﹐再來的話還是吃艇仔粥好了。兩碗下來﹐飽是當然的。共銀三十六﹐價錢算是可以吧﹐如果以艇仔粥計是比較化算﹐材料豐富. 而牛肉碎粥賣同樣價錢﹐比較之下當然是較為不值﹐但無論是哪

=====前記=====住在這區己10多年, 讓我說說這店的來頭, 一直以來都在這條街推車仔賣粥, 晚上11點幾至開檔至凌晨三四點...以前到左夜晚就有好多人圍住架車仔等粥食, 又有兩三架私家車停響度...講緊係凌晨一兩點的事!後來可能唔俾推車仔, 佢就租人地的舖做夜晚, 之後而家就入左舖!=====粥=====黎呢度食粥就得啦, 一般人可能覺唔好食, 因為無味精, 只用冬菜粒??(我對呢d Term唔熟)吊味, 粥底綿; 選擇唔會多!如果你唔食腸, 叫艇仔的時候記住走腸!

近月此街多了一間粥店, 上次飽著經過沒試, 今次特意吉著肚子而來。步入店內,已差不多四時, 只見得一位食客在座, 找個位子坐下後, 理所當然的拿個菜牌看看, 此個菜牌不需用手拿, 數款粥品與小食已寫在大畫紙上, 三張如掛畫般大的菜單各據一方的貼在三面牆上寫著: 瑤柱粥底, 魚片粥, 艇仔粥, 牛肉粥, 豬什粥, 腸粉, 油器, 紙包飲品及汽水, 沒有記錯的話, 以上已羅列出此店所有食品。點了例牌, 粥底夠綿, 幾乎找不到米粒, 魚片好滑幾鮮味,但最新鮮莫過於在粥內找到味菜粒(炸菜？), 這個配搭第一次食到, 定還是我見識少, 孤陋寡聞呢？