影片
更多
2018-09-30
367 瀏覽
返學上堂專心咗咁多個鐘，精神消耗不少，放咗學就梗係要同同學仔一齊去食野補充一下消耗咗既能量啦！因為知道觀塘有好多好野食，所以今次就黎到亞太中心2樓既扇火鍋打邊爐。雖然宜家仲係夏天，但係無損大家要打邊爐既決心。平日都會揀90分鐘自選放題。湯底選擇都唔少，可因應自己既喜好去選擇，唔怕揀唔到。跟住就揀要食咩套餐，即係要食咩肉，豚肉、牛肉、日本黎既定係澳洲黎既都有，任君選擇。火鍋配料同埋不含酒精既飲品都係任食任飲。但係今日我地就黎試新湯底，就係冬蔭功湯底啦！坐低冇耐，店員就好快拎咗個冬蔭功鍋上枱，眼見配料真係十足，有虎蝦、魷魚等，絕不馬虎，為湯底增添了一份從海鮮來的鮮甜。當中的泰式香料亦落得好足，聞落去係一種嗅覺既享受，食落酸酸地好開胃，而且有少少辣，好香好惹味。我地揀咗$199既澳洲長期穀飼牛肉套餐，有牛肉、豬肉、牛舌。牛肉望落有條好粗既白邊，開頭以為脂肪多，會好肥，但係夾起一片放入鍋裏面淥熟之後，食落唔係想像中咁肥，而且片牛肉仲沾上冬蔭功湯底既味道，唔駛點任何醬汁就已經好好味！平時食燒肉既時候，燒牛舌就食得多，今次係打邊爐淥牛舌，點知好有驚喜！牛舌淥過之後，咬落仍然有嚼勁，而且仲不失牛味，
因為知道觀塘有好多好野食，所以今次就黎到亞太中心2樓既扇火鍋打邊爐。
雖然宜家仲係夏天，但係無損大家要打邊爐既決心。
平日都會揀90分鐘自選放題。湯底選擇都唔少，可因應自己既喜好去選擇，唔怕揀唔到。跟住就揀要食咩套餐，即係要食咩肉，豚肉、牛肉、日本黎既定係澳洲黎既都有，任君選擇。火鍋配料同埋不含酒精既飲品都係任食任飲。
但係今日我地就黎試新湯底，就係冬蔭功湯底啦！
坐低冇耐，店員就好快拎咗個冬蔭功鍋上枱，眼見配料真係十足，有虎蝦、魷魚等，絕不馬虎，為湯底增添了一份從海鮮來的鮮甜。當中的泰式香料亦落得好足，聞落去係一種嗅覺既享受，食落酸酸地好開胃，而且有少少辣，好香好惹味。
我地揀咗$199既澳洲長期穀飼牛肉套餐，有牛肉、豬肉、牛舌。牛肉望落有條好粗既白邊，開頭以為脂肪多，會好肥，但係夾起一片放入鍋裏面淥熟之後，食落唔係想像中咁肥，而且片牛肉仲沾上冬蔭功湯底既味道，唔駛點任何醬汁就已經好好味！
平時食燒肉既時候，燒牛舌就食得多，今次係打邊爐淥牛舌，點知好有驚喜！牛舌淥過之後，咬落仍然有嚼勁，而且仲不失牛味，認真唔錯。因為朋友唔食牛舌，所以成碟牛舌都俾我食哂！
雖然好多人會係打邊爐既時候只會專攻牛肉，但係淥得多牛肉，我都會想淥下其他野平衡返。呢到既豬肉片薄切，好快就可以淥熟，而且食落唔韌仲好有豬肉個種香味tim！
除咗有打邊爐配料之外，仲有熟食可以即食，有白飯、炒飯、青咖喱牛肉，不過我掛住打邊爐淥野食，所以冇試到～
醬料區十分齊全︰豉油、酸汁、日式芝麻醬、大阪黃金燒汁、蒜蓉、辣椒、芫茜、葱花，可以隨自己既喜好調配。
因為泰式主題，自助吧仲會有泰式蔬菜提供，泰式圓茄和青木瓜都充滿泰國特色！
望向自助吧，食物款式唔少！
有我打邊爐鍾意落既丸啊、腸仔呢d～
打邊爐邊少得生菜同埋娃娃菜啊～尤其係喺冬蔭功鍋入面淥完之後，盡吸湯底，分外滋味！
食完牛肉同埋豬肉既，如果想食雞肉既話，可以係自助吧自己夾。唔夠飽可以淥埋個公仔麵。
蔬菜類仲有白蘿蔔、雲耳、粟米同埋銀芽。
左起：烏冬、韓式粉絲、豆腐、白蘿蔔。將豆腐放係冬蔭功鍋入面淥完再食，豆腐滑溜既口感令到泰式香料既味道好突出。我冇試到烏冬，但係韓式粉絲我就夾完再夾，因為佢實在太好味啦！淥完夾起黎食，掛湯既同時，口感煙韌，啖啖都係冬蔭功湯。
左起：蟲草花、金菇、秋葵、南瓜、蕃茄除咗金菇、南瓜同蕃茄之外，呢到連秋葵同蟲草花都有，可以話都幾特別。
拎完野食就即刻返埋位～
個冬蔭功鍋一滾就即刻落d野食落去淥！
食冬蔭功美鍋呢個餐可以任飲泰國象牌啤酒，可惜我同朋友兩個都唔飲啤酒，所以轉飲呢個特飲。呢個特飲係檸檬薄荷梳打，梳打係用泰國品牌既梳打水，而杯上插有一根香茅，讓食客可用作攪拌既同時，為特飲添上淡淡香茅既香味。就咁拎黎攪拌，味道實在太輕，一將香茅折開兩半，香味就變得更為濃烈。
除咗特飲，仲可以去飲品櫃拎野飲。飲品櫃入面既飲品種類都算多，除咗有我鍾意既忌廉溝鮮奶之外，仲有啤酒、Jolly Shandy、檸檬茶。
仲有唔同款既道地茶。
當然唔少得汽水！
打完邊爐當然要食個雪糕先啦！因為要用自己人手唧，所以要睇下你唧得有冇技巧啦～雪糕配料可以揀用咩醬，我就揀我鍾意既朱古力醬，再加d蜜糖星星同埋可可脆波。
除咗乳酪味雪糕之外，仲有士多啤梨味揀。食過呢餐美味既邊爐之後，我地真係要捧住個肚走。上完堂之後既疲累好似消失得冇影冇蹤，又再充滿energy啦！
張貼
