成興冰室 (已結業)

前一晚食完好難食嘅豬扒，今日好想食返塊好味豬扒成興3點就收，所以通常星期六訓醒就會揸車過黎食豬扒唐心蛋麵豬扒依舊咁好味入口鬆化，味道啱啱好仲好厚身但今次唐心蛋就太熟了，水準有啲飄忽，變左烚蛋麵都有少少過淋但豬扒又好味又大塊，完全可以搭救其餘嘅不足同行媽媽叫左豬扒炒蛋米粉咁就成碗都完美哂值得一提係小店好有人情味好有禮貌 感覺好親切值得支持

今日我隻bb豬懶係神神秘秘話帶我去一間小店食早餐。呢間小店原來在這區隱世中已開業左幾年。兩口子家庭式作業但又好鬼健談，無論你初黎報到定係忠實粉絲，店主都笑面迎人照同你吹水(但食物一d 都唔馬虎) 。環景乾淨整潔，令人坐得舒服。望望張menu見到厚切豬扒溏心蛋麵咬一口豬扒覺得店主無用大量梳打粉醃製，仲煎得表面有d焦香，内裡好juicy，而隻溏心蛋亦都做得唔錯，用心製作值得一推牛肉煎蛋餅麵將牛肉切成碎粒，用蛋打暈煎成蛋餅，亦都好好食。話明係冰室所以晚上系收工架！千期唔好摸門釘呀！

點解叫 Himuro？ 我想就是這個原因吧！ 上網search之下，發現Himuro 係日本人姓氏「氷室」，所以他們借以作店名。多吃幾次，熟落點再向店主求證吧！成興係一間小店，兩口子一腳踢。食物做很有「家」的味道，餐具都放得既整齊又清潔。這不是我第一次光顧。雖店舖鄰近我office；但他們只做日市，我又因工作忙少在外吃lunch，所以只吃過三四次，也是weekend專程過來吃的。沙嗲牛肉湯意： 小店做意粉能al dente， 實屬難得； 因為牛肉料是ok的，所以沙嗲牛肉沒有（或不用）被濃濃的漿汁稠着。沙嗲味剛好，但嗜咸者應不喜歡，我想他們會嫌無汁及不夠咸味。煎豬扒：豬扒煎得剛剛好，沒有下鬆肉粉之下，煎得香口鬆軟，good！檸茶/奶茶：普普通通丶正常茶胆一杯煎太陽旦： 不油膩，但煎得燶邊香脆店主應是攝影旅遊愛好者。店舖一邊有很多他的攝影作品，不算得上是出色的作品，但是看得到他們對攝影的熱情。而另一邊，貼了很多貓的明信片，也有店主到日本及其他地方旅遊時的照片，很有融入「家」中的感覺！

早一兩個星期行過已經見到開咗間新嘅冰室試業。今日同阿媽行完街，佢提起呢間標磅少油鹽糖，朝早見到好多人食早餐，於是就揀咗呢度食下午茶。成興冰室嘅佈置簡潔，牆上貼咗好多手繪圖畫用餐提示、公仔相等，好有童真感。枱櫈用嘅都係好似兒童組合線條好簡單。媽咪想叫鮮牛肉蛋、溏心蛋、通粉已售罄，最後叫咗叉燒煎蛋意粉、熱檸茶。我就要咗粗粒粒西多士、凍奶茶走甜少冰。叉燒煎蛋意粉上面伴以青瓜絲，賣相清新，隻蛋煎得好靚，阿媽鍾意佢食落唔油膩，我試咗啖意粉唔夠彈冧咗啲但幾啱阿媽心水。杯檸茶聞落啲茶都香。我個西多士即炸熱辣辣嚟到，搽勻哂啲牛油，冇落糖漿試咗嚿，好香蛋味，啲粗粒花生醬幾有咬口但可以多啲，啲油夠新鮮冇油膱味，唔錯，落埋少少糖醬就更香甜。奶茶嘅底唔會過濃同澀，飲落同檸茶一樣係西式紅茶，用黑白淡奶沖，由於冇糖水，飲到紅茶嘅清同淡淡奶味，我個人就幾鍾意呢種傾向英式嘅奶茶。店員初初見我哋响門口裝裝下好主動咁介紹呢度主打健康食物，叫西多士又提醒會等耐少少，又好細心提醒其他客人西多士有花生成份。後嚟有個响附近同樣開食店嘅入嚟打招呼，我聽到成興老闆分享話正式開咗個幾禮拜，佢之前執過啲格局務求啲嘢就手啱使，最緊要勤力，