戀上台式料理 (已結業)

今日行過海傍就去左呢度食lunch，都幾多人食緊不過就唔洗等位。我就叫左一個午市套餐，要左一個戀上三杯雞配魯肉飯，前菜就要戀上三涼伴，同加左一個鹽酥雞。個前菜好新鮮，食完真係好開胃。而個三杯雞嘅味道真係一流，會有少少辣但係味道相當濃郁，而且d雞肉好滑同好多。另外要讚一讚個麻辣牛舌，唔會太辣，而且個牛舌好爽口，好有咬口。而個芝麻雞翼亦好脆，係新鮮炸起，脆卜卜。至於個鹽酥雞同樣炸到卜卜脆，點埋個醬汁就更好味。