憶食尚臘味煲仔飯

營業中

休息中

嚟呢度當然食煲仔飯，呢度除咗煲仔飯仲有好多唔同嘅小菜，選擇非常多！午餐有幾款手工麵、湯飯及炒飯選擇，$68-$88包咖啡或茶～仲有其他二日及四人套餐～我哋揀咗散叫～▶️特色臘味煲仔飯🍲（中份）$148好耐冇食過臘味飯，臘味飯熱辣辣用瓦煲裝住。有臘肉、臘鴨及臘腸，店員會幫你加豉油。煲仔飯仲有飯焦，卜卜脆～▶️甜蜜咕嚕肉（例）$78呢個咕嚕肉熱辣辣整起，醬汁夠多，好夠脆。咕嚕肉夠林，冇肥膏好好食！有洋蔥🧅、紅椒、青椒🫑、菠蘿🍍▶️蒜蓉炒菜心一上枱已經好香蒜蓉味，幾好食坐低嘆吓茶，環境唔錯～

朋友約我週末喺佐敦食晏，佢話有一間食煲仔飯超正嘅，帶咗我嚟呢度，其實呢間餐廳近柯士甸站多啲😆- $98嘅「川椒麻辣雞煲🐓」：見到落咗好多配料，有薑片、蒜頭🧄、花椒八角、蔥頭、紅辣椒🌶️、燈籠椒🫑 等，食落非常香口惹味，雞件仲幾滑，真正做到又麻又辣又香😋- $148嘅「廣式臘味煲仔飯」：有臘肉、臘腸、臘鴨，一上枱嘅時候，打開瓦煲蓋，即刻一室香噴噴😋，自己再加上芫荽☘️、香蔥、醬油，更增添色香味😋，不可不提係飯焦，做到脆卜卜又微焦，仲唔黐底，真係堅好食，超贊😋- $68嘅「上湯菜心」：菜心新鮮嫩綠，用上湯煮，仲加咗好多蒜片🧄，簡單得嚟非常好食😋我哋叫三樣食物，全部都好美味😋，食完之後我先同朋友講，其實好耐之前我嚟過呢度一次😆

有朋友介紹，話佐敦有間主打自家食材嘅飯店，餸菜做得幾有水準，叫我有空去試下，咁啱今日嚟開呢頭，就順便過去食個午餐。餐廳位於文匯街，店內地方頗大，佔地兩層，近門口處設有零售服務，用餐區以湖水藍色調為主，環境高雅，空間寬敞，時尚之餘，更帶點歐陸風情。餐廳以自家出品作招徠，除了主打煲仔飯外，還有清蒸土豬、南安板鴨粥、手工空心麵、海鯧魚、燉湯和時令蔬菜等供應，選擇貴精不貴多。餐廳午市有套餐供應，價錢實惠，而且食物都幾啱我哋心水。先嚟兩盅是日燉湯，湯品用料非常豐富，有蟲草花、桂圓、紅棗、瘦肉等，湯水味道非常清甜，滋陰潤肺，好適合而家呢個天氣飲用。瑤柱蛋白海皇炒飯：睇下個炒飯賣相幾靚仔，頂頭綴以大大隻蝦同蟹籽，而入面就有好多蝦肉、瑤柱同蛋白。米飯很香口，粒粒分明又帶瑤柱鮮味，蛋白熟得來夠滑溜，加埋爽脆嘅青瓜粒，十分好吃！蝦球撈手工麵：麵底選用了自家製作嘅手工素麵，麵條口感挺不錯，柔軟順滑，蝦球爽彈味鮮，配上光滑嘅麵身，真係滋味無窮，令人一吃上癮。上湯浸娃娃菜：啲娃娃菜口感好正，入口腍甜非常，很可口，加上鹹香的雲腿和蒜片，更添香氣。

今晚請一個對餐廳環境同裝修都“好有要求”嘅朋友食飯🙊 記得幾個月前黎過呢度食lunch覺得環境非常正而且私隱度高，經佢過目同允許之後我就即刻book檯😂我地叫左個中份特色臘味煲仔飯，蔥爆雞煲同埋上湯菜心～黎呢度必食既一定係煲仔飯😋 佢混合左三款招牌臘味：鮮肉臘腸，臘肉同埋板鴨😁店員會幫手撈勻配料，而且佢地經驗豐富可以確保飯底有香口又唔會太燶既飯焦😝臘腸係用左三分肥七分瘦既黃金比例，入口香得黎唔會太膩👍臘肉同板鴨鹹香味十足，配煲仔飯真係無得頂！😋我同朋友都唔太食得辣所以叫左唔辣既雞煲，一黎到香噴噴😍雖然唔辣但啲薑蔥依然好惹味，雞肉肉質亦好滑～菜心面頭有啲蒜同金華火腿帶出香味令個菜味道無咁寡👍 菜心口感非常爽脆～難得呢個咁"高要求"既朋友都好滿意，我真係覺得好欣慰😂😂😂

今日下雨天氣凍咗少少，令我超想食煲仔飯，喺圓方行完街，就去咗附近呢間憶食尚臘味煲仔飯！質素超級高！ 📌川味蠟味煲仔飯 🍲🍚$148例牌全港最高質素的煲仔飯之一，必定要吃❣️飯粒飯香，粒粒分明，飯焦朋友的恩物，上方自家製蠟味更是煲仔飯的靈魂所在😍😋👍🏻超喜歡他們的川味臘腸，麻辣麻辣，甘香封存，這種口味超好❣️📌川椒麻辣雞🌶🐓 $98例牌他們使用山上奔跑的計，練成一身肌肉，口感相當好😋😋，上面淋上相當惹味可口的川椒口味醬汁，香香辣辣🌶😋📌上湯娃娃菜🥬 $68點了兩味濃味的食物，最後當然要點一個青菜，選了這個上湯娃娃菜，蔬菜爽口，配合上湯，相當順口🥬👍🏻

👧🏻Wodafoodie in Jordan邊個話夏天唔可以食煲仔飯，怕熱既其實揾間環境舒服d既一樣可以食😝自從食過呢間之後，每次有fd話想食煲仔飯我都會帶佢地黎😌環境好舒適，優雅，服務又好👍🏻呢到既🍵茶可以揀烏龍/玄米/菊花茶。✨🥘川味臘味煲仔飯(中份) $148醒目既店員會俾你相機食先📸再幫你落豉油蔥粒撈😆今次試川味臘味，有臘腸臘肉同臘鴨，臘腸切成薄片，帶少少辣辣地唔錯喎😋臘鴨同臘肉既油脂俾白飯吸曬，鹹味有層次。用瓦煲上，好容易就刮到脆口飯焦，又唔會燶曬，有種煙燻味，搞到我朋友一路食一路讚好食🤣🤣比起傳統既臘味我會覺得川味帶微辣更加有驚喜同出色🥰👍🏻👍🏻✨🍍🐷甜蜜咕嚕肉 $76咕嚕肉炸得好脆，個汁唔會太酸較得岩岩好，每一粒都比甜甜酸酸既汁包住，好好食，送飯一流😋好鍾意佢有好多菠蘿好甜🍍😆👍🏻✨ 🥬上湯菜心 $68出去食飯我都會想健康d，上湯清甜，清淡又解膩，健康之選～📍 憶食尚臘味煲仔飯 (佐敦)佐敦文匯街22-24號地下2-4號舖

話說媽咪前2日話想食煲仔飯,我又唔想去啲油麻地好污糟質素又參差果啲地方食,於是就上網搵左呢餐廳啦。呢間真係一間proper既餐廳,個格局係食中菜既,好乾凈企理,每張枱之間都有個大屏風隔住,做足安全措施! 川味臘味煲仔飯上枱時侍應會先幫你淋豉油撈均佢,個飯好香,食落粒粒分明,臘腸,臘鴨等食落辣辣地好惹味!食到停唔到口呀!食到咁上下,侍應仲會問你想加上湯落個飯到定幫你起啲飯焦出黎,食得煲仔飯就緊係要食飯焦啦!佢好快手地就幫我地起曬啲飯焦,正!甜蜜咕嚕肉咕嚕肉外皮炸得夠脆,入面個肉食落夠嫩,食落酸酸甜甜,好開胃!芥菜排骨煲其實我本身唔係好食芥菜,但呢個煲佢整得真係好好味!個湯加左胡椒同薑,飲落係辣辣地好暖胃既感覺!有啲似我最鐘意既胡椒豬肚湯既味道!我同媽咪2個人order左3個餸，最後都係食唔曬架!呢到除左野食好味之外,不得不讚下既侍應既態度非常有禮!亦都夠貼心!凈係幫我起飯焦果下都已經加曬分!下次想食煲仔飯我一定第一時間會諗起呢間!

<Hong Kong🇭🇰•Jordon>“咬我唷！特色臘味煲仔飯”「臘味⋯臘味⋯煲仔飯⋯香噴噴也。」葉總唸經咁唸。聽到我起了雞皮又跳動🙂快！即刻食！特色臘味煲仔飯呢個煲仔飯令我對臘味改觀😳「特色臘味」包括「南安板鴨」、「土黑豬秘製臘腸」同「廣式臘肉」👀🦆南安板鴨色澤均勻，皮薄肉嫩，骨脆可嚼！🍖 土黑豬秘製臘腸，豬肉佔多，肉鮮美味，油香細膩！第一次覺得臘腸可以咁好味😋 廣式臘肉，皮爽肉香，夾齒留香！煲仔飯🍚飯質煮得乾爽，粒粒分明，滿滿臘味香唷！蝦球撈手工麵蝦球金黃，爽口鮮甜唷！秘制XO醬撈手工麵，手工連繫餐廳自家做，撈埋香口惹味嘅XO醬，真係停唔到口！正👍🏻(建議大家買返樽返屋企炒菜撈麵！）臘味炒菜呢個人有臘味煲仔飯未滿足😗連我條菜都要配臘肉😂不過又幾好味嘅，青菜通常要炒啲肉先好食（呢個爸爸話嘅😚）之前總係覺得臘味、燒味都係麻甩佬、叔伯先食！經歷咗今次臘味初體驗，港女都愛你唷❤️你臘味好野唷！會令人刮目相看嘅臘味煲仔飯👍🏻❤️下次要帶爸爸過嚟一齊食先🥳葉總仲買埋500G臘腸，話要蒸臘腸飯比女朋友食😂👍🏻呢個麻甩佬捧捧唷😂......#chantaljj尖沙咀#changalj

呢間係佐敦嘅臘味煲仔飯唔係朋友介紹都應該唔會識尼雖然佢好近西鐵站 但係附近人流唔太旺算係一間幾新潮嘅中菜館 裝修餐具都時尚而且幾欣賞佢每一台中間都有一個屏風增加私人空間感首先必須要試嘅一定係特色臘味煲仔飯大概裝到三至四碗飯 面頭臘味嘅份量都算多上菜後會有專人加蔥加豉油之後幫你撈埋不得不讚下個臘腸好香濃嘅茅台酒香味個臘肉肥而不膩 至於個臘鴨亦帶有鮮紅色食落唔鞋口 係有少少鹹咗啲 不過送飯就OK嘅 飯底係用東北大米 比較乾身粒粒分明有咬口當然唔少得飯焦 我食到最後都輕鬆鏟起啲飯焦 伴隨住豉油香 非常可口惹味另外仲嗌左蔥油清遠雞 薑蔥絲切得好幼細豉油同油嘅比例好好 淨係啲汁都可以撈兩碗飯 最後買單嘅時候見到佢有零售因為臘腸太好味 都忍唔住買返一包返去比屋企人試吓！

今日去開佐敦個頭，午飯係憶食尚臘味煲仔飯搞掂。呢間憶食尚臘味煲仔飯係高檔版既煲仔飯餐廳，裝修企企理理，座位隔開好有私隱度，坐得幾舒服架。今次上樓梯坐一樓，原來上面多好多位，都有好多屏風隔開，仲有貴賓房。餐具都唔係普通煲仔飯餐館格局。午餐有四款揀，有炒飯，手工麵同湯飯，亦有2人同4人餐。午餐送咖啡或茶。上次試過瑤柱蛋白海皇炒飯同酸辣湯手工麵，今次試吓另外兩款先。蟲草花燉湯今日慳荷包只係叫左一盅燉湯分享。燉湯係蟲草花。湯味非常清甜，都幾足料，有蟲草花，玉竹，桂圓，紅棗，豬肉，雞肉。瑤柱冬瓜脆米湯飯 $88 另加一瑤柱冬瓜脆米湯飯個湯用個煲仔上，湯好清但係肉味都可以。配料有肉片，乾瑤柱絲，蟹柳粒，冬瓜粒，草菇同薑片。脆米另上，浸左湯一陣都仲脆。一碗白飯都係另上。蝦球撈手工麵 $78 另加一蝦球撈手工麵有四隻蝦球，已剝殼，味道可以。手工麵有d似上海麵，又幼又稔滑。加左青瓜絲增添口感，上面加左肉鬆同少少蝦籽，味道係可以嘅。上湯娃娃菜 $68 另加一另外叫左一碟上湯娃娃菜。娃娃菜份量唔少，上面加左火腿片，蒜片同薑片。今餐冇糖水送，食完轉場食甜品先。

知道佐敦同柯士甸交界開咗一間新嘅中菜館，專門食臘味煲仔飯，今日專程嚟呢度試下正唔正！雖然地點唔算係鬧市，但勝在交通方便，搭地鐵嚟行幾分鐘就到。餐廳裝修幾靚，乾淨企理。入口處仲有唔同嘅臘味禮盒可供選購。2個人叫咗2個小菜同煲仔飯，份量整體都足料。蒜蓉炒菜心，菜心新鮮無渣，好爽脆。廣式臘味煲仔飯，有臘肉、臘鴨同臘腸，咁多臘味加埋一齊，米粒夠晒油香，唔需要落好多豉油已經好夠味！煲仔飯即叫即整，包保有飯焦，臘鴨同臘肉略嫌有少少過鹹，不過就好好送飯！一煲已經夠2－3人食用！甜蜜咕嚕肉，一客份量都唔少，咕嚕肉嘅炸粉唔會好厚，肉有好多舊，不過菠蘿就細粒咗少少，中意食菠蘿嘅可能會對呢個有啲失望。食埋碗雪梨龍眼糖水，夠晒滋潤！

落雨既天氣真係日日都濕粒粒，回味返呢間環境唔錯，私隱度比較高嘅煲仔飯主打既餐廳決定今日都係度醫肚😋今次試咗個香菇滑雞煲仔飯，成個煲出黎熱辣辣，雞肉滑嫩 肉質新鮮彈牙 食落有雞味，食材一啲都唔馬虎求其👍🏻香菇切得好簿，加埋芫荽薑蔥，成煲飯色 香 味 俱全！而最令我欣賞既就係佢啲飯既香軟度，把握得非常出色！飯粒粒粒分明得黎完全唔硬身，軟綿綿放入口每啖都感受到成個口腔充滿住飯香👍🏻我哋都叫左一碟椒鹽一口骨同埋上湯菜心🥰一口骨既椒鹽味好足好香，但係驚喜地唔會食完太口乾！肉粒多汁又入味，唔會成口油，香脆可口既一碟小吃👍🏻上湯菜心既上湯配搭有誠意！用咗烘乾嘅蒜片、金華國火腿加埋薑片，突出菜心嘅清甜👍🏻個人來講，食到差唔多，隨後一路傾偈，一啖一口骨配搭熱茶真係幾enjoy！值得一提係依間餐館嘅服務好到點，有幾次我未開口問想攞啲野，職員都已經安排左遞俾我，職員細心有禮，安排亦乾淨企理👍🏻所以食落都好安心！係有質素嘅食品下，又食到特式既煲仔飯 舒服咁慢活既一個星期六下午實在難得🥰

裝潢燈飾佈置新派🎐以藍綠色為主調 感覺柔和舒適枱與枱之間有屏風阻隔 私隱度高 有別於一般食煲仔飯嘅地方環境寧靜舒適 ˜”*°•爭風玉玲瓏(68)🌶️•°*”˜因為食煲仔飯有好多臘肉嘅關係 所以叫個清清地嘅蓮藕作為前菜 每一片蓮藕厚薄都好平均好爽脆 雖然有辣椒但醬汁香而不辣 好開胃 可惜份量有點少˜”*°•芥菜排骨煲($98)🥬🍲•°*”˜另外仲叫左個芥菜排骨煲 諗住有啲菜食下又有啲湯可以飲下除左排骨 芥菜 仲有黃豆雖然賣相平平 但個湯有驚喜胡椒味非常香 好好飲 記得要趁熱飲˜”*°•川味臘味煲仔飯($148)👶🏻🍚•°*”˜之後就係主角煲仔飯喇!唔係呃你 呢個可能係我食過最好食嘅煲仔飯首先 臘味份量非常豐富 有蠟鴨 臘肉薄切 同川味臘腸薄切臘腸係職員特別推介自家製之餘 仲有四川的味道臘肉切到好薄 隱隱透光 所以唔會好鹹 亦唔會一口油好肥膩 臘鴨嘅鹹味亦都啱啱好重點係個飯 唔會太乾硬 又唔會太濕爛呢度嘅飯煮得近乎完美飯粒油潤有光澤 煙韌飽滿 粒粒分明仲食到淡淡嘅煙燻味 頭抽香同少少豬油香煲仔飯又點少得飯焦差唔多食曬嘅時候職員會過黎幫你準備再加啲頭抽撈混 令飯焦再香啲煲底脆卜卜嘅飯焦同剛才

憶食尚臘味煲仔飯今日約咗朋友喺佐敦食飯 ，佢話帶我去食高級煲仔飯聽到佐敦都有啲驚係好遠 ,滿懷希望咁出發 ,原來喺柯士甸站行過去5分鐘左右就到,都幾方便啦門面好大，好容易搵到,望落去嘅裝修都好靚每張枱嘅距離都好足夠 亦都係好適合傾偈食飯嘅地方唔似一般食煲仔飯嗰啲茶記我哋兩個人點左一個例牌招牌特色臘味煲仔飯因為店員話比較大份 可以兩個人share帶住個白手套上菜 ，落豉油果然高級哈哈哈臘味 份量好足夠 成個飯都好香辣子雞丁 -非常香口 佢嘅辣嘅程度呢 係偏辣嘅鍾意食辣嘅朋友就啱晒上湯菜心 正常嘢囉有啲應該係金華火腿絲鋪面總括嚟講呢 感覺係好良好食完之後我諗到嘅就係會帶國外啲朋友嚟主要因為呢一度裝修比較舒服整潔 優勝過普通嗰啲茶記煲仔飯好多好多食完覺得佢啲臘腸靚嘅話佢仲有個專櫃可以買呢一個真係幾特別 開頭我以為呢一個櫃係賣蛋糕仔

又係Happy Friday要四圍搵嘢食嘅時候啦☺️️ 今次特登放工入咗去九龍站同佐敦站中間比較偏遠少少嘅地方食嘢，貪佢星期五無咁多人嘛，今次試咗一間幾出名幾特別嘅煲仔飯，特意介紹下😬山長水遠黎到，緊係叫左個馳名煲仔飯先啦！😍 呢度既臘腸都係自家製架！川味臘腸本身有川式的麻辣味，食落帶有少少麻，配合埋簿切半見瘦臘肉同埋超級入味嘅臘鴨件，溝埋熱辣辣嘅飯同脆脆嘅飯焦一齊，加埋煲仔飯豉油，真係超好食！連平時唔多鍾意食飯嘅我都好快清咗🤤除咗煲仔飯之外，我哋仲叫咗啲小菜。其中一個係川椒麻辣雞，又係另一個必食之選😋 雞肉嫩滑，無咩多餘脂肪，配上川式嘅調味，唔會好辣，味道剛好，而且非常醒胃，呢道菜送飯食一流呀😆因為食得太多辣野嘅關係，我哋再另外叫咗一個比較清淡嘅上湯菜心清清腸胃，感覺無咁 heavy🥸 佢哋啲菜芯幾嫩口，完全無渣，亦都煮得剛好，夠爽脆，唔錯！總括而言，呢間行高檔路線嘅煲仔飯雖然比平時食嘅貴少少，但勝在煲仔飯夠特色，餐廳環境又靚，打破咗我食煲仔飯要喺好嘈加衛生環境冇咁好嘅大排當食呢個concept🤪 想食煲仔飯又想靜靜地同人吹下水，呢度係不二之選🤙🏻