慈素小聚

營業中

休息中

嶄新的素食概念，吃出環保新滋味！這次來到尖沙咀一間樓上素食餐廳，融入了中、日、泰等元素，炮製出一系列仿真度極高的菜品~我們點了6款菜品及2款飲品，人均 $227   ᐅ 京都片皮鴨 $128  以大豆肉片製成，具有傳統片皮鴨的紮實口感，帶少許豆香味，餅皮更薄身 ᐅ 素食三文魚拼盤 $68 超逼真！色澤和紋路都與真三文魚非常相似，聞起來還有海水的味道🤣富有彈性；店員會加入氮氣，仙氣飄飄的造型十分適合打卡 ᐅ 椰汁雪耳無花果燉湯 $48 味道清甜回甘，菇味較重 ᐅ 鮮竹蒸牛肉球 $48 味道極似牛肉，厚薄適中有咬口，亦加入馬蹄菱了增加口感 ᐅ 惹味冬陰功金邊粉 $58 分別有兩款素肉丸以假亂真，湯底保留了冬陰功湯的酸味，非常開胃 ᐅ 花生鹹蛋糖丸 (蛋) $28 糖丸裏面包裹着鹹蛋黃碎，入口香脆鬆化，以紅糖水熬煮入味 ᐅ 胚芽奶茶 (奶) $38 奶茶茶味香濃，最吸引的是分量極多的胚芽顆粒 ᐅ 百香芒果烏龍茶 $38 充滿熱帶風情的百香果加上芒果的烏龍茶，酸甜可口

最近冇咩胃口食肉，決定去挑戰下新嘢😳 呢間應該係我人生第二間食既素食餐廳，食物質素唔錯，價錢合理，擺碟精緻用心。原來素食都可以好好味，絕對會再encore🥹✨✨素食三文魚拼盤 $68附贈煙霧離漫嘅乾冰效果，打卡一流。三文魚出奇地真係有魚生味，花紋都整成三文魚間條狀，口感就似啫喱，好趣怪🤣✨粟米濃湯翡翠苗 $98👍🏻推薦！如果鍾意翡翠苗有獨有嘅青草味，呢個必食🤭 配搭香甜既粟米濃湯，味道相當討好！✨北京片皮鴨 $128薄餅皮新鮮熱辣出爐，配搭醬料後真係有片皮鴨風味。個人嚟講，配菜切再幼細啲就更好。✨日式芥辣蝴蝶蝦 $78👍🏻👍🏻推薦！無論外貌定口感味道，同真正蝦肉幾乎100%相似🤯 而且冇平時炸物嘅油膩感，咬落去清爽彈牙，出色！✨印度風味 Masala咖喱佐手抓餅 $78 咖喱真係有「肉塊」，像真度非常高，味道香濃，不過味道就唔算特別印象深刻。✨栗子烤奶 $38👍🏻👍🏻推薦！唔會過分甜膩嘅飲品，濃稠程度適中，栗子同奶味比例恰好。

網上見到尖沙咀有新開素食餐廳，評語好一於試下；真係同大家所講一樣，嘢食好味，feel到好用心做；唔貴，價錢合理。老闆非常nice，有禮貌及親切。雖然地方唔算大，但唔會逼澀。一定會再嚟😊，支持！

約咗媽咪食飯，試試新口味，食呢間新派素食餐廳。估唔到真係好有驚喜，有新鮮感之餘，食物味道好好，唔係款款都係麵筋味😆素食三文魚拼盤 $68賣相好靚，有乾冰仙氣😍食落口仲驚喜，素食三文魚沾上wasabi 豉油，簡直同真嘅刺身有九成相似，好神奇真係有三文魚味👍🏻鮑片口感都有啲似😆鮮竹蒸牛肉球 $48跟住嚟個傳統酒樓點心，牛肉球望落去同真嘅一樣😆食落去味道極似，好食，有芫荽、馬蹄嘅精髓，只係肉嘅口感上比真嘅牛肉球軟啲啲。京都片皮鴨 $128呢個片皮鴨個樣就麻麻哋似，但係做晒成件事，用皮包住片皮鴨，沾上海鮮醬，加上青瓜配菜，捲着一齊食，又真係有返片皮鴨嘅味道喎，仲幾好食添😋台式叉燒刈包 $68呢個刈包好軟熟，裏面有塊好似炸豬扒咁嘅，香脆可口，上面再鋪上素叉燒，加埋叉燒醬，成個包夾住一齊食好好食😋日式芥辣蝴蝶蝦 $78呢個蝴蝶蝦個樣就麻麻哋似，但係食落去又真係唔知點解有陣炸蝦味喎😆，好似食緊天婦羅蝦咁樣，沾上日式芥辣醬，甜甜地有啲蜂蜜味又辣辣地，好食😋日式半煎炸餃子 $48餃子好脆，裏面嘅餡料都幾香👍🏻，有冬菇絲、椰菜絲、紅蘿蔔絲同埋粉絲，沾上喼汁食都幾好味。四川擔擔麵 $68擔擔面嘅精髓就係醬汁

現今都市人越嚟越追求健康，好多人仲改為食素，覺得食素對身體好好，母親一直都對素食感興趣，咁啱見到尖沙咀新開咗一間素食，就嚟試下素食都有分好多種，全素，蛋奶素，五辛素等，而呢度嘅menu都好細心咁係每道菜後面括住有咩材料，令到素食者都可以選擇到自己有咩食得有咩唔食得片皮鴨拼盤-$128素肉配上醬汁，似假亂真，味道都有幾分相似，而配料因為要顧及五辛素嘅客人，所以換走了京蔥，以紅黃椒代替素食三文魚拼盤-$68呢個有乾冰係底，倒入水後，會有煙慢慢出嚟，成件事好啱打卡，而三文魚係用蒟蒻魔芋整嘅，口感爽爽地，連紋路顔色都好似，點埋豉油，味道再似啲，鮑片都好似，又爽又彈牙印度風味masala咖喱配手抓餅(奶)(蜂蜜)-$78呢道菜五辛素同奶素客就唔食得了，咖哩味好香，配上烤麩有咬口，手抓餅外脆內軟，唔會話好乾身，有8塊手抓餅，咖喱都好多，唔夠食仲可以單點手抓餅添四川擔擔麵-$68擔擔麵加入咗花生碎同花生醬麻醬，好香口，麵質都唔會過冧過硬，份量適中，2個人食剛好好素食串燒配秘制沙嗲醬(奶)-$78素食串燒有素肉素肉丸，質感味道都唔錯，肉質唔柴，配上沙嗲醬，同食緊真串燒無乜分別日式芥辣蝴蝶蝦(蜂蜜)-$

裝修以湖水綠為主調 像那些網紅cafe🤣不過其實是素食餐廳! 而且提供中、日、西、泰、印式等多國料理Σ(ﾟДﾟ) 味道、賣相都很有驚喜，職員很友善健談(告訴了我椰汁糕的秘訣🤣)整體很推薦! 印度風味masala咖哩配手抓餅 $78 (另加一)masala香料味濃，而且番茄的比例應該多，所以香而不辣(๑´3｀๑)裡面還有吸滿咖哩的素肉還配有8件手抓餅，不過我是偏愛naan的派別🤣 日式芥辣蝴蝶蝦 $78 (另加一)不論味道、質感，完全就是日式放題中天婦羅蝦啦🤣只是這個大塊點，更有肉感配有蜂蜜芥辣，令它清新點 椰汁雪耳無花果燉湯 $48 (另加一)跟有肉的版本一樣鮮甜😳 燉的時間很足，湯料都變得很軟，可是仍然好吃! 我連椰子片都吃光了🤣 北京片皮鴨 $128 (另加一)賣相有8成像😜 味道當然就沒有鴨香啦，不過調味甜甜的，給你一個片皮鴨的錯覺🤤每張餅皮之間都有隔紙，很細心，要是餅皮薄一點更好 素食串燒配秘製沙爹醬 $78 (另加一)串燒質感也是很像肉丸一路吃一路在想：真的是素？？🤣沙爹醬反而比較像葡汁? 花生味濃些就好😝 椰汁芒果布丁 $22 (另加一)綠豆椰汁糕 $22 (另加一)兩杯甜

🥬至從兩年幾前開始左我嘅Green Monday之後👩‍🍳除咗自己每個星期一做款素食分享之外❤️我亦都多左發掘更多素食嘅餐廳🍴今次呢間😍用「素造精彩」形容就最貼切喇💯🍴餐廳細細間❤️座位唔算多🪑所以上去之前一定要訂位呀✅呢度係新派素食🥕除咗好食之外👍食物嘅賣相靚😍打卡一流📷🦆京都片皮鴨 $128 : 好精緻呀😍呢個京都片皮鴨賣相同傳統嘅片皮鴨基本上係無乜分別👍素嘅片皮鴨炸到脆卜上好香口🔥值得一讚係佢個包住片皮鴨個個皮一啲都唔馬虎👍皮與皮之間都一樣隔咗一張牛油紙✅令到個皮會黐埋一舊💯🍱傳統和風薑蓉白冷麵 $88 : 估唔到素食都可以食到一份咁正嘅傳統和風薑蓉白冷麵🥳冷麵嘅柔軟度啱啱好✅唔會煮得太林👍呢個好推介喔🥳🌮台式叉燒割包 $68 : 包住叉燒包嘅包好軟熟✅佢哋將素叉燒切粒粒放喺入面👍配埋啲醬汁💯超惹味🥳🍜四川擔擔麵 $68 : 好喜歡擔擔麵嘅香濃花生醬味😍配埋微微辣嘅香味❤️正呀喂🥳☕️杏仁奶茶 $38 : 一壺真材實料嘅杏仁奶茶🔥又香又滑✅大滿足🈵️☕️桂圓南棗茶 $48 : 南棗本身焗完已經夠曬甜🍬再加埋桂圓入去焗🔥天然嘅甜味😍入口令人舒服喔🥳

店面唔算好大中式西式日式嘅菜式都有 都幾多選擇.1) 三重奏芝士天使麵芝士味濃郁 配蕃茄醬 一啲都唔膩輕鬆清碟☺️不過無乜配菜 如果有多啲菇就好喇😀.2) 栗子烤奶 & 胚芽奶茶栗子烤奶比較甜胚芽奶茶就唔錯 有好多胚芽粒粒 好有咬口😍.3) 黑松露蘿蔔糕原來黑松露係啲醬🤣蘿蔔糕煎得啱啱好 外皮夠香脆 唔會太燶配黑松露醬真係幾好味好味過我至愛嘅甜醬😍.4) 椒鹽白靈芝菇椒鹽味唔錯 唔會太鹹不過啲炸炒多咗少少 蓋過咗啲菇.5) 串燒配沙嗲醬個醬唔錯 唔辣.6) 花生鹹蛋湯丸鹹蛋湯丸 好新穎嘅味道食完豐富嘅一餐 再食埋個糖水 真係好滿足呀.另外 店員禮貌都唔錯👍🏻

北京片皮鴨用大豆纖維製成嘅仿鴨肉幾可亂真! 炸到表面脆卜卜再加埋黃椒、紅椒同青瓜等配菜, 點埋甜酸醬包住所有配菜一齊食, 出奇地有食緊真片皮鴨嘅感覺! 係一款有創意新奇又好味嘅素菜食素一定要點香煎腐皮卷! 炸到香脆又金黃嘅腐皮包本身已非常香口, 再包著裡大量木耳、香菇同粉絲等食材同腐皮卷口味非常夾👍🏻四川擔擔麵湯底非常濃郁花生味勁濃, 仲有植物肉同少少辣陪襯, 味道好有層次☺️麵條幼身爽口掛晒汁, 非常惹味!雪菜肉絲湯米同一般嘅米粉差唔多, 冇咩特別, 好中意個湯清清地飲哂都唔會口渴椒鹽白靈芝菇, 椒鹽薯條食得多, 估唔到菇類拎去油炸再灑上椒鹽搖身一變成為非常香口惹味嘅下酒菜小食😀好食到停唔到口🩷除咗一系列嘅素食小菜之外, 呢度嘅飲品都非常高質有誠意! 唔好睇小呢個杏仁奶茶同香芋鮮奶, 口感超香滑, 奶味超濃郁! 一定不能錯過佢嘅飲品

以前細個覺得食齋都係菜菜菜今日朋友帶咗去一間新派中西食齋嘅地方入邊啲美食唔講，真係唔知係齋京都片皮鴨呢個睇落去個樣係咪完全分別呢豆製品制嘅片皮鴨味道神似加埋三色椒同埋特製醬清清新新又好味意大利香草風味酥皮pizza入面啲芝士仲要拉絲素火腿同埋千島醬再配埋個酥皮底呢個配搭唔會唔好食鮮竹蒸牛肉球真係好犀利味道咪就係牛肉球完全唔似食齋㗎椰汁雪耳無花果燉湯呢個湯係咁越飲越潤嘅感覺好清甜黑松露鮮蘑菇忌廉湯黑松露味特出配埋先蘑菇忌廉成個湯好香濃少少痴住個口添杏仁熱奶茶一倒出嚟已經有濃濃嘅杏仁味令人想一杯一杯慢慢品嚐八香芒果烏龍茶芒果，加上烏龍茶成個感覺清新有茶香又甜蜜椰汁芒果布甸再食埋個香甜椰汁芒果布甸中西結合嘅齋菜完全比到驚喜我們

朋友鍾意食素，話尖沙咀有間素食餐廳啲素食好得意好靚，今日特登陪朋友去食一餐素，餐廳裝修得好優雅，落地大玻璃，採光度十足，景觀非常開揚，座位亦寬敞舒適，坐得好舒服，雖然係素食餐廳，但係睇餐牌有好多選擇，而且有曬圖片，好方便，素食三文魚拼盤 - $68擺盤超級精緻，勁精美，啲煙係乾冰，影相一流，非常適合打卡，素三文魚賣相造型做得非常像真，而且還配備芥辣和醬油，入口的味道和口感均和真正的三文魚非常相似，還附有四片素螺片或素鮑片，無論味道或口感都是令人驚喜，粟米濃湯佐翡翠苗（奶） - $98翡翠苗份量不少，擺盤同樣吸睛，口感鮮嫩爽脆，煮得剛剛好，沒有草青味又沒有渣，粟米濃湯調味恰到好處，不會過鹹，北京片皮鴨 - $128一上桌已經令人驚嘆，模仿得好似，非常漂亮，而且搭配的薄餅皮也是新鮮蒸起，熱氣騰騰，素片皮鴨和配料蘸了醬，包起來吃，幾可亂真，個人認為呢一道菜係必食，青梅子氣泡特飲 - $38酸酸甜甜幾好飲，重點是不會過甜，特別一提，杯裏面的兩粒青梅子，口感非常爽脆，唔酸，好飲好食，日式芥辣蝴蝶蝦（蜂蜜） - $78素蝴蝶蝦外面炸得非常香脆，而且口感彈牙，真係好似蝦，亦有少少似魚蛋，頗大隻，好抵

Plant power, one bite at a time 有時食下齋都唔錯。見到幾多人去過呢間素食店打卡、食物賣相幾好，下午過開去尖沙咀無訂位摸上門碰碰運氣咁啱有位。地方不大骨骨子子，唔太餓簡單點兩個素食試試味Precious Alfalfa Sprouts Hand Roll珍貴苜蓿芽手卷 > 店主話苜蓿芽係佢哋自家耕種，青草味濃沒有過多調味料。三文魚係蒟蒻造、口感味道都仿真度高，凍凍哋夏天食都唔錯綠豆椰汁糕(奶) > 呢個甜品唔會太甜，食到綠豆香味同埋椰奶，甜甜哋嘅甜品踢走悶熱天氣Passion Fruit Oolong Tea 百香芒果烏龍茶 > 呢杯飲品有幾多百香果籽清甜味足，飲完腸胃真係暢通咗，果籽成效功不可沒！

今日帶左個食素既friend試下間新餐廳 慈素小聚 叫左幾個精美既菜式日式半煎炸餃子 $48： 煎餃子外皮香脆，內裏餡料豐富，好好味嘅一款小食咖喱魚排飯 $98： 小小辣，魚排肉質都好似魚似，咖喱濃郁，配上白飯食得好滿足。琵琶豆腐 $88： 呢款琵琶豆腐質感滑嫩，外脆內軟，非常適合素食者享用。粟米濃湯佐翡翠苗 $98： 湯汁濃郁，粟米的甜味與翡翠苗的清香相融合，令人回味無窮。椒鹽白靈芝菇 $88： 呢款菇類炸得香脆，椒鹽調味恰到好處，白靈芝又好有營養再叫左兩杯清新特飲 十分滿足既一餐素食宴青梅子氣泡特飲 $38菠蘿氣泡特飲 $38

朋友食素，大海中在尖沙咀找一家素食，找到這家，經Openrice 訂位。天氣熱，最好近地鐵站，一出就到，否則行到去已經熱到吾想食，位置近尖沙東站麽地道N出口，一出對面角落頭Mody House樓上，一出LIFT就係，一梯一伙。舖頭好細，不過裝置雅致，約有8張卡位。店員安排我們坐第一張，親切友善，店中有望到街既窗，感覺開揚。打開A LA CARTE MENU，新派素菜，都吸引。不過如果單叫一定吾及午餐抵食，見午餐的食物都可以，加$10再有特飲，岩曬我地GIRL’S TALK，所以就要了兩個午餐。餐湯：揀了椰子雪耳無花果燉湯，好熱，好香椰子味道，吾覺有味精，之後都吾覺得口渴點心：兩個都要，腐皮卷同埋牛肉球，太餓食左兩粒牛球先影相，主食：我要了一個冬陰功金邊粉（有三粒素丸）酸酸辣辣，幾惹味。朋友要左個咖喱魚扒飯，都幾足料，當然吾係熒光咖喱啦，似印度瑪莎拉。特飲：菠蘿Sparkling (夠曬氣同凍, 無菠蘿粒，味道都好味)，青梅Sparkling (staff 話個MENU寫錯左，吾係青檸，係梅子，真係有綠色的梅，硬個隻脆梅，朋友話都可以，但我自己就麻麻地脆梅)。整體氣氛好，食物有誠意，食物

有中，西，日，印度等多國菜既素食餐廳，比我想像中多人，去到已經滿座，等左一陣先入得，餐廳細細地，成個環境都裝修得幾舒服，有好多又吸引又特式既菜式，食素都可以食得好開心好滿足😇.👁‍🗨 素食三文魚拼盤(7.5/10)💲68.➰原來呢個素三文魚拼盤好ig able😂黑色器皿入面放左乾冰，加啲水落去就可以有仙氣效果，好岩打卡😆素三文魚賣相真係同真既冇咩分別，整得好仔細，連三文魚既皮都整埋出離🫣初初食第一啖，真係有啲三文魚既味道，再沾埋豉油同wasabi ，簡直係還原度十足🤣但係其實佢只係用蒟蒻製成，但係可以似到咁😇旁邊既鮑片同樣出色，夠爽口🤓.👁‍🗨 北京片皮鴨(7.5/10) 💲128. ➰期待左好耐既片皮鴨，賣相都真係幾可亂真😎用左青瓜條，黃椒同紅椒代替平時既蔥，素片皮鴨由大豆製成，食落有啲啲咬口，配埋薄薄既餅皮同甜醬，一啲違和感都冇😜.👁‍🗨 香芒天婦羅炸豆腐(6件)(7/10) 💲88. ➰芒果味相當濃郁，除左碟上面有一條條既芒果汁之外，仲額外比左一兜仔芒果汁🫢豆腐嫩滑，吾易爛，天婦羅皮厚度一般.👁‍🗨 意大利香草風味酥皮pizza (7.5/10) 💲138. ➰比佢個酥皮吸引左，