愛爾蘭瘋薯 (已結業)

老公放假 諗住咁耐冇掃街 就一路行一路食小食見到尼個間野好多人等 我之前又係加拿大食過 就諗住試下因為加拿大個次真係唔錯 雖然貴dd 但份量又大 醬汁又多 諗住香港都有就試下喇 應該唔會差得去邊卦叫左個 芝士+酸忌廉 等左都ok耐 拎得個陣 就發現 份量又少 醬汁又少 d芝士 好快硬晒 就好似自己係超市買返黎既芝士咁味道一般 冇特別食左面頭個d 到底個陣 真係得返自己加既茄汁 大佬 d薯條已經係普通個d 買得既 都係買佢既味道架喇但醬汁又少 芝士+酸忌廉又唔好食 份量又唔多 廿幾蚊 真係唔知食咩囉 我食到一半 已經同老公講 這一間 冇下次~!

途經愛爾蘭瘋薯, 見人不多於是便外帶了一客來試試. 我們試了 sour cream加肉醬, 可能是即叫即炸的關係, 所以味道真的很棒!! 酸忌廉配上炸薯條真的無得頂, 但是要付上 $33來吃這客薯條似乎太貴了吧. 而且花的時間太久, 等得我有點不耐煩.. 巳經晚上十二時了, 還要在後巷裡等薯條吃, 真有點過份.. XD 在等的途中人潮愈來愈多, 我即時想到這間店子人氣高企, 那熱潮也許只是人人久等圍著這裡等吃的假象.

我是見人多買嚟食才去買的，第一次買來食的是酸的cream加瘋粉的薯條，都ok啦!!好奇心作祟下想食chese，見到炸芝士條好想試(但好貴呀~$25蚊四條)，第二次就決定買了$30蚊的特濃芝士的薯條，可惜没有第一次的美味没有了薯條的新鮮炸起的口感。特濃芝士好咸~咸到跑去買水飲, 而且d薯條俾d油弄得唔好食~

睇左好多次評語,而且每次路過都好多人, 有時真係好想食, 但係唔想等咁耐ma, 今次碰巧唔算多人, 叫左個芝士+酸忌廉 , 有好有唔好啦,好既:: d薯條即炸, 好有誠意 ! 而且各個分好, 唔會多左少左 ! 公平 !不過 芝士真係硬得太快啦 ! 只有頭個幾條可以係好味既時候時 ,我地兩個人食都趕係佢硬之前食哂, 後面硬哂真係勁咸 ! 勁咸 ! 係哩個時候, 先發現酸忌廉的用途, 就係冇咁咸 .. 服務態度 .. 可以接受 , 佢俾錯左哩一杯既我, 咁同返佢講, 佢會跟返,下次可以試肉醬 ..

瘋薯其實已經登錄左香港都有好幾個月,而且我已經想試好耐,但次次行過都見到大排長龍,講真,我係一個冇咩耐性既人,故此我次次行過都打消左我想試下既念頭。琴日咁岩係我form six考試既最後一日,又早放,本來想返屋企,但在路上見到一個我以前既好朋友,傾傾下林起瘋薯,原來大家都想試,所以一同來試。黎到既第一個感覺係:嘩,都幾貴下,佢一個薯條既價錢已經同老麥既一整個餐既價錢差唔多(有D仲貴少少),兩杯招牌芝士肉醬薯條盛恵$66。由於冇咩人(個陣2點幾)既關係,薯條都好快到手,熱熱的,幾新鮮。新鮮有餘,但薯條質素只屬中上,大條夠大條,薯香又有,但質感唔一致,一兜薯條,三個質感-外脆內軟:~20%~淋Pat pat:~50%-水份全無,得個脆字~30%咦,如果咁講,以上係喑示左呢一杯薯條唔係同時炸??芝士好香,不過凝固得超快;肉醬好有茄味,但肉碎出奇地少,D肉唔係鮮肉既質感,係肉干!?整體黎講,杯薯條都算唔錯,但33蚊真係唔值,比儘都係20蚊。

其實我唔明有咩咁好食... 可能佢只係勝左個醬汁... 但確實地,呢樣係唔健康既小食... 次次行過果頭都有好多人排隊去食... 我諗香港人話到想健康想瘦既話... 真係自打嘴巴啦!或者分享一次經驗大概係08年9月...自從呢一次我再無食過呢間鋪...一日與友人去到味千享用晚餐...完左發覺想食小吃... 咁友人話有間新野...就信佢去啦...去到...原來人多隊長...差唔多成條街都係...排左大概廿分鐘...其中都有d唔耐煩... 仲耐過我係味千由坐低果刻到食物黎到為止... 為左等另一友人,咁繼續排啦,見到個價錢,講真唔係太想買,不過都排左咁耐,試下無妨,俾左錢要左兩款唔同味既,又再等過, 果陣天氣又熱,真係火都黎埋...!等下又等,再等多左半個鐘到...當你見到佢地既製作過程,就會知自己等得好唔抵佢係全人手控制,份量啦,醬汁多少,但真係好浪費時間囉,我見住果個人磅完又磅足足磅左4次,拎起左一條薯條又放番低,都係同一兜薯條,講真:俾多1,2gram姐...唔會令到你虧本呀化,等咁耐又磅咁耐,怪唔之得咁多人啦! ok,等到喇,食落無分別,加埋d醬,都唔太難入口既,但真係唔知食左d咩

前晚(17-1-2009Sat)同男友食完珍豆漿後,按計劃o黎買瘋薯食,o黎到,依然係有人龍,我決定買兩樣o黎試,就係:1.$23.00o既乳酪忌廉薯條有士多啤梨,藍莓同桑果三種生果味揀,正諗o緊想要藍莓味,收銀就推介桑果,話少少似士多啤梨味.啊,好吖,試吓啦.到我o地拎喇,由於仍要等下一個瘋薯,我o地就食住等.乳酪忌廉好香,薯條又新鮮熱辣,味道真係微酸但帶清,真係唔錯喎,男友話薯條就算唔蘸醬食都好味,抵佢賣得咁貴咁多人食.之後2. $30.00招牌芝士薯條都有喇,但我o地要用個袋載住先,行去第二o度食埋乳酪忌廉薯條,就去搭車歸家,o係車上食.我o地終於可以試到喇,芝士醬好香濃,但凍得太快,開始凝固,要快快手食,但都係避唔到,食一pet pet o既芝士醬好漏,男友話下次如果買兩樣,一定要先食芝士o既.而佢食完都話好食,下次要試其他口味.我就鍾意乳酪忌廉味,男友鍾意芝士味多啲,呢啲可能就係男女唔同口味o掛.

終於都食左啦 .. 叫左酸忌廉+芝士 拎到個陣影完相即刻食 .. 第一啖真係好好味呀 .. d薯條係逐個逐個炸嫁 我覺得d芝士熱個陣真係好好味 .. 男朋友覺得酸忌廉都ok .. 不過我地愈食愈滯 =.= 到最尾d 芝士硬左一舊食落去真係好滯唔食又唔係 3 .4個人食一個就岩岩好lu~~下次要試下肉醬先 ^^

昨晚去左食...叫左酸忌廉+PIZZA醬薯條夠熱，酸忌廉其實冇乜味既...不過我鍾意～ PIZZA醬酸左少少...冇話特別好食... 試過就算...

上次係cwb食過幾好, 見mk開左, 又想食左次...我點了芝士加肉醬, 但今次真係失敗,我覺得佢好似太busy將d芝士汁先倒入杯內,令薯條好難食到芝士, 之後只有少少肉醬,肉醬又少同淡味, 好似乾食炸薯條..最後男友一個食左底部硬左芝士...

見一路以黎都咁多好評, 就終於試左, 我既order係:酸忌廉+紫菜粉 ($25)第一眼見d薯條好大條應該唔錯,點知真係淨係d薯條唔錯, 個醬一d味都冇, 我試過將條薯條浸哂d醬令到成條白色,但都係冇味......連同行女友都係咁講,應該唔係我地味覺有問題gwa???真係去快餐店食粗薯條好過....

上個禮拜五放左學之後要去補習, 不過仲有成兩個鐘先夠鐘,所以就同友人四圍行下睇下有咩食啦, 點知我發現到呢度有間食薯條的,聽友人講話幾好食既, 所以就去左食啦, 一去到, 嘩, 旺角真係旺角, 條龍都幾長, 友人嗌左芝士味, 我就冇嗌因為驚好油好熱氣,先講環境, 果陣係咁既: 間野o係後巷隔離, 向住街既就係收銀, 而側邊後巷就係拎野食 / 食野既地方買完野之後就等呀等, 等呀等, 等左差唔多半個鐘先有得食之後我食左一條, d汁幾好, 薯條又唔會好油, 仲有可以自由落茄汁同埋芥末, 都唔差既~特色既地方就係企係度食, 同埋d汁好特別如果唔係等得耐, 同埋o係後巷度食, 都會仲有下次~

今次終於都去"的"起心肝去試, 我點了芝士加酸忌廉,吃了幾口,很失望! ,正如之前的食評,我非常不欣賞芝士沉底的情況,而且下鹽重手了,很鹹.....anyway,我不喜歡啦!! 還有, $30左右的街頭小食,真的不值!!

每次經過都想試,不過成日見條隊排到成條蛇咁長,結果次次都係放棄.上個星期日出左MK行街,個fd死都話要排隊買黎食,咁咪買黎試下喇...嘩~~款式都會幾多,多到唔知想試咩味,第一次食,咪試下佢既酸忌廉拼芝士囉...等等等等等等....等左成20分鐘,成條街都迫晒人,個個都係度圍住個廚房,見到裡面得幾個伙記,個個都係度叮緊d芝士,我本人勁愛食芝士,所以期望極大..點知,出事喇...我覺得d dressing唔夠,而且沉晒底..薯條味道ok,不過真係唔夠dressing....覺得唔係唔好食,不過要我等咁耐既話,好似有d唔值.....廣告同人氣係夠.....可能就係因為咁,有d失望!

個個寫到好好食$30-$40 都貴貴地, 經過~嘛試下 d 薯條咁熱, 9成芝士汁都流哂係底 , 仲變得一舊舊有咩咁好食呢??好耐之前outback 都有芝士薯條啦其他d醬嘛又係普通汁, 所有都係意粉汁做咩d 人講到特別好食呢??**請問可否提供零分選擇**