愛爾蘭瘋薯 (已結業)

有日, 同事仔提出, 想去旺角試新開的薯條~就派我呢個成日周圍去的試食員試一次~~同男朋友仔去到試食, 買飛比錢好快, 不過第一次, 問下個小姐有咩係多人揀的口味, 佢好似表現得唔係好奈煩~~結果都係叫o左個有小小肉, 茄汁, 好似有d 芝士的~ 名就已經唔記得!~3x 蚊左右喇!!結果, 一如同事仔所講, 足足等o左廿幾分鐘先有得食~其間, 仲聽到有個西裝哥哥係度批評: 要等咁耐, 依家d 人貪完新鮮就唔會有人來喇!!~不過, 到我拿到個熱騰騰的薯條o個陣, 真係無得頂, d 薯條外脆內軟, 熱氣迫人, 加埋d 茄汁配肉碎, 好野味後來, 聽朋友講, 原來d 員工要越洋去培訓先返來開工炸薯條的, 仲要係分開幾個溫度的油來炸, d 薯條先有咁o既口感, 唔怪得要等咁耐........

幾個月前瘋薯熱潮令整條街上, 隨處可見拿著瘋薯的行人。近幾個星期這些人群好像少了一點。瘋薯最熱的時候似乎快過了，一來天氣很冷，二來附近有其他暖立立的食物選擇了。吃過銅鑼灣的瘋薯，這天來了旺角吃！這天吃了招牌芝士瘋薯，芝士比銅鑼灣吃那次少，但是依然很香脆的瘋薯希望香港人對這股新興小食，不會只是一陣子的潮流，否則便會好像krispy kreme一樣消失

食了3次，都係食sour cream + cheese其實真係幾貴，不過岩岩炸起真係好香軟好味冬天食好正 不過旺角店，真係要好好地訓練下員工做野既次序有一次後過我地既薯條都出晒黎，都未到我地 (一樣架)如果係咁...跟number做乜呢？

每次經過都見大批學生於店外留連，初初諗住都係街邊篤篤野...無咩特別點知比佢龐大既份量嚇一嚇...兩個人食一份都要用上好十幾分鐘...薯條味到一般，精髓在於佢個紫菜味粉, 味精指數爆燈! 加上佢個dressing, 真的不錯! 上回食過sour creme 加紫菜粉，期待下次試honey味~不過令我覺得奇怪既係, 點解時下既學生哥咁有米咖呢??? 成30幾蚊份, 都大把人去排????攪笑位: 隔壁既章魚小丸子啊姐已經係短時間內同瘋薯啊姐熟落左...睇黎仲開始互相交流心得... 果日見瘋薯啊姐一邊食小丸子一邊做野, 小丸子啊姐又係咁係度食薯條。

由佢初初開我就好想試,但偏偏每次經過都見到太多人而放棄,今日見到佢唔太多人,就去買0左0黎試,其實佢而家做緊promote,可以加某隻粉落去個薯條度,不過我想試試佢原本0既味道, 唔想兩隻味溝埋,結果就叫0左個酸忌廉薯條~~~等0左一陣就有得食la~~~賣相幾靚, 佢0地0既薯條係粗薯條~~so good, my favourite~~~落0左好多sour cream,熱辣辣食落去,外脆內軟加埋sour cream, 正~~~唔需要再加任何調味粉已經好好食~~~0的薯條條條都好長~~~雖然話25蚊一兜薯條好似好貴咁,我又覺得其實都值ge~~~^^有機會再試其他味~~~

未番黎香港之前都聽過新聞同朋友講呢間野見佢地講到咁好食, 最後走去同男朋友一齊試我地叫左個招牌芝士再加薯皮見到D薯條大大條...或者因為長居外地關係所以見慣食慣呢種薯條所以無咩感覺.無我想像中咁好食(雖然我男朋友好鐘意)不過D薯條都好脆!薯皮唔錯, 我鐘意呢個!不過價錢貴左少少...小食黎講就唔錯啦!

我食的是酸乳酪, d薯條熱lala, (我鍾意食粗薯, 不鍾意m記的幼), 但加d乳酪凍冰冰, 正呀, 外凍內熱, 好好味

平時見呢間店好多人排隊,唔想等,所以一直冇食,今日晚上經過,見好少人,所以就試下,點左個蜜糖芥末,$25要等一陣,企埋一邊等,口感好香脆(見佢新鮮炸起) 但D汁麻麻,以為好特別,同一般蜜糖芥末冇分別,汁太多P.S比我想像中差~~~

好多人都話正,好有人氣的愛爾蘭瘋薯!出到旺角進行勁食, 一定唔可以唔試啦;)去到咁岩佢做堅d promotion,填好佢俾的問卷,之後俾返佢就有張8折coupon.無時間日期限於.唔錯!叫左個招牌芝士1食.$30都真係幾貴呀....'''$30可以食個餐啦..好彩有2個朋友1齊share...-v-見住佢點整..佢d芝士原來係即刻叮熱再淋係d薯條到.唔知係咪叮ga關係.所以食到後段...d芝士變返硬...變返1條條..1塊塊...-3-如果可以改善就好啦...但食落..自己覺得似普通m記d薯條mix 豬柳漢堡的個塊芝士.味道就係咁啦....就無大家講到的好好味..'''感覺有點普通.但我地3個人share, 1人都食得唔小.我諗1個人食哂1碗應該夠哂飽!

已不知多少次路過這瘋薯店，常見人氣旺盛想試吓，但次次都已飽所以緣harn一食。呢日天氣凍，食完反都天太飽，二人要咗一杯芝士+sour cream試。Ｄ薯條真係香口得泥有薯味芝士+sour cream的配搭不錯。呢日天氣凍，芝士很快少少硬，但都ok。唯獨要企街食，很難飲住可樂泥食，有Ｄ失色。

第一次食咋..可能係星期６既關係..足足等左半個鐘先食得買就唔使等太耐..係拎要等見到佢係逐個磅好分量, 然後先拎去炸, 然後個汁又要叮所以先咁耐, 等既人起碼有30個係到不過鍾意食芝士既我!梗係要試下佢招牌芝士啦!結果係...我覺得個芝士都幾好味既!不過真係好快硬哂呀! 而落單個時, 個人都會提你要快D食, 因為好快硬!所以有定心理準備!咁樣做幾貼心呀!如果佢無講, 後尾我自己發現!我一定會扣佢分架!另外, D薯條我覺得咸左少少不過我覺得, 間唔中食下, 都幾好架!佢有咁多種口味, 我下次會試下其他口味既!

早在三月的時候.......到台灣旅行就已經試過瘋薯了......一直都念念不忘所以昨天襯著放學後閒著就試試香港店的味道怎樣店外人頭湧湧.....大部份人都是等著取薯條的,,,,,倒是排隊買票的人比較少點了在台灣吃過的蜂蜜芥末味{$ 25},,,,,等了大概五至十分鐘左右.....新鮮現炸的薯條就到我手了味道是跟台灣的差不多啦,,,,,,,只是台灣店的薯條和醬汁都好像比較多,,,,,,而香港店的薯條就比較粗如果要我選擇的話,,,,,,我會比較喜歡台灣店因為台灣店的環境和氣氛都比較好.......可以讓客人坐著......一邊聽著音樂..看著101一邊吃著薯條實在讓客人很舒服寫著寫著....實在讓我很有衝動快點再到呢

終於都有時間去等,所以食左~招牌芝士熱熱的幾好食~而且芝士味剛好~也不會好油~只係30蚊真係貴左D.....又唔係超級好食.....所以想食都未必舍得再食我有D想試埋個蜜糖芥茉呀~~~~~

31 Oct 2008 與朋友吃完farewell dinner後，與同樣剛吃飽的男友到此吃招牌cheese，期待了很久，今天終有機會一試，沒有令我失望 ! 正 ! 我倆都99% full，但仍能成功消滅它，可見其厲害之處 !那令人感到幸福的芝士，太感動了。不過多吃會變肥妹，一個月一次好了，嘻嘻。價錢可接受

睇到報紙介紹到噉出名,半年內開左幾間分店,所以經過MK咪試下囉,佢既薯條真係即叫即整,好新鮮熱辣,雖然要等,不過都值得,炸定o黎賣就冇噉好味啦,試左佢既招牌芝士,薯條都算乾身,唔太油膩,d芝士好香好濃,不過芝士份量少左d,同埋30蚊一杯,其實都算貴,25蚊就差唔多,不過果度送左張八折coupon,所以下次會再試!