愛爾蘭瘋薯 (已結業)

又是一家連著兩天光顧的小店。感覺店面很好，還設有站位，人性化。薯條量很大，味道不錯。加之佐料更是美味。個人還是偏好士多啤梨味的。比較清淡，不會嫌口澀。強烈推薦。下次想再嘗試看看奇異果味的。

終於有機會試下瘋薯啦~一個honey mustard呀唔該~等左好鬼耐...好左係食住萬家燒餅皇既武大郎等兜薯條得好少下, 有d失望薯條都好熱下~不過...冇薯味, 再失望食第1條時都重覺得脆~食第2條時已經開始覺得冇咁脆啦....食第3條時已經係淋晒tim....勁再失望所以大家要有心理準備以極速食個薯條先可以保持薯條既脆口..... =.=""我同意大部份的openrice網友說個薯冇咩特別, 只得個汁係好d

今日同老公、仔仔去旺角行街，經過一間小食店門外見有好多人排隊。好奇心之下，就買了一個芝士味薯條。我地等左好耐，可能因為太多人了。剛食一、兩條都ok…但食太多，就覺得好口渴了。芝士味好濃，味道唔錯。有機會會再去試其他口味…

約左朋友 但未夠鐘 要自己搵地方消磨時間於是周圍行下 咁岩行到過黎 見冇乜人排隊就買左1客薯條黎試下 揀左sour cream sauce個汁真係唔錯 酸酸地幾易入口 個質感亦都幾特別好似食緊軟雪糕咁 薯條係幾粗幾大條 但就好普通 冇薯味總括黎講呢間野都係非常普通 我諗呢期咁hit都係hk人貪新鮮之前見佢賣40幾蚊1客 到呢日我只係用25蚊就買到我諗遲d應該會再平d 到時可能會試下其他味道既...

未睇雜誌之前.....睇到了友個BLOG介紹呢間D薯條.....見到薯條已經好想食~~~再加埋我最鍾意既芝士....真係超想試.....好喇....到前一期飲食男女介紹薯仔....又講到真係好多人排隊去買...心諗...要快D去試喇.....上星期去到葵芳新都會....飯後想買黎試下....但係真係食得太多野...食唔落..所以放棄左...但係都行過去睇下D薯條啦~~~當探下佢地先都好呀!!!行到過去.....E~~~冇人GEI........唔係話要排隊買架咩....心諗....可能我夜啦.....當時九點幾啦....!!好喇~~~到尋日~~去到旺角...食完飯都係八點左右~~又見瘋薯係附近.....唔係太飽...應該食得落GEI~~行到過去....又係冇人....得兩個人係等緊食.....好奇怪.......莫非熱潮已經過去??但係我真係好想食.....最後我揀左特濃芝士味.....唔係等左好耐就有得食.....太約三分鐘左右....見佢將D芝士放入微波爐度叮.....跟住倒落去D薯條度...再俾我....我第一時間拎黎食....E....點解唔係太熱....可以成條放入口...心

中午十二點半來到旺角,經過輕鬆飲門口只見到有三,兩個人在排隊,我緊係去買返杯先啦,買完之後,飲左兩啖,真舒暢,但係在這日較為熱既天氣,手拿一杯冰凍既珍珠奶茶,突然間好想吃一些熱辣辣既食物,之後便去買薯條吃,行前幾步就到,真方便,想買芝士味,但係見到個menu話暫停供應,不過又見到有芝士煙肉味喎,而且$28仲平d,所以就買左芝士煙肉味,等左三四分鐘就有得食,d芝士好濃,唔太咸,再加埋d煙肉粒好有口感,而且加埋珍珠奶茶真係冇得頂,雖然價錢唔平但都值回票價,下次再去一定試埋其他味道

見人氣這麼旺，加上愛吃薯條，便去試試。要了酸忌廉醬，等了大概十分鐘(約晚上六時)。熱騰騰的，薯條夠粗夠質感，內裏又香又軟。值得一讚的是酸忌廉醬，味道不會搶去薯條的原味，但加上另一重味道，很新鮮的感覺。不過25元一杯似乎貴了一點失策... 不知道有優惠券

次次都好多人前幾日見冇咁多人即刻買黎試下叫左個芝士同酸忌廉醬D薯條好夠熱但其實我覺得同普通既薯條分別不大好味在於佢既醬本身自己好鍾意芝士但食落去既時候D芝士已經熔晒落d薯條度冇咩特別反而酸忌廉好好味,夠特別唔錯~但如果以薯條黎講要成差唔多30蚊我就覺得比較貴

好耐冇食過薯條嚕總算冇留個壞印象比我=v=間店舖有幾個staff ,,但系由於真系好好生意.佢地都好吾得閒-3-"首先佢地裝幾杯岩岩炸起既薯條落個杯到,,跟住放一舊CHEESE落杯,,用microwave oven丁熔佢,再按吾同既TASTE加芥蜜or其他野=).再把已經熔左既果杯CHEESE芥蜜倒入杯薯條到我order左芝士芥蜜煙肉所以最後"sum"左D煙肉碎落去>V<真系好正,!好野味! XD好鬼多人牙..-3-我要等10-15分鐘先有得食 ><"我認為呢到冇位坐,但系都收30蚊都好貴下-0-但系味道真系月9得彈.

尋日5點同朋友叫左一個"肉醬+酸忌廉薯條"$28 黎做下午茶等10分鐘，可接受喇—薯條夠熱，唔乾，不過無薯味—肉醬味道普通—酸忌廉反而幾好味—份量少差唔多成$30應該唔會再試...去麥當當食算數...

試左日式芥辣沙津醬其實.......好簡單o既野黎炸薯條質素,應該一般茶餐廳炸薯條都做到熱,脆,有返噤上下軟軟o既薯o係入面(係即炸薯條都應該咁,係得m記唔係架遮...)個醬同預期一樣~~好食咁樣街頭炸薯條,好多醬選,係幾吸引o既奇怪依門野無店抄襲希望o係無店抄噤好o既情況下依個小食可以keep住有啦

我個人唔係話超鐘意食.. 因為男友想食所以食過幾次~但我自己就一定唔會話想食而去買~~~~~~~~~~~ 等得太耐啦,無效率...............................相信d野食都唔係難食,因為真係好,好多人排隊買.. 排都有排排.比左錢等食物仲耐過排隊買..!最頂唔順就係見個個夥計做野都係'普通'速度....唔理你幾多人排隊唔理你幾多人等都係甘慢手腳....有d野係根本可以做快d而又唔會影響個食物質素,但拒地無甘做..''還掂甘多人幫襯...都唔休做...一於長命功夫長命做... '' 果度既staff就係比我呢種感覺..唔係話'多d黎密d手',完全無lo..甘樣既服務真係唔得..

記得岩岩係銅鑼灣新開張時食過一次到宜家再食第二次當時叫左一個芝士同酸忌廉芝士好咸,我反而對酸忌廉念念不忘今次去旺角分店雖然推出很多crossover口味但我仍然想懷念一下酸忌廉的味道$25到手後,「依?」個份量做乜縮左水係咪太好生意驚唔夠賣啊?不過味道沒變脆卜卜既薯條配上暖暖地既忌廉汁但點解好似無乜酸味既兩個人share一杯都幾飽

一去到唔使排隊.....當我地想買野食果陣....個STAFF傾緊電話.....仲傾左幾分鐘.....入面D STAFF見到都唔會行黎問你想食咩......幾分鐘後....先有一個行黎問......唔通今時今日咁既時勢都唔休無人幫襯??$28得果少少CHIPS....真係貴左D~bacon都係得少少...好似象徵式俾落去咁.....cheese又係.....嘜呢d野好貴咩......

最想食特濃芝士味,但係售罄,唯有食煙肉芝士啦~都有好多人食呀~第一口之後......我覺得................都好食,不過真係無咩特別~新鮮炸起即食係唔錯,但係D芝士分佈得唔平均!!當薯條點唔到煙肉和芝士就變得平凡了,更暴露了缺點~當芝士凍左就一舊舊就唔再好食了~