愛爾蘭瘋薯 (已結業)

久聞瘋薯大名，今日出開mk，當然要過黎試下。芝士薯條 : 薯條係即炸，好熱，而且好香薯仔味，係我最愛既粗身薯條！加埋香濃既芝士同埋少少煙肉碎，好好味，連我呢個芝士怪魔都好滿足 一定有下次！不過要等遲d天氣凍d先，今日已經行到身水身汗，再食埋熱辣辣既薯條，真係就黎溶。但係冬天可以捧住兜熱辣辣既薯條，諗起都已經流口水

吃完飯唔多飽，見未幫襯過同傳得好熱烈，于是忍住肉痛買左一兜肉醬薯條......同時有幾個客人，等左一陣，大約10分鐘，踩死左一只小強......叫到我個number時，我懷疑係咪叫錯，因為個肉醬無肉，得pat汁。想一想覺得又係既，25蚊已經差唔多系佢果度最平，無肉係應該既......食落口，一D瘋既感覺都無，入口軟，炸得唔香，很粗但表皮唔脆。個醬料無咩特別......25蚊真的太貴了，好彩食完都叫飽。回想起來當買個教訓又唔會太貴既。

女朋友的同事弄瓦之喜，我們也為她高興不已。當即到醫院探望，小寶寶暫時看不到，但女朋友的同事精神不錯，閒談了一會，也是時候讓剛為人母的女同事好好休息了。我們懷著祝福的心情離開，也是找東西吃的時候了。經過登打士街的「愛爾蘭瘋薯」人頭湧湧，好不熱鬧。女朋友早說想試，但一直沒有機會，現在正好飢腸轆轆，女朋友躍躍欲試（炸物一向不是我杯茶，不過如果我說不吃，也太掃女朋友的雅興，既然女朋友的同事弄瓦之喜在前，今天就作個破例吧！）女朋友興致勃勃的在店面看著各式各樣的醬汁款式，女朋友知道我最想吃Wasabi味，因此正努力找找看有沒有這款口味（起初還以為是蜜糖芥末味，但我提醒女朋友，Wasabi應該會註明是青芥末或日式芥末）經店員的提示下，我們終於找到了，原來Wasabi味應該就是日式芥末沙律醬。也不用多久，即叫即炸的愛爾蘭瘋薯配日式芥末沙律醬就已經在我們手上了。賣相相當吸引，薯條粗幼適中，醬汁濃郁；我和女朋友急不及待的試了一條。一口吃下，熱騰騰的，新鮮香脆，頗有嚼勁，外脆內粉，薯味香濃（當然比一般快餐店的有嚼勁和更有薯香了）日式芥末沙律醬味道亦非常好，帶有Waasabi味的清新，卻不嗆鼻（對女朋友來說，

飲完貢茶之後再過兩個舖位買薯條食, 總之今日就係要試食全港最hit的街頭飲食文化!一盒招牌的芝士薯條盛惠三十蚊, 即買即做, 要在大熱天時"苦候"十分鐘, 抵讚係買薯條再買汽水可以飲完再添飲! 之前未試過, 唔知點解薯條都可以咁受歡迎 不過原來薯條可以整得幾好食, 咬落去o既時候, 口感就好似嘉頓牛油卷o個種脆法, 同平時o係m記食的口感好唔同, 仲有係d芝士真係好正 加埋脆脆的煙肉粒, 盒薯條的味道真係幾掂食完有好口渴的感覺, 可能係d煙肉有大量的味精成份, 係一個缺點

六月廿日(星期六)同老公吃完了肥姐後,有點口乾,經過見到愛爾蘭瘋薯的沙冰半價,就試試吧!原價是$18!現在$9有交易了!我要了passion mango,見到店員製作的過程,感到他們很狼狽!要等了5分鐘才有!味道一般,是罐頭汁的味道,而且不混的,面是冰,下面是汁!$9,我情願去排隊了!

今日同2個大學同學食完金水壽司經過呢度, 見到好想食之前同阿媽2個人經過荃灣同葵芳既分店巳經勁想食, 不過我阿媽成日叫我自己一條友買黎食,佢唔會食 難得今日可以3個人一起分享, 一定要買la 今次買左酸忌廉加pizza 醬味薯條, 成$25都幾貴不過真係好大份, 可能因為我地食壽司食得飽飽先去食一個friend一向都唔太喜歡薯條,故覺得一般另一個都覺得一般我覺得好吃, 但唔值咁貴, 我記得我係韓國讀書時食既outback芝士薯條好吃好多三個人一起食, 都食到好漏, 仲好口渴suprise 處係原來上面會有磨菇 (應該係因為有pizza 醬既關係)

當我第一次食瘋薯同女朋友去食,當魚要試下招牌芝士佢講到咁"招牌"但係真實既係....麻麻拿到來,服務員叫趁熱食~咁就即食!!芝士係好濃呀濃到苦,第一下食落去有芝士味,但趙到到尾好大陣苦味自己落左一d調味料,行左一陣,大概5分鐘左右,d芝士已經疑固左一d有一d冇,係哂個底度~!!其他味應該會好d既!!

登打士街已經成為我的掃街旺點了, 今日又去掃, 第一站係愛爾蘭瘋薯我買左一兜炸洋蔥圈食, 此處的洋蔥圈係即叫即炸的, 一兜廿五蚊, 其實都幾貴, 大概有十二圈到, 洋蔥圈不知是否炸過左籠, 差原多係啡色了, 雖然"瓊"乾d油都用左三分鐘, 令到洋蔥圈完全唔油利, 但係因為炸得太燶, 食落有好大陣苦味, 我都o即左好多茄汁落去去"闢"陣苦味, 但係都無用聽人講薯條會好好食, 唯有下次再試, 但個洋蔥圈真係要俾喊面了

上星期到旺角唱K，肥仔咁啱都係旺角於是叫左佢來drop by。肥仔來到就見到佢手攞住一兜薯條...其實都唔出奇，佢冇攞住野食可能仲驚。見到好似好好食，就即刻拎左幾條食，有芝士同煙肉的...好好食!! 係佢食完之前，連忙食多幾條...仲問佢邊度買，佢話就係對面...原來係愛爾蘭瘋薯...之後個禮拜，咁啱係旺角就去左同海獅一齊食。叫左honey mustard同sour cream，嘩，原來要廿幾三十蚊的，不過上次食過好食唔緊要啦。薯條係幾有薯味的，可惜醬汁麻麻地，honey mustard同sour cream都非常的普通，整個薯條都唔係特別好食，仲有D令我諗係學校個飯堂.......如果唔係上次食過覺得好食，以咁既價錢應該畀左喊臉...莫非真係隔離飯香?

行過兩間, 就到了愛爾蘭瘋薯店, 享受一吓好味的炸薯條買左一盒煙肉芝士味的薯條, 薯條炸的香噴噴, 又大大盒, 我諗應該有廿幾條大大條的薯條! 唔似一般麥當勞的薯條, 每條薯條都有層次的, 外層炸得脆脆, 但唔會燶, 內裡的薯肉唔會係粉狀的, 而係充滿薯味的薯肉, 所以特別滋味芝士溶在薯條之上, 味道夠rich, 煙肉粒好好味, 味道唔係太咸, 整盒薯條都係高水準之作, 仲有任飲的汽水, 唔怪得咁多人買完企埋一邊食啦

155c係我盒薯條的號碼openrice對此店的推介是招牌的芝士薯條, 去到旺角的愛爾蘭瘋薯, 自然係買呢個招牌菜食啦 $30一盒, 都幾大盒喔試第一條時, 覺得又幾好食播, 食吓食吓, 芝士越嚟越多, 越嚟越停唔到 口, 點算? 不過食完都幾口渴, 好彩五蚊汽水任飲, 針左三次可樂, 都無炸我型 服務ok啦薯條好食之處係夠脆, 唔會淋, 仲好有薯仔的香味值得提係d煙肉粒, 咸咸地好鬼野味返到屋企仲口渴緊, 味精落左唔少, 唯一一個缺點..

幾個星期前去左試唔記得左打食評tim..e+打返先..個日同女朋友行開mk我想食愛爾蘭瘋薯好耐ga la咁岩去到冇咩人就去左食la我地叫左酸忌廉肉醬味個酸忌廉幾得意不過佢落左好多so有d"漏"肉醬幾好食....不過就嫌佢貴左d$28一杯...不過d 汁又幾好食ge

這個是補回早幾日的食評, 之前沒有時間寫呢波兒買o左盒愛爾蘭的芝士肉醬薯條食, 好脆又好味喔 唔知點解o的薯條炸得唔燶, 但係又可以好脆, 係唔係因為用過特別的方法製造而成呢 不過真係好好食肉醬汁好香, 但係唔會好咸, 芝士溶o係薯條上, 做成芝士衣o甘o既效果, 入口時半固半黏的狀態, 好得意, 唔怪之得o甘多人食仲有"他巴士高"芥辣味俾我自己加, 哈, 刺激o的, 仲好食

見好多人食, 貪得意都買一盒試, 出乎意料, 原來薯條可以幾好食!我買既係一盒煙肉芝士肉醬薯條食, 芝士加埋醬汁撈落薯條真係好香好好味, 芝士其實唔係好多, 如果多啲仲正薯條每條都炸到脆卜卜, 無淋既情況出現, 所以食到最後一條都係咁滋味! 想食埋佢個瘋狂由魚圈, 但係見到兜薯條咁大兜結果無買到, 如果有small size, 我諗我一定幫襯, 可惜 唯有下一次先再食啦!

尋晚去買一盒肉醬薯條食, 一路食一路鬧 點解? 味精多law!!但係唔知點解一路鬧, 隻手又一路咁攞嚟食, 點解? 又幾好食law!其實佢味精主要係落在肉醬入面, 食完真係有好口渴的感覺, 而且仲比較咸, 但係矛盾地, 肉醬汁真係好香, 所以個口唔受控制另外薯條幾好食, 炸得好脆, 唔多油, 仲比較幼身, 食0既時候唔會成口薯肉漿住哂咁都唔知點解要落咁多味精, 但係可能唔落又無咁野味, 真係對佢又愛又恨呢