愛文生

營業中

休息中

碟頭幾大既，但王牌乳鴿唔係想像中咁好食姐，個樣就幾好睇，不過唔多汁唔跪。個椒鹽鮮魷冇咩味，點醋又太酸，總結黎講食物味道一般般，自在食個氣氛，同班朋友三五知己食先好食

喜歡大牌檔因為它夠平易親近, 就似屋企人, 不會刻意的奉承與花巧的鋪飾。愛文生, 一個喜歡去大牌檔搵食的人熟悉的名字。跟些朋友久不久就要來一次, 跟朋友吹吹水, 飲飲啤酒。但這次再來發覺大牌檔似有所改變, 以前要到旁邊士多買啤酒, 現在不用, 而且牆上還貼有開瓶費收費表, 但餐牌仍依樣葫蘆。朋友未來自打主意先點了個黑椒薯仔牛柳, 也許可以說是這裡的招牌菜式吧! 一上桌, 從外觀上好像沒有改變, 但感覺總是差了一點什麼的。後來才意識到, 可能是份量少了, 但各樣配料都好似大人國般大大件。縱使菜式依舊惹味, 黑椒, 美極, 鹹味足而香口, 但是由於薯仔切得太大件, 結果只有表味而無底味。牛肉有經鬆肉粉醃過, 不算過份, 但肉質組織變得鬆散, 沒有多少嚼勁質感。整個菜味道流於表面, 只有調味料味道而無食物本味, 略略偏鹹, 最重要還是味精較多。心知吃大牌檔有時還真要碰碰運氣, 廚房師傅也會水準不穩吧! 於是再點個小炒王試試, 順便佐酒。菜式上檯時一看, 心又涼了一截。小炒王, 韭黃, 韭菜花, 土魷, 蝦乾, 腰果, 菜甫等配料, 每樣切細, 炒得均勻。入口應有不同質感, 同時也有鹹香, 是

呢晚約好2個朋友仔, 去旅行之前食個中秋飯飯, 左諗右諗左搵右搵, 就搵咗「你」!見OpenRice既評語都唔錯, 我又未食過你, 就一於試一試啦~4 粒人, 叫咗呢4樣野:- 椒鹽鮮魷 併 九肚魚- 豉椒聖子- 薯仔黑椒牛- 蝦醬通菜6點幾呢個時間, 只有3-4枱客仔, 所以等咗幾分鐘就已經有野食啦~椒鹽鮮魷併九肚魚 :熱呼呼上枱, 鮮魷爽口, 九肚魚滑溜, 炸漿唔算薄, 不過都幾鬆化, 但係唔夠金黃同唔夠脆~豉椒蟶子 :蟶子新鮮肥美, 份量唔少, 豉椒汁香口野味, 送飯一流~薯仔黑椒牛 :薯仔比牛肉更出色!!!薯仔炸過, 內軟外脆好似食薯角咁, 牛肉算滑不過食到鬆肉粉味, 但唔算勁, 成個餸都煮得好乾身~蝦醬通菜 :唔太聞到蝦醬味, 通菜鮮嫩無渣, 味道啱啱好, 唔咸唔淡~呢餐最滿意都係蟶子, 好味道!!

是日幾個老友突然興起約食飯，腦海已泛起愛文生，傳統大排檔經常光顧。傳統大排檔環境當然較差，摺枱摺凳街邊仍保留兩名大廚在炒菜很有風味，一行四人晚上8:30到達，室內已滿座需坐外面，幸好這兩天開始有秋意還不算太熱。這晚共點了六道菜，首選當然是鐵板豬手，加上洋蔥、黑椒，特別是豬手皮惹味好食，簡直是減肥人仕的惡夢，椒鹽鮮魷脆漿不太厚，火候亦控制得好，外脆內軟，好食，蜆芥鯪魚球，鯪魚球是配角，蜆芥才是主角，鯪魚球炸得剛好配上蜆芥真是好好味，豉椒炒蜆，又是大排檔強項，非常入味但有點過濃，肉鬆炒四季豆，味道亦有點過濃，小炒皇，有韮菜、蝦乾、鮮魷等，配搭不錯。

6個人去食，竟然冇一個覺得好食兼受氣，唔知黑面對客人個幾位係老闆定伙記，真係幫襯一次都嫌多。總結就喺食物水平中下，大部份餸菜都超咸，服務態度亦喺中下。薯仔牛柳粒 ： 薯仔超多而牛柳粒就變咗肉條同肉片，最慘喺啲牛柳份量超少！豉椒聖子 ： 殼多過肉，啲肉唔知去咗邊碟呢？鐵板豬手 ： 淨得啲汁喺熱嘅，隻豬手就喺暖暖哋囉！小炒皇 ： 蝦干同魷魚都有腥味！試完以上4個餸，都唔想攞菜牌叫嘢食，即走冇回頭。6個人未食飽，好彩附近仲有其他大牌檔。

是日同家人去食深水埗美味少炒，　雖然交通吾交地鐵站，　但因為好味，　同多街坊所以長期好多人等左十分鐘入坐，　基本上環境吾好有乜期望，　黎得既人都係因為鍾恴大排檔風味！叫左好多味餸，　全部都好夠鑊氣我吾多講，　我想講下個生炒骨同豬手生炒骨係勁好味：首先因為火候夠令到Ｄ　洋葱，　菠蘿，　西芹等等爆香酒入去個豬肉度，　豬肉又炒得夠哂脆，　落＂獻＂　既比例又剛好令到生炒骨肉出面層＂皮＂　厚度適中，　而宜甜甜酸酸既醬汁亦十分入味，　正！輪到豬手，　豬手勝左調味好，用洋葱同黑椒令到豬手更香，　豬肉夠滑，　出面既皮層又夠口感　！間吾中要食下！！

大排檔格局，短短幾年，已伸展到幾個鋪位加幾條街七點零鐘去到已經九成滿，得番室外位置，吾想等位，唯有坐室外啦，三十幾度真係幾熱下！豉召炒檉子係必叫既，今日既檉子細隻左啲，不過味道依舊，正！瀨尿蝦中size ，白灼，夠清甜！豉汁蒸白鱔，落左果皮，夠香，肉質彈牙！金銀蛋莧菜，夠多金銀，足料！短短幾年，好多餸已經加左價幾次，冇辦法啦，而家乜嘢都貴，不過最緊要保持到水準！

如果要問香港有什麼特色菜，大家都可能說茶餐廳，可是我卻會選擇大排檔，要在現今的香港找到正式的大排檔(大牌檔)真的少之又少，有繼續營業的都搬進了舖內，失去了坐街邊的氣氛，可幸是仍保留了昔日香港市根的風味。今次這間在深水埗石硤尾已有接近六十年的愛文生是我喜歡的地方之一，小炒味道依舊如一，加上開放式店舖，更帶點往日的氣氛。喜歡上大排檔的原因就是因食物夠鑊氣，都是一些煎炸小炒類，香口食物永遠都是十分誘人的。先是【豉油皇鵝腸】，雖然腸內油脂已盡去，但豉油夠鮮味，每條鵝腸吃起來都爽爽脆脆，雖然與滿腸鵝油的肥美鵝腸各走極端，但味道卻十分惹味，豈能錯過。接著是重點推介的【黑椒薯仔牛柳粒】，薯仔先經油炸，外面變得香脆可口，內裡保持著水分，與牛柳粒同炒，使牛柳粒外脆內嫩，保留著豐富的肉汁，而黑椒的輕微辣味，卻是惹味得很。來得這兒，就必須要吃過煎炸食物才行，所以絕不可遺忘了【椒鹽鮮魷】。表面炸得金黃香脆，調味的椒鹽比例恰到好處，突出了鮮魷的鮮度及嫩口，咸中帶鮮，鮮中又帶點辣，相當滋味。椒鹽鮮魷為了有飯落肚，便點了【沙拉骨】來配飯，整體不錯，甜酸剛好平衡，肉質尚算嫩口，帶點肥的位置亦夠甘香，十分開胃，與白飯同

慶祝母親節是每年的必須節目, 一般都會在正日前後慶祝, 不過今年因事, 要延至上星期五才能集齊人慶祝. 今年老媽想吃大排檔美食, 用Openrice搜尋器, 找到了這間一個喊面也沒有的愛文生. 加上有朋友吃過也推介此店, 於是扑鎚前去一試.本想打電話訂位, 但原來這店不設訂位, 必須親自前去等位, 還要起碼有一半人到達才給枱. 得到友人指引, 我們決定早點到達找位子. 按住地圖一路走, 由地鐵站過來大約十至十五分鐘. 這間位於荔枝角道的愛文生, 其實是在大角咀和深水埗之間, 位置比較吊腳. 它對面還有兩間大排檔, 當然人氣和名氣也有所不及. 我和兩老在下午六時半已經到達, 但當時三間舗位當中, 已經坐滿了一間, 第二間也差不多坐滿. 侍應問過我們人數後, 便指示我們坐到舗內唯一一張五人空枱.   店內的餐牌款式繁多, 看得人眼花撩亂! 幸好之前已經預先做了功課, 加上臨場觀察其他食客點的食物之後, 我們點了幾個大熱菜式, 一些較少人談論的菜式, 啤酒和白飯. 點菜後數分鐘, 菜式陸續送上. 本以為這樣快送上, 可能是預先煮好的. 原來我們估錯了, 所有菜都是即叫即煮的! 因為有兩個爐同

幾個friend一起去，當係farewell dinner。門面係一般大排檔噶門面，就係街邊，一眼就看得到。叫左5個餸，色澤都不錯。雞煲：油略爲偏多，而且偏咸，可能本人口味相對清淡噶原因。茄子蒸肉：賣相幾好，清清地，可惜肉太咸了……魚肚羹：恰到好處炒牛河：味道剛好，牛肉幾大塊，油不多鵝腸：呢道應該濃味噶餸反而味道偏淡。之前看左食評先過來噶，可能師傅今日心情唔好吧，略失水準。

大排檔變貴族大排檔、變公司化，樣樣講規矩、講制度。等位：人數過半數至俾枱；醬料：要另外收費。制度喎.... 椒鹽鴨舌都冇味，問攞喼汁要收錢，荒謬。見幾位長者想食飯，有揸拐杖、有白髮蒼蒼嘅，要人企係街等齊人至俾枱；當中一位婆婆座係張吉枱張凳休息，都要要人起身。大排檔嘅人情味蕩然無存；樣樣講規矩、成本掛帥；咁嘅地方，唔會再有下次。況且，小菜起過九成一碟七十幾、薯仔牛柳粒，其實係 "薯仔＋牛柳幾粒囉"。

生炒骨 $78(好食指數: 7.5/10)2014-1-23生炒骨炒得香口，而且皮層脆卜卜，肉亦嫩，夠獲氣。不過沒有太大驚喜，但送飯一流。薯仔牛柳粒$78(好食指數:8.5/10)2014-1-23呢樣係每枱必叫既，都頗大碟，薯仔炸過因而外面好脆，牛柳粒做得啱啱好，唔會韌。好食而有獲氣，只可惜越食越咸，一定要送飯先得。椒鹽九肚魚$78(好食指數:8/10)2014-1-23平時一向都中意食九肚魚既我都沒有失望。外層沒有太厚太多炸粉，九肚魚亦保持嫩滑的口感，加上酸味味既喼汁，忍唔住食左好幾件。沙嗲粉絲牛肉煲$78(好食指數:7.5/10)2014-1-23見到煲內有黃色既東西，以為又係薯仔，原來係菠蘿，又咸又甜感覺有小小奇怪，牛肉好大件不過頗嫩口，但粉絲做得唔入味令全煲失色了。豉椒炒蟶子$78(好食指數: 8.5/10)海鮮不嬲都係我地既大愛，必叫之選。而豉椒蟶子好惹味，唔算大條不過勝在份量多，小小辣。 

OPENRICE搵野食,見到呢間大排檔竟然可以做到一個負評都無所以扯左男朋友去試去到都好多人排隊等食,等左25分鐘倒得兩個人,但又想試好多野,結果叫左4樣野食到好飽 (梗係啦...得兩個人又咁貪心叫咁多)但好滿足! 果然無負評係有原因!

早在週四例會舉行的幾天前, 幾位資深會員已經在討論去那裡吃飯...最後落實來愛文生...原因是曾經幾次說過要來, 但最終沒有...所以大家今次決定怎麼也要來試試....訂位的工作一向拜託資深會員F負責, 就訂好了7點的枱, 在這裡看過店的地址, 再看看地圖, 從深水埗地鐵站開始起步, 對我這個路盲來說, 不停的看地圖, 走了約20分鐘才到達 , 其實位置就近荔枝角多一點, 到達街角就馬上看到1個舊式鐵皮檔口, 幾個師傅在忙碌著, 炒餸的大油鑊不斷晃動著....鐵皮檔後面幾個相連舖位都屬於愛文生, 都幾乎坐滿了客人, 其中1位會員準時到達, 但店主說要超過一半人數才能提供枱...我們到達後再去跟他周旋幾句, 就讓我們先到的坐在靠近門口的一張大枱, 幸好這個晚上氣溫不算熱....可以感受著油鑊發來的炒餸香味, 亦同時吹著自然風...看看餐牌, 他們主要提供小菜及即煮海鮮, 鐵皮檔前面放著不同種類的游水海鮮, 客人可以即叫即煮, 選擇蠻多的, 價錢亦算公道...由於幾位會員仍然在途中, 我們先點了個食評極讚的"黑椒薯仔牛柳粒"...薯仔切成小粒煎得很香脆, 外皮鬆脆, 內裡的薯仔肉剛熟帶點

美食沒有高低之分，適合自己的，就是美食！環境優美的酒店美饌，跟地道大排檔的即炒小吃，貪吃的KsMeow也愛；正如早前一星期內光顧了2次的愛文生，那種港式風情，現在已經買少見少！．．．位於深水埗的愛文生，從港鐵站走來，約需10分鐘，有醒目的早肥先生帶路，輕鬆到達！開放式廚房，看見大廚手起刀落，拋鑊時火光紅紅，感覺錯不了！大排檔地方當然談不上潔淨，就當日所見，桌子跟地板算是乾爽，環境比想像中要好些！鐵板豬手超大隻，上桌時吱吱作響，新鮮熱辣是也！切開時，看到內里粉嫩，已讓人口水直流！．外皮較在大中華所吃到的爽口，肉質也較爽彈，特別是筋踺位，口感煙韌；吃時，不忘蘸上香口惹味的洋蔥黑椒汁，味道更富層次！不過，當日醃得過鹹，故稍為扣分！．．．酥炸大腸較平常的厚身及粗些，外面酥脆，內里的肥腸軟綿富彈性，本身已炸得乾爽，配合墊底的菠蘿，吃來亳無膩感！若再蘸上甜酸醬同吃，味道較平衡之餘，風味亦能增加！讚！．薯仔牛柳跟初次嚐到的，質素頗有差距！不夠乾爽，份量亦較少；可幸是，薯仔仍然粉糯帶甜，掛上少量椒鹽，還可！．金銀蛋莧菜混入大量蒜子，味道夠香，菜亦煮得翠綠；唯皮蛋和鹹蛋的份量不算到位，吃來味道稍欠！大蝦