意粉屋 (中國海外大廈) (已結業)

跟朋友睇完TALK SHOW , 實在係太肚餓喇, 見意粉屋在眼前, 就二話不說地衝上去, 好彩係TEA TIME 時間, 唔算多人, 侍應帶我地到窗口位坐, 個環境幾OK.點了兩個SET, 加多$18 有酥皮龍蝦湯, 個皮好脆, 連埋湯一齊食, 好有咬感,湯底好濃. 點了個藜麥雞扒沙律, 個汁有少少酸甜, 好開胃呀. 雞扒D 肉好嫩.另一個係蕃茄雞扒天使麵, 麵跟雞扒分開上, 好好呀, 唔駛浸到D 雞扒淋晒,個蕃茄湯底就淡味咗少少啦, 不過都合格的.

好友從加拿大回港探親，行程緊密。忽然，星期五下午3時多打電話給我，説可以跟我吃晚飯！朋友住在灣仔，我即時打了幾個餐廳電話訂位，可惜，星期五晚上常去的灣仔餐廳全部滿座。唯有到時見步行步！晚上7時多，和朋友、朋友老公和朋友女兒去了多間餐廳，都沒有枱。在灣仔街頭不斷行行行，非常疲倦！抬頭看見意粉屋，不用排隊。於是，走了進去！沙律菜好新鮮，沙律醋清新好味！見到這個拼盤好開心！魚肉夠厚又大塊，很鮮味，意大利飯煮得恰到好處，不太硬也不太軟身，仲有淡淡黑松露味。這碟意粉，我朋友的鬼佬老公吃得津津有味。真的很驚喜，意想不到的晚餐，很好味！

本太子今天下午決定到Spaghetti House用膳。想到今天用腦很多，很累，想補充點Omega3，所以點了橄欖油番茄茸魚柳意粉，另加沙律和涷檸茶。先來的三文魚沙律，美味新鮮，很對本太子口味。再來主菜的意粉，調味不錯，意粉是意粉屋應有的水準，唯獨要彈的就是主菜---魚柳。不知道是本太子吃慣好的還是怎的，總覺這味道十分普通，直教不想再吃的一樣。至於飲品可自行調較甜度，所以不會有什麼問題的。總結來說，本太子下次還會繼續來，不過想吃其他菜式的，麻煩煮得好味一點。

朋友特意在午膳時段由中環過來灣仔相聚。今次就選了坐落於軒尼詩道，近灣仔地鐵站既意粉屋。除了地理位置很好，亦都貪佢可以訂位，更可以慢慢坐，慢慢吹水，唔使趕頭趕命。餐牌，選擇滿多和吸引的，價錢也很親民我地選左芝士焗龍蝦帶子天使麵+紅酒牛肋條扁意粉首先送上龍蝦湯，一般西餐廳都只有紅湯白湯，親算有龍蝦湯供應，也是要加錢的，今次個餐包埋，我非常滿意，味道也是正常水準之後到主菜：芝士焗龍蝦帶子天使麵，聽個名都覺得吸引。不過可能期望太高，個天使麵太乾身，芝士汁唔夠，有點兒失望另一主菜，紅酒牛肋條扁意大利粉，味道正常，不過不失總結：食物一般，達合格水準，未見突出。不過分量算大碟，價錢合理（2個餐，包湯包餐飲，用左vip卡免加一，共$212）服務唔錯，侍應有禮，環境亦算ok，唔會坐得好迫。如果為左想舒服傾計，我會再黎

不嬲都係意粉屋會員，久唔久都黎食下，一向都滿意。今次喺書展前黎灣仔呢間食，忍唔住要開個post：呢個真係...太太太太太伏了！首先睇個名，以為係可能一片厚蘋果夾烤/煎豬扒，應該都會夾，無諗住會有個汁，仲要係超奇怪既一個汁！個汁好似蘋果派咁有蘋果粒同提子乾，但食落又似茄汁底...對不起我唔識欣賞... 仲要放落墨汁飯度？個墨汁飯本身算正常（有試過無染到汁既飯），舊豬扒都好味 —— 係個汁一野毀滅左成個菜式 🤢___咁但係to be fair，佢個都幾好味既：芝士焗到香噴噴，夾埋d好彈牙既蝦，唔錯。__可惜，呢個甜品：令我太失望！之前喺另一間分店食過一次，個陣超好味，令人念念不忘。但今次呢份，好油好油好油！我會prefer佢乾身返少少，想像下成浸油喺pancake面，仲要夾雪糕，真係幾嘔心。雖然食個日好似好繁忙時段，開頭lum晒檔，但d staff都算好nice好耐心。但唔好意思我今次真係忍唔住比左劣評，希望有所改善。

現在大家樂快餐店都推出龍蝦湯，令我想起此店性價高的酥皮龍蝦湯。此店同樣屬大家樂集團，創於1979年，在80，90年代興盛一時，是著名的西餐廳；淘汰了大快活集團的馬里奧餐廳。現在競爭大，社會劇變，此店食物未有與時俱進，港島核心飲食板塊只剩下此店。此分店保留當年的特色彩花燈罩，加上光猛的裝修，令人覺得十分寫意。靠落地玻璃有卡座，望灣仔街景，是下午茶的好地點。數十年間，香港劇變，窗外灣仔修頓球場旁景物變化不太大，食物款式仍是主要那九款，如墨魚麵，肉醬意粉。最愛仍是酥皮龍蝦湯，點選下午茶餐最化算，用12元便飲到，平到你不信。湯水份量比薄餅屋pizza hut多，質素亦更勝一籌，龍蝦味濃郁，酥皮不肥膩，香脆酥軟。酥皮周打海鮮湯亦是九大招牌食品之一，質素則有所不及。往時餐廳供應的是魚湯，有魚的鮮味，醮麵包食，其樂無窮。少時，有些西餐廳是無限量食麵包，我飲一碗周打魚湯，已可消磨一個下午，看了一本書。現在以青口，帶子，蜆肉為食材，標榜多海鮮可食，卻缺乏魚湯可飲。感覺上，只是一碗普通忌廉白湯。下午茶餐主食是蟹肉牛油果黑松露碎蛋三文治，名為貢多拉，即意大利威尼斯的小艇，我則說應名為遼寧艦，長長的，是航空母

今日約左朋友食lunch，選了較就腳的spaghetti house,灣仔lunch時間非常多人，我去的時間已經一點幾仍有2，3台等緊，攞飛後仍有人陸陸續續上黎排...等了10分鐘左右有位，叫了推介的龍蝦湯，及龍蝦帶子天使麵，朋友叫左厚切豬扒蘋果墨魚汁飯，龍蝦湯味道一般無甚鮮味，龍蝦帶子天使麵其實有d名不符實，只係小龍蝦而非真龍蝦，帶子細粒，味道非常一般，不過份量足，我一人食唔晒。朋友叫既豬扒亦係一般，蘋果墨魚汁呢個配搭有d怪，埋單每人120蚊，約非就腳，不會再來

自從 N 年前在 MARIO 食過焗牛油薯容田螺之後都好耐冇食過了，而一般食肆好像沒這菜式。今回在意粉屋見到，一碟有焗牛油薯容+菠菜+煙肉粒和 6 隻田螺，即刻要食！另外要多個蟹肉大蝦卡邦尼意粉，一意粉一田螺和姐姐 SHARE 岩岩好。唔止 MARIO，其實意粉屋都係咁大個人第二次食，因佢價錢比 PIZZA HUT 貴，又冇芝心批，所以都好少考慮意粉屋。除左田螺之外，碟意粉不過不失，都算大碟；我們二人每人可以 "添食" 一轉。至於 D 蝦好爽好鮮，要嫌的就係蟹肉甚少，應該說成碟得 6 粒 (每粒的 SIZE 如半塊手指尾的指甲般而已......)，而且有好多蟹殼，小朋友和老人家要小心食。再者，成碟意粉與汁好像沒關係咁，意粉還意粉，汁還汁；好似茶餐廳夾完意粉再林 D 汁上去咁。

係灣仔揾朋友晚飯，好就腳去左近佢公司嘅地點，都好耐無黎食過，似係重新裝修過，環境舒適左一黎叫左雞奕，正常，跟住叫左黑松露醬pizza，ok夠松露味，火喉剛好，不太濕亦不會乾跟住平平地再叫左個哈蜜瓜配風乾火腿、同埋有驚喜嘅羊肚菌火腿意大利粉，羊肚菌比較小食到，又ok入味同好香菌味，不過得兩個人，再叫左個甜品，所以要打包啊，叫做舒服咁食左餐意大利飯～其實係我地叫得太多，否則3百蚊應該有找~宜家就..

是日朋友咁0岩路過灣仔搵我食飯, 商業區午飯搵食唔會難, 但係要坐得耐又唔會比人催就真係有點難. 最後選擇近地鐵站的意粉屋. 黎過幾次. 今次係全新裝修後第一次黎. 價錢朋友話比起黃埔貴二三十蚊個餐. 佢唔講我都唔知.由於朋友一早黎拎位, 所以都預先落左單. 餐包朋友已食, 呢個我的. 有點硬. 而且份量少. 不過放落湯度食還可以. 係餐湯同沙律之間選一種, 我選左湯. 首先呢個湯好多料. 愛吃菇的一定喜歡, 唔愛吃的會覺得菇味重而且真係好多菇碎係裡面. 呢個湯唔會水汪汪. 齋飲佢都幾飽肚. 烤香草豬扒牛肝菌醬燴飯$96見到話新菜. 所以試下先, 加上我都鐘意食燴飯. 唔好睇佢碟大大, 好似飯少少, 其實個飯的份量係絕對足夠. 相反塊豬扒有點小. 若要每一口都有豬扒的話, 相信你要切得很細件. 幸好個飯本身有牛肝菌醬, 所以就算無餸還是覺得好好味. 對於唔愛食爛飯的人就無得講, 但愛吃燴飯的我, 就覺得佢煮得剛剛好. 唔會太硬亦唔會太爛. 加上牛肝菌醬的味道已經溶入晒每粒飯裡面. 我好推介呢個飯. 雖則呢度唔會似茶餐廳催你走, 但每食完一樣野, 侍應都會好快手咁收碟. 但整體他們服務質

For communications, Spaghetti House  ranks the lowest of the low.  Telephone constantly busy (off the hook) and no replies to e-mails. Finally got through today, after much hustle, there was no need for a reservation...just walk in. Jeez, business must be bad, I wonder why?

去完書展,肚餓,想食西餐,咁岩係下午茶時間, 附近有間意粉屋就入左去啦!!意粉屋有會員優惠, 食第二客下午茶半價,真係好抵食!我同男友兩人一人叫一個下午茶餐,每人加個穌皮龍蝦湯, 埋單加埋都只係120幾蚊!!第一個餐叫左個沙律,無論係雞蛋,定蔬菜都好新鮮, 咬落去好juicy, 雞肉好香口, 再配埋祕制蛋黃沙律汁,真係好好味!!!第二個下午茶餐叫左pizza, pizza雖然份量唔多, 但係質素高, pizza塊皮好薄,好脆好香, 芝士加辣肉腸令到味道好豐富~至於穌皮龍蝦湯都幾特別,平時出面無得飲嫁, 穌皮即焗新鮮出爐, 點落龍蝦湯好吸味道,真係正!!P.S. 會員優惠仲將餐飲可以免費升級做熱檸蜜總括而言, 呢間餐廳抵食質素高, 我會係佢既常客!=)

去灣仔搵朋友食飯，但周圍都好多人，朋友建議不如坐得舒服D, 結果去咗意粉屋一坐低侍應已經好殷勤咁招待有咩推薦，原來而家意粉屋lunch Menu款式多咗好多款我自己就叫咗個鮮茄雞柳墨魚汁飯，鮮茄感覺好Fresh, 而雞柳都好入味，但係個墨魚汁飯就係我最愛，味道唔會太濃，但成個飯因為加左墨魚汁就好香另外我哋仲share左個小食，我哋選擇咗蜜糖黑椒雞翼，首先我覺得最正係雞翼腌得好入味，亦由於加左蜜糖所以個雞翼一啲都唔辣，極度推薦！

好忙好忙的一個星期，星期六終於可以休息一下回一回氣。又甘岩，肥膏也在星期六放假，所以就到灣仔逛一逛。想不到吃甚麼之際，就看到「意粉屋」大牌板！這間「意粉屋」位於灣仔地鐵站，B1出口的斜對面就是，地點相當就腳，易搵！當天五時光顧，店內食客五分一滿。我倆被安排坐到窗口四人卡坐。視野正好可以看到修頓球場，還有馬路來來往往的車輛。店員服務很好，餐牌很快遞上，落單，上菜速度都好快。第一碟來的是：田螺焗薯蓉如果是跟肥膏食，每次都會點。但這次來的薯蓉偏酸了點，可能波菜醬汁放太多吧？田螺就一樣不錯，口感軟稔易咬。加上口感很綿的薯蓉也好吃，不過就沒甚麼薯蓉的香味。芝士龍蝦汁焗海鮮墨魚汁飯 HKD108.00每一次到「意粉屋」都必點的飯，因為每次都吃這個，所以減少了海鮮的用量，一吃就知道了。海鮮料比以前少了很多，就連磨菇，車厘茄⋯每一樣都變少。而且飯也不比以往好吃⋯是因為下午茶時間嗎？還是這一間分店的質量出現問題呢？龍蝦汁的味道被溝淡了，一上檯也沒有平時的香味。吃下去當然也是一樣，失望！飯的口感太硬，配上溝淡了的汁，⋯對一直食開這個飯的人來說，可以說是一種打擊吧！太令人失望了！正好當時下午茶時間，我點一s

偶爾到灣仔區, 一般都會坐車回東區或行去銅鑼灣食飯, 若太攰要即刻坐低充電的話, 有時會去意粉屋食, 貪就腳同坐得幾舒服…下午茶餐完咗, 唔係太餓, 唔想叫Dinner Set for Two, 散叫了意式肉丸意粉同蜜汁雞翼…蜜汁雞翼有6隻, 蜜汁味道過甜, 而且同本身傳統鹹味醃料味道完全唔夾, 感覺很怪…意式肉丸偏硬, 茄汁意粉無得輸…時間尚早, 亦有少量座位, 今晚的客人都斯文, 餐廳內好寧靜, 生平最怕人講說話用人肉大聲公…用了10分鐘就食完, 幾大都坐多半個鐘先再出發… 如果有幸坐到玻璃窗旁邊的卡位, 仲可以欣賞下街景...