意粉屋 (中國海外大廈) (已結業)

偶爾到灣仔區, 一般都會坐車回東區或行去銅鑼灣食飯, 若太攰要即刻坐低充電的話, 有時會去意粉屋食, 貪就腳同坐得幾舒服…下午茶餐完咗, 唔係太餓, 唔想叫Dinner Set for Two, 散叫了意式肉丸意粉同蜜汁雞翼…蜜汁雞翼有6隻, 蜜汁味道過甜, 而且同本身傳統鹹味醃料味道完全唔夾, 感覺很怪…意式肉丸偏硬, 茄汁意粉無得輸…時間尚早, 亦有少量座位, 今晚的客人都斯文, 餐廳內好寧靜, 生平最怕人講說話用人肉大聲公…用了10分鐘就食完, 幾大都坐多半個鐘先再出發… 如果有幸坐到玻璃窗旁邊的卡位, 仲可以欣賞下街景...