意粉屋 (中國海外大廈) (已結業)

以前薄餅只係一種派對食物，唔會好似而家咁家常便飯，兩大薄餅店”意粉屋”同”Pizza Hxx”一直都係競爭對手，而”意粉屋”價錢略貴一點，但味道亦略勝一籌。N年後嘅今日，3人餐只需$175，真係平到笑，無唔試嘅理由。🍕2-3人套餐 $268 (包頭盤x2 + 主食x2)————————————————————🍴頭盤·鮮忌廉芝士焗菠菜⭐️⭐️⭐️⭐️頭盤5揀2，忌廉芝士菠菜個汁好creamy，雖然感覺有啲膩，但3個人食份量剛好，菠菜鮮嫩無渣又唔會過腍🍴頭盤．星星薯餅⭐️⭐️⭐️估唔到有一大盒，細細粒容易食，不過好快凍晒變腍，要用焗爐焗熱返🍴主食．夏威夷式薄餅⭐️⭐️⭐️⭐️雖然材料簡單只得菠籮、煙肉同芝士，但薄餅焗得香脆得嚟有口感，尺寸起碼有10吋兼且多料，媽咪話佢最鍾意食呢度個pizza，仲吞咗兩件咁多🍴主食．鮮雜菌香草醬扁意大利粉⭐️⭐️⭐️⭐️意粉爽彈，炒得唔會太乾，每啖都食到雜菌同茄醬，好好味又唔會太膩三人共消費：$175 (外賣平台自取)

朱古力火鍋就食過，芝士火鍋第一次。同事係member 兼有coupon 叫我同另一個同事去食🫕好邪惡呀！😈原來要前一日訂架個鍋！去到就叫埋啲配菜。叫左個特級黃金芝士火鍋餐👍對比下回同實物先😲都好豐盛同唔會差太遠用隻細叉卷住黎吉，再點芝士點麵包粒食，真係好好食。海鮮都好配！海鮮係熟，放落去一陣就食得。最鐘意個蝦，同芝士好夾。係個肉波差啲，會散。唔夠仲可以加錢要其他配料但我地3個都好夠皮啦，越食會越漏。但真係抵食。$498，member 85折，仲扣埋100蚊coupon 每人124乍。開心嘅火鍋體驗😆但下次唔好lunch 食，太趕時間啦！

一份午餐外賣在門口等至少20分鐘。返回準備食的時候發現點的檸水全部灑在袋子裏，食物也泡壞了，檸水也沒得喝。不僅吃不飽飯還浪費心情。等今年會員到期以後不會再續了，這幾年越做越差，bye-bye

今日lunchtime慶祝同事生日去左公司附近嘅意粉屋灣仔依間平時成日經過 今次係第一次幫襯我哋叫咗午市精選套餐每個餐都有兩款組合可以主菜單配飲品 又或者飲品加埋餐湯我叫咗波士頓龍蝦湯 仲升級埋酥皮龍蝦湯味道香濃 不過有啲太咸同傑身所以配搭返酥皮或者餐包比較適合前菜有烤丹麥鮮果雞胸沙律沙律份量比較少 如果作為主食單叫就一定唔夠飽喇雞胸偏乾身同難 其餘配菜有蘋果薯仔生菜等等夠凍亦好新鮮 整體黎講中規中矩主菜有芝士帶子煙三文魚牛油果飯個飯芝士味好香濃 不過偏軟食同太濕潤 口感普通但係帶子同牛油果調味唔錯 份量亦好多呀每一啖都好滿足另外我哋加咗黑椒蜜糖雞翼依樣可以話係必食雞翼焗得岩岩好 食落保持到嫩滑亦調味都好出色最後仲試左朱古力焗班戟配雪糕依樣正正常常 班戟可能擺左一陣黎到唔算熱 如果熱辣辣相信更好食

已經好多年未食過意粉屋，今晚夜左放工就喺灣仔食一次。今晚個腦完全唔想郁，所以我就簡簡單單揀咗個龍蝦二人晚餐。龍蝦湯水準好高，有好多龍蝦肉，我哋其中一個龍蝦湯仲加咗酥皮，真係好邪惡。主菜方面，我哋叫咗龍蝦天使麵，隻龍蝦其實唔係話好大隻，所以啲龍蝦肉一啖就食晒。另外一個主菜，我哋就叫咗肉醬千層麵，好多肉醬，可惜千層麵焗嘅時間可能唔夠，質感還是有點偏硬。最後餐飲我哋叫咗凍檸茶走甜走冰，大大杯，真材實料。最後我想講吓依家餐廳嘅地點真係好方便，樓下就已經係過海巴士站，邊嘆龍蝦餐邊等巴士，真係好chill🥰

今天和舊同事聚一聚，來到灣仔駱克道這間樓上鋪的意粉屋，環境非常開陽舒適，枱距適中沒有壓迫感，坐得舒服，價錢中等上算合理最啱上班族丶OL午餐傾吓計。午市套餐大約百一蚊左右，有主菜配湯丶沙律、蜜糖雞翼或者薯條四選一，還送上一杯熱飲Coffee or Tea 任君選擇。叫咗個西班牙風乾牛肉板板薄餅，車厘茄加火箭菜配上黑醋味道不錯。橄欖油香煎香草醬魚柳鮮茄蓉意粉，茄味濃淡適中，意粉底軟硬度適中。服務水準高，店員有禮貌殷勤招待。

有個女待應好似撞聾咁 我成個lunch set佢得個main意粉係落得岩。佢問我飲熱水定凍水，我話熱水佢比凍水我。我話前菜要檸檬雞翼佢幫我落左湯。我話飲熱奶茶佢落左凍檸茶。落單個陣又唔覆一次單，來就來錯曬。thx

晏晝啲座位都幾迫，不過好在佢可以比幾張枱拍埋一齊，所以如果多個四個人都可以好容易傾到計！不過壞處就係同一時間會好容易聽到隔離枱講嘢頭盤叫咗雞翼沙律，雞翼皮焗到脆卜卜，有少少青檸同埋蜜糖嘅味道加埋一齊，啲沙律會接觸到雞翼表皮嘅蜜糖，所以啲沙律都變得好食！叫咗個忌廉菠菜蟹子三文魚意粉，三文魚處理得麻麻哋，有啲魚腥味！不過勉強都可以用忌廉汁嘅味蓋過去😅本來睇落個份量唔係好大，點知最後都係食唔晒朋友叫咗個石燒牛不過略嫌多筋，驚喜嘅係個份量都大！竟然冷熱飲一樣錢，值得一讚

早前見到有節目講話食芝士火鍋，驚覺原來自己由細到大都未食過，所以心思思就想搵你食，但係又擔心唔啱自己口味，決定去意粉屋平平哋試一試。雖然話平平哋，但其實佢哋嘅芝士火鍋套餐有幾個Tier，可以淨係配麵包淺嘗一下，又可以配素菜甚至腸仔等肉類。試咗幾隻唔同嘅配菜之後，覺得最適合嘅始終係麵包，怕唔飽嘅朋友可以叫一個配麵包嘅芝士火鍋之後另外再食其他嘢。反正都係邪惡，當日仲叫咗朱古力，比想像中好飲，唔會太甜恰到好處。

去灣仔買野行到攰攰地見到意粉屋就上去坐下下午茶時間就求其叫啲野食下🙃😂男人老狗叫左個甜品黎食係朱古力果仁棉花糖酥皮薄餅配雪糕🍦睇相覺得個樣麻麻心諗4點幾過多陣就去接女朋友食晚餐求其食啲野坐下就咪咁多要求哈！點知黎到又幾驚喜比我想像中吸引🤣一黎到陣朱古力🍫味最香濃自己本身都幾中意食朱古力一食之下😂好甜呀啲棉花糖！但朱古力味夠嘅，食落微暖配埋雪糕食中和番棉花糖嘅甜勉強都食得曬，但就真係漏左少少女仔應該會啱食啲😂

今日同朋友黎到灣仔意粉屋企午飯。呢間係地鋪上樓梯既鋪頭。樓下有個餐牌睇岩野食先上去。嗌左個芝士焗龍蝦帶子天使麵，套餐跟個蘑菇餐湯，一個餐包，仲有餐飲。個麵係即叫即焗既，非常熱辣辣，個汁好重龍蝦湯既味。非常濃郁，同個芝士好配合。成個麵好夠餸，望落去好似細細碟，但基於芝士再加個龍蝦汁，食下食下不知不覺就會覺得好飽肚。好啦。食到咁上下緊係要嗌杯飲茶解下渴。咖啡係即磨嘅，奶茶就不過不失啦！冇茶餐廳嗰啲咁好，但又比西餐廳嗰啲好🤣總結：間中都會上嚟食下😂😂😂我試過嘅朋友都值得試吓

意粉屋嘅午餐選擇都有10個左右~而且可以選擇淨係跟湯或者湯加嘢飲嘅套餐呢個飯比較特別，有啲白汁，蘑菇，牛油果，火燒過嘅三文魚整成嘅~但就唔係特別驚艷帶子甘筍番茄麵意粉，亦都係冇乜特別嘅菜式，啲蕃茄唔會太酸，加埋啲黑椒粉就好食好多!薄餅即係有四塊，好似都比其他西式餐廳少，望落去就有啲似pizza hut嘅水準，材料都係最普通嗰啲菠蘿煙肉蘑菇等等，以餅底就係偏麵包感覺，所以感覺上唔係特別嘅午餐~不過不失

好似好耐無去過我的飯堂意粉屋鳥!刪吓減吓, 依家D意粉屋落腳地, 全部都唔係我常去嘅地方! 今次都係因為上完堂先黎幫襯, 睇怕課程完結之后會少黎灣仔幫襯嚕.入到去意粉屋重係 Tea Time 時段, 點咗三個 set, 海鮮龍蝦湯天使麵, 烤雞胸藜麥沙律, 珍寶什錦pizza, 酥皮海鮮湯.酥皮海鮮湯 : 小心好熱! 辣咀! 雖然海鮮配料不多但湯味濃郁, 味道無變，加入胡椒粉更惹味.烤雞胸藜麥沙律 : 第一次食藜麥, 係紅藜麥, 聽聞幫助減肥 (睇怕我要食多D減肥) 口感比想像中軟, 唔錯.珍寶什錦pizza : 餅底脆口, 配料足夠, 只係芝士味不足, 加上芝士粉, 攪掂!海鮮龍蝦湯天使麵 : 天使麵口感幼滑, 但龍蝦湯唔夠濃郁, 係唯一不足之處.原本想話叫個必食炸雞籃外賣 (又話減肥?), 點知傾得開心得濟忘記咗呀!  ~~>_<~~

已經好耐無來意粉屋食嘢，久違了選擇好多，2人驚食唔晒，意粉，飯類怕飽肚就唔點了先來兩份南瓜湯，好濃味👍原隻龍蝦沙律，多肉，肉質新鮮，唔會’梅’或者’韌’，正再來大大份烤牛肋骨，好入味👍

朋友gathering好多人又好難揀食乜，貪呢度地點就腳又抵食。因為人多，我哋叫咗幾個lunch set。再加starter大家share。蜜汁燒雞翼 (黑椒)我第一次試呢道菜，冇想像中燒得咁乾身，尚算可以接受啦！薯蓉焗田螺呢個超級好食！激情推介！森林蘑茹忌廉湯都幾多蘑菇，味道幾好。夏威夷式薄餅(加拿大煙肉及菠蘿)雙重芝士焗煙火腿煙斗粉個汁比較Creamy，有少少濟！意式牛肋條闊條面呢個好食！個汁酸酸甜甜咁，好開胃。