意粉屋 (已結業)

有人喜歡支持小店，但大顆食飯又有三心兩意的朋友，連鎖有時也不失為免煩惱的選擇。加上這間意粉屋在雅蘭地點方便，食意粉屋感覺在連鎖中算高檔次少少，所以就建制一次。叫了二人餐，可加配四款小食。蒜蓉包，賣相比食味吸引，以為是脆，其實是冧，蒜味亦淡。芝士波菜，正正常常。檸檬雞翼，好多肉汁，嫩滑，好食。另點了肉醬薯條，味道和這個牛肉千層麵一樣，很溜，蕃茄酸甜味不足。牛油果沙律，配日本芝麻醬。PIZZA餅底像餅乾，個人不太喜歡。墨魚汁飯，還是西班牙的好吃多了。特飲

意粉屋對我來講完全吾陌生，因為自2003年我已成為會員，如今確確實實是一名永久會員。今次同老公帶爸媽，弟婦及姪女一齊去食。我地叫左一個二人餐，3個一人餐，二個小食，仲要5杯都係轉埋特色飲品，埋單都係九百幾(因為會員有九折）。不過可能旺角雅蘭本身都多食店，所以我地去到都吾覺多人，唯一係限時食分鐘，好在我地吾係吹水一族

尋晚同我家兩位小男神食飯，突然想食意粉，我地就去咗意粉屋食晚餐，Spaghetti House出咗春季限定菜式新Menu，我地即時想試新野，星期一晚當然係同所愛嘅人開懷大吃一餐，係呢個暖和嘅春天，意粉屋為大家帶來清新風味，好多款清新美味嘅春季限定菜式已經係意粉屋登場啦。由細佬仔手指menu發板order，今次我地食咗主廚主打推介嘅刁草檸檬海蝦意大利粉，以幽香刁草突出海蝦的鮮味，配上蘆筍﹑蘑菇及鮮製意粉，食得出陣陣檸檬汁散發出嘅清新香氣，再加上師傅係上枱之前灑上即刨巴馬臣芝士，令味道微酸開胃，孖寶一見到2個都即刻開動，自己要裝新鮮海蝦來食，Spring Delight 絕對係今個春天不可錯過清新開胃!我地仲試咗新menu上之前未試過既！西班牙風乾牛肉薄餅，個pizza用上意大利火腿和西班牙風乾牛肉，以最清新、滋味的食材，製作最正宗的意式薄餅，真係岩哂家人一起分享的美食之選！Pizza嘅風乾牛肉薄片好足料，芝士配搭得好好，味道一流！好少食到啲咁有特色嘅Pizza！最後當然唔少得我最鍾意嘅意大利飯，我地試咗個紐西蘭青衣柳XO醬意大利飯，今次食到嘅紐西蘭青衣柳肉質雪白而結實，伴以啲帶子好大粒，

今晚喺旺角搵飯食，諗住去好耐冇幫襯過嘅意粉屋。點知去到彌敦道分店時，發現佢已經執咗! 經openrice一查，原來搬咗去對面雅蘭中心2樓，一於去試吓新環境!新店佈置還算可以，商場人流亦都多咗， 比起舊舖更加多客人。我哋點咗個二人餐，有餐湯兩碗，一客醬燒豬仔脾拼薯條，另加一個pizza。嘢食依舊好美味，尤其係個豬仔脾，味道一流，入口即溶咁，啲薯條熱辣辣，好有誠意。Pizza尚算可以，不過呢款有啲辣，唔太啱我口味，下次都係叫番闊條麵 (=￣ω￣=)食完主菜，飲埋兩杯飲品，又要捧住個肚返屋企 哈哈 

又到聖誕，約左閨蜜同佢個仔食聖誕大lunch，見到意粉屋廣告，醒起芝士火鍋。原本想去信和隔離果間，點知執左，唯有再行去雅蘭間意粉屋。 可能星期六，晏晝完全唔多人，卡位任坐。 叫左個極緻黃金芝火鍋，得兩杯野飲，我 assume 二人餐。因為芝士關係，兩個大人加個豆丁食都覺得太飽。前菜係煙三文魚沙律、ham、生果加少得可憐嘅24個月熟成芝士。主菜 - 芝士火鍋加9樣配料：法包：食芝士火鍋嘅重點，但重點係佢唔脆，唔好食闊麵：最好食係呢樣同芝士火鍋好好味帶子：刺身食好啲，同芝士唔夾白菌：生嘅，一定要滾耐啲食其他幾樣都好普通仲有特級肉眼，薄切偏生，放入芝士度滾下岩岩好。仲有加錢叫左兩款特飲，但唔記得影相，我叫左蘋果玉桂薑茶，好大壺，抵飲。

一行四人跑到意粉屋食芝士火鍋，因為已做會員有75折所以除了要食$398 歐陸黃金 芝士火鍋外還叫了2人餐，再加 2個酥皮湯，埋單$$不用800，大家吃得非常滿足， 大因為當天是星期五 所以限時個半鐘 經理 也有催促 我們盡快嚟離坐。波士頓龍蝦湯唯有點星 不是太喜歡反而 這個週打海皇湯 是值得一讚。芝士火鍋 有點咸 ， 牛肉 有點星 要熟食， 帶子刺身 蘑菇 意粉 也可 放進火鍋 夾芝士一起食但煮耐一點才味味

芝土火鍋想嘔未食過咁難食嘅嘢 有生之年一定唔會再食芝士火鍋 價錢又唔平398蚊加1 入面嘅配料完全唔夾特別係麵包一啲都唔脆 薯條唔脆 簡直垃圾 畀埋啲燒過既粟米 蕃茄仔 白蘑菇 放埋落芝士火鍋到簡直係九唔搭八 根本唔係人食 冇諗過會咁差 得個頭盤好少少有煙三文魚 風乾火腿最好食就係哈密瓜同埋蜜瓜 一粒士多啤梨直情影完啲相都要剷咗佢 而家見到都想嘔 一個月內都唔會再食芝士 真係唔識欣賞仲要每年都出芝士火鍋食完真係想反胃 本身都係芝士愛好者

星期六同朋友出旺角行下街，行到餓餓地就去揾食去。行左好多間都話星期六日無Tea，再行多陣，終於揾到Spaghetti House 會係星期六日有下午茶食架！由於有少少唔舒服，胃口唔多大，所以叫左Light D的烤雞牛油果藜麥沙律食。量係多的，不過牛油果就唔太多。至於烤雞扒唔算太乾。朋友仔就叫左份香噴噴的悠閒下午茶拼盤。拼盤除了有炸薯條、炸洋蔥圈、檸檬蜜糖雞翼外，更有迷你牛油果藜麥沙律及西班牙風乾牛肉！特別推的係呢個酸酸甜甜的雞翼及風乾牛肉。

其他分店都覺得好好食，但尼間真心難食。話說朋友慶祝我生日～就諗住食意粉屋，諗住其他分店都好好食～尼間應該唔例外。點知。。。以下所有野都唔熱的，特別係碗湯。。。我果碗忌廉湯飲落去，又唔可以話佢凍，只係暖偏凍。。。個溫度好似平時水喉洗手果隻溫度。。。總知唔熱。。。已經有Ｄ失望了。再加上之後黎既每一碟（除左沙律外）食物都係唔熱。。。點解會咁？定係我地坐得遠個廚房，導致運送期間已經變涼了。唔熱暖的，一咬落去口感已經失色了。（尼個食唔晒，我有拎番屋企叮番熱佢，反而好好食）尼個算熱DD，但仍然唔覺熱。。。（我諗係咁多，最好食係尼個）因為唔熱。。。擺左一陣就好快凍左，口感冇其他分店咁好食，而且凍左食好「漏」。沙律算好食。。。不過都係普通野。。。整體，一定唔會再黎尼間意粉屋分店，真係難食。。。唔熱既野都可以拎比客食～真心覺得有問題。。。希望有待改善吧！

行經旺角餓餓地，女人見到意粉屋換左新裝修，就拉左我去食，佢地方夠大加上已經8、9點，唔洗點等就有位。侍應帶咗我地兩個人坐左係旁邊卡位，好闊落，最多坐6人都得。 坐低睇餐牌，見有set dinner, 有主食加餐湯同飲品，價錢只係百零蚊，二話不說就決定食佢！湯款有羅宋湯及龍蝦湯揀，女人要羅宋，我就要龍蝦湯加酥皮。女人話再單點多份沙津，要食得健康喎。落單無耐沙津就黎了，個人對沙津普普，見佢材料幾豐富，就試下食啖。係唔錯！食得到新鮮！麵包粒香脆唔淋身。藜麥成日聽到人地講係超級食物，自己好少食，呢份沙津落既份量好足！加上無花果既甜味，非常清香，驚喜的是西班牙火腿烘到非常脆身！口感同香味一流，自己都忍唔住食左好多啖。之後黎左羅宋湯，試左啖有羅宋湯應有既香濃，中規中矩啦龍蝦湯嘛，特意加番個酥皮一齊食！果然係絕配！香酥脆皮浸入香濃龍蝦湯，即刻增加濃厚綿密感！經烘烤後濃湯更熱辣！Good上菜速度好快，湯未飲晒就黎意粉烏卒卒咁既墨汁非常香濃！日本帶子兩面煎香，中間嫩滑多汁，麵條亦煮得啱啱好，爽口彈牙，墨汁香濃得黎比起忌廉帶點清爽！食得多都唔會膩。讚！然後，呢一餐至愛出場！！丹麥豬鞍架大啡菇牛肝菌燴飯！！

餐牌上見菠菜意大利雲吞蕃茄蜆殼意粉，有意大利雲吞又有意粉，便吸引我選擇，這個意粉特別之處是由二種完全不同類型的意粉及不同口感組成的，最啱我這類喜歡試不同菜式但又獨個兒開餐。這主菜有3件大件扁圓的意大利雲吞，底下是蕃茄蜆殼意粉，蕃茄醬汁有少許香草葉，可能未習慣吃這香草葉的味道，所以感覺味道有點怪，但意粉味道是正常，只是過酸及過油了點，且由於蒜片煎得未夠時間，所以蒜味不夠。致於意大利雲吞，味道及口感算是不過不失，饀料略嫌不夠，這意粉對於我來說試一次便夠。

星期五朋友生日，朋友去食龍蝦湯，於是揀左意粉屋我俾生日朋友驚喜，我地一班人一早去買蛋糕，提早問左佢地可唔可以雪住個蛋糕，佢地個男經理一口答應，重話會幫我地安排。我地心諗正都唔會出事啦，於是一班朋友開開心心叫野食龍蝦湯叫左三個，貌像好ok，味道幾好，心諗一開始開個靚頭，餐飯一定食得開開心心啦，點知完來係惡夢既開始我地叫左個千層麵，炸雞，意大利飯 ，唔好講笑，真係各有特色，我講緊難食方面千層麵先，一D芝士味麵冇，味道一般般，我覺得記算pizza hut 都做得俾佢地好好多炸雞，我覺得佢地做marketing strategy 做得好好，咸到你識飛，叫佢俾俾多支水就打死唔俾你地，但叫餐飲就快過小明，重話有需要可再叫，好野意大利飯，咸到苦，如果想玩美女廚房估食物，得強烈推薦可以試依道菜，包你估唔到食緊咩好啦，好戲在後頭。得地想叫佢上埋個蛋糕啦，咁道叫返個男經理，佢負責好應該熟手啦，佢道走過黎同得地講佢唔小心扔左個蛋糕，話見唔到我地，所以扔左。成班朋友火都黎埋，有冇搞錯，位又你安排，所有野都係你地負責，點可以隨便扔客既食物，跟住佢地叫個伙記跑出去商業黎樓梯搵野，見到佢地拎個盒返黎，將個變哂形蛋糕

今晚夜夜地就搵左一直都好想試既意粉黎食😛因爲好肚餓既關係就嗌左一個二人餐加多左個炸雞拼盤~首先上檯既係炸雞拼盤 佢有炸槌同雞翼加埋少少薯條 個人覺得個薯條份量太少而個價錢就貴左少少都要成90蚊以上 同埋炸雞冇乜味好似冇醃過咁而且有陣雪味 都幾失望...之後就係跟餐既蘑菇忌廉湯 飲落好濃郁好正又唔會太膩 調味亦都啱啱好菇味都好香 但又係細細碗咁~跟住個卡邦拿意粉同海鮮燴飯就一齊上埋檯啦個意粉賣相係幾吸引既同埋啱啱煮起有熱騰騰既煙😛不過食落味道係偏淡如果冇夾埋煙肉食就會冇乜味 要另外再落芝士粉先會香少少同咸少少...個燴飯就好好多 因為有充足既海鮮同埋個海鮮汁都好好味 比起個意粉係出色好多既😳而個d海鮮都比得好足料有青口，魷魚，蝦同埋魚柳夾埋燴飯一齊食好正又好夾❤個燴飯又唔會好重忌廉味而變到好膩 所以都幾滿意架～但係成餐飯個價錢就略貴左少少 因為食物水準未達到個個價位~下次都會試下佢推薦既龍蝦湯既

幾個人一齊去Spaghetti House食嘢，叫咗幸運七式拼盤同醬燒珍寶原條豬仔骨。幸運七式拼盤包括煙三文魚、檸檬蜜糖雞翼、烤特色腸、炸洋蔥圈、黑松露春卷、薯條同胡麻醬沙律，炸洋蔥圈同黑松露春卷幾香脆，入面仲有胡麻醬沙律，食少少菜個感覺冇咁滯。餐牌寫一份醬燒珍寶原條豬仔骨有710g重，即係大約有十至十二條骨，豬仔骨表面醬汁酸酸甜甜，啲肉就軟嫩同埋幾juicy，仲可以好輕易咁同骨分開，食得幾方便，伴碟仲有薯條同番茄沙律，兩款之中我覺得佢比拼盤好食。

平時久唔久都會嚟食，但最近幾個月，速度慢到離譜都算，服務差咗好多先係最嚴重，侍應黑口黑面，點餐應都唔應人，唔知有冇聽清楚，即使全場得幾枱人，叫杯暖水都要叫幾次，侍應的質素、態度完全唔係意粉屋一貫水平，簡直震驚！今日再嚟，居然之前一直可以加$15轉龍蝦湯而家話唔得，仲要係叫完好耐先突然話唔得。咩經理換咗人，而家唔得，哈哈，冇諗過會變成咁，趕客。總之，已經唔期望會改善，只能永遠都唔再嚟呢間，極之失望。