意粉屋 (已結業)

很久沒光顧, 不是朋友約我吃飯, 已經完全忘記這餐廳, 其實不單是食物味道大不如前，就是工作人員質素亦下降！點了個龍蝦湯, 有位穿恤衫打呔可能是經理級的黑口黑面男士, 問都唔問就將個湯砰一聲掉喺我面前, 跟住又見佢大大力將用過嘅餐具掉落櫃桶, 發出巨大聲響, 真係唔知有乜事得罪佢抑或是餐廳培訓不足, 以致個别工作人員有咁差嘅服務態度! 最後一提係個龍蝦湯偏鹹, 而且連一片配湯嘅麵包亦欠奉, 咁都要HKD62.00另加一服務費, 認真物非所值👎🏻👎🏻👎🏻

-又是芝士大餐🤣就是每天都要吃芝士！我以前是超喜歡意粉屋的🤤現在到底怎樣呢？ Let’s gooo♥《丹麥豬鞍架原隻大啡菇·牛肝菌意大利飯》豬鞍和大啡菇軟滑入味，如果大啡菇能爆汁就更好😛意大利飯有芝士拉絲，而且多菇，味濃足料，是今餐最滿意的食物🎉♥《芝士焗肉醬千層闊麵(牛肉)》這個一向是王牌主菜，可惜現在大大退步了🤭芝士肉醬仍然是最佳配搭，可惜焗麵時間不足，麵條有點硬🥺另外看到碟上的水嗎？肉醬太稀了！分量同樣變少，可幸的是仍然夠吃🥰其實不算差，味道還可，只是真的退步了～♥《鮮忌廉焗芝士菠菜》這個芝士稀得像水🤨客人不算多，為什麼不焗多一會兒呢🤦🏻‍♀️？♥

當日去左雅蘭意粉屋食野，叫左個2人套餐一入到來，有肉醬薯條送，非常好，這個要讚一下2人套餐包括2碗龍蝦湯，一個牛油果牛肉沙律，一碟龍蝦意粉和2杯餐茶，餐茶我地叫左熱檸水~呢到既環境係迫，張枱冇多餘空間放多一碟餸枱與枱之間係行唔到的~服務員態度係好既，都有覆order,覆order時係正確既但來到的時候就錯的佢地都有即刻幫我跟進番，都算係咁肉醬薯條這個好吃，咸咸地，連埋d肉醬食龍蝦湯意粉屋既龍蝦湯係我既大愛呀，啖啖龍蝦肉，正呀牛油果牛肉沙律這個牛肉有d乾，味道一般蕃茄仔就好鮮甜龍蝦意粉這個好好食，龍蝦肉彈牙意粉都好有口感熱檸水正常，冇特別

平安夜特地吃芝士火鍋，點了牛肉火鍋套餐連飲品食物量夠二人吃飽，但芝士火鍋內的芝士醬似乎比以前失色多年前當家人還有意粉屋會員卡時，吃過芝士火鍋，當時的芝士醬味道香濃，充滿芝士味道😋但現在的芝士醬，是白汁芝士醬，在白汁中加入芝士就當是芝士醬，大失所望😞店內檯椅擺放十分擠迫，我們坐在靠牆的檯，外面還有一張檯，要坐進椅子要攝進去，侍應上菜也要攝進來再伸手遞上，客人要自己幫忙接手😑😑另飲品飲管換成紙質，應該是為環保，一開始沒甚麼問題，但飲了一半後，紙飲管因濕水開始霉爛，口感極噁心🤮唯一可幸是，食物沾了芝士醬後，味道還可以，當是白汁火鍋是可以接受侍應服務態度都不錯總括來說，五百多元不太值🤷🏻‍♀️

每年冬天意粉屋都會推出芝士火鍋，出面唔算好多地方有得食，有又未必做得好，但意粉屋出嘅芝士火鍋就算係有水準👌🏾不過對比佢地其他食物，芝士火鍋嘅價錢就相對貴，仲要加一，我同女朋友諗左一陣，決定揀芝士火鍋套餐！😋😋特級黃金芝士火鍋 - $458💸對比黃金經典芝士火鍋，價錢雖然係貴啲，但除左海鮮之外，所有配料都有包含，而且單點配料嘅話，價錢隨時更貴🐮紐西蘭特級肉眼😋肉類方面嘅配料呢個肉眼做得幾出色，有肉地，夠鮮味，加埋熱辣辣嘅芝士真係好好味☝🏾用嚟墊底嘅菜亦相當清甜爽口，最啱最後食到飽飽地嘅時候用黎清下腸胃🤤西班牙風乾牛肉、意大利風乾火腿🥩呢兩個前菜我同女朋友都放埋芝士火鍋入面，就算塗滿芝士，亦都食得出牛肉同埋火腿嘅味道👍🏾❗️不過要注意千祈唔好將佢哋放喺火鍋裏面太耐，如果唔係會令到個火鍋有啲鹹🍞法包粒👍🏾同芝士火鍋最夾嘅配料一定係呢個法包粒，放入火鍋大概5秒鐘嘅時間，由於麵包本身冇乜味，所以我令到麵包充滿晒芝士，一食落口啲芝士咇哂係口腔每個位置，好正🤤🍄大啡菇🙊呢個大啡菇亦都係芝士火鍋裏面一個非常出色嘅配料，菇味本身已經非常足夠，配搭埋芝士簡直係一流嘅享受🤔雖然每樣配料配搭芝士都相當好食，不過

之前見到篇分析芝士火鍋餐廳嘅post，即刻約朋友去試排第一名嘅意粉屋有3款套餐可以揀，我地叫左「特級黃金芝士火鍋」再加杯買一送一嘅熱茶準備消滯前菜先上風乾火腿偏咸，但加埋蜜瓜真係絕配，完美中和火腿既咸味特級肉眼有8大片但薄身且冇咩味，口感軟腍主角芝士火鍋份量十足，聽講用左幾種芝士調配，雖然食唔出邊款打邊款，但味道濃郁又夠香可惜冇拉絲效果其他肉丸、火腿不夠熱，要在火鍋滾約3至5分鐘先熱，唔可以即沾即食一坐低會貼心問你要唔要暖水，加分但獲安排坐係靠商場走廊個邊，個個行過/等位都望住你，講咩都聽到曬

今年終於可以同先生慶祝聖誕節先生工作好忙 成日甩唔到身今年慶祝到所以真係要好好珍惜 先生知我中意食芝士 所以帶左我黎食芝士火鍋 先生又知我鍾意飲酥皮龍蝦湯 所以又專登叫咗俾我頭盤食咗哈密瓜火腿 接住落去就有牛肉同埋芝士火鍋嘅配料 好正呀 成餐飯好似港女咁 不停影相 因為真係好開心 好中意食佢個星星薯餅 麵包點芝士真係好正 但個芝士火鍋就傑左少少 整體來講都係十分滿意

因為生日75折Coupon 就到期，所以决定去意粉屋晚餐。去刭老公話想食芝士火鍋，所以order 左个芝士火鍋套餐。之前都食過一次，不過今次觉得喊左啲。原先諗住个套餐未必夠2個人吃，打算食完再叫其他，但最後都無再加其他食物。其實咁嘅價錢吾算貴，因為自己去大型超市買芝士整過都吾平。旺角意粉屋已幫襯過多次，職員服務都好贴心，除左會為我地揾衫套遮住私人物品，知道我地會食芝士火鍋餐，會調動四人枱比我地，方便擺食物。

每年都會去意粉屋幫襯下個芝士火鍋，今年唔例外。但真係失望到一個點，因為芝士火鍋唔係芝士點左海鮮組合$668前菜正常主角令人非常失望😞完全唔係芝士，係一煲有栗米咪嘅白汁，食到尾仲要幾咸。根本唔知呢餐食緊咩？海鮮預左係行野，結果有d又唔錯，例如刺身級帶子，係爽嘅；魷魚都ok可惜敗喺個火鍋到，嚴格黎講係「汁」！根本稱唔上芝士！由頭到尾都冇起過絲！不過要稱係服務好好，特登係個經理。今日外面比較凍，一坐低主動問我地要唔要暖水。眼闊肚窄嘅我地想加意粉，經理又會比意見叫我地食住先再決定呢part加返分

上網見有新ｍｅｎｕ，朋友又鐘意食青口，佢就提議試下啦！先到既係餐湯質感好濃厚，好多蘑菇粒。蘋果冰涼特飲幾特別，唔算太甜，除左有士多啤梨，仲有蘋果粒，菠蘿粒。白酒煮澳洲新鮮藍青口件脆薯條青口數量好多，但有好幾隻冇開到口，冇食到。整得唔算好，而且大部分都好腥，都幾失望法式慢煮紅酒牛尾煲配鮮製寬條麵牛尾煮得好淋身，唔算痴牙，好味既但Ｄ寬條麵凍既，夾埋熱辣辣既牛尾黎食，好大反差全晚最好食呢個蘋果批配雪糕，總算加返少少分。

午市套餐個MENU雖然有大概10款選擇，但真正吸引嘅唔多，好少少嗰啲都超過$90苦惱左一輪之後揀左：橄欖油香煎香草醬魚柳茄茸意大利粉，連飲品 $78 （另收加一）魚柳算大份，肉質結實唔會散，但表面煎得唔夠香脆，有少少似放耐左嘅炸漿感覺，香草醬個味唔出，淨係食到橄欖油味，茄茸就幾新鮮，份量足夠可以撈到成個意粉，但意粉略嫌硬身總括嚟講性價比一般，雖然環境舒服，但食物質素不過不失，呢個價錢有更好嘅選擇，而且對於打工仔嚟講每日咁食就貴左少少🙈

今日同同事去咗意粉屋食lunch~都唔知幾年無食過喇~今次叫咗個‘巴馬臣芝士焗肉醬長通粉’配熱奶茶 (HKD78)~其實加$10左右就有埋餐湯&沙律，都幾抵~不過怕食唔晒，最後都無加到~上菜都幾快，幾分鐘已經上咗餐飲~隻杯好靚，係我最愛嘅粉藍色~😍😍而且杯奶茶比想像中好飲喎，都幾香滑，唔錯👍🏻個焗長通粉都係15分鐘左右就上菜，都算幾快手~份量幾大碟，肉醬都夠多，唔會到最後得返淨通粉~整體都算好食嘅，但芝士就比較少，如果多返d芝士會正d~

都好耐無去意粉屋了，因為分店買少見少，即使有都未必就腳。今日去開雅蘭中心，發現原來呢度開新咗一間。未夠七點，無咩人，唔使等位，所以入去坐低。新開梗係裝修新淨，不過啲檯就排到密密麻麻。自選餐有A 至I，叫一個主菜加$38或$48，就有餐湯和飲品。至於Summer Breeze Combo 二人套餐都係$368，所以決定選後者。羽衣甘藍帶子湯。唔熱，味道淡。兩隻帶子係凍的。唔使講，零分。咁叫做原條? 記得以前在意粉屋食過的原條豬仔骨大條好多，起碼有10條骨以上。呢條只得7條骨，唔通啲豬發育唔健全?論味道係OK的，跟以前的差不多。而薯條都炸得香脆。正當我哋食梗豬仔骨的時候，珍寶雜錦薄餅都上埋嚟。熱辣辣的，味道都唔錯。咖啡味道都香濃。不過，討厭啲侍應服務! 上嘢食係好似掟落張檯咁。大家都明張檯好細，但絕對唔係客人的錯，放兩個主菜幾乎放唔到我係絕對明白，但係都唔應該就咁隊啲嘢食埋嚟，放好少少好唔好? 趕客呀? 仲有就係，成鬼日都走過嚟話收嘢，我哋都未食完，收咩呀?坐多一陣，間嘢就滿晒座，仲好鬼嘈。仲有就係，隔籬檯個客食嘢時，隻手掙幾乎打到埋嚟。呢餐真係唔enjoy，咁想趕客，我哋都唔留戀，打包埋

週末落大雨，一於食返餐好去舒服下bad mood在地鐵站附近雅蘭中心有不少食肆意粉屋唔洗排隊就去食下坐底個陣已經好窩心問你洗唔洗暖水假日午餐餐牌應該同平日有唔同不過都幾多選擇的本人比較中意食芝士，見到雙重芝士即刻吸晴加10蚊可以有餐湯/沙律+飲品先上餐湯--蘑菇湯蘑菇切粒上，份量都好多，好香蘑菇味個湯濃稀適中，重係熱辣辣的不過跟湯的餐包就唔熱👎而且較咸到上主菜---雙重芝士焗蟹肉海蝦意粉上個陣熱辣辣，仲有見到好多芝士😋芝士味的確好重同濃，但又唔會煮到好杰白汁同芝士份量適中，唔會太咸有4舊大大粒蝦肉，十分彈牙不過蟹肉份量少，仲有少少蟹殼😢餐飲: 咖啡都幾香，個層咖啡油不錯最好既係個奶係熱的(出邊通常都係室温)總括黎講: 午餐質素中上，價錢同質素都正比不過人較多，環境比較嘈p.s.因為有會員卡，有9折(=免加一)

今日中午黎到雅蘭中心2樓既Spaghetti House，由於Lunch Time時間，一人入座仍然需要拎飛仔等位。店內環境佈置算唔錯，又坐得舒服，係旺角要搵到坐得舒服既地方都幾困難。門口有大大既餐牌，午市套餐都幾抵食，一個Main Course配有餐湯或沙律再加飲品，不過最吸引係今日有超值龍蝦優惠套餐，平時要$264，今日$108就可以叫到。等左6分鐘左右，終於入座了，而職員都推介超值龍蝦優惠套餐，我就二話不說叫了。我既周打海鮮湯加左12蚊升級左做酥皮，果皮真係好脆，再配埋麵包一齊食。之後，Main Course終於上台了，龍蝦肉我都食到好多粒，而且有帶子，而汁係龍蝦汁配天使麵，味道都唔錯。最後就係飲品啦，凍奶茶