悅滿軒

意大利粉配薄切西班牙紅蝦呢味菜賣相頗特別 通常紅蝦意粉都係意粉上面放隻紅蝦 但呢度就將紅蝦肉切成薄片放喺意粉底部，紅蝦薄片蝦肉爽甜鮮美又好濃好突出嘅蝦味🦐醬汁用咗個番茄蟹肉紅蝦汁緊緊咁包裹著每一條意粉 唔會見到個碟有好多多餘嘅醬汁令賣相變得無咁好睇🍅美國頂級牛腹肉 牛腹肉我哋揀咗五成熟 廚師嘅火候都掌握得好啱啱好 唔會話太熟變咗七成熟或者太生咁樣😍牛腹肉有濃郁嘅牛味而且肉質超級軟腍 唔會話帶好多筋位令妳要不斷咬或者咬唔斷咁🐮

美國牛腹肉他他配蒜蓉包 $168美國牛腹肉嘅味道一向濃郁幼滑，如果煮熟後可能會覺得比較油膩，所以呢間餐廳將佢做成他他就避免咗有機會覺得油膩嘅問題👍牛肉他他係將生牛肉切碎再拌入唔同嘅食材，食到牛肉幼滑嘅口感之餘又有洋蔥爽脆刺激嘅口感🧅法國家鄉焗煲配黃油雞 $268呢款菜式難度非常高好考廚師功夫個煲香味超級香 黃油雞肉質特別細嫩幼滑🐔齋食雞部分會食到好香濃嘅牛油味醬汁係酸酸甜甜嘅番茄醬汁🍅 濃郁又開胃蘋果木煙燻西班牙乳豬 $318平時如果見到用煙燻嘅菜式一定會點 因為真係比較難自己還原到乳豬係大大片上而唔係平時切件🐷皮脆肉嫩 配搭嘅酸菜酸酸地好好味

一年一度同男朋友紀念日🥰當然要一齊出動去食翻餐好嘅 於是去咗呢間主打食法國菜嘅餐廳🇫🇷頭盤叫咗生蠔 六隻 Louet Fiesser 同埋 六隻 Yellow Gem 前者Louet Fiesser 來自愛爾蘭🇮🇪 帶榛子果仁爽脆嘅口感 有比較濃重嘅金屬味後者 Yellow Gem 係來自太平洋嘅黃水晶生蠔🌊 海水味淡 蠔肉肉質非常滑溜味道各花入各眼👀主食叫咗烤釀智利海鱸魚配地中海汁海鱸魚原條連頭連尾上碟烤到表皮金黃色十分香脆 魚肉依然保持到鮮嫩多汁🐟另一份叫咗個意大利粉配薄切西班牙紅蝦意粉彈牙有嚼勁 帶香濃嘅蝦鮮味配上薄切嘅西班牙紅蝦墊喺意粉底部 吸哂意粉嘅味道🦐

美孚饒宗頤文化館入面原來有間高級法國餐廳，我唸好多人都唔知。等我介紹下呢間隱世法國餐廳首先係：美國頂級牛腹肉 12安士牛扒配上阿根廷青醬同忌廉黑椒汁點左5成熟，煎得岩岩好，肉質嫰腍。其實我本身唔算超喜好牛扒，對我黎講呢個配角✨烤蒜頭✨先係主角，真係好好味！！我好鐘意烤蒜頭！！香煎原條龍脷魚配炒菠菜, 檸檬牛油汁條魚有半隻手咁大條 份量十足！魚既肉質好嫰滑 ，加少少檸檬，可以更帶到佢既鮮甜味(魚底鋪滿蒜蓉抄既菠菜，好唔錯 而且好健康）Baked Alaska(阿拉斯加焗雪山)- 食過最好味既雪山將著左火既酒倒落雪山上呢個甜品係3層組成：外層係雪山，裡面係朱古力蛋糕，再包住雲呢拿雪糕。真係好好味，而且唔會太甜。

We had a last-minute decision to go out for my mom's birthday celebration 😹 & lucky to pick this hidden gem. Food is good & so as the service. Spacious seat is a plus, too.We ordered oysters & scallops salad as starters, had steak, lamb racks, grilled fish & seafood soup to share, ended with baked Alaska.

生日後母親節再品嘗美食所有菜式都美味精緻兩款特別的前菜，也是我十分喜歡的鮑魚主菜烤西班牙乳豬 真的好吃 香脆可口 一吃再吃當中肉味可口還有烤鴨清湯 味道清甜甜品的紅果夏洛特蛋糕，未吃過，非常好吃，新鮮香口甜味剛剛好，喜歡紅莓果的 一定要試

之前嚟過一次除咗個蟹湯之外其他食物都冇乜令我覺得好好食甚至乎上次個牛扒煮得非常差令我懷疑人生但係今次早啲去差唔多五點幾六點到得兩台客情況就唔同啦食物好食特別係生蠔估唔到咁新鮮令到我重新愛上生蠔因為之前食過好多次一食生蠔就肚瀉所以真係怕怕但係呢間唔肚瀉之餘仲係非常之美味開心！蟹湯保持一貫水準好似龍蝦湯咁好味麵包裏面夾住啲蕃茄乾連唔鍾意食麵包嘅我都鍾意食！今次冇叫佢上次推介嗰種牛扒叫咗一個最平試吓點知出奇地整得好好喎除咗唔係太鍾意本身個牛有啲「蘇」味之外其餘都煮得好出色下次都會再嚟食！

悅滿軒位於饒宗頤文化館，聽個名以為係食中菜，其實佢係一間食法國菜既餐廳，紅磚屋既外牆，有種古舊歐式既感覺，入面就係新式歐式裝修，內外真係好大對比洋蔥薯仔忌廉湯配麵包一度經典既法式湯，口感幼滑又濃郁，個麵包係意大利番茄包，除左可以搽黑水欖牛油，仲可以蘸個湯一齊食香煎龍蝦配龍蝦汁意大利飯半邊既芝士焗開邊龍蝦，鮮味唔算好突出，但肉質係彈牙既，相比下，個意大利飯既龍蝦味真係好香好出，每一粒米都索左龍蝦汁既精華，啖啖都有濃郁既龍蝦味，好好食碳燒澳洲羊扒配甜薯茸、炒菜羊扒係天然飼料、無激素，燒至medium well, 外面燒得好香，肉質亦保持到juicy，配以蕃薯蓉同炒菜，味道又夾又好食燒美國10安士牛肩胛配薯仔、炒菜牛肩胛都係天然飼料、無激素，燒至medium, 牛肩胛肉質唔算好肥但都好嫩滑，整塊都燒得好香食物真係好有水準，呢個價錢真係好抵食，唯一美中不足係個環境，廚房既油煙味非常強烈，整間餐廳都籠罩住濃烈既油煙，勁到流眼水個隻，真係食完你會想速閃

位於饒宗頤文化館內既餐廳，充滿文化氣息😁餐廳名字令我以為係中菜廳/酒樓，原來係一間有情調既西餐廳😍👍環境寬敞舒服，色調溫和，餐廳外還有打卡位置，而且食物質素不錯呀！下次可以再去。❇️紐西蘭青口蕃茄汁意大利粉🍝❇️野菌黑松露忌廉汁意大利飯❇️意大利蕃茄包配黑水欖牛油❇️心心熱朱古力

生蠔$36一隻, 比最近在超級市場買最便宜的$40還要便宜, 感到很抵食。 Virgin Strawberry Daiquiri, 頗多粗大的冰粒, 塞住飲管很難啜, 要磨細滑一點。泥蟹湯非常好味, 回味無窮! 有這款湯供應的地方不多, 好值得來飲。磨菇湯沒什麼香味, 不推。主菜羊扒跟羊肉腸配紅酒汁, 羊扒肉很厚, 切開是嫰的粉紅色, 肉本身的位置和質量都很好, 烹煮火候準確, 食原味和點汁都好吃。羊肉腸也很特別, 不是一般餐廳有得食。喜歡這個。紅蝦薄片意粉, 蝦味不突出, 但加上食用花的賣相美觀, 意粉伴醬汁和開心果仁碎很好吃。檸檬撻正常, 少甜會更好。蘋果麵包布甸配雪糕, 很香, 完美。份量夠二人。推介。樓底較矮, 人聲困住, 只好注意減低聲浪。

今日嚟到位於饒宗頤文化館嘅悦滿軒食個午餐呢間個名咁中式嘅餐廳，竟然係食法國餐睇返個lunch menu，價錢係百幾200蚊左右，法國餐嚟講呢個價絕對合理連啲餐具都要雕花先嚟頭盤沙律同湯，佢舊蒜味cream襯埋麵包真係好香口個蘑菇紀念湯好茸，非常足料我個friend就叫咗炭燒澳州羊扒，佢話幾香，但有啲細份我就叫咗10安士美國牛肩胛佢嘅牛味非常香濃，食落嘅口感就好鬆化我呢碟叫7成熟，可能碟上，佢就整得熟啲伴碟跟咗啲薯仔同蕃薯，襯蕃薯係幾新奇今餐就食到呢度，埋單$204

食lunch set，頭盤有沙律，麵包同蘑菇湯。沙律好食。菜新鮮，醬汁係有啲橙同柚子嘅味，好fresh。麵包有啲蕃茄同唔知咩nuts係入面，我就麻麻呢隻味，俾左一小口牛油，但個牛油無乜味唔香，提升唔到麵包嘅味。個蘑菇湯開頭飲個幾啖就夠晒菇味覺得唔錯，但我諗佢加得多麵粉（我有煮過所以我知係會落麵粉去令佢杰身），好漿口，越飲就開始無左菇味，粉味勁，而且仲有啲溜。主菜係香煎龍蝦配龍蝦汁risotto賣相係幾好，半隻龍蝦，橙橙紅紅的確令人食慾大增。龍蝦用芝士焗左，但過左火，好靭，嘥左隻龍蝦。到個risotto，個飯太淋啦，粥咁，攪到好滯，但個汁就唔錯嘅。我再加左$68要左個tiramisu。唉，一食落口，我無食過呢種味嘅tiramisu。就算平價餅店啲tiramisu都好食過呢個。呢個完全無酒味，無芝士味，得陣假甜味，我呢個甜品焚化爐都搞唔掂，食剩1/4。埋單$300，唔係話好貴，但真係價錢同味道唔成正比。

🐭 米奇老豬Vol. 163 🐷［悅滿軒 House of Joy］呢間餐廳位置好特別 真隱世 🥸係喺饒宗頤文化館入面 感覺同美孚嘅繁華隔開左咁 所以大家可以去餐廳之前順便參觀下環境好清幽 夜晚仲有好多吊燈啱曬大家瘋狂打卡 📷而且餐廳佈置都算幾有情調 🍷高雅得來又唔會太classy/fancy搞到周身唔聚財🤪老豬幾鍾意呢個氣氛 ～.🐖🐖《自家製番茄乾麵包配牛油》🐖🐖 🛑 8/10 🛑 💰$0 💰呢個餐前麵包聽講係自家製㗎加左番茄乾 酸酸地幾特別而且焗到邊邊好脆身 但入面就有韌性不過上台唔算熱 牛油唔係一搽即溶見到牛油有d 一粒粒嘅嘢 但食唔出咩味😂.🐖🐖《法國泥蟹湯》🐖🐖 🛑 8.5/10 🛑 💰$88 💰呢個應該係老豬飲過最濃🦀️味嘅湯❣️湯嘅質地唔係平時南瓜湯果種creamy口感稀身d 而且有沙沙感（應該係磨碎左d蟹？）所以飲完都唔會覺得膩用餐包點來飲都幾夾 推薦 👍🏻.🐖🐖《自家製甜薯條》🐖🐖 🛑 7/10 🛑 💰$68 💰呢個我估應該係👨‍🍳失手炸得耐左 🥲蕃薯嘅天然甜係幾好嘅不過真係太燶 😂 有超過一半都係深啡色.🐖🐖《美國牛腹肉他他配蒜蓉包》🐖🐖🛑 8.9/10 🛑 💰$168

假日同朋友去食好野～ 打卡美美西餐廳我哋兩個人點左兩個套餐外加左4隻生蠔🦪生蠔我哋分別叫左Yellow Gem同Louet Frissero各2隻，2款都好好味，個人比較喜歡Yellow Gem🥰套餐包左沙律，餐湯，餐包同埋飲品～ 由於想腸胃用餐後健康啲，我哋叫咗熱檸水～ 沙律同餐湯都唔錯～ 餐包係意大利包配黑橄欖牛油～幾香口！主食我哋叫燒澳洲10安士牛肩胛同埋香煎龍蝦配龍蝦汁意大利飯～ 燒澳洲10安士牛肩胛我哋要咗五成熟～食落岩岩好保留肉汁鮮味～ 牛肩胛唔錯～ 拌碟嘅薯菜都好好味！香煎龍蝦配龍蝦汁意大利飯都好香口好好味～ 龍蝦大大件又新鮮～ 龍蝦汁既意大利飯好好味😋！

環境優美的外賣pizza 店係宗饒館呢間法餐之前幫襯過晚餐都幾好食，最近可能疫情關係，推出左外賣既pizza ,意粉餐，感又去幫襯下😊今次叫左巴哈馬火腿pizza厚批，炸雞亦同一個香蕉蛋糕。羅完外賣，見到出面空地陽光普照又環境優美，就決定坐喺度食。同朋友有傾有講好開心。個火腿厚批，火腿咸香，批底雖然厚，但都幾有口感同咬勁，味道唔錯，配合埋批面芝士同火劍菜，幾適合。個炸雞亦份量十足，有成八隻，又香又脆，咬落去仲好多汁。最後件香蕉蛋糕不過不失，做為飯後甜品亦都吾錯呢。又渡過一個優閒下午😊