悅明苑海鮮酒家 (已結業)

今日朝早同朋友捉完pokemon後一齊飲茶，呢間係第一次去，望門面只係普普通通，不過估唔到啲點心咁好食又熱辣辣，尤其個牛肉腸，堅掂。 其它點心都唔錯。 平時飲茶都無寫食評，因為食物普通。今次食嘅嘢都係一般嘢，不過做出水準，就响呢度推介一下:食物如下:1)牛腸: 比100分，家陣少有食到又香又滑又熱嘅腸粉2)蝦餃: 調味啱啱好，皮靚3)炸腐皮卷: 香脆4)牛肚: 無特別5)鳳爪: 不算好亦唔叫差6)雞紮: 足料，塊豬/魚肚，冬菇幾厚7)燒味拼盆: 叉燒味好鬆化，可惜唔係半肥瘦。燒腩仔，皮脆，唔錯。燒鴨，正常貨仔。油雞，我本身麻麻呢度啲茶都幾好，叫咗水仙，有回甘，冲幾次水都有茶味點心呀姐都幾有禮貌。 呢間會再次下，希望下次都正斗

两公婆去飲茶，行咗陣卓爾居，見到附近有間酒樓，行入去試下，中午12點，唔洗等位，可能呢到係舊區，所以做街坊生意，唔爆，間酒樓都幾大，坐滿3份2人，點咗蝦餃，鳳爪排骨飯，咸水角，鮮竹卷， 腐皮卷，好飽， 蝦餃舊生先彈牙， 腐皮卷有驚喜， 個皮炸得好鬆化， 排骨飯軟硬適中， 食物應該係即蒸嘅，因為入咗單都等咗十分鐘先開始有嘢食 ，雖然酒樓賣相普普通通，但原來都唔錯 唯一一樣缺點 就係酒樓要行一層樓梯，佢 冇電梯， 其他大致上都幾滿意 下次再去過

又要和長輩食飯，今次選了屯門悦名苑酒樓。今次選的全包宴是選了有龍蝦鮑魚，價值$4888連廳房、2枱麻雀耍樂、卡拉OK的全包宴，送1支紅洒及大嘉士伯啤酒兩支＋6罐汽水。由於我們有16人，不夠開2席，只好加大至16人份量。化皮乳豬真是很鬆化，只是有少少肥。帶子炒蜜糖豆，帶子很大粒，蜜糖豆很甜。金蒜蒸龍蝦，食得出龍蝦很鮮甜。鮑魚和鵝掌都炆煮得夠入味和夠軟滑，長輩也吃的津津有味👍今晚條海星班，蒸的火喉剛剛好，剛好離骨，非常之軟滑😋

今日來了這間酒樓飲下午茶，地方也大，選擇也不少的，還有圖好清楚呀！！叫了一碗叉燒米線，幾大碗，叉燒就一般股，有d實身。米線可以，不散身！上湯水餃，皮夠薄身，入面有菜同蝦，大粒又好味！！蝦夠爽甜。叉燒腸粉幾滑身，好味，叉燒就有d實身，有翠玉瓜的，幾甜呀蝦餃好大粒。環境幾好蝦餃皮有點厚身，入面的蝦也爽身，好味道。鴨腳扎，好薄的腐皮，夠滑身，入面有芋頭，淋身又香，又有件肉的，鴨腳也幾淋的。好味價錢抵食的蕃薯湯水，薑味有，蕃薯好淋好好味，又好多蕃薯。

話說每年都會同中學同學和老師到酒樓食開年飯，之前都會去客X好棧或稻X等連鎖式嘅酒樓，一般般咁冇乜驚喜，今年有老師就介紹一間叫悦明苑嘅酒樓。進場覺得裝修比較舊都唔抱太大期望，小菜價錢都係正正常常$68-$108度，咁我哋九個人就點左八個餸，有蒜蓉粉絲蒸帶子，海鮮雜菜煲，西芹淮山炒吊片，煎蠔餅，茄子鴨腳煲，鹹魚雞粒豆腐煲，黑松露蝦仁炒蛋和咕嚕肉。有海鮮有肉有勁送飯嘅煲仔仲有清淡嘅雜菜煲，呢一餐都幾均衡喎，哈。點知上菜嘅時候有驚喜啵，首先碟碟都堅係大碟，幾重份量下。而且食材都好新鮮尤其是海鮮，例如帶子，蠔仔，蝦仁等等，佢就連海鮮雜菜煲入面啲海鮮都唔係揸流攤👍送飯果兩個煲仔我都好欣賞，鹹魚雞粒豆腐非常惹味食到粒粒鹹魚，雞粒嫰滑。茄子鴨腳炇得非常入味，濃味得來不會覺得一味死咸，可以食多兩碗飯。黑松露炒蛋我唔知佢真係比黑松露定係黑松露醬，但見到堅係多，又食到好勁煤氣味，令我懷疑佢係咪真係比黑松露咁揼本啊？煎蠔餅的蠔非常大粒而且有蠔鮮味，而且唔會煎到好似坊間嘅咁乾，煎得好嫰滑。咕嚕肉則普普通通。環境：5/10 （非常普通其貌不揚嘅一間酒樓）服務：8/10 （服務唔會怠慢，上菜上得快， 基本上點完10

屯門抵食海鮮蒸氣火鍋 ＄200/人一入到去係D普通社區酒樓，但原來食物的質素唔錯，雖然唔係話好新鮮但係以＄200人的質素黎講，已經係不俗有鮑魚，大蝦，蜆，班塊仔一班人食係最抵食唯讀缺點係無免費任飲汽水包一罐

今日同家人慶祝食生日飯 就落左樓下酒樓食野 其實不嬲食開佢地d野食都唔係特別好食 但又唔會好難食 都係貪佢夠近 但服務質素真係好差 d員工收你d野唔會睇下你係咪用完 一開始洗左一隻碗 個經理走黎收我隻洗碗兜 咁我緊係話未洗完 而且d杯呀碗呀真係好污糟 如果你一隻半隻都話算 都知你地唔會好用心洗 但都唔好留咁多積呀? 有好多都有痴住野食既積 我只係洗都洗左勁耐 咁算啦 食到咁上下 我d屋企人有幾個停左手一陣 個經理又走黎收野 但佢無問過我地係咪唔要 大佬d野未食完你開始收碗收筷子? 個陣已經呆左 佢仲要放架收碗車係我地隔離 我未食完 咬緊舊魚 佢又收我d碗 今次佢開口問“食完未?” 我無野好講我咬緊舊魚你想我答你咩? 之後佢就收走左我d碗碟 我就唯有凌空咁食埋舊魚 真係食到一肚氣

呀爸生日，到呢一間酒家試下經過常常見到既蒸氣鍋套餐，睇落好似好豐富好抵食咁學習左一陣點操作個鍋，食物終於都到啦，比大家睇下個場面啦，仲有個大碟既雞食左唔記得影食材真係好新鮮，龍蝦鮑魚放入去個陣仲郁緊食完晒呢d之後，下面仲有個夾雜之前d海鮮精華既南瓜粥五個人食連埋最後送既糖水真係好飽，平均每人都係$140，以此食物黎講真係好抵呀！推介推介

今日有事要遲回公司，所以和母親在屯門家附近飲早茶。真奇怪！平常日子也這麼多人，無奈之下只有搭枱了。早上有些孖寶套餐，比較抵食，紅豆包、生滾鯪魚滑粥、香煎蝦米腸和高湯灼唐生菜。紅豆包 ～ 對呀！無寫錯呀，不是椰絲奶黃糯米糍，真是紅豆包來的。椰絲沾滿表面，皮厚紅豆餡料少，甜度不高，飽肚之選。生滾鯪魚滑粥 ～ 鯪魚肉沒有什麼味道，放底的生菜，反而幾新鮮。香煎蝦米腸 ～ 只是微微煎過，煮熟了便了事，完全不脆口。高湯灼唐生菜 ～ 菜新鮮爽嫩，簡單卻好味。侍應們功力深厚，湊在一起聊天，對人客的叫喚完全置之不理。

不知不覺間，父親已離開九年了，不時會掛念佢，尤其是一些特別的日子，今晚是他的生忌，我和母親及舅父特意到酒樓食飯，叫他最喜歡的食物，一起「慶祝」一下。乳鴨 ～ 炸得幾脆，但應該係番炸的，肉質比較乾身，落了少量淮䀋，酒樓送的食物，是不是不能要求太多呢？乳豬 ～ 表皮燒得好脆，但肉質偏肥，脂肪太多；一整個像是吃肥膏那樣!!!蒜炒油麥菜 ～ 油麥菜幾翠綠，可惜廚師落得太多油去炒，食到底時，根本下不了手再食。紅燒竹笙雞絲翅 ～ 材料看上去也真豐富，竹笙，翅，魚肚，雞絲肉，魚唇；雖是有翅，卻也少得可憐。食落口有一陣牛奶白滑的香味，味道不是特別差，只是完全不似食翅，反而有啲似魚肚羹，只是多了獻汁。（$268 又真似貴左啲）清蒸龍躉仔 ～ 雖然細細條，想不到又蒸得幾好，魚肉嫰滑，就算食到骨位，肉質也沒有太大分别，是今晚最出色的一味。

一行4人9時後到這裏宵夜,雖然附近有好多茶餐廳,還是來到這兒,因為只是41元一個小菜,還有多款菜色可供選擇.我和友人就點了以下菜式份量不會將價就貨,全部都份量十足,還有甜品送,真是很滿足.

星期天約九點半和家人去飲茶，食物的質素和以前沒有太大分別，但服務質素越來越差。今次點了幾個常吃的點心，山竹牛肉、煎咸薄牚、鳳爪、千層腐竹、金錢肚和蝦腸，水準和平時差不多，鳯爪今次特別入味，山竹牛肉夠大，而肉質鮮嫩，配上喼汁很滋味。可惜的是，這間酒樓的服務質素真的令人難以認受，等了很久都沒有人幫你開位和開茶，有位着西裝的、個子很高大的待應，明明是閒着的，向他招手也沒反應。收枱的阿姐會推着碗碟收集車在枱間穿插，甚至撞到食客的座位，影響客人進食。雖然仍有些樓面是熱心服務的，如送點心的阿姐，但大部分侍應都木口木面，能看出他們非常討厭自己的工作。最令我失望的是，他們的服務和管理真的越來越差。燒味要10點半才能供應，九點九部長就叫樓面派燒味的點菜紙，不知情的食客要等足45分鐘才有燒味食，最後不想等，埋單走人的時侯，收銀反而責怪客人沒有睇清楚燒味點菜紙上最後幾行細細的說明。而且早茶和午市的收費計算方法不是畫一的，有時計入單時間，有時計埋單時間計，星期一至五，和星期六日又不同，極為複雜，有消費陷阱，所以客人必需要看得非常清楚，由於我們是第一次於星期天光顧，所以就上當了。以前我會因為他們的食物而忍受服務

非常寒冷的晚上, 想起悅明苑好像晚上八點半後有特價小菜(當時已經過了八點半), 我們便決定到悅明苑食晚飯。平日的關係, 所以悅明苑没有很多顧客, 近門口的位置是打邊爐的, 寒冷的天氣最適合打邊爐, 而吃小菜的顧客則坐在內廳, 設計方便管理不同的客人。大約有4/5張不同的餐牌，但我都不多看，因為實在太餓，揀了張有特價小菜的一看，發不同的蔬菜只需28蚊一碟，而普通含有肉類的小菜，例如芋頭雞煲，蝦仁炒蛋，就貴一點，大約35至38蚊，我揀了菠蘿生炒骨，男朋友堅決要吃羊腩煲 其實我真的不太支持，因為都頗貴，價值$118，包一籃生菜，不過他真的佷想食，就要埋羊腩煲啦 。菠蘿生炒骨 : 這裡上菜的速度都幾快, 可能因為今天是平日吧，等了十分鐘左右，菠蘿生炒骨送到面前! 外表有點迷李，因為通常在中菜館食這些小炒都十分大碟，所以都覺得有點失望，生炒骨也很細顆，剛送到來的時候，我已經立即享用，可惜它一點也不脆，但慶幸它還是熱的，這碟生炒骨的排骨很多肥肉，很不平均，青椒切得很細。羊腩煲 : 很少吹吃羊腩煲，也不清楚羊腩煲裡面除了有羊腩之外還有會有其他材料，因此我打開煲看到面頭全都是羊腩就心感不妙，因為我驚我

位置: 較偏遠，不近西鐵站，輕鐵站和巴士站但有停車場，免費兩小時等位時間: 0分鐘，但星期六日假期最好先訂位名稱: 龍蝦餐 (這個餐我們一家已經吃過很多遍了。)價錢: $748半席(只限星期一至五，星期六日及假期除外)，己包加一和茶介，送2罐汽水，每位送乳鴒半隻味道: 佳份量: 多服務 : 佳，(不時幫我們換碟)上菜速度 :　快 (大概10分鐘上第一道菜)總評: 其實份量很多，足夠8個人吃，我們7個大人去吃，都吃不完，打包了1/2碟龍蝦伊麵和荷葉飯回家全部菜的味道都很令人滿意，最不好吃的要算是炸龍蝦丸及荷葉飯，因此沒有拍照。本身自己不太好龍蝦丸，覺得很普通，而荷葉飯偏咸。最後還有糖水送，芝麻糊 / 紅豆沙 / 綠豆沙，不算太甜，但也不算十分好吃，可能已經太飽了..

唔想行咁遠, 就同屋企人唻依度飲茶! 其實都唻過n次了! 好彩佢久唔久都改d新點心等我地唔駛咁悶! 而且市中心d酒樓真係幾貴, 去依度起碼車費都慳返先! 食左先慢慢去市中心行街當做運動都好架!今次食左:1) 鵪鶉蛋燒賣 - 而家好少地方有得食啦! 都唔錯喎!2) 潮州粉果 - 必食推介!3) 蛋散 - 嘩! 我唻咁耐都未試過! 係d部長唻sell架! 真係唔錯喎! 好鬆化! 入口即溶嘅感覺!不過食得太多好溜...4) 咸水角 - 好脆口! 又唔算饀少! 依度d炸嘅嘢真係炸得唔錯架! 我上次食炸雲吞都好正!5) 芋蓉包 - 我係比個名吸引先叫嘅, 佢話"小心食芋蓉包", 最衰冇影相...佢係一個類似流沙包咁嘅, 但就有紫色嘅圈圈係面...d饀..唔怪得叫人小心食, 差d熱熟我條脷...但都幾特別喎! 好似依區都未見過! 同埋個包唔大唔細唔會太溜!6) 乜乜乜玉環- 唔記得左個名, 係d冬瓜加埋d煙鴨胸?? 普普通通啦!仲有d下午茶特價點心, 食慣食熟就唔多講啦! 不過賣單果下先百幾蚊, 食左9碟嘢加茶錢! 真係抵食! 其實點解要去市中心同人迫餐飽呢?? 食物水準又差唔多, 又要比貴d,