悅明苑海鮮酒家 (已結業)

今日同家人慶祝食生日飯 就落左樓下酒樓食野 其實不嬲食開佢地d野食都唔係特別好食 但又唔會好難食 都係貪佢夠近 但服務質素真係好差 d員工收你d野唔會睇下你係咪用完 一開始洗左一隻碗 個經理走黎收我隻洗碗兜 咁我緊係話未洗完 而且d杯呀碗呀真係好污糟 如果你一隻半隻都話算 都知你地唔會好用心洗 但都唔好留咁多積呀? 有好多都有痴住野食既積 我只係洗都洗左勁耐 咁算啦 食到咁上下 我d屋企人有幾個停左手一陣 個經理又走黎收野 但佢無問過我地係咪唔要 大佬d野未食完你開始收碗收筷子? 個陣已經呆左 佢仲要放架收碗車係我地隔離 我未食完 咬緊舊魚 佢又收我d碗 今次佢開口問“食完未?” 我無野好講我咬緊舊魚你想我答你咩? 之後佢就收走左我d碗碟 我就唯有凌空咁食埋舊魚 真係食到一肚氣