快樂小羊火鍋餐廳

營業中

休息中

看見有新的火鍋店，都很喜歡跟朋友去試一下。優惠時段9:30pm後去食，感覺所是有野都抵食。留意番不過湯底同酒水係不可打折嘅。打邊爐當然叫個湯底先，我地叫左鴛鴦鍋，一邊辣，一邊係清湯。辣湯並不是選擇辣度，而是比一碗辣椒我地自己加落湯度，所以其實是完全冇辣味，個人不建議叫辣湯，比較咸又不辣。清湯味道還不錯。但個人認為湯底味道不算驚喜。食材方面，羊肉，豬肉味道也不錯，而且仲好大碟，如果特價去食其實都幾抵幾過癮😃環境就很好，位置又方便去，服務都很好。所以主要係食環境，同朋友聚會，傾計一流嘅地方。特別一讚，每枱都有奉送一壺玄米茶，幾好味👍🏾👍🏾

坐落於旺角豉油街三層高的火鍋店， 內裏設計給我印象十分獨特， 像是中西合璧， 現時常用的水泥配合乾花。 地方亦相當寬敞， 一點也不侷促， 兩人前來還是給你四人的檯。清湯味道我覺得是最正的！ 入面大部分是中國藥材。 另外今晚一點了酸辣湯底，是次選。這類專食羊肉， 點了兩個不同的部位， 店員亦是意煮很短時間便可品嚐。好正， 味道唔騷。串燒羊肉 我覺得一般般可以不用試。亦叫了蔬菜盤 ，雜果盤 ，羊肉丸。 好處是每樣可以叫半份，不怕太多。這裏的酸梅湯用的是烏梅， 這個場合就最好飲它，解渴！相講一講， 第二朝起來沒有口渴的感覺，幾好。

聽聞最近開左間專係食羊既火鍋店！係電視都講緊佢，搞到我心動一定要搵佢出黎試一試佢究竟係咪真係咁把炮！哩間快樂小羊係旺角，唔難搵，佢仲要係有成3層，空間好大，坐得都幾自在，同一班朋友仔去食就正喇。一睇佢個menu你會發現佢真係全部都係羊咁劑，羊羊羊羊，超多羊既野食，我哩d鍾意食羊既見到當然係心心眼喇，哈哈哈，直頭多到我完全簡唔落手，全部都好想試，最後我點左個拼盤有幾款唔同既羊，叫左個唔辣既湯底，個湯好好飲，忍唔住飲左幾碗😂😂仲叫左羊串,omg 堅正，d羊都好好食，食過番尋味，下次再黎過。

朋友介紹我去旺角呢間主打蒙式涮羊肉的火鍋店，網上介紹話餐廳是採用天然牧場放養的6個月大幼羊，肉質特別嫩滑，仲喺內地有名的過江龍，當然要試吓啦店內提供玄米綠茶，帶米香又可消膩；爐身特意設計坐低方便油煙從爐邊氣孔抽走再經枱底下管道排走，減低室內火鍋的氣味，所以走進店內都不覺有羊羶味，真細心成雙鍋(蕃茄湯/清湯)蕃茄湯底濃稠微酸，十分醒胃，個人認為配牛肉至夾；清湯底以老雞，牛棒骨，枸杞，紅棗等36種配料熬製，將羊肉在濃郁的湯底輕輕一涮，即可帶出羊肉鮮味，不蘸醬料才能品嚐羊肉原始風味鴨血(一份)鴨血處理得很好，完全無腥味，質感滑溜略帶煙韌自製土豆粉(一份)第一次食土豆粉，外形似河粉，淥很略帶透明，口感煙韌Q彈黃金羊王擺盤很有心思，以碎冰墊底中央放乾營造煙霧效果，上枱時很有霸氣；黃金羊王肉味濃但唔羶，肉質軟滑入口溶化千層肋腹肉羊肉與脂肪相間，入口甘香，肉質緊致有嚼勁塔拉上的快樂卷羊肉與脂肪比例均勻，肉味對比羊王無咁濃清淡些，但肉質彈牙有咬口美國牛小排店內雖然主打羊，但亦有牛供應，將牛小排掛於冰牆上很得意，小排滿佈油花，肉味濃有口蒙式烤串除了涮火鍋，店內亦提供蒙式烤肉，羊肉以孜然粉及其他香料醃製

入到去有一幅大草原既油畫，但有幾隻小羊仔，上層都幾大，空間闊落，人流都好多。店內提供wifi，而且下單可以透過微信，超方便。呢到火鍋湯底選揀唔多，有酸辣湯，蕃茄湯，麻辣湯，清湯。今次叫左成雙鍋，即係酸辣配蕃茄湯。酸辣都幾辣，我個人中意蕃茄湯多Ｄ。餐廳好貼心，每次加湯都會先加落鐵杯，再加到湯底中。而每次加都係加你湯底既湯而唔係加水/雞湯。包克圖牛羊涮非常誇張非常多份量既牛羊拼盤，仲會用Ｄ肉整成花形狀。羊唔會太膻，同食緊牛差唔多。8/10蒙式烤羊串羊肉燒得好淋好入味，加上蒙式香料非常惹味。8/10熊本一口牛一口牛亦都好淋，仲會加上甜椒一齊燒。9/10手打Ｑ彈鮮蝦丸份量好多，鮮蝦丸非常鮮味彈牙。10/10巨峰提子沙冰大大杯沙冰非常解渴，甜度剛好。太大杯最後都飲唔晒。10/10

🐑蒙古走地羊🍲3層樓高快樂小羊火鍋店之前行開旺角見到開咗呢間3層樓高嘅火鍋店已經好想去試吓🤪 之前同屋企人終於去試咗地方超大枱夠大唔迫 樓底又高服務仲好好 好多人嚟幫手加湯set枱收野🐑標榜有自家牧場飼養走地羊🥩原汁原味食羊肉🤤打邊爐唔比任何蘸料食客 唔洗豉油都夠味👍🏻🍲我地揀咗3味鍋$168 辣湯+清湯+蕃茄湯3個湯都好夠味 最驚喜係佢清湯都好足料好香有好多蒜頭 上網睇完係藥膳湯嚟😍用老雞、牛棒骨、枸杞、紅棗等36種配料熬但中意食辣嘅朋友會覺得辣湯唔夠辣🌶我食落感覺似譚仔3小🤔 連唔食得辣嘅男朋友都食到蕃茄湯都好夠濃 唔食得辣嘅不仿一試我最推薦竟然係清湯😂👍🏻🐑羊羊大拼盤$228有3種羊肉:塔拉上的快樂卷/滑嫩太陽卷/草原臻選大片羊卷成花形嘅塔拉上的快樂卷最好味👍🏻油花最突出 羊味濃 肉嫩唔鞋口所以再叫多咗一碟呢款羊肉 單叫$128🥩美國牛頸脊$128呢隻牛肉比起平時食到牛頸脊瘦唔太推介😕 嚟到都係食羊肉正啲 牛可能要叫番貴啲嘅先會比較靚🍢蒙式烤串$22/1串烤羊肉串超香 少少辣 夠肥😍燒得焦香到有啲似炸嘅口感 仲會用個鐵板上Keep住熱🔥 好有大陸食到嘅風味🥟爆醬三寶$88 6粒👎

好耐冇食過羊肉啦，一見到餐廳名「快樂小羊」就二話不說go go go！餐廳有三層，地方好大好寬敞，環境舒服，通風抽氣都做得唔錯，唔係好聞到羊膻火鍋味。鍋底選擇左「成雙」鍋，鴛鴦一半清湯一半辣湯，清湯用左不同藥材制成，藥饍味重，料多有誠意，味道濃郁。主打當然係羊肉，我地點左「羊羊大拼盤」，份量足，羊肉鮮嫩，油脂分佈平均，而且羊膻味淡香不腥 (唔食羊既朋友都可以一試) ，輕輕涮十幾秒剛好嫩滑，引出羊肉鮮味，好好味呀~ 手工蟹籽墨魚滑，彈牙爽口！而且一份有三條，絕對抵食！蔬菜拼盤，簡直超值，一大籃咩菜都有，賣相又好睇。另外仲點左蒙式烤串同羊小排，羊肉灑上孜然粉烤，夠火喉，烤得非常惹味而且帶肉汁入味，用鐵板上烤肉香更強烈，期望下次多人可以點烤全羊，哈哈 😄

難得約到朋友同我一齊試呢間主打羊肉火鍋同埋蒙式串燒！！！好彩有book抬，吾係就要排隊噜。入到去裝修好令，抽風做得吾錯我地先叫左成雙鍋，一半辣一半吾辣！見到好多材料去熬個湯底不過，小編覺得有小小偏鹹！！當然吾少得既羊肉啦，小編叫左款千層肋腹肉，仲有蒙式烤串！！呢2款真係肉味濃郁，又吾會太肥，串燒香料味道岩岩好，能夠帶出羊肉味道小編見到D配料幾特別，所以叫左D黎試。有紫山藥，脆爽鮮毛肚，油條等呢款紫山藥比平時既山藥好食好多，連我朋友平時吾食山藥，呢個竟然食小編認為呢款應該係羊既胃，食材都好新鮮呢款油條入面混左d九層塔入去，食落好香！！小編最後都係叫左手工水餃，不得不說超足料，仲有個楊枝甘露係我朋友飽都要食ps：呢間餐廳有樣野非常好，D配料可以叫半份甘就可以試好多款野

豉油街開左間三層樓高嘅蒙古過江龍主打涮羊肉同蒙式燒烤香港好少見到蒙古餐廳加上經過見到價錢唔貴決定試試玄米綠茶裝潢明亮座位寬闊舒適；落座後隨即有人送上熱茶成雙鍋(清湯+蕃茄湯)餐廳標榜不蘸料涮羊肉所以湯底特別濃郁；清湯用左六十隻老雞再加三十幾款精選原料經過多重工序熬製而成味道清潤鮮甜帶藥材香配搭羊肉味道清鮮；蕃茄湯底稠厚而且微酸開胃最啱配搭羊肉塔拉上的快樂卷餐廳食材選用黎自中國錫林郭勒草原黃金畜牧帶嘅珍稀草原草種蘇尼特羊；塔拉上的快樂卷肉質緊實脂肪比例較低黃金羊王賣相精緻份量豪華加上乾冰效果打卡啱哂；肉質嫩滑柔軟而且油花分佈均勻入口即化好滿足千層肋腹肉肋腹肉質粉紅而且味清唔羶油脂甘香美國牛小排餐廳亦有供應牛肉；牛小排半掛喺冰牆保鮮而且吸睛；肉質油潤嫩腍而且肉味香濃鴨血(一份)鴨血質感滑嫩略帶煙韌而且處理恰當完全冇血腥味自製土豆粉(一份)餐廳大多火鍋配料都可以選擇半份或全份；土豆粉偏寬扁口感似紅薯粉煙煙韌韌蒙式烤羊排羊排總共有十幾條肋骨而且全部剪開哂方便撕開黎食好貼心；經過炭火燒烤肉質依然彈嫩而且脂肪融化後邊食邊流油蒙式烤串羊肉燒至表面焦香；入口肉質嫩滑加埋孜然調味夠哂惹味薄皮韮菜盒(半份

近排旺角開左間食羊既火鍋!!!!重標榜係「蒙式涮羊肉火鍋店」.喜愛食羊的阿魚，當然要去試下啦!!!.入去到，新裝修都幾靚，但感覺好似返咗大陸深圳咁😂😂😂.🐟💬：.（1）成雙鍋（酸湯＋蕃茄湯）（$112）.酸湯好有食酸菜魚的感覺，酸酸地。感覺羊肉同蕃茄湯夾啲！.（2）千層肋腹肉（$158）.同餐牌的圖片有點不一樣，無嫩滑太陽卷咁滑，不過都幾有羊味，無乜羊羶味（3）嫩滑太陽卷（$168）.好滑！好好味！涮30秒就食得好正！🤤🤤🤤.（4）黑松露羊肉滑（$78）.最有驚喜就係呢個！！！！估唔到羊肉同黑松露咁夾！！！！！必叫❤️❤️.（5）炸響鈴（半份）（$19）.🙅🏻‍♀️千其唔好叫呀🙅🏻‍♀️好un！唔脆！好似食生腐竹咁⋯⋯⋯⋯⋯⋯⋯⋯.（6）娃娃菜（一份）（$32）.吸咗啲湯底真係好好味.（7）蒙式烤串（2串/$36）.唔辣！好食！❤️❤️.🐟FISH'S REMINDER🐟💡阿魚提醒💡.（a）唔知係咪侍應都係新，都有落錯單，黎錯野ge情況，記得對單！.（b）賣單後會有優惠券比返客人，下次來食的！正呀！.🐟📝：7.5/10

裝潢不能當肉食，羊肉火鍋已經唔係出色，連最想食嘅羊排-冇，羊小排-冇，羊捧-冇，只能勉強點了羊肉串，嘩⋯充滿食粉味，羊肉味竟然。完。全。冇。永。遠。唔。會。再。食。一。點。也。不。快。樂。

同事P喜愛吃涮羊肉，聽說旺角有家羊肉火鍋店，便相約到來一試，位置就在前金聲戲院的大廈。進店在右邊有一幅大草原油畫，還有數隻小羊塑像放在旁邊，讓人感覺彷彿在蒙古草原被安排坐在一樓窗邊，明亮開揚樓底好高，空間感十足剛坐下，店員便送上一壺茶原來除了火鍋，還有蒙古炙烤、串燒等熟食及甜品，羊肉選擇多，但沒有部位說明。火鍋料還有牛、豬、海鮮、蔬菜...等。既然有串燒，怎能錯過，烤羊肉串表面燒至焦香，上面灑滿孜然粉，入口肉質嫩滑，惹味又滋味一口牛以彩椒分隔串燒，入口軟滑，肉汁充盈，牛味被孜然粉搶去不少羊棒骨好大支，末端還帶有筋，外皮濃濃的孜然味，肉質有咬口，鮮香惹味火鍋湯底選了酸辣和蕃茄，據說抽氣系統會從鍋邊的氣孔抽走油煙，客人不會沾染一身氣味。酸辣湯加入大量蒜子，還有紅棗、辣椒乾，辣度適中，。蕃茄湯茄香撲鼻，夠鮮。羊肉拼盤賣相精緻吸睛砌成花朵的叫太陽卷，實際是那個部位呢？總共有3個不同部位，左上是千層肋腹 (腩位)，右上是羔羊勒卷。羊肉均刨成薄片，大約灼幾秒即熟，太陽卷入口綿軟細膩，是最滑的一種。另外兩款嫩滑中帶一點點韌勁。肉質鮮美，連很怕羊羶的我也吃不停後來得知，因為是用6個月的羊，所以沒甚麼羶

好耐冇去食過羊肉啦，突然間有啲口痕就上網搵咗間食羊肉嘅餐廳。又真係比我搵到間幾易去嘅：快樂小羊。喺旺角豉油街果頭，去到附近就見到。間嘢主打係羊似火鍋，當然亦都有其他肉類。佢個點餐方式都係好新奇㗎！不同於叫店員過嚟再落單，佢採用嘅係掃QR code用手機點餐。唔識用？唔緊要！枱面有牌教埋你～夠人性化。對住份實體餐牌再用手機點餐～其實仲有好多羊肉料理可以食到：羊肉串燒、羊排、羊脊、燒全羊都有，真心好推薦大家嚟食下。火鍋湯底我哋叫咗成雙鍋：清湯+酸辣湯。肉類就叫咗一碟塔拉上的快樂卷，啫係一大碟嘅羊肉片，呢個羊肉片真心要叫返碟嚟食，羶味真係唔重，就算係唔鍾意食羊嘅人都可以接受到佢。另外仲有一碟美國牛小排，都夠份量夠晒大碟。仲有大大塊冰嚟保鮮。另外我哋仲叫咗一份白膳同一份自制土豆粉，感覺白膳係打邊爐必點之物，冇佢就冇打過邊爐！仲有當然係同樣打邊爐必食嘅肉丸：醬爆三寶，係三種口味嘅似丸，粒粒咬落都真係爆醬嘅。再嚟杯青寧梳打，簡直冰爽清涼！

又到左獵羊暴食軍團出動的日子，有羊出沒的地方就會有我地嘅出現🤣比我地發現旺角開左間羊邊爐，開左短短一段時間就咁好評，點都要去試一試‼醒目的我地晨早就book左位，入到去環境都幾舒服，樓上有二層，間隔好寬敞，環境令人感覺好舒適👍🏻👍🏻最神奇嘅係，間野完全聞唔到羊騷味的，忍唔住問吓個店員，原來佢個抽氣做係個爐邊圍住吸，吸力又夠強，仲話食完我地個身係唔會有味，初時都有d懷疑。🤔🤔但食完之後，堅係冇味湯底我地揀左光陰鍋，味道夠香濃👍🏻👍🏻先黎一個快樂羊拼盤，擺得相當吸引，羊肉的肉質十分幼嫩，而且羊騷味鮮香，再配上湯底，真係可以令肉味提升一個層次，不得不讚👍🏻👍🏻再黎一個魚滑拼盤，賣相夠哂別緻，係香港未食過咁好味旳羊滑，出面食果啲羊滑一般都偏淋身而只有羊味，依間的羊滑味道好有層次，口感都可以出奇的彈牙，裏面帶有小小肉汁，雖然蝦滑、墨魚滑等等的都好好味，但個羊滑真係冇得輸！！😋😋另外叫左個海鮮拼盤，雖然主題係食羊，但海鮮一啲都唔遜色！夠哂新鮮👍🏻👍🏻蔬菜拼盤，唔洗多講，相信你睇幅圖就知正🤣款式多之餘，份量夠2-3人食。另外，要講吓其他的配菜，款式多，而且價錢非常抵食，半份一定夠2個人食，人小啲都可

同朋友黎左快樂小羊，平日放工時間超多人排隊！睇黎應該真係幾唔錯。樓高2層，座位闊落，電子落單，好方便。湯底叫左番茄濃湯拼酸辣湯，番茄湯好香濃，越煮越稠，酸辣湯唔同平時一般嘅麻辣鍋，呢種易入口得來越煮越辣，夠晒醒胃！呢到嘅重點梗係食羊，叫左個牛羊拼盤，份量一啲都唔少，而且賣相亦都好靚！羊味幾重，不過蘇味絕對可以接受，油脂分佈平均，唔會話好肥或者好韌！仲有平時火鍋必備嘅配菜，價錢合理！仲試埋佢嘅蒙式燒烤同和牛串。燒烤串燒得好香，夠火喉，和牛串配左肉同三色椒，食落感覺無咁膩！最後因爲太大食所以叫多左個牛，食落厚身唔鞋，食到啖啖牛味，好出色，估唔到呢到羊出色之餘牛都唔錯！飲品叫左荔枝沙冰，大大杯，打住邊爐飲，正！總結: 款式選擇多，單係肉類已經多到數唔到！加埋其他配菜、飲品、環境等，絕對會再黎！