快樂小羊火鍋餐廳

營業中

休息中

今晚老友生日，佢好想打邊爐，而且又中意食羊，所以今晚同佢黎食快樂小羊～～餐廳環境很大，有兩層全層，座位多而寬落，坐得舒適！我地先叫左一個鴛鴦湯底，有蕃茄同清湯～清湯有多種藥材入味，如杞子、人參等，鮮甜美味，蕃茄湯底味道濃郁，唔錯！！我地叫左盤包克圖牛羊涮～～真心唔好講笑，份量勁多，有大片羊，牛肩脊，足夠三至四個人食！大盤以冰墊底裝上，牛肉同羊肉各有一半，砌成心形形狀，賣相好吸引，仲用羊肉卷成花既形狀。羊肉切得夠薄，呈粉紅色，完全無羶味，入口香，咬落軟稔；而牛肉肉質嫩易入口，味道濃郁又嫩。之後叫左個綠蔬成蔭, 同樣份量多，咩菜都有D. EG. 有生菜，金菇菜，娃娃菜等，全新健康爽脆，打邊爐好適合～最後仲叫左蒙式烤串，2串都皮脆肉嫩，食落好惹味！

活動做完左，跟住左係旺角周圍行，本來諗住去旺角站走，跟住突然見到呢間餐廳，見到餐牌上面啲野食相好似幾吸引，所以就走左入去食下。 一入去可能我地都已經相對夜左小小，都唔洗點等都有位坐。 羊肉根據餐廳職員講今日嘅羊肉好評如潮，我地好好彩咁岩咁夜黎仲有得食，我地今晚就有口福食喇，羊肉入口夠晒順滑，一啲都唔會太肥，而且仲好creamy。燒羊排燒羊排最重要嘅一點係時間的掌控，師傅呢度嘅燒羊排入口唔會太乾身，而且夠晒多肉汁，份量亦都好足唔會太小，岩晒我地呢啲食肉獸。二個人黎食到飽晒，真係好滿足，絕對值得再黎

當你食完成碟塔拉上的快樂卷之後，唔知有幾多位食客會留意到「穿越時空的味道」呢? 喺10年前，曾經紅極一時既小肥羊，自從私有化之後，質素愈況愈差。10年後既今日，快樂小羊再次出現喺我地既眼前，無論喺食材既賣相，餐廳店內既環境係非常講究，可以感受到老闆既執著，誓要將尼份傳統味道，從色香味再次昇華，令每位食客都可以喺舒適既環境慢慢細味，愉快咁食火鍋。只可惜正正就係要保留尼份舊有既味道，稍稍減低以前初出既驚喜。 《食評》主打羊火窩香港其實真係唔多，要講特式既一定係佢自家即場手切羊肉，每碟羊既賣相真係好有美感！ 另外，非常值得一提既一定係以前既「肥羊粉」，亦都係自家即製，留意唔好焯太落，否則就唔夠彈口！其實都要講講係幾抵食，除左有時間(九點半後)優惠之外，仲有現金優惠卷(每300減100)，今次7人成團，人均$350，仲可以飲埋月桂冠清酒🍶，最正係唔食羊既朋友都搶住食羊！●驚喜菜式: 爆醬三寶(wasabi餃)桂花糕蒙式羊小排 ●綜合評分: 1. 湯底: ★★★☆☆ 2. 食材: ★★★★☆ 3. 環境: ★★★★☆ 4. 價錢: ★★★★☆

是日同男朋友係旺角行街，行到呢度附近見到呢度超多人等位，但講緊店鋪有2層，面積非常大，我倆都十分好奇咁受歡迎嘅原因，一於等大半小時去潮聖啦~辣湯+蕃茄湯湯底同北上的味道接近完全一樣，勁正宗~蕃茄湯濃郁嘅程度係令我地不斷飲，辛苦店員不停加湯😂 重點係加既湯都係蕃茄，唔會溝淡🥰手工水餃皮薄，一咬落去爆汁同羊肉😍草原臻選大片羊主角出場，大大片，賣相唔錯，雪花鮮明，好新鮮!黑松露羊肉丸放得好靚，好有heart, 食落有淡淡黑松露香味，真材實料😋蒙古烤羊架估唔到咁大份🤣🤣我地2個都嚇一嚇，一定食唔哂。羊架好juicy~ 食得出用左好多香料，同日式羊架嘅感覺好唔同，羊羶味比較重，但鐘意食羊嘅朋友一定會好鐘意🥰🥰最後，我地都係要打包返屋企做宵夜🤣亦都明白點解咁多人等位，推薦👍🏻👍🏻

屋企附近的快樂小羊樓高三層地方倘大、連樓下的等待區也有幾隻小羊作裝飾、很可愛！我們選了清湯加蕃茄湯、清湯其實是以36種原料熬成的養生鍋。先呷一口湯、好濃郁啊！經店員介紹點了包克圖牛羊涮$238 、哇好大盤、排成心形好靚！牛肉和羊肉都嫩滑。黑松露羊肉丸除了賣相一流外、吃得出好新鮮、肉味濃郁彈牙爽滑。綜合養身菌拼盤 有雲耳、多款菌類都好新鮮。打邊爐怎可缺少皇帝菜和鮮腐竹。蒙式羊小排 帶點羊肉的酥香、加上各種調味配料非常惹味。建議4-6 人分享、因為份量蠻多啊！加入自製土豆粉吸收了湯底精華滑嘟嘟好好吃😋不得不提這裡的桂花糕和楊枝甘露都好出色、微甜剛好、楊枝甘露吃到芒果的香甜、超正😍百香果特飲清新宜人、吃火鍋必點！

此火鍋店以羊為主題；更提供燒烤，小食，飽點和甜品類別。將國內經營模式整套搬落香港分店，掃一掃以手機點餐，會員積分制。貨真價實，童叟無欺。客人亦可叫服務員幫手點餐。服務員的水準就有進步的空間，才可與香港的服務水準並齊。藥材湯底，有當歸味，配料有紅棗，原粒龍眼乾，杞子，黨蔘，大蒜，蒜頭，薑等。與肉骨茶相比，清淡的湯比整色整水更勝一籌。四款不同的羊肉，賣相已令人垂涎欲滴，絕對是打咭之作。放入鍋中，十數秒已可食用，一點羶味也沒有，一層油一層肉，但口感卻不油膩。蒙古和新疆羊肉做法不同，新彊以香料取勝，蒙古以火喉。外焦裡嫩，皮脆肉滑，就要看師傅的功架。今次好味，下次可能又另作別論。正所謂差之毫釐，失之千里香，軟，脆；將一件平平無奇的燒餅，做出多種層次，似飽又似餅，如此出神入化，做餅師傅的糙藝一定深不可測。蛋皮包韮菜，韮菜味不夠香，是全餐唯一中規中矩之作。

之前已經見到新寶隔離開咗呢間快樂小羊鍾意食羊肉嘅我一直都想試 但又夾唔啱時間今晚終於有時間去試下好唔好食啦七點鬆啲去食 一樓都已經差唔多爆哂我地上左去二樓食 啲裝修好新淨又好靚多啲人黎仲可以有VIP房添 都幾好唔會嘈親其他人 落單可以scan QR code都可以叫店員落我地叫左一個成雙鍋 清湯加辣湯 佢仲有蕃茄湯架 下次可以試下店員話湯底已經好夠味 所以唔會有豉油羊肉方面我地叫左塔拉上的快樂卷個擺盤好靚 啲肉又唔會腥 好嫩口牛就要左呢個美國牛小排 佢上黎果陣我地都嘩左聲好有心思 啲牛肉好靚 帶啲肥 淥一淥就食得 好味其他配菜就叫左粟米 芝心丸 響鈴 我地叫左半份 兩個人岩岩好鴨血係新推出架 好厚 仲有油條 同其他火鍋店啲油條唔一樣架 幾趣致除左打邊爐 仲有蒙古野食架 呢個蒙式烤串好好食 熱辣辣 啲肉都好嫩下次多啲人就可以一齊食蒙式烤羊排會encore架！

樓高三層氣派十足嘅火鍋店位於旺角鬧區夜晚幾乎座無虛席而且抽風做得非常好 完全唔覺有油煙味成雙鍋 $118湯底分別可以選擇清湯、酸辣、麻辣或番茄湯等等選擇非常之咁多 清湯可以就咁飲而麻辣湯佢非常濃郁 跟響鈴就啱晒炸響鈴 $38一份雖然未做到即炸咁香脆但係食落又幾好味 冇乜油益味羊羊大拼盤 $228呢度主打蒙古羊當然要試吓最招牌嘅拼盤啦分別有三個唔同嘅羊肉部位 大大盤四個人都食唔晒 非常抵食白鱔片 $168鱔片新鮮到十足 魚肉鮮甜爽口大約滾一兩分鐘就食得 太耐魚肉就會鞋㗎啦滑嫩青蝦 $88蝦肉非常新鮮 而且肉質真係好滑嫩而且份量都幾多 性價比十足綠蔬成蔭 $88分別有皇帝菜娃娃菜唐山菜同芫荽種類都幾豐富 而且蔬菜都新鮮菜種亦都比較有特色蒙式烤串 $22/串風味十足 羊肉同孜然粉係絕配而且羊肉夠羶 鍾意食樣嘅朋友一定唔可以錯過

朋友聚餐，相當好吃，提供的都是新鮮菜品，所以有的東西想吃要提前預定，店家會事先採購。牛肉是雪花的，羊肉也很嫩，都是冰鮮的，據說凍上就不好吃了。鮑魚、茴香小油條等等都令人難忘。過了一禮拜了，還是記在心裡。當時擺了一桌菜，基本上到最後都吃空了，都是光盤。最叫人嘖嘖稱奇的是服務生，熱情開朗，最後竟和我們拼酒，喝了不少紅酒下去。据她説一次喝過四打還是六打啤酒一晚。老闆很年輕，95后，管這麼大場子也很厲害，還來敬酒幾次，給點贊

豉油街以前實惠個位開左間快樂小羊 見佢樓底好高 裝修又幾靚 想試好耐今次終於約到朋友陪我試 原來佢係蒙古式既火鍋 招牌係食羊肉👍🏼👍🏼 佢點菜係可以用QR code wechat點 但一樣有menu比你睇 我哋叫咗鴛鴦鍋 一邊清湯一邊麻辣湯底佢個爐邊好勁 有個抽氣扇係到抽氣 咁食完就唔會有浸味👍🏼好貼心我哋叫咗兩串蒙式烤串試下啲肉好淋 唔腥 加埋啲孜然粉好惹味😋蔬菜類我地點左油麥菜 大白菜 同粟米仲有點左兩個肉 美國牛小排 佢係用啲冰塊晾住啲牛肉 好靚 好新鮮牛肉好睇又好食👍🏼👍🏼 肥瘦比例岩岩好另一個係塔拉上的快樂卷 即係羊肉👍🏼一啲都唔羶 啲肉好嫰 好好味 佢個湯底好夠味完全唔使用醬油點 仲有叫咗鴨血同埋翡翠瑤柱鮮蝦滑 個蝦滑有三筒 夾埋啲瑤柱好好食😬下次黎食可以約埋一大班朋友 咁就可以試多啲唔同既菜👍🏼

環境好，服務好，食物好吃！真心值得推介可用App落單，十分方便成雙鍋，辣湯加清湯辣湯香而不太辣。清湯有驚喜！有好清淡的香蒜味，唔食辣既同事都食得好滋味食到後期仲可以食埋入晒味既蒜頭粒。餐廳主張不沾醬料，希望顧客食到原汁原味。如有需要都可以向店員索取。蒙式烤串羊肉串，小妹唔好羊肉因為怕so，但呢個唔算so，可接受自制土豆粉推介！非常inun，但注意不要煮太耐重點推介鬼馬墨魚滑油炸鬼加墨魚滑，淥完都唔會軟冧冧，配上彈牙既墨魚滑仲好有咬口

快樂小羊火鍋店連大堂樓高三層室內仲設有扶手電梯 氣派十足而且仲有濃厚中國風情呢度嘅邊爐特色就係標榜原汁原味吃羊肉不提供任何醬料架！打邊爐之前先試下佢嘅特色蒙古串燒 $22/串羊肉味加上孜然粉更加突出而且肥瘦適中 香羶可口！成雙鍋 $118麻辣湯同清湯各有特色麻辣湯底麻香十足 但係又唔會太辣 好惹味羊羊大拼盤 $228全用蒙古走地羊$228已有三款唔同部位羊肉肉質嫩滑順口 肉味濃郁值得一試！美國牛小排 $288油脂分布均勻 完美比例輕輕一滾熟 已經肉香澎湃真係齒頰留香必食推介黑松露羊肉丸 $78羊肉丸口感鬆化無比 加上芳香既黑松露真係無懈可擊綠蔬成蔭 $88蔬菜同樣有驚喜名字夠哂詩意而且種類多 新鮮度十足四色薯瓜 $58分別有冬瓜薯仔蘿蔔同芋頭色彩繽紛非常有特色

朋友推薦，於是約朋一食！餐廳共分三層，地下是接待處，連接有一條很長電 樓梯到2樓和3樓的餐廳，地方大，坐得好舒服。店員嘅服務態度好好，臉上面都保持笑容，有問必答，仲會細心地同你介紹每一款食材坐下即時送上大大壺蒿麥茶主打蒙式涮羊肉同蒙式小食：羊肉擺設有心思，一片片羊肉，色澤鮮艷，油脂比例剛好，忍唔住叫店員幫手影相打卡。羊肉嫩滑鮮甜，在鍋中滾一滾就可以食，味道香甜，爽口，不會好重「羊膻味」蒙式烤羊扒又係重口味之選，除左香軟羊肉，仲有一層薄薄既羊脂肪，羊排加上燒烤汁和孜然粉，經過烤焗，肉味鮮嫩多汁，好野味，正雙拼鍋湯底 ，分別是蕃茄湯和麻辣湯底蕃茄湯：濃湯，重重蕃茄味！辣湯：麻辣好香，辣度一點點而已，內有湯底有大量藥材，香、濃。另外叫左：鬼馬墨魚滑(、 半份響鈴、脆魚脘、土豆粉、皇帝菜...甜品叫左一椰汁膏，清甜，重椰子味。是日打邊爐係4人食，份量足，好食

場內裝修非常漂亮, 抽風設備非常完善，坐得好舒服。服務員挺親切的，坐下即送上大大壺蒿麥茶，不錯主食羊肉：份量大，足夠四個人食，色澤鮮艷，油脂比例剛好，只需輕輕淥幾秒就食得！湯底叫左：蕃茄及麻辣湯底麻湯香香的麻味，但不會很辣，好岩5食得太辣的人士，湯底仲有大量藥材。蕃茄濃湯，紅紅湯底，極重蕃茄味，好岩落疏菜，令疏菜更清甜，正。蒙式烤羊排份量不小, 很香很吸引, 皮脆肉嫩，表面佈滿孜然粉，熱辣辣，很惹味！蔬菜類可以點半份，另外加添紫山藥，呈紫白色，煮完軟稔入味，咬落似粉狀口感。另叫左皇帝菜。炸響鈴：最一般就係這響鈴，炸得唔脆又腍，少油膩。自製土豆粉都是要必試，粉滑有咬口感，吸收了湯底精華，好味。另外鬼馬墨魚滑，口感特別，浸幾秒就食得。鴨血一般，脆魚脘新鮮、脆口。甜品： 椰汁膏，甜甜地，滑價格不算太貴，但質素不錯，下次可再試一次

平時北上經常會搵「羊」食，事關香港真係無乜邊間食到好食嘅羊肉！見到依間喺旺角開，仲有成2層高，大大間，應該來頭都唔細！所以約埋朋友去試下！鍋底揀咗成雙鍋，辣湯同清湯雙拼。辣湯紅卜卜，原本以為好辣，但食落原來好香！辣味唔算太勁，好食！清湯其實係藥材湯底，有啲似藥膳湯底，同樣好香好好食！去快樂小羊緊係要食羊為主！所以我地都叫咗好幾款羊嘅食品！羊肉類有羔羊肋卷、羊羊大拼盤、黑松露羊肉滑、蒙式烤羊排 ！羊羊大拼盤最吸引！已經有3款羊肉試！口感方面各有不同～因為拼盤無羔羊肋卷，所以就另外加多款試下！薄薄一片好快熟，入口好嫩又有羊肉香！配辣湯好正！黑松露羊肉滑真係無喺其他地方食過！平時最多都係食蝦滑、墨魚滑！羊肉好軟身，又有羊肉香，又特別又好食！蒙式烤羊排真係超級好食呀！勁大排！會俾手套你自己撕嚟食！外脆肉嫩！外面好惹味！入面有肉汁！又有羊肉香！估唔到整得咁好！爆醬三寶入面其實係羊肉丸，另外再加咗啲配料落去，綠色嗰粒係芥末味，喺未知嘅情況下一食，朋友精神為之一震！蔬菜就叫咗皇帝菜同秋葵 ，以上係半份份量，蔬菜多新鮮，放到好似盆栽咁，好得意飽肚野有自製土豆粉同油條！油條細細條，好似西班牙油條仔咁，整