影片
更多
2019-07-02
88 瀏覽
呢一間快樂小羊嘅店喺旺角，肥妹仔每一次經過都覺得好空間感好大，裝修好靚同好光猛，所以今晚特登同成家人嚟試下， 試下佢嘅食物質素點樣。呢一間快樂小羊有三層，底下係接待處，上面嗰兩層就係攞嚟打邊爐嘅。肥妹仔就坐咗一樓嗰一層，入到去裝修好靚，好有中國風，而且個座位都好闊落，一啲都唔會好迫坐得唔舒服!最好嘅就係佢嘅抽風系統好好，冇一大陣火鍋味。光陰湯 $112個湯底係奶白色，入面有紅棗， 蔥白 ，飲落去好香藥材味，有少少似台灣嘅藥材湯底，而且佢嘅湯底係非常之濃味，完全唔需要點任何醬汁，就咁飲又得，攞嚟打邊爐都得。鮮蝦雲吞$24雲吞超級大粒，入面係唔只有一隻鮮蝦，鮮蝦爽口彈牙，好好食。薄皮韭菜盒$14呢一個薄皮韭菜盒個皮煎到非常香脆可口，入面全部都係韭菜，鍾意食韭菜嘅人一定要試。脆肉鯇魚 $88非常爽口，魚肉肉質彈牙， 魚味都好濃。白鱔 $168肥妹仔我覺得佢呢一度嘅海鮮真係好新鮮，佢呢一條白鱔啲肉係爽脆嘅，而且好鮮甜，攞嚟打邊爐真係超級好食。快樂和牛拼盤 $690不得了!呢一個附和牛拼盤超級大份，個拼盤有唔同種類嘅和牛，每一款牛肉都超級出色，差唔多真係每一塊都係入口即溶， 牛味超級濃， 輕
呢一間快樂小羊嘅店喺旺角，肥妹仔每一次經過都覺得好空間感好大，裝修好靚同好光猛，所以今晚特登同成家人嚟試下， 試下佢嘅食物質素點樣。
呢一間快樂小羊有三層，底下係接待處，上面嗰兩層就係攞嚟打邊爐嘅。肥妹仔就坐咗一樓嗰一層，入到去裝修好靚，好有中國風，而且個座位都好闊落，一啲都唔會好迫坐得唔舒服!最好嘅就係佢嘅抽風系統好好，冇一大陣火鍋味。
光陰湯 $112
個湯底係奶白色，入面有紅棗， 蔥白 ，飲落去好香藥材味，有少少似台灣嘅藥材湯底，而且佢嘅湯底係非常之濃味，完全唔需要點任何醬汁，就咁飲又得，攞嚟打邊爐都得。
鮮蝦雲吞$24
雲吞超級大粒，入面係唔只有一隻鮮蝦，鮮蝦爽口彈牙，好好食。
薄皮韭菜盒$14
呢一個薄皮韭菜盒個皮煎到非常香脆可口，入面全部都係韭菜，鍾意食韭菜嘅人一定要試。
脆肉鯇魚 $88
非常爽口，魚肉肉質彈牙， 魚味都好濃。
白鱔 $168
肥妹仔我覺得佢呢一度嘅海鮮真係好新鮮，佢呢一條白鱔啲肉係爽脆嘅，而且好鮮甜，攞嚟打邊爐真係超級好食。
快樂和牛拼盤 $690
不得了!呢一個附和牛拼盤超級大份，個拼盤有唔同種類嘅和牛，每一款牛肉都超級出色，差唔多真係每一塊都係入口即溶， 牛味超級濃， 輕輕焯幾秒就已經食得， 唔新鮮唔好食嘅牛肉一定做唔到呢種效果。
自製土豆粉 $14
呢個土豆粉肥妹仔係攞嚟給佢嘅湯底食，煙煙韌韌，好味。
金針菇 $16
爽脆鮮毛肚 $43
其實即係牛栢葉，非常爽口彈牙，打邊爐一定要叫嘅菜式。
鴨血 $31
佢嘅鴨血完全冇腥味，食落去好爽好滑，而且仲吸埋個湯底，好好食。
熊本一口牛 $76
唔係講笑，其實肥妹仔係沖住佢嘅燒烤嚟!因為我聽過好多人話呢一間嘅燒烤超級好食，佢呢一個一口牛真係食落去 入口即溶，燒得好香。其實肥妹仔覺得如果佢嘅食材本身係好新鮮，點樣整都已經好好食。
蒙式烤串 $44
肥妹仔食咗成餐覺得最好食原來係佢嘅烤羊肉串，超級嫩滑，超香，完全冇羊嘅騷味，唔敢食羊嘅朋友都一定要試，肥妹仔強推，唔試，會後悔。
鬼馬墨魚滑 $43
油炸鬼上面放上一層墨魚滑，墨魚話好香墨魚味，爽口彈牙，油炸鬼索個湯底超好食。
手工瑤柱蝦滑 $98
試咗墨魚滑，肥妹仔仲試埋佢嘅蝦滑，佢呢個蝦滑真係有蝦嗰浸香酥味!肥妹仔我超級鍾意食，平時食蝦話只係覺得佢有蝦嗰隻爽口彈牙而冇蝦嗰種味，呢一個蝦滑係真係有蝦嗰陣獨特嘅海鮮味，超好食。
塔拉上的快樂卷 $128
其實呢一個快樂捲即係羊肉捲，亦都係呼應番呢一間快樂小羊嘅店名，就係佢啲羊食完會令人哋好快樂!的確，真係食完令人好快樂，因為肥妹仔其實身係有啲驚羊騷味，但呢一個羊肉捲係完全冇呢一個問題，食落去只會有羊肉獨特嘅香味而冇騷味，肉質嫩滑，肥妹仔強推每個人一定要嚟試。
張貼
