7
0
0
電話號碼
24508622
營業時間
今日營業
08:30 - 21:00
星期一至日
08:30 - 21:00
以上資料只供參考, 請與餐廳確認詳情
本身喺車仔麵控，周圍找好食嘅車仔麵，經過御海灣「忠仔麵」，睇到餐牌內有好多款式揀，經典小食真喺好吸引呀！店內有很多懷舊裝飾，地方寛敞又衛生，車仔麵及小食價錢抵食，我同朋友都揀咗三餸車仔麵。三餸車仔麵 $44，額外加餸 $11，可另加$2 配台灣Q彈麵，揀咗必食牛筋腩、墨魚丸、珍寶蟹柳兩條(8吋長) 、關東煮蘿蔔。牛筋腩軟腍，濃郁牛肉味；墨魚丸口感Q彈，關東煮蘿蔔用日式高湯煮過，好入味。另外，湯底點選豬骨清湯加腩汁，味道清甜； 麵條掛滿湯汁，好惹味！朋友同樣點了台灣Q彈麵，餸料喺必食牛筋腩、肥牛、蟹籽包心爆丸、長豆卜，yummy! 要點讚嘅BBQ雞翼皮香肉嫩，雞皮香脆，雞肉嫩滑！小食揀咗韮菜餃同鮮蝦雲吞 (雙併)，韭菜餃皮厚薄適中，韭菜及豬肉餡料清甜帶鮮香味道。點了最愛嘅即磨熱咖啡、熱檸蜜忠仔麵地址：屯門海皇路23號御海灣地下5-7號舖
繼續閱讀
今日晚餐，我光顧了一家名為「忠仔麵」的麵店，該店以傳統車仔麵聞名。我品嚐了他們的蟹柳沙嗲湯牛肋條和沙嗲牛肉，整體而言，標準分量的味道算得上是中上水平。在這些菜式中，蟹柳是最讓我印象深刻的。它們的兩大條非常抵食，新鮮美味，讓人回味無窮。雖然牛肋條的份量很足，但入味度稍微欠缺。我猜測是因為湯汁的味道較濃，使得肉的味道稍顯薄弱。 仲有一個沙爹牛肉直頭食唔到佢係乜味不過，湯汁本身的味道很棒，特別是沙嗲湯的味道令人驚艷。當然，份量對於一個男人來說，算是勉強足夠，但如果想吃得飽飽的話，可能需要再點一些其他的小菜。另外，我必須讚賞店員的服務，他們非常殷切，讓我感到十分舒適。總體而言，「忠仔麵」是一家值得一試的麵店。如果你想品嚐正宗的車仔麵，並且享受親切周到的服務，這裡是一個不錯的選擇。
繼續閱讀
我買魚550，俾咗一千就走咗，唔記得收找錢，結果個夥計追番上嚟俾我，好老實。同埋個檔口乾淨企理明碼實價👍⋯⋯會再幫襯。我買魚550，俾咗一千就走咗，唔記得收找錢，結果個夥計追番上嚟俾我，好老實。同埋個檔口乾淨企理明碼實價👍⋯⋯會再幫襯。
繼續閱讀
話說難得約齊朋友由到將軍澳到銅鑼灣放工嘅都願意走入嚟屯門，講咗好耐話要去食海鮮，就喺三聖海鮮街搵靚海鮮，都係朋友介紹話要去忠仔記，我哋都不多作比較～今日係星期二嘅夜晚8:30左右，我哋揀咗一條游水杉班4隻靚鮑魚依一隻Over 2公斤嘅南澳大龍蝦仲有八隻聖子嗰度唔記得影相😜姐姐仲幫我哋諗好應該點樣加工，同埋幫我哋喺酒樓book位，魚就一定係清蒸，鮑魚就會用酥皮咋，龍蝦用上湯煮，聖子就豉椒米粉底～好開心，今日買到靚海鮮，四樣加埋$1260，非常之抵！
繼續閱讀
不知那時開始喜歡上忠仔記，由我首次踏足三聖邨，第一間幫襯既就係忠仔記，從沒轉會。月姐招乎周到，還推介新鮮貨又幫我計埋 budget，如果有時間仲送埋海鮮去餐廳添，good！堂灼海螺，師傅刀功了不起，切成落片半透明，再連 gas 爐及上湯冰鎮送到。開大火讓上湯滾起，溫柔地夾起一片在熱湯內拖幾秒就足夠，超級鮮甜爽脆嫩滑！忍不住連食幾片，實太美味喇！兩隻海螺只得 6 片左右乍。鹽焗海奄仔，爆膏黏黏糊糊甘香非凡。多膏又多肉，就連蟹肉都鮮甜突出彈彈的，無得頂！油鹽水煮有膏瀨尿蝦皇，食椒鹽食到悶，轉轉新煮法啦，有驚喜喎！大大條巨形瀨尿蝦已剝殼直直的躺在熱燙燙油鹽水上！急不及待整條放入口，味道鮮到出奇，瀨尿蝦肉滑彈包著嚥韌甘香蝦膏，啖啖肉超讚呀！蒜蓉粉絲蒸象拔蚌仔，擦得乾乾淨淨的象拔蚌仔加上大量蒜蓉讓粉絲蓋面，蒸她們 3 分鐘出爐！淋上豉油及洒上蔥花，起動！挑走蔥先，其實我唔食蔥的，哈哈！所有食材連汁推入嘴中，濕潤清香鮮甜，爽彈滑的蚌肉、索汁的粉絲，無野好講！白灼跳螺，食其鮮甜原汁原味原始味道，無添加純天然，滑滑的螺肉，海水咸香得宜，正！辣酒煮花螺，濃郁厚厚辣汁湯散發陣陣酒香，酒味淡淡不強烈，軟腍入味的螺肉，香辣惹味，損晒手指。醬皇蒸扇貝，大大隻原貝味道清爽，跟麵醬豉油混和，肉質滑彈不乾鞋，香香甜甜，美味。活牡丹蝦刺生，竟然有游水牡丹蝦難得一見，梗係食啦！不過非常失望，除了極新鮮及肉質結實勁爽外，味道淡如水又無蝦甜味，一次夠喇。白灼赤米中蝦，罕有大隻赤米，蝦甜味無比強烈，微爽多汁，沾上辣椒豉油味道更鮮甜。清蒸泰星海斑，不要太大條，一斤左右最鮮最嫩。簡單的烹調，最緊要時間拿捏得好，鋪上蔥絲撰滾油再淋上蒸魚豉油，香噾噴噴口水流！嫩肉滾上豉油直接品嘗，鮮甜味濃郁出眾，整條魚消失得無影無蹤，將骨頭損得乾乾淨淨。清蒸長腳蟹，海鮮最緊要生猛，即劏即蒸，噴煙出場。蟹腳啖啖肉大大碌成條食，肉質鬆軟微彈，蟹汁不斷大滿足。蟹身肉不夠腳肉美味，也不錯。日本白松蚌刺生，只需 $150 隻好抵食！蚌肉片點少少青芥辣豉油，先爽後軟腍，黏黏滑嘟嘟，濃厚海鮮甜味。椒鹽蚌膽，酥香誘惑，外脆肉軟。冬蔭功琵琶蝦，別有一番風味！香茅青檸番茄辣湯滾蝦，僅次於龍蝦的爽甜，使我忍不住連殼都損得徹底，辣辣好好味。薑蔥炒登格尼斯蟹，有點水蟹感覺，殼大肉細，無咩肉食，炒出來都有點水汪汪。蟹味淡淡不泛肉汁，好采點濃味的薑蔥炒，剛好填補缺憾。豉椒炒蟶子，已經甩殼將殼墊底，黑黑厚厚的豉汁包著蟶子肉，幾乎看不見。炒得有點過熟，滑但有點韌，鮮味微弱，被濃烈豉油汁所淹沒。上湯焗青龍，走完油再燴入上湯十分香口，小小龍蝦肉用叉一挑全出，整舊豪邁奔放地塞入口，勁爽勁甜，蝦味突出，還有上湯襯托著，特別好食！蜜龍刺生，有的有點蜜糖甜味喎，係我錯覺嗎？白雪雪軟滑肉質微爽微甜，清新淡淡然。果皮蒸南非珍珠鮑，有我掌心咁大隻，肉身厚厚食緊扒一樣！鮑味特濃還泛著海水味，嫩滑嚥韌富彈性，果皮芳香不嗆不嗆，加上豉油更鮮甜！芝士波士頓龍蝦烏冬，焗到芝士表面焦香，芝士香充滿空氣之中，裡面溶成流心一樣，跟烏冬撈得均勻，擘盡紅脣大啖啜！幼滑芝士汁夾雜微脆芝士還有彈彈烏冬，那有不好吃的理由！波龍肉微爽而海水味濃，淡淡鮮蝦味，啖啖肉跟烏冬芝士汁瀡落口，幸福到彈起！
繼續閱讀