心燒食堂

營業中

休息中

本来係為左食68蚊既'一帶一露'而黎既 點知去到先知原来68蚊既優惠只限星期日至四book枱+預訂先有架！ 宜家要收128元就唔低lu ...因為份量其實不大 不過尚算鮮甜既. 本人推介燒白鱔同廣島蠔...白鱔肥大肉厚多汁彈牙又香口...廣島蠔大大隻又多汁 出付意料的美味!!! 牛利芯同豬頸肉都美味 我比四星...但雞軟骨/菠蘿/冬菇呢D普通野我唔會推介了 因為唔低食 有點over priced ！

這店已聽聞很久，但由於小弟的人群恐懼症真的令我不喜歡在銅鑼灣吃飯，見到他的facebook有一帶一露，所以和朋友一同拜訪。由於近來工作忙到太瘋狂，實在太久沒有出去吃飯，所以我對這餐真的有點期待。先說一帶一露：一看便知，係一粒超大帶子配上黑松露，仲有一圈海膽和底部有牛油果沙律。一看就知足料兼美味，加上老闆做優惠，只要68.9就可食到咁正的前菜，真的多謝一個咁有心的老細。之後我們仲點了其他的食物。串燒蝦：一看都是足料之作，其實佢主打是燒物，所以燒蝦新鮮簡單得來都十分好味，只用了少少鹽和辣粉燒，由於新鮮，所以燒得很脆很香，送酒一流。炸雞：雖然個外表沒有太金黃，但仍做到外脆內軟，而且還能保留肉汁，真的又是另一個送酒的好菜式。芝士年糕：咬下去，熱的芝心已經噴出來，外面燒得有少少硬，但年糕裡仍是軟的，所以都係好好味，令人感到十分溫暖。這店雖然有點逼，但他的環境還算舒服，加上地道日本的食物和老闆的心機，值得再來。

放工去Yan去食傳聞中的「一帶一露」海膽杯,港人價$68.9,必食呀,不過要食呢個杯海膽杯,就一定要book位先有呢個港人價優惠,同問埋有冇海膽杯供應,二人只限叫一杯,thx Yan幫忙book位呀,book了二位,9:30。餐廳的門口,不少的本地的創作,甚有香港地的特色。內堂是日式的設計,以木系為主,柔和的燈光,有relax之感。menu,手繪的食物圖好靚呀。「一帶一露」海膽杯,港人價$68.9(原價$128),賣相好吸引呀。上層是黑松露燒帶子,好大粒,味道鮮香,面層看似滿佈海膽,其實份量唔算太多,但味道鮮美有水準,下層的青瓜粒及少量的牛油果粒,感覺清新。燒美國牛脷芯,$58,口感富彈牙,香口又惹味.必食呀。田樂茄子,$78,口感軟腍的茄子,配上豐富的肉醬,味道濃郁,好惹味呀。心燒免治雞肉棒,$38,外層有少少脆,雞肉口感鬆化又入味,配上蛋黃同醬油,幾好味呀。燒芝士年糕,$38。口感煙韌,入面是豐富的芝士餡,味道濃郁,幾好味呀。燒菠蘿,$28,味道甜,不過菠蘿味唔夠香呀。海膽杯唔係想像中咁正,不過都OK,其他食物水準不俗,值得一試呀。

都係拜新假期所賜, 知道新推出嘅"一帶一露"呢個海膽杯, 即刻9秒9打去, 成功book到星期六晚上7:30嘅枱😁點咗15道菜: 燒味醂魚干味道質感似雞泡魚干, 幾香口 一帶一露是晚highlight~ 似用咗兩種海膽, 一種鮮甜, 一種有少少澀, 配上新鮮大大粒帶子加黑松露, 足料, 配青瓜粒底, 賣$68.9, 真係香港人良心, 推介👍🏻👍🏻👍🏻 心燒龍鳯串外形似普通雞翼, 實則𥚃面釀咗大粒蝦米, 兩者配合口感不錯 燒美國牛脷芯一咬落去, 如厚切牛般有肉汁, 幾juicy唔乾, 啖啖肉~ 燒豚肉廣島蠔豚肉內有蠔, 蠔味不太突出, 整體較油, 不過勝在有創意 田樂茄子一向對燒茄子情有獨鍾, 呢個茄子有肉粒鋪面同燒汁都好夠味😋 燒白鱔肉身夠厚, 但味道一般, 不算很鮮甜, 汁不太入味, 有待改進鹽燒銀杏未試過, 所以點了一串。其實即係煲腐竹雞蛋糖水落果d白果, 可以一試 燒豆腐乾有驚喜, 外皮脆, 咬落其實幾厚, 配埋個燒汁好好食 南蠻炸雞本身對炸雞興趣不大, 加上真係整得有d普通, 可以skip~燒芝士年糕外皮香脆, 一咬下去半流心,

身為深夜食堂FANS，一直都好想去「心燒」食堂試下！不過一直無時間，終於等到好機會，襯住第二日放假，就去嘆個宵夜先，看一下一直期待嘅心燒食堂有無令我失望先！Lychee Temptation $60用上荔枝，士多啤梨同菠蘿汁調製，味道清新，不會太甜，非常適合不嗜甜女生！汁煮蘿蔔牛根腩 $68原本以為汁煮意思可能帶點味醂帶微甜的味道，可惜味道非常清淡。但是牛根腩的確有夠火喉，非常稔身，拉回些分數！自家製手打墨魚餅 $78其中一道失望菜式，雖然墨魚餅十分彈牙，但是完全沒有鮮味，熱愛墨魚的大少都不太吃得下⋯⋯燒味醂魚干 $68我十分超級喜愛吃味醂魚干，但不是每一間店都做得好，有時越簡單的菜，想要做得好絕對要更用心！我愛的味醂魚干最重要夠軟身夠熱，這道小吃絕對推介，必點！心燒雞翼（鹽燒）$32惹味！加少許青檸汁更加解膩！銀鱈魚西京燒 $158愛魚的我每次到居酒屋必點西京燒，這裡銀鱈魚沒有腥味，不錯！牛油燒花竹蝦 $88香濃牛油味，味道不錯，不過肉質比較實燒美國牛脷芯 $58一般，同等價錢我相信可以有更好選擇心燒免治雞肉棒 $38一般，肉質比較散，味道可以海膽炒飯 $138完全失望！！海膽份量少

朋友一直極力推介這家串燒店，說撞星的機率很高，是彭秀慧、劉雅麗和一班舞台劇熱血份子的食堂。我們在星期六晚上七時到訪，我想也應該撞不了什麽明星啦。雖然追不了星，在場的環境還是很Artsy的，不是傳統的居酒屋SETTING，牆邊都掛了不同的藝術畫。我們一共叫了十道小吃，差不多三百元一位，價錢還算FAIR。份量好像比一般的串燒店大，我們真的是眼寬肚窄，在第三道菜左右我已經飽了。以下是我覺得較為印象深刻的小吃。Number 1: 燒芝士年糕（HKD38）﹣ 想起了童年時代很愛吃的芝士包仔。這個芝士年糕當然更好吃，味道偏甜，甜甜的芝士餡很流心，要上天堂了……Number 2: 燒豬頸肉伴柚子汁（HKD38）﹣ 豬頸肉本身就很新鮮，很有鮮豬味，再加上果甜的柚子汁，吃起來就像蜜汁豬扒一樣，很惹味。Number 3: 燒美國牛利芯（HKD58）﹣ 不是人人愛吃牛舌，但愛吃的人一定會百吃不厭！這兒的牛利真的燒得很甘香，不怕太老，推介！Number 4: 燒日本南瓜（HKD24）﹣ 吃了太多肉，也要點一點蔬菜平衡DIET，這兒的南瓜很甜美，不失水準。另外，我們也點了燒冬茹（HKD40），我是一個很愛吃冬茹

冇咩特色嘢大部份都係現成買返嚟雞翼燒得比較乾燒白果有d苦但幾有咬口燒雞皮好脆Bb chair好靚好穩陣燒雞腎比較咸Service quite good抵食就唔抵食囉

朋友 帶我到這間餐廳進餐地方不算大 其實有點狹窄跟左邊的枱只有打還行的一個身位甚至會讓隔離枱的手爭撞到我點了一個冰鎮萵筍附上Wasabi豉油 感覺新奇有趣畢竟我第一次吃冰鎮萵筍 好吃再來一個燒雞中翼味道不太特別汁煮蘿蔔牛腩牛腩非常入味 蘿蔔煮得很淋非常惹味黑松露蟹肉炒飯炒飯炒得乾身 淡淡蟹肉黑松露還有些切碎了的萵筍粒 加分位 萵筍切粒加入炒飯 少有的做法好吃👍🏻

一向對日本串燒情有獨鈡，有fd介紹話心燒食堂D串燒唔錯，收工特登約左朋友黎試下究竟有幾唔錯。好中意居酒屋既環境，昏暗的氣氛再加埋清酒簡直一流。一入黎已經比尼度特別既環境完全吸引住，當然要影張相先啦心燒炒麵（$88)有牛肉、墨魚為主要材料，個人就就比較中意食乾身D既炒麵，尼度既炒麵就有D過多水分。如果一點會比較理想。燒午餐肉一串有3塊，都唔算細塊，所以3塊都ok。咬落去個口感都不錯。如果可以少D油會更好味。清燒煮蜆蜆都算大只，個人都幾中意尼碗湯。好鮮甜既湯底。 辣青瓜我同朋友都食得辣，所以都唔覺得尼碟野好辣。好普通既辣青瓜，涼拌青瓜仲好食d總體都可以值得去一試既，環境真係好好，好有氣氛。不過夜D多人就會好嘈。

由於吃了tapas後不夠飽，所以便四處尋找晚餐地點。也由於是爲朋友慶祝生日，所以也不能吃得太隨便！ 由馬師道走到銅鑼灣廣場附近，沒有什麽特別吸引我們的食店。最後，看到了“心燒食堂”這個名字，覺得有點心動。上了22樓，樓面雖小，卻很舒服。由於吃tapas時，喝了兩杯Sangria，不是有點醉，卻是有點累，所以沒有用心的聽服務員對餐廳食物的介紹。我們在餐點紙上圈了：1. 柚子海膽豆腐沙律（柚子豆腐沙律很香，海膽稍微淡一些）2. 燒銀雪魚（燒得皮脆肉嫩）3. 燒甜番薯（有點失望！ 因不是一個個迷你日本甜番薯）4. 清酒煮蜆（真的讚！蜆肥美甘甜，清酒煮的湯非常好味道，我第一次連湯都喝光！)5. 燒鷄皮(合格）6. 燒牛舌芯（服務員特別介紹，但我并不欣賞，其實燒的是牛舌中間部分，但不太香，沒有特色）7. 炸雞（不知是否韓式，但也炸得不錯）8. 燒豚肉包蘆筍（合格）9. 燒鵝肝多士（雖然味道不錯，但燒得有點黑，賣相不好）不知不覺間，我們4人原來吃了這麽多！

星期一晚上，女朋友想食爐端燒，上open rice 揾左一陣，結果決定試下依間心燒食堂，去到見到裝修都唔錯，叫做有啲心機，牆上貼左啲"深夜食堂"嘅劇照，其中一樣最令我驚喜的係佢嘅餐牌同點餐紙，不論紙質印刷同設計都非常有心思同有自己風格，我真係想keep返一張自己收藏，因為好肚餓原因我即刻點左海膽胡麻豆腐沙律$88，賣相非常好，海膽比得都幾重手，新鮮但如果可以再濃味啲更好，胡麻醬落左好多，係一個好好嘅開謂菜！燒豚肉廣島蠔$52，豚肉質感有啲似肥牛肉，而蠔味道都幾好幾特別，有少少似煙紛嘅味道！燒美國牛利芯$58，依個水準非常高，厚切牛舌，燒到六七成熟，咬落去有好彈牙嘅感覺，燒得好味道又好！心燒雞翼$32，依個相比其他未見太突出，但都係唔錯的！燒墨魚腸$24，黑色嘅腸幾得意，再點沙律醬同生蒜，辣辣甜甜，唔錯！南蠻炸雞$58，啖啖肉，炸得外脆內軟，加埋沙律醬一齊食！正！溫泉蛋香蔥拌飯$36，比起我響日本食嗰個，更有心機，但人哋只係生蛋同豉油反而比佢好食，如果佢個豉油可以咸啲更好！燒菠蘿$26，大份多汁，燒得幾好！Pineapple cooler $60 , 有少少薄荷沙冰的感覺，幾清新！總括嚟

星期六晚唔知食乜好，所以膽粗粗試下呢間5個人食，其實食物水準方面就無乜野，都尚可接受但服務態度就真係差到無人有當日服務員帶我地去下層既房仔用膳 我地叫服務員可以用枱上面既鐘鈴搖幾下就ok落單叫野食，搖左幾下，正當服務員敲門入來，由於我地仲研究緊個鐘鈴，個服務員入到來一秒後以為我地玩野，直接走左去其實會唔會問下我地係咪想order d乜而唔係直接走左去呢？每次order 前搖個鐘鈴，d服務員都係勁無禮貌好大力敲門然後開門，每次好大力開門都撞到我張椅，無道歉，真係好無禮貌，而且仲每次都黑面同我地落單。就算野食幾好食，都唔會再幫襯！題外話，朋友order完啤酒，我同服務員講想要杯水(又係勁黑面)，佢全晚都無比過我。如果追佢要杯水，我好驚佢會比水喉水更差既水比我，所以我無再要求，直接嗌野飲好了。

早兩個月看了《深夜食堂》，很特別的一套電影，以居酒屋的四道菜式，帶出四個不同的故事。平平淡淡，卻正是人生的寫照。後來見到報道，心燒食堂推出了深夜食堂的幾道菜，很想試試。邊吃邊代入戲中的食客，好讓我自我陶醉一番。昏暗的格局，滿有居酒屋的氣氛。加入了摩登的元素，除了清酒，現代的酒吧還提供各式各樣的cocktail和mocktail。放了藍屋、黃家駒繪圖等擺設，九唔搭八，卻有本土特色。選擇很多，有前菜、燒物、煮物、炸物、主食。落單紙上的插圖，有點日本漫畫的風格。色彩繽紛，讓人不自覺地剔個不停。西柚汁海膽胡麻豆腐沙律海膽堆得高高的，很慷慨的份量，十分鮮甜。豆腐很滑，但欠豆香，在一田買的日本豆腐更好吃。沙律新鮮，胡麻醬很多，未致於太濃，但可以少一點。最驚喜是胡麻醬裡混了白芝麻，第一次見這做法。時不時咬到芝麻，既香又有口感。燒豚肉葡萄卷用燒得微焦帶脆、薄薄的豚肉包著一顆葡萄。咬下去，肉汁和葡萄汁混在一起，燒烤味夾雜著清新的甜味，一個字，讚。燒白鱔皮燒得很脆，比麵檔的炸魚皮更脆。肉和皮之間夾著一層薄薄的油脂。一併放入口中，來自魚油的香和濕度，嫩滑的魚肉，還有咬得咔嚓咔嚓作響的魚皮，十分滋味。唯獨是味

以前放學後總慣跟好友流連於學校操場，嘻嘻哈哈又過一天。畢業後間中能與中同相聚，吃頓飯已是十分幸福之事。一班姊妹淘難得一聚，當然要盡興，相約到心燒食堂。 早一天已預先訂枱。四人入座時被安排到餐廳的一隅，遠離其他客人，更能暢所欲言。女孩子點菜總是心大心細，樣樣皆希望品嘗，最後點了好多。其中印象較深的包括： 海膽胡麻豆腐沙律 － 清新的沙律不但開胃，還能減去瘋狂吃串燒的罪疚感。瞬間消除油膩和熱氣的感覺，這樣可以令大家的戰鬥力進一步提昇，多吃幾串荔枝mocktail － 店員一聽到我們要點此mocktail，立刻說是good choice，或許是他的認同令我覺得這杯飲料特別fresh 姊妹點的其他mocktail及smoothie都十分精緻及吸引。牛脷芯 － 厚厚的牛脷慢慢溶化，口腔濔漫著濃濃的牛味，一流！切忌遺忘碟邊的青檸，有畫龍點精的效果。 燒菠蘿 － 輕燒過後，令菠蘿的糖份更濃縮。令本身不太愛酸甜的我亦忍不住誘惑。不妨一試～ 總的來說，食物、服務及環境都不錯。是個適合與朋友相聚的好地方。

經過昨晚在電話中吐心事後，今天我倆今天在練習後決定前後腳離開大隊，過一下二人世界。但選擇這間餐廳之前其實有一段小插曲：話說我倆早兩個星期睇完電影《深宵食堂》後，知道有間餐廳憑票尾可以有九折優惠，我今天找餐廳補請她食上次比賽輸了的飯局，就想起它。於是在openrice找「深宵食堂」，打去問下是否有優惠。但店員只說：「我哋依間無做這個優惠。」「依間無，即係邊間有？」「我哋依間無。」經過一輪運桔後，我才想起原來有優惠的店叫「心燒食堂」，而不是「深宵食堂」……由於我們都是看完電影才過來的，所以我們點了一些配合電影的菜式，我們選了山芋飯，八爪魚香腸。受電影影響，我們最期望知道山芋飯是甚麼味道，答案係無味……我還以為會像電影般煎香了脆皮腸，很容易入口，是很適合送酒的小食。女A選擇了1668啤酒，有淡淡的花香，連不太喝酒的男A也覺得容易入口。之後吐的真言可能關酒後事，但不經不覺竟然談了兩小時，也讓我們對大家的家庭背景有更多的了解。男A趁女A去洗手間時埋單，竟忘記了使用一早已放在枱上的票尾以換取九折優惠(A男取場露出了一個彷彿按錯了核彈制的驚訝表情)，幸好店員肯攪退款再簽，服務抵讚!