心思甜品屋 (已結業)

我懷疑個老闆娘係已經發左達，開lee間鋪只係為興趣，因為佢完全唔願做咁樣，個feel好似唔想d人幫襯咁，完全唔係做生意ge!!不過係佢je，其他人無野，幾好，d食物就過得去la，普通

琴晚9點幾去到食, 坐底左成5分鐘個老闆娘先得閒落單,落完單又要等成10分鐘先有得食,都算貴,唔抵食! 間鋪根本就唔夠人手, 糖水又唔算好食,一定無下次, 去遠d既松記好過!

好吃，但是好嘳（唔要個口）

我覺得呢度最好味既係芝麻湯圓,係自己親手包的,皮薄,又唔會太甜,十分有口感! 仲要即叫即整,配合埋個濃郁的薑汁, 無論是寒冬,還是炎夏, 我同太太都必食!!之前仲有個馬蹄露非常好味, 不過現在已沒有賣了, 非常可惜, 很懷念呢!其實, 如果食果d水果或果汁造的甜品, 間間都差唔多架啦, 如果咁都唔好食, 都好難生存了...我覺得自製的甜品至考真功夫!

打完籃球身太滾,食碗糖水降下溫。選擇唔太多,點左楊枝甘露。楊枝甘露來了,咦...點解汁底白色既?心想不妙,之後睇返個menu,先發覺佢寫住「這裡的楊枝甘露用的是奶底,並非一般甜品舖用的芒果底...」奶底楊枝甘露,自己都係第一次食。奶底稀,奶頗香,但嫌比正常楊枝甘露甜,奶味道似開稀左的煉奶。用料方面份量可以的,芒果西柚尚算新鮮,但芒果有點帶微酸,西柚帶苦味,西米則帶點煙韌。個人認為,楊枝甘露始終都係芒果底好,奶底始終帶唔出芒果西柚的香。不過唔算難食,但下次點的話都係點番多人食的幻彩世界。

馬鞍山的甜品屋，可算如題一樣，五步一樓十步一閣，差不多每個屋苑都有一間，好與不好都能支持得住。這裡開張三年多，需不是時常幫襯但算是由開張第三天間中幫襯到現在。來的話由一家三口變成現在的一家四口，但發覺老板娘的招呼每況越下，可能現在已站住腳了吧！跟先前不可同日而語。是晚嚐了她的芒果布甸、雜果涼粉及雜果鴛鴦涼粉；食味是預算以內，沒有驚喜，但師傅不要命所加的糖水令到碗涼粉變得很甜，不是筆者的那杯茶；芒果布甸較酸，可能是不合時的因素。有點過份的是老板娘將兩隻狗隻帶來食店，更放於收銀機旁，看見狗毛飄飄，不知有沒有衛生常識呢？這個喊臉是因這兩隻狗隻，若下次路經再看到，一定入Black List

我們一家三口常叫外賣，住雅典居的朋友亦是；收銀機後有幾百張客人積分咭，客人似是熟客為主；下午三時後才開舖，做到凌晨過後；甜品都很美味，在馬鞍山來說，也許是其中最好的一間了

一間糖水鋪連芒果西米露咁簡單既野都整到咁難食,最可惡是他們用一些爛芒果,個西米露好甜,而d 西米唔知係咪浸好耐,已經霉哂,d芒果好酸好苦,我仲食到有點兒肚痛,我以後都不會幫襯的>.<"