心夜來潮 (已結業)

夜麻麻，個胃係咪又開始打鼓呢？注意⚠️：深夜放毒系列。呢間位於旺角鬧市既小菜館每晚都開到深夜四點，想食宵夜既朋友仔都無有怕 🤤🤤！1️⃣呢度既砂鍋粥可以自選食材，款式都幾多，每款價錢都不同，細鍋ᴴᴷ$200起，兩三個人都夠食啦！我同男友揀左：膏蟹（ᴴᴷ$120)、黃鱔ᴴᴷ$60、豬潤（ᴴᴷ$30）三款。粥底幾綿，蟹size 唔算大但有膏又鮮甜，黃鱔算肥，肉質彈牙，份量都多，而豬潤就好硬身又唔juicy 。2️⃣白果胡椒豬肚湯ᴴᴷ$88大愛呢個湯，胡椒碎既香辣味出曬係湯裡面。白果好多，入口唔會苦，豬肚質感好爽好有嚼勁 。其實都夠三至四人飲。3️⃣最後見到menu有一口炸饅頭ᴴᴷ$38忍唔住叫左份，即炸即上，夠曬熱，外面炸到金黃色，好脆口，裡面唔會乾，點煉奶食無得彈，而且細細粒，一啖一粒夠過癮 。最後，我地兩個都食唔曬d粥，打包拎返屋企再食！

-意料之外的美味😍✨營業至4am，最佳宵夜(YAY)砂鍋粥超甜，蠔仔又超鮮美🤤一口炸饅頭外脆內軟，又夠熱！兩個人吃兩款食物就非常飽了🤓下次一定會再來嘗試其他食物xd♥小提示 Tips：兩個人以上必來，一個人可能就不太多款式選擇了‼️♥

🇭🇰#香港捐窿捐罅記 instagram: foodkiller_dk🙋🏻‍♂️ 香港人放工OT完可能都10，11點 好多周團既食店都已經last order 或收工 想搵一間好少少既食宵夜都冇 真係激心 今日就等我介紹一間3，4點先收既食店-🍚潮汕砂鍋粥🍚膏蟹+響螺片+雞肉 ($200)膏蟹既膏全部溶晒係d膏入面 令到個粥既味升華不少 ，雞肉係一大特色 十分之嫩滑 唔會出面過熟既現像 雞味都夠濃 食極都唔會悶 但響螺片就差左d 冇咩味 可能落晒d粥度 幾啱d打工仔 辛苦返完工 之後食返碗粥 應該好補🐷白果胡椒豬肚湯🐷（$88）豬肚份量唔算少 胡椒味都夠 但唔會overpowered 食落去有一種好補既feel 🤤豬肚又淋又入味 亦都係London 文興最出名既一個菜👍 回憶 回憶總結來說係一個宵夜既好地方👍-🎈旺角西洋菜南街138號福苑2樓平均傷害：$144

難得約到唔少朋友食團年飯，所以決定去食潮州野，貪人多可以試多幾個小菜。係云云餐廳中最後揀左旺角既心夜來潮，一黎食評唔差，二黎地點方便。之前睇食評咁多人讚好，仲諗住會好full，所以一早經Openrice book左枱，但入座果陣7:15，只有兩三枱客。人唔多，唔會好嘈，但餐廳用無椅背既長木櫈，坐得好唔舒服之餘，我仲要全程攬住個袋食飯，中意久坐既朋友就要注意。食飯前就梗係飲湯先啦，所以點左個胡椒豬肚雞湯，暖下個胃先。足料胡椒豬肚雞湯 $268實物同個名一樣-----足料，雞嫩、大件又唔腥既豬肚、十足既胡椒，非常好飲!!醬鹵鵝片 $140切得夠薄，所以入口鹵汁味夠濃；肉質軟淋，唔痴牙；下面既豆腐片都好好味。心夜小炒王 $98我每次食潮州野必點既小炒王，呢度都唔例外!! 呢度既小炒王除大一般會用既材料外，再加上芋頭絲，整體鹹香十足，又夠鑊氣，不過幾油下。傳統鴨蛋煎蠔烙 $98係米真係用鴨蛋我就試唔出，但呢個蠔餅偏薄身，粉感唔重，炸得未係好乾好脆，入口比較濕潤，但個人比較中意食乾身、脆身、厚身D既蠔餅；蠔既SIZE算大隻。石板紅燒醬香骨 $88石板熱辣辣送上枱，香氣四溢，泰式辣醬味，一客有九支

野食味道偏咸。波波蜆細size份量都頗多，可惜有好多蜆係未完全煮熟🙁炸蠔餅一上枱係脆，但放咗唔夠10分鐘之後就淋哂。鵝件咸，墊底的豆腐更咸！野食咁咸諗住飲d水浪下口啦，枱面幾壺水都凍冰冰的，想叫收銀位大叔攞壺熱水，佢坐喺收銀機後面打機連應我都費事。再叫多次佢先免為其難咁走去第二d枱度攞壺水黎然後話: 「最熱呢壺啦！」點知倒出黎都係凍水黎！後來我請另一位伙記幫我攞熱水，點知剛才嗰位大叔就喺收銀嗌出黎同個伙記講: 「唔使理佢，你搞埋廚房d野先！」嗰陣其實只有3枱客，我真唔明有幾忙，更何況熱水只係扭開個制就有啦，咁簡單都懶不如返屋企訓覺啦。最最最離譜係當個阿叔終於肯去攞熱水時，佢經過我地身邊時拋下一句: 「去攞d“西”水先。」 （佢真係用粗口的西字）嘩 大叔，d水你拎到黎我地都唔敢飲啦！ 第一次亦係最後一次！

女友想食蟹粥，openrice見呢間有得食，好評又多就去試下啦，點知中曬伏…首先講落單，分別叫左砂鍋蟹粥（水蟹+膏蟹）同埋鴨蛋蠔餅，好清楚同個經理講左鍋粥要走青、薑、芫茜，走剩冬菜，見佢落單唔洗紙筆以為佢好有記醒，點知上菜個下見到乜都無走囉！好彩啲嘅係芫茜係另上，唔係扔埋落個鍋度，如果唔係我一定退！第二講味道，蟹粥我完全食唔到有蟹味，味精粥，完全無鮮味又唔綿，係得啲蟹食得下。鴨蛋蠔餅，啲蠔唔新鮮，個餅又唔熱又唔脆

位於旺角黃金地段，離港鐵一兩分鐘步程，但價錢實和茶餐廳沒大分別，所以也禁不住叫多了飯餸，兩個人食了四味，而且大件夾抵食。「蘇格蘭蟶子王（潮式香辣魚仔炒）」另有兩種較傳統的炒法，貪特別選了香辣魚仔。比一般大牌檔式食館的蟶子大，有時覺得有魚仔的汁，比蟶子本身更好食，但至少比豉椒炒更有新意。「砂煲生啫鱔（豉汁）」的價錢比多數餸菜貴一截，但平時有吃白鱔的朋友，都知在食館或酒樓，白鱔是比一些魚貴一點。鱔的件數充足，一枱七八人吃也夠分（當然不是每人七八件啦！）但我個人較喜歡吃較彈牙的白鱔，這煲中的鱔，甚至是比大多數豉汁蒸白鱔更冧。這是大眾口味，我也沒法子。「傳統鴨蛋煎蠔烙」落單是講明要等三十分鐘，有點先小人後君子，我也非常體諒，如果是認真煎，加上多人叫，要等三十分鐘實屬正常，我們香港人太容易等得不耐煩。但我顯然失了預算，上桌時見到的大小，足夠六個人吃有餘！建議有四人才好叫。有些挑剔的人或會嫌粉漿太多，但我覺得鴨蛋落得夠，要有相當粉漿才會煎得好，否則你自己回家試試用雞蛋煎吧。86元極之超值，雖然我最後要一人幹掉三分二碟，吃完也不覺得太飽滯。「豬油渣炒菜心」我期望甚大，不過上碟看起來，恍似是蒜蓉炒菜心

第一次打評語，平時都成日去食，d野食都ok，有次入到去見到勁多位，我地2個人想坐挨邊位，個男侍應一句彈埋黎唔得，勁冇禮貌，即刻走左，以後都唔會想食。即刻心情都差埋

我地當日walk in 不過都有位 嗌左八個餸個粥同蜆唔錯 鵝片瘦過瘦肉 可憐雞煲啲肉勁乾勁瘦 南乳豬肉有豬臭味最慘係個潮式醃蟹 勁咸勁腥 身為潮州人既我覺得勁唔好意思 我地十點嗌 十點九都未黎 熟野已經食曬 問第二次 有個四眼收銀員話 我點知啊 我幫你去廚房催左囉咪 然後超大動作黑口黑面轉身去開關個凍飲櫃唔知以為佢失戀 💔見到幫隔離枱執枱切蛋糕係到掟碟掟剩 嗰台客都靜曬 不如你轉行吧啦。。。我舖頭請到呢啲員工真係喊三聲係有個金毛啊哥好啲 如果唔係啲員工咁黑口黑面啲野又咁難食真係聽執

呢間心夜來潮。。。又係次次經過樓下都話想去試。。但係都冇左件事😅。。。終於前幾晚10點多。。行上去見到唔算太多人。。不過收銀（可能係老細）。。明明有好多吉枱都唔想俾你坐。。我以為有啲朋友仔👻👻坐喺度我睇唔到添🙈🙈🙈。。係都逼你坐張騎呢枱。。。抬頭一望又話營業到凌晨四點。。照計都唔係趕收工掛？ 但係又奇怪喎食到差唔多有一台客上嚟八位。。近門口有兩張大圓枱都無人坐收銀都唔俾佢哋坐。。。要佢哋過隔離另一間鋪頭坐。。真奇怪😅😅😅 入正題講返啲菜式😆。。可能太夜掛想食潮州麵線兜亂又話冇。。唯有就叫過鴨旦煎蠔餅啦。。小炒王。。本來仲叫咗個XO醬櫻花蝦🦐欖菜炒飯。。。但係落單嘅大叔落錯咗🤦🏼‍♀️變咗豆角茄子炒豬頸肉。。本着唔好浪費食物嘅心態就算數啦。。。費事換即係倒左佢。。好彩另一個侍應都好醒爬。。見我地唔換。。就話另外送兩個飯俾我哋。。 論味道三樣都煮好食👍。。但觀周圍嘅食客又好奇怪喎冇人叫打冷嗰啲鵝片小食🧐🧐🧐。。今次黎食嘅經驗麻麻哋。。唔知係咪自己太夜(又話營業到四點?)。。希望下次再有機會早啲去食唔使叫幾樣都話無啦😅

今日本來約左老公食放題，在旺角行下等佢，點知佢做嘢做夜左，過了晚餐時間，到他做完嘢來找我已是晚上10点，食晚餐變左食宵夜，老公記得附近西洋菜南街有一間心夜來潮，食砂鍋粥好出名，今晚我們就去食夜粥！多款材料選擇，湊夠200元就可以叫，我們選了膏蟹、海蝦、豬潤。潮汕砂鍋膏蟹粥：即叫即煲，份量足夠2人食，綿綿的粥底煮出膏蟹的鮮味，再加上海蝦更將鮮味提升，膏蟹的膏甘香鮮甜，海蝦鮮味爽口，豬潤薄身細片有口感。路邊炒米粉：食粥配粉麵先完美，米粉炒得有穫氣，用料有蛋、肉絲等，夠味有口感。朝日啤酒

週六與家人在旺角逛街，我們想食粥，在open rice 尋找到這間餐廳，要行樓梯上去，沒有升降機。這間是非一般潮洲食物。食物質素好，價錢高。我們叫了一窩細粥，任選配料至少要$200，我們加了膏蟹、蟶子、牛肉，整窩粥都很鮮甜，味道很好。另外，也叫了蠔餅，很香脆可口，值得再食。還有炒芥蘭，雖然好油但味道也是不錯。至於服務水平，大部分服務員都黑面，好像得罪他們一樣。無訂座就被人放在邊位，又限住時間，價錢已不平，兩人都要$422。

有時會喜愛選擇旺區的餐廳的我，因為地理位置方便回家去。這一頓飯，人均消費在旺區此數目不算昂貴，但我認為我會一而再、再而三到訪。希望有心經營的餐廳，可以挨得住租金，繼續為喜歡去食潮洲菜的食客出品更多美食。因為整體質素令人確是相當滿意啊！而且是晚人氣挺熱鬧的，潮洲氣氛更濃烈，那就更好了。這家分店位於旺角中心對面，西洋菜南街的一幢商業大廈內，非常就腳之選同層的有著另一間主打牛肉火鍋的「饕牛記」，兩者吸引，但為著吃潮洲菜而來最後也是轉身去右邊的門口【心夜來潮】吧。推門後看見整舖以木材做擺設又用木桌木椅，古式古香的風味正正有潮洲風格，亦看見全院滿座，呢種感覺漸漸令的期待一會的晚飯呢。黑色的封面的餐牌，一打開，厚厚的一本，選擇非常多令我即刻有有選擇困難症，入面有新派潮汕菜、涼菜、熱炒、湯類、川·湘菜、主食、廚師推介菜等等。標明主打新派潮汕菜應該每款各式其式，沒點太多打冷食物，而點了些道小食為主，愛香口野味的我就點了，爆炒醬啫秋葵、秘製花膠豬手墨魚脯煲及家鄉南脆炸雞呢。特色的潮汕砂鍋粥、饅頭都有得炒、鴨蛋煎蠔烙都是我下次想點的菜式呢。仲見到一些新出左不少新菜式...一張二人檯有一點逼如果闊落點可能會

朋友生日又搵個地方食飯，本身想搵間唔駛限時比人趕住走既，朋友食過呢間就上去試下，點知上到去都話限時個半鐘，咁都照試下啦，睇完一論menu就點餐，幫忙點餐個位似係老細咁，有傾講笑既，又幫忙交帶廚房小心魚骨，因為有個朋友比較驚魚骨！我地叫個粥配雞鱔肉丸螺片，加菜同雙併紅腸加豬耳！最後再加埋一口炸饅頭粥初初唔錯既，食到底就比較喊。雞夠滑鱔都唔錯，肉丸比較特別既可能自家制，但螺片就比較硬，難咬！菜因爲係豬油菜所以好野味！豬耳同紅腸本人就一般既，但朋友們就覺得豬耳ok夠林！炸饅頭都ok, 一口就ko唔會太飽！因為唔算多人，所以夠鐘都無趕我地走，所以整體黎講都感覺良好！

今次一大班舊同事食飯，大家番工地點遍佈港九新界，簡係正中間嘅旺角就最方便！👍🏿✨之前都試過幾個人黎食，今次難得咁多人，終於可以叫晒自己想食嘅黎試啦🤤 主菜、甜品都可以試晒！🤩😍🤩😍主菜第一個推介嘅當然係每枱都必叫嘅潮汕砂窩粥🤩我地只係叫左個細份量嘅粥，諗住咁樣可以叫多幾個餸，點知我地9個人食，每人食完一碗之後就無得encore 再食☹️，所以記住人多就唔好猶豫！要叫個大份量架！🙆‍♀️🙆‍♂️講番我地叫左啲咩材料，有膏蟹🦀，蠔仔，豬潤同皮蛋。個粥底好綿，加埋兩款海鮮料令到個粥底好鮮甜😍😍難怪枱枱都會叫✨👍🏿✨我無機會影底個膏蟹有幾多膏，因為已經俾舊同事轉眼間食左🙈。第二個好足料嘅就係傳統鴨蛋煎蠔烙🐣食潮州野必叫！而份量仲大過隻碟😋粉漿同蠔仔嘅比例較得好岩，而且用鴨蛋真係會香啲，又可以食到啖啖蠔仔😍叫尼個拼盤可以試晒6隻香口小食，當中5款味道其實好相似🙈 不過亦有重點推介- 一口牙籤雞🐔，連埋米通一齊炸，口感好彈牙，雞肉炸得岩岩好，仲係好嫩，亦唔會炸到油淋淋！三寶包括鮮魷🦑、銀魚🐟同腰果。🦑鮮魷炸嘅時間岩岩好，好易咬，唔會變香口膠！其他餐廳通常用炸米粉做底，而佢地就用炸芋頭絲，唔會好油，又多左