德興酒家

營業中

休息中

因為朋友生日大家又想打邊爐所以我周圍搵一ｄ又好食又抵食既火鍋店.. 睇左好多間唔係好多劣評就好貴.. 最后睇到好多人讚呢間德興所以就去左喇.. 一去到發現環境真係唔錯..ｄ位一ｄ都唔迫又唔係話好多人.. 經理同侍應普遍既服務都幾好啊.. 個總理仲會同我地講笑添.. 野食既選擇都幾多.. 普遍想食既野都有.. 不過有朋友投訴話冇蝦蟹囉.. 不過因為我皮膚敏感唔食得海鮮所以覺得無乜所謂XD .. 值得一讚既係ｄ肥牛真係好靚.. 真係雪花肥牛o黎架.. 好好味!!! =] 因為我地係９點后去食.. 所以每位＄９９.. 加埋２渣野飲就每人＄１０４左右.. 都幾抵食!! 好難得晌尖沙咀搵到一檔又好味又抵食既自助火鍋店!! =]

我同女友和朋友三人一齊去食，九點前每人HKD 121.00 計埋加一同茶介，質素我覺得係依個價錢o既自助火煱o黎講已算是很好，比起旺角雅蘭果一堆幸福樓呀，之類真係差好遠，就算比番起旺角德興，都係唔夠尖咀好！起碼地方夠闊落，肥牛好有牛味，唔係果d 成舊冰又黑晒咁o既攞出o黎…而且係雪花的，唔係一大條肉+一大條肥膏，仲有帶子、魚肚、牛眼筋等…，海鮮唔會好新鮮，不過依個價有依d 野食真係算係咁…又無限你時間。d 阿姐招呼又唔錯！所以我覺得依度係自助火鍋o既首選！^.^

呢度真係好抵, quality又ok高.環境又乾淨, 闊落.service都好好, 得閒過黎講兩句.不過飲品另計就唯一不足之處啦.旺角果間差d啦, 冇咁多野食.尖咀分店真係好正ga

很難找一間比佢抵.一百蚊多d, 有帶子, 花膠, 魚唇, etc......肥牛不是一般好似煙肉的肥油, 而是雪花肥牛. 反而是手切肥牛要收錢, 但看來不比任叫的肥牛好得太多...墨魚滑, 牛肉滑和鯪魚滑真的好滑羊肉差d, 吃牛算了.混醬(蒜頭, 之類) 真的要叫. 十元左右任用. 自己在家試一下做蒜泥便知俾十元是抵的(^_^)美中不足是飲品另計.另外, 佢地在灣仔地鐵站都開了分店.講開, 唔知大家覺唔覺, 間間德興的任點任食都不同的, 銅鑼灣南華會那間少一點野食的. 所以最好去灣仔或尖沙咀分店.

呢間德興我成日都黎,次次都係打邊爐,鍾意佢抵食而且好味.當然唔可以同小肥羊,有骨氣個比,但佢勝在選擇多,就算要另外比錢叫既野,都唔係貴.美國蛹豪-- 好大隻,好鮮, $88.00有6隻帶子-- 一定係雪藏咖啦,不過無乜雪藏味,而且大隻.墨魚丸-- 夠彈牙魚腐-- 我至愛尖沙咀呢間坐得舒服好多, 旺角個間太迫,好唔舒服, 都係鍾意尖咀呢間,而且服務都ok.唯獨有時佢地既湯底唔夠濃...不過,豬骨煲幾好...哈哈.

12月個食時去食O既, 係宵夜時段9時後去架~台與台之間真係唔迫,唔會好似一般火店咁好鬼迫任點任食既火配料真係比起其他食肆多好多連花膠都係任點任食不需另外收費, 好多火店連魚皮餃都要額外收錢真係令人費解佢個度有個叫混醬係額外俾錢叫, 如果ORDER 左個侍應會拎一盆有齊唔同沾汁料俾你任舀,有芫茜, 辣椒絲,蒜茸,麻醬......等等, 不過我地無叫另外當時有個手切肥牛加特式湯底叫,當然要額外俾錢啦手切肥牛有大,中同細SIZE, 我地揀左個澳門豬骨湯底, 呢個湯底真係幾正,夠哂料,剩係食呢煲野加碟肥牛同好夠架啦,對細食O黎講,所以人少就唔好叫呢個啦~題外話就係個所,居然有自動既套,每似使用時按掣就會自動套上即棄板套，好先進,好似日本咁, 唔知點解個所咁犀利落本,事關都有個嬸嬸係度架啦~如果講任食火店呢間環境, 食物同價錢真係好好唯一就係離地鐵站遠啦~

昨晚和男友食飯,見天氣轉涼,就選擇打邊爐, 聽過有人話德興唔錯,就試試.八點入座,人都幾多,但檯與檯都不太近,慢慢食傾傾計都不錯呢!!湯底選了蕃茄薯仔湯,味道唔錯.最想不到是,雖然是任食,不過火鍋料選擇很多亦很新鮮,肥牛不像其它酒樓般全肥的,肥牛很正!丸是手打,另外,帶子,魚頭,鵝腸等等亦很好食...另外,我們要了混醬,每位加$8,有XO醬,麻油,花生醬,魚露,紹酒,蒜茸等等,味道都可以,不過最後都係覺得點豉油最好味.TTL:$240總括,服務不算差,坐得舒適,食下講下十點才走,食物選擇多又新鮮,這裡打邊爐係好好的選擇.

第一次食到間又乾淨, 環境又闊落,食物質素又好,款式又多,湯底又正既火鍋店呀~個次同男朋友去,叫左個"豬骨湯底"幾好味呀~(但油膩左D)食物俾到少少驚喜我囉~ 呢度都有义燒包,小籠包打邊爐;仲有墨魚滑;南瓜片......而且仲勁新鮮添~埋單兩個人都係二百幾蚊...(個日係星期六)最美中不足係地方太大,埋單,上菜要等好耐!

火鍋料幾好，又多o野選~肥牛幾好食，唔肥~雲吞、魚皮餃等餃類就唔好食啦！而且仲好易黏底，會燒焦~芝士腸、豆腐、竹笙、帶子、雞肉、豬頸肉都好好食~最衰冇肚食出前一丁~另外有d手切肥牛等等另外加錢叫，不過本身款式都好多，一定夠食~幾好o丫~沙嗲湯底味濃，口味重，不過應該幾多味精，食完好口渴~侍應服務好好，經常幫我們加茶~洗手間好乾淨，女朋友話女厠個坐厠有膠套套著厠所板，用完即棄，好乾淨~男士就無福消受了~食到十一點幾先走，佢d經理坐下來一面吃宵夜(希望不是晚飯咁慘啦…)，一面埋數~ 做到咁夜真慘…九點前位位$78，九點後位位$58，不夠我地計埋茶錢、湯底、花生就$58變$88，不過都預o左~ 服務好、食物好、坐得舒服、食得開心，我仍覺得物超所值~推介大家去試o下！

去到坐低無耐,伙記就拎碟例牌燒鵝來,開頭仲以為伙記攪錯,同佢講話無order到,佢話係送o既,咁我即時諗,送o既燒鵝好食有限啦,點知又唔係喎,皮好香,肉好鬆軟,正!講到火鍋配料, 都算新鮮, 將肥牛卷起來上碟, 賣相好好, 另外加錢叫左碟珊瑚蚌, 都唔錯而且份量唔算少.唯一缺點是冷氣不足, 大熱天時打邊爐如果冷氣唔開大d真係幾攞命.

1年多前我差不多每個星期六都來e度飲下午茶,果時價錢同而家都係一樣無乜點變,都係咁抵1年後既今日來飲,全新既裝修,感覺比起1年多前好好好多了,乾淨好多.服務態度一般啦,無話好,又無話唔好既,如果對住熟客會好d啦,有講有笑.茶錢$6個.一至日,2點後就下午茶時段,大中小都係$8..要加一.但埋單時真係好抵啦.環境尚算清靜,同gf來的話,可以坐1,2小時,靜靜地舒服傾下計又唔錯,消費又經濟.又可以醫埋肚,一舉數得...記住,樓下有地鐵八達通優惠,記住doo埋先走,搭地鐵save $2.

9點後食好抵...五十幾一位...但野飲另計...鮮帶子勁正...有得任叫花枝片都有,都好食而且佢d肥牛一卷卷上,賣相同一般任食火鍋店差勁遠!

第一次去呢度扎邊盧,估唔到D湯低好正,,,我地叫左個沙X湯低,,,好濃好濃,,,好多花生,又香,真係冇得頂,但時好叫D涼茶飲,唔係真係好熱氣

請麻D大陸婆做待應都算啦, 又SAY $95 任食!!要三文魚就要每人加$10...要調味料奐要加$, 要頂癮係, 開TV 又SAY 要訂晒成間房先可開黎唱K !!! 下次請都唔去!!ORDER 左成20 MIN 先黎少少野! 又成日漏單!最正係帶子,唔算大粒但好新鮮...仲有墨魚滑都好正!!

Lunch time 去都係七成滿~ 正~遞完點心紙，好快就有點心到，~ 即係唔係即叫即蒸~ 不過無所謂啦~ 好快有得食嘛~ ^_^ 點心唔錯呀~