德興酒家

營業中

休息中

比較左好多間之下...宵夜任食唔任飲掛隊拎籌等左1.5 hr,好采o岩o岩到我地咋,如果唔係冇得食>_< !!!叫左鯊魚骨豆腐湯底食左好多野,不過好多野可能賣晒掛,冇黎o既南瓜, 菜, 豆腐, 牛眼筋, 肥牛, 脆肉鯇魚腩(朋友話好腥唔好食), 午餐肉(好粉), o即o即魚麵(都ok), 蓮藕等waitresses 做到踢晒腳,但整體味道都ok o既,價錢都ok呀俾卡找數等左1/2hr,勁驚張卡俾人盜用左喎!

尋晚同朋友去左德興呢度打邊爐, 一行六個人, 因為訂左檯, 所以去到就即刻有檯~我地叫左個沙爹同清湯底, 之後+9蚊混醬(一定要混, 因為太好味)個度火鍋好多選擇~好多料簡, 我地第一輪叫左勁多野食~都來齊, D料都好新鮮同好好味~~所以好快就食哂~之後再不停加單, 都來得好快!!!我地仲叫左個"象拔蚌""三文魚"刺身, 好新鮮~兩樣食落去都有鮮味的~~~~不過打邊爐, 佢獨有既叉燒包..(我覺得好似食舊粉咁)奶皇包都OK, 好香奶皇味~我食隔離位都聞到...同埋小籠包都唔係好得, 麻麻地, 其他配料就OK~~~~服務唔錯~~~我地個邊有3張檯, 長期都有一位waiter企係度服務~所以服務十分快同好~同埋要讚下個TOLIET~好乾淨, 洗完手仲有人遞抹手紙同熱毛巾你抹手,走時仲幫你開埋門~服務一流~~~尋晚叫左一個刺生拚盤, 打邊爐, 同埋叫左4, 5乍橙汁, 同好多啤酒, 埋單都係每人160蚊已連加一~~~應該下次會再去!!因為我個個朋友都食得好開心, 同埋最重要佢無限定時間~~~~

星期六同友人夜晚7點半到達, 都無咩人排隊, 好快有位..叫了湯底及第一輪食物後, 加完每位9元的混醬後, 足足等了半個小時先有一兩碟食物, 可惜湯底足足等左45分鐘, 好離譜~再寫多第兩輪同第三輪的共30碟, 最後只係來了15碟左右~鴛鴦湯底確實夠晒味, 唔需要混醬都可以..額外一渣22元的柑桔水都唔錯, 夠4杯,,食物方面:~肥牛確實唔錯..~墨魚滑同牛肉滑都算幾好味,好滑..~炸魚皮都唔錯..~羊肉唔係好得.. 攪到湯底好大陣味..~奶皇飽都食得過..~所謂的花膠都算係咁..服務真係好唔得,可能一個侍應要照顧太多臺的關係..

已光顧不下3次，昨日又重回舊地，雖是例牌的任食火鍋，好在沒有時間限制。肥牛是必食推介，口感爽，雪花脂肪適中，我們10人點了7至8碟！還有特別的水晶小食(甜或鹹也有)，有叉燒、奶皇和豆沙餡3種選擇。

3號果日一行六人自己提議去德興打邊爐，入到去已經差唔多十一點半了（佢地１２点半last order）但係話可以食到兩點～～我地梗係嗱嗱聲寫野啦～～寫左都唔少野．．畀完張紙佢之後４個字都未有湯底黎．．莫講話ｄ野食．．之後同個四眼哥哥講話點解ｄ野未到啦’’佢就串貢貢咁”好呀　好呀！！”點知最後佢都冇入到廚房梗加冇同ｄ職員講．．．最後我地叫個manager出面先有d野食黎...卒之搞左成半個鍾有多先有得食野...未食就已經成肚火><!! 講返d野食..黎左既有" 花膠- 無乜味道..口感也不好,不過任食仲可以點?不過下次就咪搞lo 牛肉滑- 幾新奇(之前未食過)食到好香陳皮味!肥牛-呢個爆分(未食過任食d肥牛咁正)仲整到好靚等你易d 夾,, 但叫左3碟只黎左一碟=.= 但係個經理最後都畀多幾碟我地^.^ 花枝片- 比一般任食火鍋店整得好! 鮮,彈牙帶子- 呢個一定要叫!! 帶子打邊爐原來咁正, 鮮甜又彈牙(但係唔好灼太耐)!! 蝦丸- 啖啖蝦肉,冇馬虎~抵讚! 付竹- 打邊lo至愛~ 但係好似唔新鮮bo牛心- 口感唔知點形容..但係ok la 講返呢間野d食物真係唔錯..帶子

之前已經去過好幾次,但都係食打邊爐,今次才食小菜,但可惜小菜款色少得可憐,酒樓咁大間得十來款小菜,真失禮!我一行十多人,幾乎點均晒咁多款小菜了。食物味道可以,但門口大大張海報說恒生咭有九折,問後才說只有火鍋才有九折,小菜沒有!要是幫襯,還是火鍋好了!

尋日同男朋友去打邊爐,唸住熱辣辣冇乜人啦,好在訂左位。星期六下午六點幾都多人。$123包加一、茶介、鼓油。都okay啦。肥牛大大碟、估唔到午餐肉都可以打邊爐。不過個帶子有小小失望,如果唔滾耐啲o既話就有啲腥。其中有一舊變左啲色．酸梅湯唔夠酸。混醬加$9係值o既。亞姐好勤力咁幫我地收碟。唔小人跌左個勺落地,亞姐好快咁比另外一隻勺我地,值得一讚。

大陸有個超遠房親戚黎左-0-而家德興童心宴叫幾抵!之後婆婆話順便做埋鬼節-0-星期1食=)因為會平過星期日=)本來諗住即日訂MEGABOX果間!但比人訂晒-0-之後諗住去九龍灣稻x !但佢地又話稻x 坐得太迫!而家大家LUNCH果陣係尖沙咀!所以就訂左依間德興!17個去食訂左1圍半!大紅乳豬全體:乳豬切得好核突!XO醬翠玉蝦仁:蝦爽但冇嘜味!富貴配霸王::只係西蘭花上面有D蛋白!味道OK鮮果帶子卷::個皮唔似平時食開果D好鬆軟!好硬-0-竹笙雞絲燴生翅::味道OK!翅不是很多!服務差既時間答啦!我係坐1圍果邊!但半圍果邊冇人BUP翅比佢地食!淨係放左係度!攪到佢地又自己親手BUP!蠔皇花菇海螺片:K啦!清蒸海老虎斑::又係服務差既時間!擺低左碟魚就走人!正常果D都會幫我地又刀叉叉晒D肉出黎比我地食!不但冇做依樣野!連刀叉都唔比隻!好彩條魚又幾好食!風沙脆皮燒雞:K啦!鮮蝦荷葉飯::冇嘜人食!之後自己打包左番屋企XD壽包::個人唔係咁鍾意壽包入面有蛋黃既出現-0-鮮果拼盆::西瓜冇味!蜜瓜超甜!哈密瓜OK!BUT蜜瓜同哈密瓜未免切得太大夠-0-食得唔係咁方便!依個係佢本身出菜既次序!但結

今次再黎, 剔火鍋料張紙轉左, 特別係無左蝦(以前好似有). 但好在仲keep住有帶子. 另外見到比較少見的有牛肉滑, 田雞, 花膠及牛心. 特別一提佢地肥牛的質素不錯, 刨好上碟時一卷一卷的方便客人夾起, 不像其他店一疊疊痴住晒.Total大約有近百款火鍋料提供, 選擇夠多.不足的是服務不太好, 明顯唔係好夠人做野, 開茶叫左兩次先有, 湯底仲未到但火鍋料已先到, 之後d火鍋料會出得比較慢, 慢到以為佢漏左單... 不過當佢地有空都會主動問你洗唔洗加湯. 價錢方面, 人頭每位$80, 九點後$60, 另加每位湯底/鼓油/茶/Nuts 合共$22, 要加一, 特色湯底要另加$30. 星期5,6,日每位再加$10. 恆生卡有discount, 4位or以上其中一位半價(e.g. $80/2=$40), 埋單前要講定.總括黎講, 我覺得e間都算ok, 好過旺角個d.p.s. 以前試過個廳有人擺酒, 火鍋區搬到走廊上, 加上d臨時幫工唔熟手, 漏單情況極嚴重, 服務更差...

尋晚七點幾去到，好彩仲有位，不過就差不多全場爆滿，竟然夏天都咁多人打邊爐，如果多人最好訂定位１）牛骨鍋～鍋內有蕃茄，南瓜，牛骨，牛骨好好味，但只得幾件２）配料～選擇都算多，最特出既有帶子、魚翅裙、花膠仔、魚肚...３）飲品～柑桔一酌，幾好味４）混醬～最鍾意呢度有得混醬，９蚊無問題啦二人共消費　＄２６６

看報紙見到金珠宴的廣告，價錢與陣容都非常過份。如非幾位朋友都讚德興的火鍋好吃，我都未必敢鼓起勇氣去試。　難得天時地利人和，揀到好日約到壽星女食飯，成就了六人金珠壽宴($666)。當晚菜式太多，只簡評如下：　開運金豬全體-味道不錯，只乳豬稍肥~碧綠珊瑚帶子-帶子沒特別，珊瑚蚌夠爽夠脆，我超欣賞!金錢多子柱脯-瑤柱太稔，與蒜粒融在一起，麻麻~百花炸釀蟹拑-蟹拑份量巨大，又脆又鮮，好吃!鵬程大展翅-總共有七碗翅，可見份量多，味道就一般~百靈菰扣玉掌-百靈菰好吃，鵝掌沒試不作評清蒸大海斑-不但份量足而且味鮮肉滑，另一味抵讚菜式!當紅脆皮雞-皮不脆肉不嫩，麻麻~瑤柱鮮蝦菜粒炒飯-飽肚菜式，無特別~蝦籽伊麵-飽肚菜式，無特別~鴻運年年-紅豆沙煲到勁起沙，陳皮味香濃，都不錯!美點或壽包-講明是壽宴，當然要揀壽包。外貌不夠雪白飽滿，不過味道倒是相當不錯!鮮果拼盤-水果切得很大，進食有難度~　總括食物大份，加上果汁、啤酒，絕對飽肚抵食!不過味道就不能期望過高，叫做不過不失啦。環境嘈少少，但在熱鬧的氣氛下我們反而食得更開心!幾項評分中，大概服務是較差，主要因為食客多很難叫人。　整體而言，都是一個愉快的經歷

我同朋友早前去尖沙咀德興火鍋打邊爐(9:00pm左右),以為出名酒樓,服務會好好, 點知D湯底等急都不來,催了幾次,但服務員越叫越走,隔離后來的都到了湯底, 我們的才來. 見人地D肥牛好靚, 又大片, 於是又叫碟試下,點知好細片,好差, 服務員說是D頭頭尾尾,不過冇問題.WHY,是不是我們給的錢不一樣? XYZ@#%

上星期二去試下, 沙魚骨+芫茜湯底三個人叫佐好多o野食,好飽!食物整體ok, 叫佐西洋菜,小白菜,金菇,鮮冬菇,草菇,肥牛,羊肉,脆鯇魚片,鱔片,鵝腸,魚皮餃,芝士膠,魚蛋,墨魚丸,豬肝,鮮腐皮,墨魚片,帶子,芋頭片...等仲有奶皇水晶飽(打邊爐架!),甜的.(gf話好味, 俾佢食埋我o個粒)另加8蚊.有多十款醬料.幾好味,不過心理上唔係好抵.XD

旺角德興去過好幾次, 今日咁凍, 同bf去到尖東又唔知食乜, 就入左德興打邊爐…$78任食(9pm前), 再加一, 荼芥, 醬油, 湯底($8)….共$121 一位.嘩,,,咁多人..???waiter話唔洗等, 就帶左我地入去..途經一條走廊, 眼見有好多兩個人打邊爐既都o係呢度就地加摺枱, 感覺好差, 十足醫院既”帆布床”一樣!!入坐後, 隨即order 湯底, 都係d好simple 既野啦…要豬骨湯個d又要加$20…我都係要芫西皮蛋+胡椒豬肚湯, 其實都好味精.. 湯底都等左15 分鐘…野食都係一般, 好普通, 生料無咩好講, 要數既係佢\地既service, 入左第一次單, 等左足足半個鐘, 一樣既都無黎, 崔左幾次, 個女waiteress 竟然話”我都幫你唔到”..咁都得??第一輪食物未到, 已經要落定下一round, 又係咁, 45 分鐘都無,...Bf件外套掛左o係椅, 叫個waiter 拎個套褸住以免整污, 叫左幾次之後, 又係話”無晒喇, 無套喇..”最後找到, 個waiter 竟將個套”long”o係橷面,就走左…唉…最慘係d單漏到咩咁, 個個追完又追, 最後有

同2位女朋友傾國家大事, 其中一位要o係碼頭返工兼吹風, 等佢收工時都成10點多, 凍到震又肚餓到暈, 諗都唔諗就上的士去尖東打邊爐。入到去, 11點半都仲咁多人? 部長俾左張門口檯我坐, 外面的風漏入來的感覺, 好難受。tick好紙都等左好一輪至有人來收, 莫講話叫茶。湯底來到個爐都未來, 個爐都係應退役級, 自己是打不著的, 一定要專人才識得竅門。茶水來到, 茶壺是髒得一塌胡塗, 指出時部長都樂意更換, 以及答應我們的要求, 服務算係3分啦。食物最特別的, 是有鮮鵝腸! 此物都唔知幾耐無o係香港食過! 真係估佢唔到! 鵝腸爽鮮肥美, 是人生一大美味! 帶子是出事位, 食味好比蟹柳: 假! 蟹柳還比此假物好吃多倍! 吃到睇埋"西遊記", 部長叫我地慢慢食, 仲奉上提子, 感覺不錯。笑面是給鮮鵝腸及提子的, 茶壺和帶子只值"嘔面"。