影片
更多
2019-09-25
135 瀏覽
平時食魚生壽司都係去開元氣、千両、極上大喜屋果啲，無咩點試其他壽司店，因為怕會中伏，今日朋友就帶咗我去呢間壽司店幫襯，因為佢之前食過評價都唔錯。差不多六點幾去到，做咗第一枱客，好彩早到如果唔係有排等 ; 餐牌選擇都多，叫咗自家玉子、油甘魚壽司、野菜牛肉鍋、煎鵝肝帶子卷、洋風鰻魚班戟。自家玉子 ($36) + 油甘魚壽司 ($38) : 估唔到咁普通既玉子都整得咁出色，玉子夠挺身之剩重切得好工整，而且內裏口感軟熟多汁 ; 油甘魚好新鮮，而且好嫩滑，抵佢收呢個價。👍🏻 👍🏻野菜牛肉鍋 ($74) : 呢個鍋真係不得了超好味 😍 開頭諗住呢啲牛肉鍋，啲牛都唔方會比靚牛你，點知真係比啲靚牛肉，雖然賣相係差啲，不過肥牛超有牛味，唔係一般平價貨嚟，同埋牛肉既份量好多，加埋其他配菜 (大白菜、金菇、粉絲、雞蛋、冬菇等等)，另外最最最重要係佢個湯真係無得輸，我自己都喝左幾碗 😍 呢個一定要叫。煎鵝肝帶子卷 ($82) : 幾特別既菜式，所以點咗嚟試下，最面係微辣既脆脆同帶子，而卷物內就係爽口青瓜絲夾著軟嫩多汁既鵝肝，口感層次相當豐富。😋洋風鰻魚班戟 ($59) : 又係一款特別菜式，所以都叫咗嚟試下
差不多六點幾去到，做咗第一枱客，好彩早到如果唔係有排等 ; 餐牌選擇都多，叫咗自家玉子、油甘魚壽司、野菜牛肉鍋、煎鵝肝帶子卷、洋風鰻魚班戟。
自家玉子 ($36) + 油甘魚壽司 ($38) : 估唔到咁普通既玉子都整得咁出色，玉子夠挺身之剩重切得好工整，而且內裏口感軟熟多汁 ; 油甘魚好新鮮，而且好嫩滑，抵佢收呢個價。👍🏻 👍🏻
野菜牛肉鍋 ($74) : 呢個鍋真係不得了超好味 😍 開頭諗住呢啲牛肉鍋，啲牛都唔方會比靚牛你，點知真係比啲靚牛肉，雖然賣相係差啲，不過肥牛超有牛味，唔係一般平價貨嚟，同埋牛肉既份量好多，加埋其他配菜 (大白菜、金菇、粉絲、雞蛋、冬菇等等)，另外最最最重要係佢個湯真係無得輸，我自己都喝左幾碗 😍 呢個一定要叫。
煎鵝肝帶子卷 ($82) : 幾特別既菜式，所以點咗嚟試下，最面係微辣既脆脆同帶子，而卷物內就係爽口青瓜絲夾著軟嫩多汁既鵝肝，口感層次相當豐富。😋
洋風鰻魚班戟 ($59) : 又係一款特別菜式，所以都叫咗嚟試下 😂 班戟皮包住鰻魚、蟹籽、芒果、青瓜，配上沙律醬，味道唔錯。👍🏻
張貼
