德美壽司 (新都城中心1期) (已結業)

至從一年前，想食價錢合理又質素穩定既壽司喺將軍澳變成左難事.. 前排難得平日屋企人全部一齊放假，特登搵咗間好評多既寶琳日本菜試下😝我哋叫咗幾個晚巿套餐，每個套餐都跟咗麵豉湯同沙律。北海道魚生丼，魚生每片都肥厚新鮮，分量十足，其中最令人印象深刻嘅係兩隻肥鮮大蝦！活鰻魚朴葉飯定食。呢個鰻魚飯好似我喺日本食既一樣都係用木碗蒸😌 超級地道，所以食落去既白飯除左鰻魚嘅香味仲混合咗少少葉木香。鰻魚份量合理，雖然有啲魚刺，但無掩蓋到魚肉既香滑。芝士鰻魚卷。依一年幾黎都好耐無食過芝士鰻魚卷，喺依到搵得返大型連鎖壽司店既味道，而且除翻開價錢更加便宜！安格斯鐵板牛扒，熱辣辣咁上碟，等佢自己燒10-15分鐘後既牛扒剛剛好，夠惹味！呢個時候嘅洋蔥亦夠軟淋😍最後嘅飯後甜品係我最鍾意食嘅北海道奶凍，雖然份量唔多但的確夠曬濃奶香👅

餐牌超多選擇 抵食定食 好味串燒卷物-Hidden gem inside a mall in Tseung Kwan O! This japanese restaurant offers so many kinds of food and there are really a lot to choose from! I recommend the Grilled Cod Fish Set as the fish is super super nice🥰 The texture of the fish is smooth and is very tasty! The creamy crab croquette is also yummy! The crispy croquette with the creamy filling makes me feel so satisfied. The roll with foie gras and scallops is fresh and texture of the grilled foie gras is right on point! La

《德美》🥢三文魚刺身 $65三文魚鮮甜肥美，件件都係厚切㗎！食完過足癮🤤.🥢火灸鵝肝 $60對鵝肝情有獨鍾，呢度有火灸鵝肝，一定要食啦😍鵝肝入口充滿油香，一試難忘！以$60兩件呢個價錢，CP值爆燈💡💡🍲清酒煮蜆 $66天氣涼涼地梗要食啲熱嘢啦，食返個清酒煮蜆啱晒！蜆肉隻隻都肥嘟嘟，絕對滿足到蜆肉fans🙌🏼🍱豚肉生姜燒定食 $78豚肉同洋蔥煮得好入味，廚師仲好有心思將伴碟配菜放得好靚，完全感受到佢地製作嘅用心👍🏼👍🏼.環境方面，餐廳樓底好高，裝修雅緻坐得舒服；加上播住j-pop，店員又好有禮貌好helpful，每個細節加起上嚟令整體感覺好好，已經bookmark咗有機會要嚟食多次😍.#eatisfun#hkfoodie#德美 #將軍澳🔸🔹🔸🔹🔸🔹🔸🔹🔸🔹🔸德美-將軍澳貿業路8號新都城中心1期地下99-100號舖🔹🔸🔹🔸🔹🔸🔹🔸🔹🔸🔹

收工去將軍澳寶琳食返個丼飯先🤤之前幫襯過幾次啦，今次又再嚟😆應該大家對呢間餐廳都唔陌生😚·今次嚟叫晚市定食，有麵豉湯、沙律、甜品個沙律有三文魚，有驚喜抹茶蕨餅都唔錯💚·✨三色魚生丼 $118有三塊三文魚、三塊油甘魚、兩粒帶子，中間仲有隻流心蛋🍳首先，好少見魚生飯會有流心蛋，真係夠流心，感覺唔錯🤤同wasabi豉油拌埋一齊食好正三文魚同油甘魚都叫幾大塊同埋新鮮，帶子就薄啲細啲啦個飯量好夠，入面唔係純白飯，而係有菇類同埋啲紫菜絲咁🤤·✨鰻魚朴葉飯定食 $108鰻魚有四舊，夠厚身，夠熱，飯量都好大🍚荷葉飯嘅做法，但係用朴葉，同埋只係墊底，食到底都食唔到葉包飯嘅味道，只係一個鰻魚飯咁蛋絲係鰻魚同飯中間，熟到一pat嘢，口感腍pat pat，如果蛋絲鋪面更好飯多但鰻魚汁唔夠多，食到底就得返白飯·🌟晚市定食選擇不少，質素都算唔錯😆👌🏻

美食當前三色井色彩繽紛手工亦好好渴望有好食抵食的終於出現在眼前先飮麵豉湯沙律裏面有元貝一粒蒸蛋非常之滑最愛日本飯有夾一二條菇仔+芝麻魚生夠份量同新鮮 最後甜品係一小件(缺餅)$86 好有風味夾抵食！無加一中午就係咁啦！

係啊係啊~我又食日本嘢la~ 🤷🏻‍♀️港女係咁ga ma~今次去既✨德美壽司✨，應該都唔少朋友去過啦，我都試過係德民街總店排長龍呀🙈 不過依家多咗分店，自然照顧到唔同地區既客人～今次我就去咗將軍澳分店la～收工咁攰～ 梗係要order好西食la~嚟個沙律先！和風三文魚沙律🥗都好足料，5-6片厚切三文魚、三文魚籽、番茄🍅、沙律菜～ 夠曬fresh~三點盛🍣 (海膽壽司、三文魚籽壽司、蔥拖羅蓉壽司）海膽量頗多、三文魚子鮮甜、蔥拖羅蓉細滑，各有特色！火炙鵝肝壽司Omg! 表面燒得微微焦香，入口即溶😍一定要獨食兩件先至滿足😂 表面的薄脆條更豐富了口感～火炙左口魚邊壽司我的必食item, 火炙過後魚肉微軟得嚟又爽口！最後送上的一份抹茶蕨餅～煙韌味美～

全香港開左幾間分店，呢間寶琳分店亦都好受歡迎，次次經過都要排隊入座。相信佢受歡迎嘅原因都不外乎佢食物質素好，加上價錢相對親民。我地被安排坐喺Bar枱，望住師傅冇停過手咁一路整，碟碟都好吸引！ 🍴 三色魚生丼 ($118) ⭐️⭐️⭐️⭐️💫 三款刺身望落都好新鮮，入面有三文魚、帶子、吞拿魚、魚籽，全部都好肥美，食落都好fresh，一碗完全唔夠喉。壽司飯暖暖地，配上凍嘅剌身，口感一流！ .............................. 德美壽司 地址📍: 將軍澳貿業路8號新都城中心1期地下99-100號舖 總評分: 7.8/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️💫 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️⭐️

德美壽司有好幾間分店，我第一次幫襯就係紅磡分店，當日因為趕時間就隨意叫左個丼飯，丼飯入面嘅魚生十分新鮮，價錢又大眾化，就係咁我就返唔倒轉頭啦😆，德美就成為左我最喜愛嘅日式餐廳其中之一啦。今晚黎到將軍澳新都城中心一期分店，（大家記得要預先book位丫😆）因為每到食飯時段，門口都排滿好多等入座嘅食客架。🥢先黎一個開胃前藥，凍蕃茄豆腐，上邊鋪滿一層紫菜同木魚碎，木魚碎係日式料理中同豆腐非常夾，豆腐中淡淡嘅豆香，夾埋木魚碎一齊食，增加口感之餘更有提鮮作用，凍蕃茄入口冰涼，酸酸味味，係非常開胃嘅前菜😋。🥢刺身盛合.美 🥢整碟刺身色澤光亮，非常新鮮 - 赤身，不含油脂，原全冇脂肪嘅位置，肉質較實唔鬆散，有咬口；帆立貝厚切肥美；而三文魚同油甘魚，色澤光亮，油花分怖均勻，入口肥美甘香；甜蝦色澤橙紅，蝦頭緊緊連接蝦身，非常新鮮😋。🥢紫蘇沙追魚海膽天婦羅沙追魚配海膽呢款天婦羅係我第一次嘗試，配搭新穎，沙追魚上塗上一層海膽，令白滑口感嘅沙追魚增加鮮甜度，而天婦羅嘅炸漿亦恰到好處，薄薄一層唔會有滯溜感。🥢鰻魚班戟甜點嘅班㦸食得多，用鰻魚黎做班㦸真係未食過🤗，甜甜軟綿綿嘅班㦸緊緊包住味道濃郁嘅燒鰻魚、牛油果、芒

今日同朋友去將軍澳行街，行到攰攰地，朋友提議食日本嘢，於是就上openrice 搜尋附近餐廳，見「德美壽司」在新都城有分店，所以就去「德美」食晚餐 凍番茄豆腐～表面鋪滿木魚碎、紫菜絲，番茄入口酸甜，有木魚香味，好清爽，非常好的前菜 刺身盛合 美～吞拿魚，肉色鮮紅，含脂量少，肉質軟嫩，入口鮮甜三文魚腩、油甘魚，油脂豐腴，肉厚肥嫩，魚肉甘甜、嫩滑帶子、蝦，鮮甜彈牙玉子燒，甜甜蛋香，非常美味 紫蘇沙追魚海膽天婦羅～外層薄薄脆醬，包裹住沙追魚、海膽，香脆可口，滋味無窮 炸三文魚皮～撒上少許鹽花，鬆脆可口 洋風鰻魚班㦸～軟綿的班㦸，包裹炸香的鰻魚、甜甜的芒果、軟滑的牛油果，層次分明，口感豐富最後，餐廳送上甜品～綠茶蕨餅，小小一塊，甜甜煙韌，褔常美味

其實之前都有去過幾次尖沙咀店…因為野食唔錯…咁啱今次黎左寶琳…見到德美又咁啱想食日本野…攞張飛等下位…唔使太耐就有位…比起尖沙咀店快今次我地點熟食…叫左牛肉鍋…魚生飯加多個軟殼蟹卷牛肉鍋黎到…牛肉份量好多…其他配菜都份量都唔少(菜…豆腐…金菇…冬菇)…仲有隻生蛋…第一件事就搞混先…要讚既係湯好夠熱…撈兩撈牛就熟得啱啱好…試下個湯唔錯…唔會好似出要甜到漏…牛肉都好夠肉味…我加錢轉左烏冬…不過就正正常常魚生飯都好多料…有三文魚…油甘魚…有熟蝦…有辣左“德美”既蛋…三文魚子…仲有海膽呢😍😍…呢個我就試左魚生…全部都好新鮮…尤其海膽軟殼蟹手卷要讚既係個蟹仲熱…上面鋪左牛油果…唔錯要提下…個甜品幾好味…估係葛餅…好煙韌又唔會太甜…整體野食都保持之前尖沙咀水準…所以呢度見到都好多人幫襯…

德美以前已經聽好多人講過話好食，我就未食過今晚走左去試試佢，叫左個晚餐魚生丼有沙律同味噌湯我再加個蒸蛋。德美海膽魚生丼：魚生非常之新鮮，特別要講吓個海膽好鮮甜👍🏻魚子撈飯好正呀....一粒粒卜卜聲，帶子好大粒好厚身，件蛋整得非常有心思印有德美二字，隻蝦雖然係熟蝦，不過整得好爽口，食完成碗飯好滿足。日式海膽蒸蛋：一打開蓋好大件海膽鋪咗係面，好驚喜😍還有大大件冬菇，蛋裏面仲加左白果、雞肉、蟹柳一齊蒸，正正正。最後仲奉送甜品綠茶蕨餅，一d都唔甜好香綠茶味小小地好好。

前排先試完尖沙咀分店，好滿足，今日同朋友喺將軍澳，就推介同佢一齊食。高效率係佢上菜真係好快😂唔知係咪因爲太多人食練成左呢種高速.北海道魚生丼 $138魚生有三文魚、油甘魚、帶子、蝦、飛魚籽，好豐富🤩全部都好新鮮，飯個調味好好食，酸酸地帶到魚生嘅鮮味.壽司定食配牛肉烏冬 $168雖然係壽司定食，但每一件都好出色，刺身好肥美又厚又大件，壽司飯調味都好好食，舊玉子好甜😋牛肉鳥冬係鏗魚湯底，麵條彈牙👍🏻.套餐包麵豉湯，帶子沙律，芒果奶凍做甜品，好香奶味又軟滑呀~~~

今日放假出左成日街遊走左將軍澳、坑口同寶琳簡直係將軍澳半天遊於是係到食埋晚飯先回家於是去左朋友介紹的德美壽司餐廳用qr code落單可以減低同職員接觸的風險選左好耐總於選到了花竹蝦壽司好大隻，反轉蝦身係會見到有橙色蝦膏的活赤貝刺身好鮮味係我每次見壽司店如有必點的item, 雖然係叫刺身但都會配有4 舊mini小卷同埋火灸帆立貝壽司帆立貝好厚身咬落去好有口感串燒雞軟骨燒到好乾身脆脆地，不過略嫌司傳落鹽重手左dd有d咸，雞腎就七味粉多左d最後天婦羅軟殼蟹都食唔晒雖然唔係叫左好多野食但都好飽

Sushi Sashimi🍣🥢 Cozy Tokumi❤️..德美壽司🍣🥢 唔知你地又吃過嗎❓全港分店有5家，遍佈港九新界，而且質素不錯、性價比高，精緻又鮮味的日本菜🇯🇵。有各種菜式：Sushi🍣、丼飯🍱、鍋物🍲、天婦羅炸物🍤、Sashimi🐟、啤酒🍻，都同樣很吸引啊。.ll $158Tokumi Sea Urchin Sashimi Rice海膽魚生丼套餐，配麵豉湯、沙律、甜品。德美特選💫 來到當然要一試，刺身質素新鮮肥美帶光澤感，有：三文魚、帶子、海膽、三文魚籽、熟蝦、蟹籽，鯛魚、特選玉子蛋🥚，好豐富賣相又吸引。.ll $69Thick Roll (4ps)大大件壽司卷物，餡料同樣豐富：鰻魚、蟹棒、玉子、青瓜絲，醃漬蘿蔔。簡單食材，卻帶出美味。..最後吃過甜品，綠茶蕨餅💚，小小一口，清清味蕾，帶著甜甜幸福感。而家店員💁🏻‍♀️💁🏻‍♂️友善，服務亦周到，一家感覺舒服到位的日料店。..×××壽司 -Sushi Tokumi]××ש將軍澳貿業路8號新都城中心1期地下99-100號舖..

📍德美壽司 🍣 好高質日本嘅日本野😻 午市晚市都勁多人排隊，餐牌裏面有好多嘢食選擇，烏冬丶丼飯丶刺身丶壽司通通都有🤗 午市價錢好低食，夜晚就貴少少 ，豐儉由人，佢有吧枱選擇可以望住個廚司整壽司刺身，咪當自己食緊廚司發板囉 🤣🤣 想食就留意下面食評啦 👇👇👇———————————————————-壽司定食配牛肉鳥冬🍣 $99壽司🍣 6件 呢6件我哋無得揀㗎，係佢預設嘅6款壽司，今次就食到（ 三文魚丶油金魚丶吞拿魚蓉丶熟蝦丶勁大粒帆立貝丶三文魚籽軍艦）首先所有壽司都勁新鮮 👍👍 又有光澤感，壽司醋分量啱啱好好，師傅握壽司好純熟，唔會一夾就散，最好食一定係帆立貝😋😋😋 勁鮮甜又大粒 完美💯 ，感覺最普嘅熟蝦都好彈牙 ☺️ 鮮甜———————————————————-徳美厚玉子🥚 玉子就冇咩好講溉😂，不過佢好有心機印上徳美兩個字 ✌️，即刻令賣相更吸引，食落口口感唔錯甜甜地 ☺️———————————————————-茶碗蒸蛋 🥚茶碗蒸裏面有蝦🦐丶菇🍄丶蟹柳，呢個好重蛋味好香，而且好滑，鐘意食蒸水蛋嘅人一定鐘意食 🤗———————————————————-沙律🥗估唔到我個沙律竟然跟帶子，但係每