德發牛丸粉麵

營業中

休息中

尖沙咀臨時街市的牛丸，已經臨時了幾十年。老公話細細個便試過。 因為老公推介的關係，我特別感興趣。 捐隆捐罅，終於找到了！ 好刺激…好味? 絕對係！ 好好味？又唔算！一句講晒，期待的感覺總是美好的！

男友之前黎食過﹐話覺得幾好﹐果陣已經好想試下﹐恨左0甘耐今日終於試到喇﹗呢度出名食牛(牛腩牛筋牛肚牛丸)﹐男友叫左個牛筋牛肚米﹐我就叫左個淨牛丸牛筋. 牛筋唔係好淋果種﹐係有D咬口既﹐都唔錯﹐幾入味﹐而且有好多舊. 牛丸只有兩粒﹐比較普通﹐不特別出色. 男友俾左D牛肚我試﹐十分淋同埋入味﹐好食﹗之前男友都係介紹話牛肚係最正﹐後悔無聽距講 > < 淨食有好多菜心﹐淋左 D 但 D 菜幾甜。個湯底唔錯﹐濃味﹐飲完唔口渴﹐正 ^ ^試了少少辣椒油﹐都頗辣﹐食完嘴唇有發麻既感覺....之前男友都話過呢度個環境會比較差﹐去到都覺得還可以﹐起碼見唔到“小動物”既出現。而且有風扇吹住﹐唔算十分熱. 一碗20蚊﹐比之前貴左幾蚊﹐以呢個環境同唔算太出色既食物質素﹐應該唔算抵. 最好食的牛筋﹐還是羅坤發.

i think it has some of the best beef balls in hk. that beef flavour is very rich.... it has a little bit of the "shan chuk" beef "(dim sum) taste. i like it.... and of cos... "kai yeung" toast!!!! i can eat this in singapore... and i think in hk, so far i've only eaten it from 2 dai pai dong. one is tak fat in tst, the other one is in stanley. i'll come back and have another bowl and toast when the weather is a bit cooler ~

久聞大名, 點都要用自己條脷試一試. 叫左個牛丸雜麵, 睇住師傅隨收單隨落料, 唔洗三分鐘撈起, 爽手都不得了. 還好牛丸同樣爽口, 食得出牛味之餘仲有DD肉汁, 比樂園有所不及但仍屬中上之作. 麵不覺皂水味亦彈牙, 但牛什同湯則係味之素之作, 淨牛丸或者更好.是日不算熱, 但排檔內氣溫仍有少許濕蒸之嫌. 真係想食, 叫個外賣再上隔離十大會舒服D.

經朋友指引,終於俾我搵到德發牛肉丸,因為見有好多前輩點名稱讚,引得我都嚟幫襯!同仔仔一人一碗牛丸粉,我食河佢食米,湯水顏色呈深啡,味道濃郁,好好味!仔仔唔食得辣,但我用辣椒醬點牛丸食食到好滋味!另外仲嗌左一枝可樂俾仔仔,加多一碟通菜就啱啱好!食物質素幾好,只係環境比較差,地下都幾污糟,始終係大排檔式食店,要預左衛生會差一點!但係美食當前,我個人就無所謂!

摷尖沙咀食店資料,搵到德發牛肉丸好像不錯,星期日同老死落嚟試標題寫住"熱食",因為真係好熱,熱係環境個問題,大排檔入面雖然有風扇,但係都成身汗!牛丸粉的味道確實不錯,但係如果我再嚟都會等天氣無咁熱...另外腐乳通菜都好食!食品飲品嚟得好快,好似唔駛煮就俾我食,仲快過快餐如果環境好啲,我諗我都會再嚟,但係...冬天見!

牛丸‧牛腩‧靚湯底！唯獨是無冷氣，不是好整潔，天氣熱就會辛苦少少！

試食今站到了又係好多人品題既德發牛肉丸,今次難搵程度係五級,因為佢個位置實在好隱蔽!只係要左一碗牛丸河同埋一碟腩汁菜心食!牛丸有五粒,好大粒,而且咬落爽口,味道很好!湯既味道好似落左好多花椒八角之類去煲,另外估計加左片糖,所以味道帶甜,好好味!菜心因為腩汁上,所以都好好食,皆因佢個腩汁又係十分之"牛",咁形容係最貼切既adjective!環境就真係好唔得,dirty!

叫了一腕淨牛丸，一碗有八粒。牛丸是爽、彈牙、沒有根也沒有渣，但吃不出有所謂的牛味…而且不論是湯還是牛丸，味精都太重了…因為環境太差，味道要求自然相對高一些，所以給予喊臉… 不會再去。

好耐無嚟食,上次食完覺得好好味,今次再嚟食,叫左碗筋丸河加一碟腐乳通牛丸上次已經食過了,味道依然出色,彈口,牛味重既優點係味覺上既享受,好!牛筋同樣出色,有少少咬頭得嚟唔會靭,配合埋個蔗糖湯底,感覺良好!加埋碟腐乳通,食完好滿足咁離開

見到好評如潮, 所以一試,深入海防道的街市才找到的德發牛丸. 20 蚊一碗, 大排檔來說不便宜, 來時牛丸也不少, 有五六粒大大的. 彈牙, 爽口. 水準不俗. 麵是普通的貨色, 湯也很普通, 看來牛丸是唯一出色的招牌貨. 很快地吃完, 走出街市的時候, 看到數隻曱甴在搬家, 衛生環境惡劣, 也不知道會否再重來.

大排檔位於TST街市入面，穿過重重障礙才入到離，見所有大排檔都聚集在此，1入大排檔區經過時是間間都係度拉客，估晤到深入街市内也有如此多的大排檔，真是打開眼界！瞄準了德發，發現目標，像重興森林般，直沖入去拉住德發的人才安全，大排檔自然是無冷氣，環境也是十分的糟糕，不過算了，選得食大排檔，給到我風味小食的話還是值得的！坐低掃掃墻上的餐牌，就10多種面，以這種環境來説不便宜，粉麵均為$201碗或10粒牛丸，店名以牛肉丸為名，當然就來2碗牛丸米、河，大排檔速度自然是光速上菜，點了不1會兒就上來了。先試湯，是濃濃的牛肉清湯，不錯，有水準，牛丸沒有很大粒，咬1口，是普通到不能再普通=.="，試試自製的辣椒醬，非常不錯，夠香夠辣，可惜，以牛丸馳名的大排檔，牛丸卻是非常1般，20蚊真的唔抵食，名過於實，不會回頭了！

My husband has never been to this place and it has been the 1st time visit for him this afternoon. He was not impressed at all with the texture of those beef ball noodles. The taste was far too salty to him. Having said that, it was good to experience a bowl of noodle after so many people talking about it. The place was quite dirty and wet - be prepared if you are not into it.

每次揸車經過九龍公園徑，都會見到大大個"牛肉丸"招牌，加上朋友嘅介紹，又想試試大排檔奶茶，早兩日終於去走左一轉!一心係去食牛肉丸，所以唔駛諗，一坐低就叫: 牛丸河.........唔該!之後先睇到價錢牌，$20大元(雙併同價)，嘩.........! 都幾貴喎!! 牛丸係同出面唔同，爽、冇筋，不過就太重香料味! 我就唔覺得好好味!叫左杯奶茶，枱面發現唔到有糖，心想..........幣家伙，唔通落左糖! 原來真係落左，不過好彩係少甜阿姐只顧住同熟客傾計，收錢都唔多願咁! 只講左" $30"，就申隻手出黎，望都冇望我一眼，繼續同熟客傾計。唉!!$30一個下午茶，都算係一個high tea!

剛在旁的英發吃完炒飯，不過早已預留一點位來這邊試吃牛丸，二話不說就點了淨牛丸一大碗。看來真的頗多人專程來吃牛丸，因為就在旁邊的食店只有幾位客人冷冷清清。過了幾分鐘後，淨牛丸便來了。樣子沒錯應該是手打出來的，不知味道又如何呢﹖咬下去覺得頗彈牙，牛肉味有一點，但..........僅此而已一碗淨牛丸有八粒，不過賣生的同樣價錢有十粒，我寧願買生的回家自己弄熱好了。感覺沒有驚為天人那樣子，沒錯是比一般的牛丸好吃多了，比這裡更好吃的牛丸店其實是有的。