德發牛丸粉麵

營業中

休息中

所以哩日放棄左burger king既買一送一都黎試一試, 只為一碗牛丸麵一入到熟食亭, 好多檔好混亂, 完全唔知邊度打邊度.之後搵到位坐低. 我仲以為應該好多人黎食, 點知都唔駛搭台, 可能依家大熱天時冇人黎大排檔啦一黎二話不說梗係整碗牛丸河.牛丸河都有5粒牛丸呀, $20. 如果淨牛丸既話就有8粒.試一試個湯, 清清地冇咩特別. 亦都冇乜色水牛丸比較細粒, 冇我想像中既彈牙, 甚至覺得唔可以稱得上彈. 只係覺得冇牛肉霉左咁既質感已經好好但係哩度既牛丸值得一讚既係牛丸入面冇筋, 完全唔黐牙, 真係非常好佢亦都唔似bbq/街市 o個d 牛丸咁一層層撕開, 係完完全全一個牛肉波咁一咬落去就可以了.至於河粉還過得去. 對唔住, 自從食完我認為全香港最好食既河粉之後, 次次食親河粉就一定要比一比哩間如是, 河粉係幼既, 彈牙程度都未及得上, 只可以話未至於用湯再滾兩滾就變粉漿既情況.哩隻河粉好多粉麵鋪都用, 所以冇話好與唔好, 只係未見突出.$20 還可接受, 但哩碗麵真係冇咩特別, 就當到此一遊啦

You don't have to be a beef lover to love this place, but you do, however, have to be willing to stand the heat of settling here for a meal. That, is the prerequisite for coming to 德發 in Tsim Sha Tsui. In the midst of shops and arcades is this 'temporary market' that has reached permanent status for longer than I anticipated it has stood here. Walking through the empty stalls and a few lone vendors selling halal frozen meats and passing a few empty carts will get you to the other side, where all

呀媽之前來過話好味，今日同她行尖咀，話帶我去見識下，原來在街市裡面，平時都經過多次，都唔知有野吃，入到去都幾熱下，頂得住先好去，牛丸米…彈牙，拋落地下都能跳番落我手，好味。牛雜河…牛雜真係唔掂，唔夠林，咬到牙都軟，河粉同湯底好，花蕉八角味不重，都幾野味。咖咩多士…唔熱，凍凍地，吃一塊就唔再想吃。環境就唔掂，坐得耐條命都唔長。來一次就夠。

昨日經過尖沙咀 , 一時興起 , 就走咗入去鐵皮屋 ,唔洗唸就緊係首選德發啦 , 一坐低即克 '' 丸河唔該 ''兩分鐘後即情現眼前 , 情清番張相先 , 丸河總數係五粒 ,因為影相前唔小心食咗一粒 , 先講返D波波先 , 應該係溝左小小果皮落去打 ,有小小果皮味 , 但肉味唔夠 , 河粉就夠多 , 你睇下成碗滿曬 ,個辣椒油就普通 , 隔離擋個辣椒油好似有XO醬Feel ,武林高手係先食完D波 , 之後至食D河 , 當食完D波加上辣椒油後 ,高手就開始滴汗 , 有如唐詩中 '' 汗滴牛丸河 , 誰知碗中酸 , 粒粒皆辛苦 '' 好詩 , 好詩 .. ..最後食完之後 , 戰衣巳濕透 , 白色恤衫有如 See Through 一樣 ,高手完美的曲線身型盡顯於各大俠眼前 , 為避免影响各大俠食慾 ,放下銀両二＋後 , 英雄都要告辭 , 返回京城寫食評 .

世上實在有太多奇怪事，原以為是主角的，但原來是配角，以為是配角的，卻原來是主角，我說的就正正是發生在「德發牛肉丸」的牛腩與牛丸的故事。一份咖央多士，未足夠用來裹腹，於是將目標轉往牛腩河身上。上一回已品嚐過牛丸，感覺一般，不是自己杯茶，所以今回轉戰牛腩。牛腩腍身嫩滑，五香味濃郁，花椒八角味不重，正合我意，河粉吸收了湯底與腩汁，再加上青嫩的蔥花，是一碗集清香、野味、濃郁於一身的牛腩河。原來，牛腩才是主角。

諗唔到食咩, 結果去左德發解決肚餓, 牛丸都幾大粒, 味道唔錯, 彈牙程度唔算好犀利, 不過都算係一粒幾好味既牛丸, 牛筋好入味, 但係我建議食雙拚而唔好淨食牛筋, 因為淨牛筋無咁好食架! 湯既味道偏甜, 應該係用左冰糖煲, 仲有八角, 花椒的味道, 只係今日去食, 覺得好熱, 仔仔都食到身水身汗咁...

在open rice的食評看見這間食店，由於本人是"牛魔王"一族，決定試試。我點了牛丸麵，真的有點失望﹗牛丸唔彈牙，D麵又硬，而且是大排檔位置，這樣的水準，價錢20元就不值得。

最近都食過好多間唔同類型的食店, 德發的印象比我係最深因為坐得辛苦, 天氣又焗, 雖然有風扇, 但係成身都濕哂, 吹都無用! 食物同樣印象深刻, 柯打牛丸米食, 五大粒牛丸, 蘊含豐富牛肉味, 彈牙爽口, 好食到停唔到口!湯的味道屬於五香粉之類, 咸中帶甜, 典型牛腩河gor隻味, 廿蚊一碗, 食完仲好想食多碗!不過食飽之後都快快趣俾錢走人, 好熱呀

今日下午兩時，我去咗食德發牛丸，原來加咗價成二十蚊碗 ? (貴咗點!)不過好耐冇食過，諗住再試番，今次我覺得 d 牛丸食落去好咸呀 ! 味道麻麻地 ....同以前好唔同 .... (點解會咁架,唔通換咗師父 ??)

尤記得兒時家姐最喜歡吃家樓下「明記麵家」的牛丸，差不多每次也是點「淨牛丸」。今次光顧的「德發牛肉丸」亦是由她強力推介，在吃過後馬上明白為何她如此喜歡。穿過數間花店，再伏下身穿過橋躉，再向前行多數十步，在雜亂的排檔中發現目標。坐下來馬上點了「牛丸米粉」($20.00)，本來想多加一份「咖央多士」，可惜西茶檔已收，緣慳一面，唯有下次早一點到。米粉是粗身類，雖不滑但勝在夠彈牙，湯底清澈但味濃，跟兒時的「明記麵家」十分相似。原來除了湯底外，主角牛丸亦有九成相似，牛味不太濃，質地超彈牙，根本就是一粒「BB彈牛丸」。老實說，此等牛丸並不是我所喜好，但亦未至於厭惡，或許下次有機會再一試此店的牛腩跟牛雜，看看又是甚麼模樣，估計不會是「BB彈牛雜腩」吧。

$20。8粒牛肉：嘩，真係超正，超彈牙，牛丸質感無平時食開個d咁實，較為淋身，屬冇根，但真的很爽、彈、嫩、滑，湯底又清甜辣椒醬仲好正，愛辣之人記得別錯過！間鋪都幾難搵架，若從新港中心轉入熟食中心，就係最入的位置，還要在公廁往前行，近住個休憩處架，順帶一提，個度既衛生情況的確唔多好架喇，不過要搵食，無計啦！收鋪時間7：45pm

嚟德發食都係多得zoe帶我嚟, 佢食左已經十年了初初我都唔知點解佢會帶我嚟, 因為佢好憎污濁, 百折不扣係一個有潔癖既女子! 但係估唔到係佢帶我行過垃圾站去搵食.. am i dreaming??食左一啖牛丸河, 終於知道, 原來牛痴zoe介紹得無錯, 德發既牛丸大大粒, 味道帶牛肉既鮮甜, 係! 係甜! 仲幾爽, 仲食到霎霎聲!! 湯係深啡色既湯, 都帶甜, 唔知係唔係加左糖, 都幾好食!因為唔夠大碗, 又覺得好食, 所以再加多一碗淨牛丸, 滿足我倆牛痴既食慾!

上幾次去都休息,知道09年3月25再開,立刻來吃!!地點地踎極了,衛生欠佳,地方難找,無空調,燈光暗,夏天來如做桑那,問你怕不怕!!不怕的話,就來試試這裏的牛丸,很爽口彈牙爽滑不繃實,入口很香陳皮味,自製2年陳皮切粒混入新鮮的即宰牛肉打成牛丸,鮮味十足!!順帶一提,從海防道入口進入,最右邊最入那間才是德發,有個大牌寫着德發牛丸的,不要像我般笨之前食錯門口那間!!

三月廿九日(星期日)從首爾回到香港,我們還比較喜歡香港的飲食文化,既多選擇之餘,又對比之下健康點在五日的旅程中,吃了多次的韓式燒烤,石頭飯等,十分熱氣,弄得我們的口腔...回到香港第一站就吃點清淡的食物,我提議吃德發,因為之前雜誌介紹過,老公又提過想試!不過每次經過這個街市望進去都見不到它,次次都覺得它是日休息,在星期六,我做過功課,原來它比較隱蔽的,過了花店再要行進去!果然真是,幸好星期日沒有休息的壞習慣,我倆都不知摸過多少門釘了吧,萬豚屋又是,星座又是,心想尖沙咀的出名食店是否有星期日休息這個習慣吧!幸好,德發沒有呢!我們才可以吃到美味的牛丸!!原來街市裡有多間食店,就以德發最多人幫襯!我們想行進去之際,給前面的店子職員說這裡就是,原來要叫過去,還是坐在德發好!!我們叫了牛腩牛丸米和牛腩牛丸河,見到其他openrice朋友說新野好吃,就來一個新野吧!同時都叫了凍奶茶,正當等食物時,我們不時留意,佔8成的人都是光顧德發的,其他的店子真是生意難做,面對強勁的對手,唯有提供飲品,希望賺得到都賺吧!牛腩牛丸米和牛腩牛丸河不出兩三分鐘就有了,牛丸的size比我想像中小,沒有元朗勝利的大,應該

喺網上見好多人都話好食,令我又再回味以前喺度食過既德發牛肉丸今次食既係牛丸河同一碟腐乳通菜,好簡單既一碗牛丸河,最好味既地方係牛肉味濃郁,而且咬落彈口,但係唔知點解今次個湯水好似同之前有些少分別,今次真係淡左好多..都唔知點解會係咁,另外河粉都鞋左,究竟我係唔係幫襯緊德發呢?蔥粒好多,食起上嚟味道只係一般,只係因為牛丸依然好食,先唔會另到我覺得難食,通菜未係最好食既時候,腐乳好似咸咸地,怪怪的..環境依舊好污濁,其實好應該喺舖度開,唔好再匿喺天橋底啦