德昌魚蛋粉

營業中

休息中

每次去九龍城，都會覺得選擇太多，胃納卻太細。如果不是吃正餐的話，德昌魚蛋粉都是我的首選。曾幾何時，我去德昌已不吃魚蛋粉，只因覺得水準沒以前那麼好，早已改選吃營養餐。但今日之後，九龍城的必食名單中，德昌可以剔除了。是次選的配搭相同：雞扒+餐肉，套餐已配炒蛋和多士，飲品揀了熱檸茶。雖不是繁忙時間，但亦接近滿座，大部份食客仍是吃湯粉麵，同檯兩位長者，也在吃魚蛋粉。老實講，營養餐的份量比以前大了，雞扒比手掌還大塊，兩塊餐肉也是厚切的。多士一向都不是厚切，但不明白，為何總是中間特別薄？至於炒蛋就是炒蛋，從來也沒說過是炒滑蛋。但當食客的水平提高了，以澳牛的炒蛋來作指標時，這份炒蛋就顯得頗頹了！那一大塊雞扒，顯得有點大而無當，完全失去了昔日的美味。肉質甚至有點「梅」，不像是新鮮煎炸的。餐肉仍是火腿餐肉，厚切加強了口感，但亦難以獨力挽回整個餐的水平。反而是那杯熱檸茶，頗為不錯，茶味香濃而不苦澀，我沒加糖也好喝。總括而言，這個餐收費$38，也是同區的水平。但相信我不會像以前那樣，為此而甘願排隊等候了。

九龍城的食肆真多不勝數，對於有選擇困難的我，每次食lunch都有選擇困難，今次就決定再光顧我喜愛的餐廳之一～德昌啦！😎😎每次無論何時去食都會見到門口大排長龍.....但食美食是冇計的！😂首先我與同事各叫了一入份餐！魚柳腸仔多士～魚柳新鮮炸起，粉漿不會過厚，魚肉好嫩滑！多士的牛油份量充足，每口都有牛油香味！😆😆另外一個是香茅豬排餐肉烏冬～香茅豬排好入味，豬排會切件上，方便進食很細心！ 不能不提他們的奶茶，茶味好香，色澤金黃！值得推介的奶茶之一！所以唔一定要選擇魚旦粉，他們的特餐同多士餐也非常出色！😆😆😆

每次黎到九龍城，必定黎幫襯！我最愛食炸魚皮，但很多時都賣晒。今次我平日夜晚黎食，竟然仲有貨，即刻叫碟大既size食我最鍾意食豬肉丸河，豬肉美味，河好滑仲有多士，醬爆多，好好食！

是日去九龍城為了買阿哥最愛既沙嗲湯底打邊爐..當然我係唔會放過去德昌食番碗魚旦牛根河呢個機會啦（每次去親九龍城都要食）lunch時間..自然要排隊啦.而老闆都會安排入坐..好在粉麵都係快吃快走.唔需要等好耐就有位了！一坐底唔駛睇..2碗魚旦牛根河加一碟魚皮呀.咪睇以為細碗呀.但其實好多嫁..魚旦有四粒.爽口彈牙..牛根滑同埋會少少牛腩你.湯又夠濃..最鍾意係加埋辣椒油同紅醋一齊食.河粉又夠滑！正呀👍🏻👍🏻👍🏻😋😋😋個魚皮夠鬆脆..食落唔油.浸埋啲湯一齊食.又另一口味😊😊

九龍城嘅德昌魚蛋一早經已街知巷聞， 每次經過都好想入去試一試， 又係下午茶嘅時間，終於下定決心走咗入去一轉！牛腩魚蛋粗麵 $40粗麵當然都冇乜嘢可以講喇，但係呢個粗麵呢比較彈牙，有口感！湯底喺深咖啡色，可見餚際時間較長，味道濃郁，當然都比較鹹。牛腩同牛筋 設得細嚿，兩者都比較硬身！可能因為雙拼，所以畀咗三粒魚蛋，當然四粒就比較好啲啦！自家製魚蛋都係爽口彈牙， 應該可以用嚟打乒乓！可能好耐冇食過魚蛋粉麵同時代脫節咗，又或者可能係加上知名度，個人覺得 40蚊一碗雙拼真係貴咗少少！

Tucked away in the middle of foodie heaven Kowloon City, locals have been flocking to this local noodle shop for years for their delicious bouncy fish balls and fish cakes that have a firm texture with a genuine fish taste, unlike the poor quality ones made with too much additives and flour that sadly is the mainstream offering in Hong Kong today. The quality of the noodles is average but the fish balls and fish cakes make it worth the trip, so much that people start queuing up as early as 10:3

好耐無嚟食魚片頭河，夜晚十點半專登揸車嚟買，俾完錢淥面果位先生先話賣晒，咁就算啦話唔要啦，點知果位人兄有骨咁話多謝晒，真係好喇做少啲野多謝晒喎！其實咁唔想做不如唔好做啦😒

一碗高質素的魚蛋河，讓人垂涎三尺。魚蛋要符合四大要求，爽、彈、滑、鮮。河粉要細滑,容易入口。但不能太軟，過軟會散,難夾又缺口感。湯亦是主角之一，湯要香，用料要天然，頂多放鹽，大地魚粉等調味。湯不宜過濃。我走訪了全港的潮州麵店，試吃了兩間的魚蛋河。以下內容，本人會就以上標準評價一下。德昌魚蛋粉位於九龍城的福佬村道。格調亦影響食客的心情，德昌魚蛋粉店舖像港式茶餐廳多於粉麵店，欠缺麵店的感覺。這間店用的魚片是圓形的，亦相對厚身。本人比較喜愛方形魚片的口感。而魚蛋方面，第一下咬下來，覺得像一層膠包着魚蛋的核心，口感奇奇怪怪的。但魚蛋裡面的味道亦不錯。河粉太軟,一夾便斷了，變得整碗河粉散散的。魚湯則中規中矩，相比翠華餐廳的好喝。值得欣賞的是，餐廳堅持用冬菜作配料，但缺乾蒜茸。

朝聖。星期六中午排左20分鐘。紫菜墨丸魚皮餃米粉*湯底夠清 唔會太咸 食完唔口渴。紫菜爽脆。墨魚丸彈牙而且有粒粒墨魚。魚皮餃肉汁juicy 皮薄 唔錯。雖然人多 但質素幾好。打邊爐要黎買丸先得。

星期日1點有十幾人排隊，由於我只有一位，幸運地不到5分鐘可以入座了。叫左魚蛋米，菜心全走，凍檸茶走甜，白魚蛋還可以，但係魚片好喊呀，魚蛋水準比起以前真係差好多 埋單$72

去九龍城，發現有間魚蛋粉鬼咁多人排隊，心生好奇，於是就排埋一份。排左差唔多十五分鐘之後，終於有得入去食。見佢馳名嘅係魚蛋，就叫左個四寶河，四寶: 魚蛋，墨丸，魚皮餃，同豬肉丸。仲加多個鮮牛油多士。直接上評: - 四寶河- 魚蛋，好一般，唔夠味。大失所望- 墨丸，好味，超爽之餘夠魚味，係四寶入面最好食嘅。- 魚皮餃同豬肉丸- 普通。評價: 下次黎(如果有下次)都係直接喊墨丸河好過。是了，依間的河粉不錯。鮮牛油多士 - 好正，多士烘得脆而鬆軟，中間夾塊徐徐融化的牛油，再自己加啲砂糖係中間，真係超絕嘅人間享受。雖然有dd heavy 都唔緊要。

前幾天專程到九龍城買月餅，順道去九龍城德x魚蛋粉品嚐一下幾年前食令人回味的魚蛋和片頭，坐在近門前，店內裝潢依舊，生意仍然不錯，客人來來往往，我點了一碗最愛的淨片頭和一碗淨雲吞，再加一碟炸魚皮，先品嚐一下片頭，湯底尚可，但片頭魚味和口感一般只有一個字形容 咸，再品嚐淨雲吞令人再度失望，再試價值25元一碟的炸魚皮，完整的只有幾片，碟裡多數是炸魚皮碎，炸魚皮硬淨程度我只能説老人家不要拿自己牙齒開玩笑，不能試，吃過失望的潮州魚蛋餐，之前答應了朋友幫他買了半斤潮州白魚蛋外賣，我自己也忍不住再冒險一試買了一斤，希望這些白魚蛋能令我重拾對這店的信心...

好耐無食過德昌咁就買個外賣食啦德昌一向我都唔擔心失望因為佢地既湯底一向又濃又好味今次我叫左沙爹牛肉煎蛋公仔麵煎左隻蛋落去湯到麵唔會太油而公仔而硬度適中但食食下，好似食到粒石屎即刻心裡有點減分

以為德昌只有魚蛋粉食原來仲有茶餐廳既麵食叫左個沙嗲牛肉煎蛋公仔麵湯底味道唔會太喊沙嗲牛肉又好食！好'林'以後去德昌食野 唔一定要食魚旦粉食下呢d麵都係唔錯既選擇。

很久沒有來九龍城了, 這天在KCP玩樂過後, 也是吃午餐的時候. 文迪心思思想吃魚蛋河, 好, 就來這人龍店排一排吧. 雖然人龍很長, 但客人都是快上快落, 不用等十分鐘已經能夠入座了.除了雲吞麵之外, 魚蛋河也是大家從小就吃到的童年回憶, 飲食文化. 說到香港經典的魚蛋河, 德昌的出品, 怎也有一席位吧. 或許水準已經比不上當年, 但, 吃了那麼多年, 有感情分搭救.馳名魚蛋河 $33: 8分, 當然不用多想, 跟文迪一人一碗魚蛋河, 份量是不少的, 當作午餐吃, 也足夠. 魚蛋依舊彈牙, 河粉亦很爽口, 另外還有片頭, 要吃就要落單時說清楚, 否則店方或會奉上一碗全魚蛋的河粉. 套用文迪的一句, 吃魚蛋河, 又怎能不吃片頭. 只是湯頭來得比較重口味, 吃完碗魚蛋河, 很口渴.還是來支可樂, 這才是正頭正路.其實今時今日, 要找家有水準的魚蛋河, 不容易. 德昌魚蛋粉, 魚蛋彈牙, 河粉爽口, 收貨有餘了. 又說真的, 這裡的人龍, 可不是趁熱鬧, 趕人氣, 這麼多年, 依然大排長龍, 是真的貨真價實的人龍店.