德昌魚蛋粉

營業中

休息中

德昌食左十幾年，但諗諗下原來冇寫過佢的食評以前未係好出名，要去食易如反掌。而家，繁忙時間想食的話，預10分鐘左右排隊啦。呢度最出名當然係魚蛋同魚片，排隊時唔難見到一條條魚片好壯觀咁排列，色澤金黃，確係幾吸引，好多人都專程黎買返屋企。奉勸大家，黎得就唔好心多多叫其他嘢喇，因為質素一般，普通茶餐廳或粉麵店都食到，無需花時間排呢間。魚蛋粉（$33）係必點的，價錢冇錯係幾貴（我以前食$20左右而已，加價密度超驚人），不過都幾大碗，當晚餐食都得。老實講，魚蛋唔算好高班，細細粒都幾彈牙，但就缺少香氣，反而魚片真係唔錯，邊位好香口，質感又爽。不過最出色都唔係麵碼，而係河粉，德昌的河粉暫時仲係我心目中的No 1，條條幼身軟滑，係可以直滑入喉嚨果種，所以，叫咩都好，配河粉一定加分不少。加入大量冬菜亦起畫龍點睛作用，令河粉味道更香。仲有，德昌係少有提供魚露的粉麵店，香氣同普通豉油係冇得比的，記得要落少少。值得去指數：

午餐時間行過九龍城 諗緊食咩好 泰國野就周街都有 不竟小泰國之名唔係浪得虛名但今日唔想食泰菜 想清清地忽然諗起友人話過呢到有間出名既魚蛋粉德昌魚蛋粉 我自從食過潮州魚蛋之後 都無再食其他流港式魚蛋 因為口感同味道真係令我拜倒要左碗馳名魚蛋河粉份量方面佢中規中距 以一個正常男士 佢可以填到肚 但唔會好飽 有餘肚食甜品賣相方面 乾淨清澈 四粒潮州魚蛋 三塊魚蛋片魚蛋片 佢做得札實有咬感 唔會太簿 魚肉味夠潮州魚蛋 一口size一粒 適中 ，好彈牙又爽口（索索聲！！），外皮滑潤 感受到佢係打得好有筋性 而且魚肉味濃 十分足料 河粉底 最估唔到係佢個河粉 每一條都好簿 口感好好 而且好滑但又唔會散開 湯底方面 清湯底 無味精 簡簡單單一餐都可以好滿足 員工個個都笑面迎人 幾有地道親切感

星期日lunch去久違了嘅九龍城德昌食魚蛋粉，條龍竟然排到去街口。。。超誇張！(仲要已經係人流極快架啦。。。) 成年無嚟食過，可惜嘅係某d食物水準有d keep 到，有d 卻keep 唔到。魚蛋依舊彈牙好食，味道不變，必點之選！魚片薄咗，亦無以前咁好食。墨丸彈牙爽口可惜無墨魚香。炸魚片暫時仲係我心目中嘅no. 1, 香脆，鹹香，夠大塊，停唔到口！！雖然水準已經無以前咁好食，但一年食一次，留住回憶嘅味道都算係咁~

德昌滿載中學回憶...唔知係咪以前無咁多選擇會覺得啲食物係好味啲嫁呢？還記當天，呢度既河粉係最好食的，原因係超薄身加上秘製既湯，lunch成日同同學食魚餃河加枝汽水之後就去九龍城廣場， 'yes'店行街街。。。過左咁多年都無返過去，今次經過，一於去回味下，點知呢家要排隊，排左半個鐘。今次選左紫菜魚蛋河， 有魚片同魚蛋兩種，魚蛋很彈牙，沒有太大腥味同胡椒粉味同唔會太實.湯都幾清，食完唔覺有味精般。奶茶唔澀，茶色水夠，茶味唔會過濃。成長了，食既口味都會唔同，感覺和味道當然無從前好....所以。。。回憶總是美好的！

宵夜 11點零 去到九龍城 德昌魚旦粉上次去28元  今次去加咗價 31元茶餐廳招呼 快爽魚旦出名 緊係 order 淨魚旦啦 ！今次啲魚旦就麻麻 （每次食都有啲唔同）可能接近收工 魚旦烚耐咗 表皮有啲柴炸魚片 就好香魚味 彈牙 墨魚丸湯河 ~ 河粉滑 墨丸5粒 色白 靚 但墨魚味唔重 

之前每次經過都見排哂長龍，唔知有咩咁巴閉。今早十點幾就到咗九龍城，見條龍得五個人，就等一等試吓。點知中伏了！叫咗碗四寶淨食，38蚊。阿姐話未有炸魚皮。我唔知呢間嘢嘅招牌菜係咩，不過見佢店名叫得做德昌「魚蛋」粉，諗住叫魚旦冇死啦！點知啲魚旦啖而冇味，冇魚味，冇香味，什至連腥味都冇！失望！

平時多數吃魚蛋粉,今次試下好多人都吃既營養餐,有雞扒,豬扒及魚柳選擇,選了魚柳,再配餐肉,加炒蛋多士。魚柳賣相唔錯,可惜食落個炸粉比較厚及硬了點,餐肉都好大塊,炒蛋有蛋汁,好味!多士牛油都好多,味道唔錯。除魚柳普通外,其他都唔錯。

去到門外，已見一條排隊的人龍，在朋友的再三要求下，那姑且一試罷！ 紫菜四寶丸HKD41紫菜入口無沙，但只得一小撮實在太少。魚蛋爽口彈牙有魚味。墨魚丸質感比魚蛋較實，但有墨魚粒。魚皮餃外皮過厚，一咬餃皮便散開。豬肉丸一般貨色，不提也罷！四十大洋的紫菜四寶丸，實在貴得驚人！

魚蛋河（HK$29）魚蛋：平平無奇魚片：好咸！！河粉：中上湯：還可以辣油：夠辣醋：不錯服務：1. 落單時語氣有啲粗魯2. 侍應阿姐會大大聲自言自語話啲客坐得好出阻住條路總結：如唔使排隊食吓無所謂，排隊就唔值。

九龍城德昌---假日中午至下晝, 長時間有條隊响門口, 真巴閉!  Honey話以前食過幾次都無咩特別, 所以一向我都無咩意慾要幫襯.  今日事有湊巧一行幾人傍晚六時就打算食晚飯, 有提議話想食清淡啲:  我無意見因為始終未去過, Honey唔表態即係'ok', LET'S GO, go go go~~~首先今晚係一個閒日的星期二晚上, 一去到, 無咩人, 全店得兩對情侶加我哋呢枱都任坐, 咁我o地就自動波坐一張corner枱因為阿B正在B車睡得香甜, 攝响埋邊我可以嘆番陣!  點知原來我哋犯咗德昌之大忌都仲未知!!!!!! 侍應黑口黑面問食咩, 唔係繁忙時間咁清閒, 微笑吓都咁難?! 同行之長輩未諗定佢就催三催四, 大佬呀, 又唔係繁忙時段你急咩呢?  又唔係阻你收鋪, 未有'耐'啦!  可能呢個係你哋style, 唔鍾意唔好幫趁, ok, 我哋犯賤...  搞掂柯打喇, 侍應就開始'捐嚟捐去'响B車前後左右攞筷子筒啲嘢呀, 放吓, 攞吓, 又收吓, 總之唔知搞咩係要左穿右插咁, 我已經將架車'泊'咗靠住佢响一個唔阻通道又我自以為算安全之單邊位, 咁間鋪數埋我哋呢枱至僅僅夠十個客,

德昌魚蛋 大不如前 一直都有食德昌，味道不錯的。今天，到了德昌，同平時一様如此多人排隊，等了二十多分鐘。一進到，侍應已問我想咩，我無立即回答，說等一会兒，結果，他差不多每三十秒問我一次。 叫了碗魚蛋粉，但魚蛋的口感已變了，不太彈牙，河粉質素又差了些，太散，真是大不如前。

以前小時候吃的德昌，幾年後再來吃，真的有點失望。常常聽到有朋友說德昌質素比以前差，不信邪的我來試，真的水準下降了很多。一如以往，叫了碗魚蛋河。魚蛋已不及以前的好味，味道淡，口感不爽，還有少少"霉霉"地。

帶狗仔去沖涼，放低後要去醫一醫肚，又唔想食得太HEAVY，家姐話不如食魚蛋粉啦！喺九龍城食魚蛋粉當然係去德昌啦唔知點解喺咩時間黎，外面都有人等架！家姐喺德昌竟然唔食粉麵，食下午茶餐炸魚柳炒蛋拼腸仔~~~魚柳又炸得唔錯喎！好香口牛腩河粉~~~河粉好滑好好味，但係D牛腩好唔掂呀！超瘦同超"鞋"呀！仲叫左個剩魚蛋SHARE~~~魚蛋依舊的彈牙，魚味十足！份量仲大足添價錢實惠，份量十足，味道都GOOD

KsMeow放工由銅鑼灣坐巴士到九龍城搵食本來好快，但就是那個討厭的迴旋處，塞了廿分鐘才能夠會合早肥先生，頓然變成一個沒有胃口的晚上！思前想後，決定食碗粉麵就回家休息吧！！！．．．曾試過周末路經德昌魚蛋粉，人龍長得誇張！幸好當晚不用等位便能入座，我倆點了墨丸米（27個大洋）、四寶河（32個大洋）及青菜（17個大洋）分著吃。當KsMeow看到雪雪白白的墨丸米送到面前，胃口即時轉好（笑）外面大部份墨丸的質感，都是較粉及淋身，但這里卻是彈牙爽口又帶點咸香，啖啖都吃到墨魚粒！再下少量辣椒油，絕對可令墨丸的鮮味更加突出！米粉和湯則比較普通，專注吃丸就是了！．四寶河有白魚蛋、魚皮餃、豬肉丸及墨丸，白魚蛋相對炸魚蛋，不帶魚腥，更能吃出鮮香！魚皮餃外皮不過厚且煙韌，里面的豬肉跟魚肉比例剛好，吃時肉汁澎湃，很好！豬肉丸則是普通貨色，墨丸不再詳述！慣性加碟郊外油菜，感覺更滿足。當晚的芥蘭不嫩口，反而腩汁才是亮點！既香濃、味道亦足！部份腩碎混在腩汁中，對KsMeow而言完全是滄海遺珠似的，相信下次再來，定會試試這里的牛腩！題外話，在這條街的魚蛋工埸，那里的魚蛋及炸魚皮亦吃得過！有機會都可以一試！今次搵食地址

這日想吃個簡單清淡一點的午餐，於是到了九龍城德昌。我吃了碗雙拼魚丸貢丸米粉($28)，加杯凍奶茶($15)。魚蛋彈牙味道亦帶點鮮甜，而貢丸爽甜，兩款丸都好吃。米粉煮得軟硬適中。這店飲品一律單點不設跟餐。不過收得$15一杯，亦交足貨有茶香及很大杯！order了少甜的奶茶甜度剛好。如果你不喜歡太甜的茶（或有打算喝到所有冰都溶了），我就建議要記得order'少甜'，因為這少甜凍奶茶甜度就如一般'正常'奶茶的甜度，可想像如果正常甜度的話應該會頗甜。