德國熱狗 (已結業)

每次在勝利道,也是找明哥吃茄牛意,在街尾賣熱狗的小店,路過看見總是人頭擁湧.趁去紫荊閣寫菜之便,順路一試.周日下午沒有來自附近學校網.大班宰宰學子爭食,樂得輕鬆自在.世界上有成幾千種香腸,這間小店都有幾百份之一.沒有可能同那些高級少少的德國菜館比,如果換轉在小店角度去看,已經很多了.今次就來個軸心國遊記,熱狗內的腸是同盟國的匈牙利辣腸,兩條淨腸為紐倫堡腸同維也納脆皮腸,名乎其實帶你遊德意志,再踩去奧匈帝國.熱狗包軟熟,拿上手還帶點熱.個人吃香腸或熱狗一向不下茄汁,芥辣就少不得.香腸同芥辣兩者之間,一直化不開.前者少了後者之助,頓時失色不少.匈牙利辣肉腸帶點點辣,肉味不算很重.吃落肉質軟稔,再加上車打芝士,芥辣伴吃,其實,已經很滿足.吃熱狗不同漢堡包,配料無須太多,三兩味已經夠.維也納脆皮腸的腸衣爽口,肉味也同匈牙利一樣地不算濃,雖然奧匈帝國老早瓦解多年,但大家香腸味道,仍是差不多.德意志代表紐倫堡,熟識德甲都知而家紐倫堡這隊球會,在聯賽排榜尾.而這個城市為名的香腸,肉味係這天吃過三條之中,最濃烈的一條.紐倫堡腸短小精捍,腸肉內混合著香料,所以味道更為香濃.可惜這小店沒有德國啤酒供應,用

之前睇電視介紹過呢間野，再加上見到呢到都幾受好評，所以一直都好想試。今日去開九龍中央，終於可以順路過來試一試。下午三時左右去到，其實是一間好細既店。但食物款色就真系幾多。一下子眼花撩亂都唔知試邊個好。最後決定用"脆皮煙肉火腿腸熱狗"來試試佢地既真功夫。而且加左洋蒽。之後佢問我要唔要野飲，都系差幾蚊。系雪櫃任揀罐裝，咁就要埋啦。而熱狗仲可以揀醬，要左BBQ+沙律。之後先發現原來可以要埋薯條/ 薯餅，下次要記得。最值得讚既系佢地D店員服務都算幾好，好有禮貎 + 耐性，實在好過出面好多大餐廳。等左兩分鐘倒，主角熱狗到。一見到個賣相已經好吸引，而且熱辣辣熱都拎都拎唔起手。第一口咬落去，條腸脆一脆，好難忘!!!!!而且加左洋蒽真系好食好多，冇咁乾。食到中間開始有醬，腸既味道稍為比厚厚既洋蒽同醬遮蓋左，但依然系好食。食到最後一啖，有少少意尤未盡，不過已經好飽^^下次一定會再來^^

每次到德國公幹，有一種食品基本上是必吃，當中原因並不只是因為味道可口，還要是方便快捷，只要有食肆的地方便隨處可見。這店其實在很久之前已知道，但由於地點太「吊腳」，故一直未有一試。今天早上要到此店附近辦點事，所以便順道來一嘗是否如傳聞般好味。早上十時半前到達，由於店子細小，客人已排隊排至門外，店內亦站滿人客，有些是堂食，有些是等外賣的。因為食品種類太多，所以沒有細心考慮那一款，直接點了在德國常吃的白腸熱狗($20.00)加洋蔥($5.00)，餐飲則點了熱奶茶($3.00)，合共二十八元。還好在點餐後仍有坐位，坐下來等了一會，先來一杯熱奶茶，加些糖再喝下，味道沒甚麼特別，由於不是主角，給它合格吧。再等多三分鐘左右，熱辣辣的熱狗終於來了。熱狗包經烘過後十分香脆，白腸亦同樣即叫即製，外皮十分金黃。第一啖咬下去時，由於沒有醬汁，可以吃出白腸的味道，雖然肉味不是很重，算是可以。吃第二啖時，已混合了洋蔥及醬汁，吃起來算是多了一點味道，但始終感覺欠缺了一點甚麼。在德國吃熱狗，除了香腸及麵包的體積比此店細小外，醬汁是任客人添加的。雖然醬汁只有茄汁及芥辣，但是一隻小小的熱狗加上多多的醬汁，吃起來真的特別滋

一年幾前o係呢度見到德國熱狗幾多好評..有心一試..但因為好少過o個頭..加上對熱狗麻麻..所以一直都無去..今日下午茶時間男朋友要去擰返修理完ge快譯通..所以順便過o個邊...沿路條街好多寵物店...琳琅滿目..我地睇左陣先行到過去..間舖幾細..得幾個位..我要左個套餐..珍寶腸熱狗+車打芝士..醬汁係茄汁同燒烤汁..加多罐可樂..男朋友要左磨菇雞肉腸+德國內醬..醬汁係茄汁同埋wasabi..加埋七喜..男朋友o個個黎先..肉醬用杯裝..自己加落熱狗度..味道加埋幾match..又唔會搶左醬汁味道...之後無幾耐我個熱狗都黎到..d芝士o岩o岩凝固..咬落去好有口感..有嚼勁..但芝士味唔太重...個熱狗食完好飽..一路食一路有人黎買熱狗..老闆(定員工?)同d客有傾有講..有d應該係熟客tim..有禮貌之餘仲好有親切感...臨走仲同我地講一句「歡迎下次光臨」..很有heart!我同男朋友講..呢度可以再黎..佢即刻糾正我..係一定要再黎^^P.S.其實我由細到大都唔鍾意食肉醬..但呢度d肉醬又幾好味喎!食完真係有相逢恨晚ge感覺!

hot dog...worth to try... lots of favour!!!

我買左條白腸熱狗食咬第一啖,覺得...好好味!個包漢到熱辣辣,條腸幾大條,白色腸似係雞肉,但食落又好似溝左唔知係唔係豬肉嘅肉,總之係好食就得!我食之前加左茄汁同埋芥辣,更加野味!咬最後一啖,雖然飽,但係仲喺度回味!

今次已經係第三次幫襯，第一次好好彩無人，有位坐；之後再去都係塞滿人，如果要去都係揀平日去好d，星期六日去唔好旨意有位坐。上兩次叫咩食已經唔記得左，索性寫份三合一食評。今次叫左個白腸狗套餐，配洋蔥沙律同酸瓜醬，加薯餅。薯餅係超市貨色，我估薯條係佢地自己切的，粗幼長短不一，我偏好想食薯條多小小。點薯條的茄醬嚴重不足，無醬不歡者自己叫呀姐拎支俾你自己擠；不過茄醬比較甜，可能我食慣左"Come down to Mc tonight" 果種茄醬...到熱狗，個包如果即時食就真係脆Ｄ，如果拎走，到坐低慢慢享受時個包可能已經淋返。腸係叮熱再拎去煎／轉，好處係可以保留肉汁(有的話)，壞處係好似好求其咁。今次配洋蔥沙律同酸瓜醬，酸瓜醬令個沙律的酸味更出，洋蔥好香，不過生小小口感會更好。未試過混醬，始終熱狗個主角係腸唔係醬，而且太多醬，食果陣漏出來會好論盡。成份熱狗好大舊，我自問口大都唔能夠一口咬落去，以下午茶黎講，份量剛剛好，如果以佢做午餐就略為唔夠喉。間舖大Ｄ更好，可以坐低慢慢嘆；拎住袋熱狗一路聞住洋蔥香一路行但又食唔到的感覺真係好難受！

今日行過, 終於有機會試一試呢個傳聞中的好味熱狗.係門口睇左一陣, 嘩好似好多款, 心大心細唔知點好. 突然間睇到有一種叫"脆皮煙肉火腿腸熱狗", 見到煙肉兩個字仲唔即刻叫咩!$17一隻hotdog, order之後發現可以加toppings, 有洋蔥salad! 即刻問阿姐可唔可以加返, 阿姐笑笑口咁答, 梗係得啦! 佢地的service都幾好. 好有禮貌.toppings $5, $17+5=$22. 其實order set仲抵, 一set一隻hotdog+薯餅/薯條+drinks=$26. 不過我實在食唔哂.hotdog 整好左喇, 雖然同我想像中有d唔同, 因為佢唔係真係有塊bacon, 都唔知點解叫"脆皮煙肉火腿腸"? 不過真係幾脆皮, 加左煎香的onions+沙津醬, wow, 真係好正! 其實oinions可以再生d, 咁會好食d, 不過已經好good! 阿姐問要加咩sauce, 佢話有bbq醬, ketchup, 芥辣, 仲有個唔記得左, 我只係加左ketchup同芥辣. 但已經好夠香同好夠味. 一路咬, 每一啖都有好香洋蔥味, 沙津醬同ketchup芥辣, 又唔會遮哂

上星期6 (dec 8, 07),3人來,因之前食海南雞飯,小小試食: 1) 白腸熱狗-包: 普通d,好似嘉x貨色,但就勝在烘到熱辣辣- 腸: 友人稱個味道樸實,好似雞肉腸,size好似在戲院買到咁上下,唔算細條,夠熱又唔乾-醬(可揀3款) : 揀茄汁,芥末同沙律,另外還有bbq同酸瓜揀2) 德國法蘭克褔脆皮腸熱狗-包同醬: 意見如上-腸: 比白腸惹味同juicy,不錯

好認同下面個食評~"成日心思思想食o既熱狗"~講中哂我心聲~我住元朗架~上年係openrice見到呢間熱狗~試過一次後已經上哂癮~成日都想黎食熱狗~但真係住得太遠~有時真係好想食~就算唔順路都會特登係油麻地地鐵站行去食完熱狗先再搭返地鐵去目的地~雖然佢有好多好多腸揀~但我始終覺得白腸同豬柳腸係無敵o既~仲有中意洋蔥o既一定要加!再3隻醬落哂~真係超級滿足~前日同男友去食~本來想要豬柳腸~但賣哂...兩點幾都已經賣哂...唯有要白腸加洋蔥熱狗($23)~男友要左柏林辣椒淨腸($13)~個辣椒腸一d辣味都冇...男友好失望~唯有下次試佢另外個兩隻辣腸~

已經幫襯左德國熱狗好多年, 呢間舖頭仔唔多起眼, 不過自從我多年前開始光顧, 就總係成日都會心思思想食番隻熱狗...佢地最出色既地方, 係熱狗腸有好多選擇, 無記錯起碼有10幾種, 有隻白腸同有隻加芝士既腸都好唔錯(其實以我食過既咁多口味都有一定水準), 佢地門口張menu有埋相好清楚!單買1隻熱狗只係10幾蚊, 加埋飲品(packed drinks)同薯條/ 薯餅(不過只係現成野, 普通啦)就20幾蚊, 非常相宜!! 而且d香腸你落order後會即刻享個熱狗爐度grill, 去到你手上時一定熱辣辣!佢地d熱狗包比你之前都會烘過, 所以又熱又香, 雖然個包只係普通既熱狗包, 而且只有一款, 不過勝在夠新鮮, 有時晏d去, 佢地既包更加會沽清! 醬方面, 就有一般果d ketchup, mustard, BBQ, 等等幾隻, ok啦!佢地舖頭細細, 只由幾個太太負責, 不過佢地d態度幾好架, 幾親切, 可能做開街坊同學生生意啦!我有一次更加撞到發哥周潤發去幫襯, 可謂奇遇! 不過當時我買完隻熱狗佢地啱啱關門, 發哥都只有空手而回!!

先唔好講hotdog住呢度d呀姐幾nice! 今之係第二次lei食. 只不個係順路我第一次係食白腸真係好味^^但今次就麻麻--> 車打之屎加普通腸下次要試其他^^

揀地方食lunch, 好random 咁0黎0左呢區, 諗起未食過呢度又走0黎睇0下. 成1:45pm 仲好多人坐晒0黎入面食0野, 叫完維也納脆皮腸熱狗(配茄汁/芥辣) + 薯餅+ 汽水0既餐(見圖), 一見有人離開就當然衝埋去霸個位=P熱狗即叫即整熱辣辣... 脆皮腸真係極脆皮, 少少甜甜0地, d 肉又唔會好鹹, 幾好食; 醬汁都幾惹味, 不過mustard 唔夠辣又唔夠香, 俾茄汁搶晒; 不過個包就麻麻, 太軟了, 個人覺得西環水街間Big Dog 做得好好多!薯餅炸得好脆, 不過都幾油, 諗起老麥d 「星星薯餅」... @_@"環境好迫夾, 好在幾乾淨; 招呼一般, d 阿姐有d 態度好好, 有d 就幾黑面, 另外有個就唔理人, 都幾好笑.整體一般, 唔覺得好特別... 不過0係呢頭, 都算係一個食得過0既選擇.

是日放工心血來潮想食熱狗, 特登走黎呢間聞名已久但未食過既鋪頭捧下場. 鍊頭不大, 得幾個位, 不過去到人都無隻, 四個阿姐對住我一個客, 有d 驚添. 不過環境好乾淨企理,完全似係新開業咁款.要左一個超值套餐, 有熱狗一隻(今次要左個家鄉白腸) , 即製次薯餅, 罐裝飲品一杯(雪櫃任揀) . 聽其他版友建議另加Topping 洋蔥. ($31)熱狗餐到, 好鬼大隻, 鼻塞都聞到好香(不過係醬汁味) . 新鮮熱辣炸薯餅, 好食, 食到last 一啖都仲有熱氣由我個口噴出黎, 果然係即炸.主角上場, 一啖咬落去, 第一個感覺係: 好香! 肉汁(定油?)標出黎, 好香既香腸, 加上炒過既洋蔥配搭一流, 有肉香, 有洋蔥既香甜同少少辛辣, 再加上茄汁同芥辣, Yummy ! 包可能略為烘過, 有時食到有少少脆邊, good !話咁快食完一個, 意猶未盡, 決定再買一條柏林辣椒腸on stick ($14) 食下, 熱辣辣既香腸, 加上好咬口, 肉汁滲出黎帶少少竦, 有d 食緊麻辣既感覺, 由勝利道頭行到勝利道尾就食晒...雖然好正, 但唔會成日幫襯, 一來唔就腳, 二來價錢確實係貴(雖然確實

今天終於去到此間聞名專食熱狗包既店鋪．．．果然好好味．．．個包有點脆脆感覺，而大肉腸”家鄉白腸即係牛仔肉肥大兼多肉汁..並加上香濃的洋蔥沙律汁及三色醬..簡直係美味絕配及名符其實的熱狗..暫時是我食得最美味的一間, 暫無能及.....價錢都ok...HK$26一個餐O 此行路途遙遠都值得, 真的不枉此行....食得好滿足