德國熱狗 (已結業)

已經幫襯左德國熱狗好多年, 呢間舖頭仔唔多起眼, 不過自從我多年前開始光顧, 就總係成日都會心思思想食番隻熱狗...佢地最出色既地方, 係熱狗腸有好多選擇, 無記錯起碼有10幾種, 有隻白腸同有隻加芝士既腸都好唔錯(其實以我食過既咁多口味都有一定水準), 佢地門口張menu有埋相好清楚!單買1隻熱狗只係10幾蚊, 加埋飲品(packed drinks)同薯條/ 薯餅(不過只係現成野, 普通啦)就20幾蚊, 非常相宜!! 而且d香腸你落order後會即刻享個熱狗爐度grill, 去到你手上時一定熱辣辣!佢地d熱狗包比你之前都會烘過, 所以又熱又香, 雖然個包只係普通既熱狗包, 而且只有一款, 不過勝在夠新鮮, 有時晏d去, 佢地既包更加會沽清! 醬方面, 就有一般果d ketchup, mustard, BBQ, 等等幾隻, ok啦!佢地舖頭細細, 只由幾個太太負責, 不過佢地d態度幾好架, 幾親切, 可能做開街坊同學生生意啦!我有一次更加撞到發哥周潤發去幫襯, 可謂奇遇! 不過當時我買完隻熱狗佢地啱啱關門, 發哥都只有空手而回!!