御膳

營業中

休息中

公司想搵間有質素既私房菜食個飯～朋友推薦呢間主打食海鮮～日日新鮮到貨2～12人既套餐都有亦都可以講個budget 比酒家跟據大家口味～彈性安排最正既係小朋友唔計一個人頭～可以單點比佢地～🐷五製蔥油黑毛豬伴伊麵～黑毛豬既油脂香同蔥油mix埋一齊，層次豐富，伊麵吸晒d精華。🐵新出湯品✴️猴頭菇當歸天麻瘦肉湯濕氣重人士真係要試下～仲健脾養胃～真材實料脆皮玻璃乳鴿～皮脆肉嫰多汁臘味糯米蒸大肉蟹～蟹鉗超厚肉，蟹肉一梳梳臘味糯米飯軟糯可口如果唔鍾意蒸可以試下🔽🔽避風塘炒（特辣,大辣,中辣,小辣）、麻辣水煮、薑蔥上湯炒、即磨胡椒炒、梅子果皮蒸、蒜蓉粉絲蒸、豆豉涼瓜焗(預定)、花雕蛋白雞油蒸(+$20)、十八香炒、古法蒜子焗，十多款總有一款啱你口味🌟提提大家以上兩款記得預定～脆皮玻璃乳鴿每日限量五隻架咋🌟滷水拼盆～包括手撕雞，豬大腸，金錢肚蒜蓉粉絲蒸蟶子皇～鮮甜肥美，蒜蓉粉絲吸晒d精華，撈飯一流上湯浸時蔬～蔬菜爽口新鮮啤酒梗係要飲冰凍既，呢度卡有提供埋冰桶酒杯🦐流沙黃金大海蝦～蝦外層裹滿咸蛋黃～超邪惡😈大蝦肉質彈牙相信大家都鍾意相機食先📸依家上載去任何社交平台仲可以換汽水另外店家歡迎帶酒嚟，免開瓶費，帶

工作繁忙, 做到好辛苦, 辛苦搵來自在食, 一日忙碌過來, 就去要公司附近私房菜, 食返一餐好.御膳, 位於觀塘區敬運工業大廈12樓, 餐廳有電話訂座, 仲要免開瓶費, 免切餅費, 免加一, 餐廳仲有好多菜單選擇，好多款式，性價比相當高，仲可以幫客人設計菜單, 散點小菜，叫餸食飯，帶2支啤酒上去同周事啤一啤一流上湯澳洲龍蝦，蝦肉實淨彈牙好食, 龍蝦新鮮啖啖肉避風塘炒大肉蟹, 一睇就知傅統做法, 味道濃郁, 蟹肉結實好食士多啤梨骨，酸酸甜甜開胃好味, 排骨肥瘦適中, 經典必食之選蟹油銀芽炒麵 – 粉麵非常乾身, 不會感覺油膩

星期六晚同男朋友黎左食飯， 2個人真係叫唔到幾多 , 尤其係海鮮 。我地決咗散叫小菜，首先我地點了極黑豬叉燒，店員話即叫即燒，要成20分鐘，叉燒好鮮嫩，即燒出嚟味道好好。我地得2個人，蟶子就叫咗2隻，蟶子好新鮮，蒜蓉粉絲蒸，有生蒜炸蒜，配埋啲粉絲嚟食，幾惹味。再嚟就係白胡椒爆炒南非鮑魚，因為男朋友要食2隻，所以我地點咗3隻。好香胡椒味，又唔會搶走鮑魚嘅鮮，唔錯喎。最後，叫咗個招牌炒飯，有啲蝦球粒，牛柳粒，帶子粒，炒飯粒粒分明，食得出好比心機炒呢個飯。店家免開瓶費，但我地果晚無飲酒。我地影啲餸嘅相，upload上網，就換咗2罐汽水。

呢間私房菜喺觀塘敬運工業大廈13年，冇分店，冇搬鋪！坊間有啲類似店名，大家千其唔好去錯啊！私房菜嘅海鮮係每日新鮮到貨！好有水準！👍🏻特別嘅菜色就要要預定！所以一定要訂位呀！聽老闆介紹，因為制作需時，例如脆皮玻璃乳鴿，炸子雞就要整3日，係限量供應，有品質保證！餐廳會為客人度身訂做菜單，主打海鮮！茅台醬香炆嫩鴿非常有特色的菜式，乳鴿非常入味，肉質非常嫩滑！即磨胡椒炒大肉蟹新鮮的大肉蟹，肉質啖啖肉！非常夠鑊氣！花膠響螺煲雞湯滋潤養顏的足料湯水，非常滋潤！勁好飲呀！芝士焗澳洲龍蝦龍蝦啖啖肉！芝士伊麵，做得很好！份量亦非常多！五製蔥油黑毛豬伴伊麵人多時候最啱食！非常創新的小菜！很惹味！極黑豬叉燒揚州炒飯叉燒係即燒，炒飯粒粒分明，有鑊氣有水準！宜家餐廳做緊promote，post食物嘅相去任何社交媒體都可以換汽水！正呀！

荔茸百花卷的口感令人驚艷。這道菜以艼頭、芹菜和新鮮大海蝦製作而成，外皮薄透，內餡鮮美。每一口都帶著海鮮的鮮甜，搭配著艼頭的細膩與芹菜的脆嫩，形成了一種絕妙的口感對比。這道菜的層次感讓人沉醉，讓人忍不住一口接一口，直至盤底。金華玉樹雞的肉質鮮嫩，皮脆而不油膩，散發著金華火腿的獨特香氣。每一口都充滿了肉汁，令人回味無窮。這道菜的完美之處在於火候的掌控，讓雞肉在口中化開，彷彿融化在舌尖。接下來，白胡椒爆炒南非鮑魚更是大火猛炒的精華所在。鮑魚的彈性與白胡椒的香氣相互交融，火熱的炒味提升了整道菜的風味，讓人感受到海鮮的鮮活與辛香的碰撞。每一口都是對味蕾的挑逗，讓人欲罷不能。蒜蓉粉絲蒸蟶子皇也是必試之選，粉絲吸收了蒜蓉的香氣，與蟶子的鮮味相得益彰。而清蒸沙巴龍躉則是另一種享受，特別是搭配了師傅特調的蔥油，讓魚肉的鮮甜更為突出，口感滑嫩，令人難以忘懷。最後，避風塘炒大肉蟹的香辣味道更是令人驚喜，蟹肉鮮甜，搭配著香脆的配料，口感層次分明，讓人一試成主顧。

一上到去就冇人服務我哋！地方好污糟！之後等咗半個鐘頭先可以起菜！啲餸好難食樣又唔靚質素又差，點知避風塘炒蟹炒到燶晒一啲肉！啲龍躉蒸龍躉湯每人一嚿魚都冇！最後食個飯都分唔到俾大家食！下次都係唔好叫我去啦錢都唔想去依間嘢食！最後落樓埋單，每個人都要$500落樓，一共18個人食要一萬蚊先落到樓，平均每個人都要$500以上！真係食到講晒粗口啦！

中秋友好共聚, 朋友話要係觀塘附近食餐好, 咁緊係提前訂御膳, 訂檯之後同餐廳店員溝通，除左叫套餐仲可以散叫小菜，最新出嘅［荷乳雞］要提前預定，咁就只預定左呢隻雞，用清遠雞包住乳鴿、飯、鹿茸菌，有荷葉香味，清遠雞好漲身，肉質彈牙，裡面有乳鴿，飯，同鹿茸菌，好香，咁多功夫，唔怪得要提前預定，中菜要創新好難，御膳就成日都會有創新嘅煮法嚟到就睇餐牌，再點左豉椒炒蜆，菊子魚, 白胡椒爆炒南非鮑魚, 流沙黃金蝦, 蟹油銀芽炒飯豉椒炒蜆, 好有鑊氣, 惹味, 乾淨無沙, 新鮮, 正菊子魚，都好特別，就試下，東星班起肉，配特製柚子醬，肉質鮮嫩。由於即場點，由新鮮劏魚到制作，大約都需時要20分鐘, 心機菜值得一等。白胡椒爆炒南非鮑魚，必食之選，問餐廳店員了解何為爆炒，原來係大火猛炒鮑魚，就可以保留到鮑魚原有嘅鮮味流沙黃金蝦, 大蝦原隻大大隻上碟, 表面鋪滿咸蛋黃, 蝦肉保持彈牙好食, 咸蛋黃味道一流蟹油銀芽炒飯，乾身，蟹油夠香, 唔會感覺太油膩

呢間位於觀塘嘅私房菜多年歷史，中式菜式的確無得輸！好有水準！《醬香茅台炆嫩鴿》店員會在上菜時，把一小杯茅台倒入砂鍋中，散發香味！賣相同味道都拎滿分！非常有特色的小菜！《流沙黃金大海蝦》必食之選！新鮮海蝦，流沙黃金的鹹蛋黃香味非常濃郁！《薑蔥炒大肉蟹》非常之有鑊氣嘅小菜！仲有超過十款煮法！避風塘炒，可自選特辣、大辣、中辣、小辣，又可以揀麻辣水煮，薑蔥上湯炒，即磨胡椒炒，梅子果皮蒸，蒜蓉粉絲蒸，豆豉涼瓜焗(預定)，花雕蛋白雞油蒸(+$20)，十八香炒（+$40），臘味糯米蒸（+$100），古法蒜子焗（加$20），真係咩嘢烹調方法都有啊！勁！師傅好嘢！👏🏻👏🏻👏🏻👏🏻《花膠響螺煲雞湯》必須預定之湯水，足料！啱晒一家大細！《金華玉樹雞》呢個雞都係第一次食，賣相同味道都非常之高質有水準，肉質鮮嫩又滑！好勁！《蒜蓉粉絲蒸大元貝》大元貝宜家時節啱食，夠肥美鮮味！一定要點！聽老闆講，十幾年來都免開瓶費，帶其他任何飲品都歡迎，免切餅費，免加一，帶壽桃包嚟蒸，都唔收費用！真係好啱，一家大細親朋戚友嚟食呀！因為大部分客人都會預定菜式，師傅會按客人口味，喜愛編菜單！所以一定要訂位！即日返貨，保證新鮮，明碼實價

**五製蔥油黑毛豬伴伊麵**豬肉的油脂香氣與蔥油的濃郁味道交織在一起，每一口都帶來豐富的層次感**富貴金龍**，原條沙巴龍躉，重量達兩斤，分為吉列椒鹽和流沙黃金兩種口味。椒鹽的香脆與流沙的滑順形成鮮明對比，讓人難以抉擇。**香芒沙律大蝦球**鮮蝦球搭配香甜的香芒，口感清新，特別適合炎熱的夏天。而**芙蓉海寶炒龍蝦球**更是豪華，兩隻龍蝦、花枝和蝦球的組合，讓人一口接一口**即磨胡椒炒大肉蟹**，胡椒的香氣與蟹肉的鮮甜完美結合，讓人食指大動。而**菠蘿鳥**水果拼盤則需要提前預定，色彩繽紛的水果讓人心情大好歡迎自帶任何飲品，還提供蒸壽包的服務，可以享受更多家常的味道，這樣的貼心服務令人印象深刻。

中秋節就到啦，因為好難就到晒咁多屋企人食飯，所以我哋一早就提早過節。朋友介紹呢間菜館免開瓶費、切餅費，仲可以自備飲品。另外，upload相上社交媒體，仲有汽水送😳我哋平時食開一般酒樓，都係啲平平無奇嘅菜式，食都食到厭……原來呢度可以按照我哋嘅要求加加減減啲菜式同埋口味。我哋一行人有幾位老人家，可以要求佢整得清淡啲。我哋叫咗2斤芙蓉蛋白蒸老虎斑，菜館已經幫我哋起咗肉，下面仲係燉蛋白，食落啖啖肉，夠晒滋味；八寶鴨，好彩我哋一早叫定，因為每日只有五隻；臘味糯米飯蒸大肉蟹，有飯又有蟹肉，好鮮味；開邊蒜蓉粉絲蒸澳洲龍蝦，好多蒜蓉呀，同埋隻龍蝦好夠新鮮啊，正！朋友介紹我哋呢間菜館真係無錯，因為好多嘢唔使加錢！除咗散叫，又有好多套餐選擇，小朋友嚟食又唔使計人頭，而且呢度主打食海鮮，所以我哋食嘅魚同埋龍蝦都好夠新鮮好好食！我哋下次一定會再嚟幫襯！

首先工廠大廈環境又差，又冇裝修，簡陋之极！甘多好評邊度來呀？食物又貴又難食，只雞仲要係變味啊，吾新鮮！總之吾會再幫襯！價錢貴過外面的酒樓！又冇乜服務，要冰塊又冇！

好耐無去呢度食飯啦！今次再嚟，水準依然一流，無令到我失望！我哋一行8人叫咗好多唔同嘅菜式，而其中佢新出嘅荷羽雞我哋都覺得好正，所以一定要推介俾大家😋店員話呢個係新出嘅菜式，叫我哋一定要試吓！本身我哋都唔知咩係荷羽雞😂上到嚟嘅時候，只係以為係荷葉包住隻雞，無咩特別，但點知大有來頭！隻雞係清遠雞，入面仲有啲菌類，乳鴿同埋飯！入面啲飯慘咗啲菌同埋乳鴿好夠味，而且好有口感！估唔到無嚟咁耐，都依然咁好食，而且呢度仲成日有新菜式，嚟緊中秋節🥮我應該都會同屋企人嚟食！

今日同朋友試下觀塘出名既私房菜可以按喜好度身訂做菜單而家唔使加一同切餅費好少餐廳可以咁，抵讚花膠響螺煲雞湯好足料既靚湯見到滿滿一碟既湯料飲完湯後仲可以食埋湯料花膠好大片養顏雞肉煲到好入味飲完碗湯成個人暖笠笠蒜蓉粉絲蒸蟶子皇蟶子王好新鮮彈牙整出嚟嘅海鮮汁冇浪費到粉絲吸收晒湯汁加上惹味嘅蒜蓉，成碟餸好送飯薑蔥炒大肉蟹超大隻肉蟹好容易脫肉因為夠大隻而且薑蔥炒好惹味食到蟹嘅紮實同又唔會搶去蟹嘅味道富貴金龍用原條2斤重沙巴龍躉，可以做2款唔同味揀左吉列椒鹽同流沙黃金吉列做到外脆內嫩好好食流沙黃金是用鹹蛋黃炒味道沙沙地既有魚既鮮味又惹味大蜆燉蛋超嫩滑既一道燉蛋燉蛋入口即溶又帶有鮮味撈飯食真係要食多幾碗飯經典蔥油雞隻雞皮脆肉滑好難得食到雞皮係爽而唔係淋雞肉味濃而無腥味

8個人6大2小食完佢啲野 6個大人都唔舒服 1個最輕微胃脹其他5個都痾 最嚴重 痾加嘔🙂🙂 係咩問題就自己諗兩個小朋友 只有飲湯同乳鴿 就無事唔嚴重既大人 都係食左好小野唔知佢咩野有問題 可以食到咁支持大家去試菜 睇下痾唔痾8位用《大肉蟹·蟶子·黃金蝦》2024鹵水拼盤（手撕雞,豬大腸,金錢肚）大蜆什菌豆腐湯清蒸沙巴龍躉一條，2斤大肉蟹2隻蒜蓉粉絲蒸大蟶子皇8隻流沙黃金蝦8隻士多啤梨骨金華玉樹雞半隻蒜蓉炒時菜招牌御膳炒飯另送:甜品每位$400，8位用，免加一

同屋企人去御膳食飯, 呢度主打食海鮮, 叫到成枱都係好豐富! 有幾道菜覺得好出色避風塘炒肉蟹肉蟹有好多款煮法, 揀左避風塘炒, 辣辣地好惹味, 蟹鉗大大隻脆皮玻璃乳鴿店員推薦話一日限量供應5隻, 口感外脆內嫩, 真係不錯!八寶鴨好有特色既菜式, 好多料係入面: 蓮子,龍眼肉,紅棗,薏米,冬菇,芋頭,蝦乾,瑤柱, 栗子,金華火腿同糯米, 呢道菜好少見得食, 花時間製作芙蓉海寶炒龍球伴碟好靚, 龍蝦球夠鑊氣, 仲有花枝,蝦球同蒸蛋白底, 好適合送飯猴頭菇葯藥瘦肉湯好足料既湯, 味道香濃好味餐牌仲有好多選擇, 除左海鮮, 仲有其他肉類海鮮蔬菜及飯麵, 唔想諗食咩又有套餐, 幾方便! 店員主動服務, 不時主動奉上熱茶熱水 重點係每碟餸都出色, 心機菜, 師傅用心製作, 整體感覺真不錯, 而且仲免開瓶費, 切餅費, 抵讚御膳官塘敬業街65-67號，敬運工業大廈12樓F室