御家迴轉壽司 (已結業)

生日同女朋友去試食食物質素係唔錯肥o既三文魚($15碟...)真係好肥瘦o既三文魚($9碟...)真係唔多覺有白紋魚方面係唔錯,只係醋鯖魚o既醋味過重...入口係乜味都冇,除左醋味一碟三款同色魚o既手法幾好,試食係一流~但油甘完全冇腥味,感覺好怪手握飯.....舊舊飯都好大舊不過口感唔差環境就真係好迫,其實可以鬆動好多係迴轉位有細電視,當然係播MV但明顯係為迎合香港人口味,因為清一色k歌坐足一粒鐘都睇唔到一個日文歌o既MV衛生方面唔錯,起碼d杯杯碟碟都乾淨但服務生對食物認知方面唔多得問佢個牛肉卷(唔記得叫咩名),中間綠色o既係乜佢唔知...咁唯有試下黎到原來係露荀,沒打緊吧整體黎講係滿意,除左迫之外

5月27星期日同朋友落左去食,價錢合理環境都ok因當時都幾多人無咩位坐左係洗碗果邊..其中叫左三文魚壽司..同迷你雜錦刺身飯.... 個飯真係幾迷你下lo,d飯又硬又無味..,叫左幾樣炸野同燒魚,果雞軟骨粒又干又小又無味.= =\\\" 個炸尢魚好咸燒魚等左好耐來到竟然未熟晒,不過都肯換,坐洗碗邊真係好錯..聽到入面d人粗口同笑聲個洗碗成地都係水.有異味真係污漕! 唔會再去同唔理去邊食都唔會再坐近廚房門口>_<

5月20日同老公在cwb去食dinner...突然見到有間日本野...老公一直都愛食日本野呢...so見menu d價錢...都ok...就走左入去...侍應問我地坐台ok不ok...我話沒所謂...~因為都只是我們2個人而已...佢話...因為...果時7:00pm...是繁忙時段, so一坐位就不能轉台...我們都沒所謂la...我們要行樓梯落去食野的地方...一入到去...一個侍應叫...welcome(日本語)...其餘的侍應都一同大聲咁叫一次...哈哈...幾有果勢...~不過我聽聴下都覺得幾嘈...次次都有人來就叫一次...^^"但老公就話咁樣好有氣氛~哈哈~到叫野食...我叫左不多...果火炙芝士三文魚壽司...我忘了是$9/$15...但真的好好食...老公又叫左果魚生飯...他的至愛...~$25...不多不少...見佢都食得幾開心...都ok的~又叫左果炸生蠔(6件)...$35...好似是...因為我又忘了...幾好食的~其實呢間店...地方整理...只是略嫌地下有少少滑...裝潢也不錯...~地方望落不大...但食物同服務搭夠...^^so整體不錯...一定會再

上一次去記得係成3個幾分前去...原因上次叫了3客三文魚壽司''(最愛^^)竟要等20分鍾才有..來到已經吳想食(太過分...氣飽了\''/)所以發以後都唔想..今次本來同男友去板前...但..人太多..男人建意去御家..雖不太願意..但都去了''當然點返我最愛既三文魚壽司^^但怕又好似上次甘所以只點左2客''今次估都估吳到''個四眼仔(樣子太後生啦'')吳洗20秒就做完''哈哈,立即叫多2客''正''好低食''9$客''仲食左玉子''芝士盛''三文魚手卷''今次比上次滿意好多,希望遲下更有進步

門口成日派coupon，貪得意就試下，食完一次又一次……呢間御家0係Sogo旁邊，地點就腳。裝修唔特別，仲成日播埋d陳年日劇。service ok啦，會介紹下有咩好食，不過waiter會將「牡丹蝦」讀成「杜丹蝦」咁囉~食物好味，首推圖中的特大帶子壽司(旁邊的牙簽係scale黎ga)，雖$30得一件，但真係入口勁鮮甜，而且size大到可以同男朋友share，好好味~ 仲有劍魚腩都好好味~不過各位記住拎coupon入去食，雖然「季節限定」的系列冇discount，不過其他的每碟折幾蚊感覺會好d~ 哈哈~

之前在旺角分店食過一次dinner，感覺一般。今天途經cwb，見公眾假期仍有set lunch供應，於是又試試。因為男友已食了lunch，我只order了一個sushi set lunch($38)。set包括十件sushi，味噌湯，salad，甜品，餐飲。味噌湯:很明顯是沖的，但又沖得太稀，不討好。salad:用上芝麻醬，可惜芝麻醬太少了。sushi有好幾款，雖然是比較便宜的價錢，但竟然比我上次在旺角分店食的還厚還好味!可想而知，這裡的lunch set是比晚餐抵食好多的!甜品:是一件小小的瑞士卷，很奇怪呀!所以我沒有食。餐飲:凍檸茶，不過不失啦。服務就比旺角分店差多了(雖然只是某一部分waitress)，等埋單都等了十分鐘!但其實全店當時有不過5枱客人!這次的set lunch為此店挽回不少失地，我以後只會去食set lunch了，哈哈。

第一次黎呢度門口幾好丫等位的時候發現門口的裝潢很有型會變色!(不過呢...不是說不用等位的嗎-.-")感覺好像很貴埋單才發現比想像中便宜很多...其實本人不是太喜歡吃生食物不過有時也會陪朋友吃幾次的壽司吃了幾款八爪魚壽司很好吃,上面黑色的東西意料之外的正!(其他地方都沒吃過)蟹棒,鴨胸,玻璃蝦,花蝦沙律燒帆立貝壽司都ok 仲有特長的鰻魚壽司,正!刺身花好靓,心形的三文魚刺身蛋壽司很黑又爛試前都知是焦了吃了後果然很怪*0* 秋刀魚菜卷太腥了order時沒想過是生的...酒煮蜆好好味,湯也想喝光.烏東都幾好另奇怪他們的豉油樽的邊會溜的=.="各位朋友要小心迴轉位很多蚊滋仔要扣分服務員態度不錯除了等位時那位姐姐只掛住講咪叫了她幾次都聽不到總結食物有7分(可能是我不愛吃生東西吧~又沒有蕃薯雪糕)服務有7分(要等位的被騙了)環境有5分(有蚊滋,入洗手間前的門後又有怪味)價錢有8.5分(原本打算150左右一位,埋單時好像有折每位都係107蚊@@"可能佢地同服務員傾得多計就有折,又可能我地靓女so有折*0*)

有八折傳單派!Sashimi幾新鮮﹐汁燒牛好肥但係個味幾好- tuna手卷略嫌蔥唔夠香-但係服務好好﹐又抵食(d quality OK架都) - 6-7碟野- 兩個人埋單每人唔過百。

前兩個月過, 今日再嚇我一跳,竟然裝兩部大電視重要係LCD添, 食個陣播緊MACDONNA係日本個演唱會, 可能知我想去睇特登播俾我睇呱, 哈哈!轉個新餐牌, 好似乜鬼北海道羅X町做主打,同埋加好多新, Order珍寶帶子, 大大粒幾鮮甜, 脂鰈魚,赤海螺貝,火舞卷,海膽,同埋軟殼蚧手卷, 幾得意, 唔用三角形, 用返圈形一轆轆, 重有個乜鬼海鹽,柚子,緣茶,梅,檸檬等等,有六種味道又唔駛加錢, 幾大都加啦, hehe, 整體味道唔錯, 好過去板前等一粒鐘,下次會再黎睇mtv , hehe !

約舊同事出來食飯索料，人家喜歡吃日本菜，咁就去食日本野啦。未夠七點去到，知客問坐order檯還是迴轉檯，order檯要等，迴轉的則不用。反正大家都唔想等，就坐迴轉位。其實當時仍有很多空檯，只是全部留了座。坐低傾傾計，弄一弄醬油和茶，壽司已迴轉了兩三個圈。不過，選擇認真少，竟然一款壽司也揀不落手。連最基本的三文魚、玉子、蟹柳等都沒有，要自已order。拿起餐牌，除了壽司外，其他款式也不多。好不容易才揀了芝士薄餅、仲有行貨的蟹籽沙律和三文魚刺身。幸好，三款都算不錯。三文魚刺身都肥美；芝士薄餅是薄薄的，裡面有少少三文魚肉，舖面的是一絲絲的芝士，好香，而且都幾脆，口感不錯。蟹籽沙律頗大份，材料也足，且感覺清新，比起其他的壽司連鎖店來得好。食咁少野梗係未飽，但真係再揀不下手，於是轉戰其他食肆。

二月十日同男朋友去試。我地兩個都好鍾意食壽司, 見佢而家做緊promotion 八折咪諗住一試無妨。我地比較早, 六點入去食, 入到去只得兩台客。講裝潢,的確唔錯, 但就有一陣酸酸澀澀既味。個迷你電視仔都唔知整黎做乜, 要睇又睇唔清楚, 又播黎播去都係Macdonna一首歌。不如佢整個大電視仲好啦。呢間野其實都開左幾個月,d 侍應都好似好生手咁。連高級d著西裝個d 都好似唔知頭唔知路咁。我地order 要拎住個餐牌篤住俾佢睇先明。食物方面, 只係d 煎茶已經唔得, 有陣怪怪地既味道, d 水又唔夠熱。我地order promotion items 又成日冇, 深海八爪魚冇, 劍魚又冇, 乜都冇。order 壽司又勁耐都未有。我地第一輪order竟然要等成半個鐘先有。黎到一試, d 壽司飯落得太多醋, 酸到呢。再order 左芝士海鮮燒餅同埋冷烏冬, 烏冬都總算ok, 但個燒餅整到出黎竟然熱都唔熱下, 上面既木魚係唔識郁!我地坐迴轉位, 條迴轉竟然七點先開。比著其他好似和花亭、羽壽司人地根本就唔會停條軌, 壽司應該源源不絕家嘛。真係唔ok哩, 唔係有八折我真係覺得好唔抵。

我和我男朋友在一月二十三日(星期一)去食晚飯, 我提議去試食御家, 因為依間野開咗禁耐, 我哋都講咗好幾次去食, 但都冇去到。我哋係六點鐘左右去食飯, 一落樓梯到地庫時, 就嚇咗我一跳, 因為有五六個待應企係門口歡迎我哋, 行到入去, 我頌驚, 因為間野一個人都冇, 我哋以為入咗間黑店。我地個心開始覺得有d唔妥, 因為六點幾, 間野都冇人黎食飯, 間野d野食一定好食極有限。佢哋近排有個promotion做緊(請睇圖), 但我食完promotion d 野之後, 我哋異口同聲都話唔會再黎依間野度食, 原因如下:1. 價錢貴我哋叫了一碟稀有特大帆立貝(價值30元), 原因是只有一年壽司, 我用同樣價錢在板前或峰壽司, 己經可以食兩件壽司, 所以我哋都覺得依間野好唔扺食。2. 野食唔好食其中一個做promotion的食物是姫.烏賊膽(我從未聽過有這種野食), 因為在板前和峰壽司都冇得食, 我覺得好特別(只有這一碟野食是與眾不同的), 所以叫一碟試下, 叫的時候, 待應同我哋講話這個烏賊膽有點腥, 我哋ok無問題。當我食的時候, 我覺得口裡有一陣好苦澀的味道, 食後有好想吐番出來的感覺, 因為

不在香港一排,宜家再去食,食物和服務都好,上次果然冇講大話,隻特大帆立貝壽司超值,芝心壽司;穴子天婦羅;烏賊膽,酒一流,今次個經理話會有紅酒壽司,真的再期下次有什麼驚喜! 但不知為什麼,它們比好多間壽司店好,價錢又不貴,都不用排隊! 但可方便我去時不用擔心沒有位,哈. 哈!

今晚收工時候路過軒尼c道,跟男朋友本來想吃峄壽司但又唔想等位就試0左~環境唔錯~有d小卡位又有電視機仔~食物大至上都ok阿~可以一試~

係板前等成粒鐘, 咪走黎試下呢度law , 聽d朋友話呢度可能係地庫收唔到電話架, 初時有D怕架, 但又收爆wor ,唔知係咪加發射站呢,個門口好似D高級日本料理o敢,怪怪地law,以為會好貴但同板前個D差不多,埋單2個人2百零蚊, ok 啦!帆立貝幾大粒新鮮鵝肝勁正, 入口即溶有個乜乜芝心卷幾特別, 好好味其他大路壽司幾大件, ok o架D伙記幾醒目同細心,會不停加水, 我女朋友吃緊叉燒拉麵, D伙記又識得第一時間七味粉讚!!!!整體唔錯,又唔駛等位又有電視仔ok啦!