御家迴轉壽司 (已結業)

收工諗住同d朋友舒舒服服食餐飯,點知仲要受人氣!之前都黎過呢間,覺得幾好架!野食都幾好味!但今次d service真係好差囉!有個曲髮姐姐好似得罪左佢咁,叫極都唔應!之後仲黑晒面咁令返轉頭,勁唔願意咁囉!而家黎食野唔洗睇人面色呀?!今時今日咁既服務態度唔俾人叮就奇啦!食物質素可以接受咁又點!銅鑼灣有大把好野食啦!service仲好好添!個o個姐姐我覺得真係要train下囉!d二三四簡直嚇親人+煩,洗唔洗咁大聲呀!o係我地後面叫真係嚇親架!!

First of all, Japanese cuisine is my no. 1 favourite so I had been to quite a few Japanese Restaurant in H.K Island area esp. Causeway Bay. On the 27th August, my friend and I decided to have Japanese cuisine, we planned to go to the one we used to go. However, it's a long queue so we decided to go for the one in the basement at the same building. Now, I really regret of this decision. I cannot find one thing that I can praise about in this restaurant. Service, hygiene, food quality...neither on

食物唔新鮮.唔夠凍.D紫菜全部林咖..呢樣都唔緊要,果個魚子壽司係苦咖.食落口即嘔出來,因為太苦了.跟店員投訴啦,她說搵主任幫我們跟進.主任竟然說他們的魚子是公司自己醃,所以D味會怪.原全沒有試下或幫我們換一碟就走開了.個$25蚊豪比佢啦,我地都沒有食正下來個件啦,點知都是中招.因為半小時後,我地兩人都勁肚瀉.後注:廚房是半開放式,看見入面有很多蒼蠅!原全不建議你們已身事法!

食物很一般, 不夠新鮮, 而且價錢貴漏單要再三詢問才肯跟進不明白為何有人排隊...

今日下晝兩點幾先食飯, 經過見到呢間門口d餐牌都ok, 平時我食日本野一定食雜錦魚生飯, 見佢個魚生飯lunch set $48 好抵, 於是試下.入到去, 坐低左, 見冇左set lunch個牌咪問佢囉, 嘩, d 人惡到死, 個個黑口黑面, 好似爭佢錢咁, 尤其係有一個女仔, 簡直係唔想做唔好做啦, 睇到佢名牌叫Fixx, 佢應你時惡到好似鬧人咁, 好過份!個魚生飯份量好大, 飯唔算多, 但超多三文魚, 仲有其他例如吞拿, 赤貝, 甜蝦, 油甘魚咁, 但三文魚佔總數一半既比例, 唔算話好新鮮, 但亦都唔係差, 而且$48咁既份量我覺得好抵.個set跟麵豉湯+沙律, 麵豉湯都係一般的, 沙律係生菜+粟米+bb沙律醬. ok 既.最奇怪係我得一個人, 我份餐已經黎齊, 跟住又有個waiter拎個湯同沙律比我, 我話黎左啦喎, 你都睇到啦, 佢望住我個餐, 仲要話..."個餐係跟一個湯一個沙律架" 跟住擺低! 我唔理佢囉, 你鐘意送多個湯同沙律比我我唔介意架, 跟住佢再返黎先話係喎!跟住又拎返走... 真係R哂頭...不過佢態度唔差既環境一般, 我覺得好似一間吧, 不過都算幾新&好乾淨,

早2日睇左LE個網..所以今日去左試試今日8月8號同朋友1行5人7點幾去左銅鑼灣間御家...門口個小姐問我地人齊未..未齊人唔比入=3=不過都好正常既..香港太多人生人霸死地..人地始終做生意...入到去環境氣芬都好好..有MV睇..迴轉帶D師傅勁大聲講歡迎光臨(日文)唔似其他咁靜果D..點左好多野..SHISU D飯好細舊..不過D料好大舊..自問去過銅鑼灣咁多間日本料理都唔夠LE度咁大舊...刺身都好新鮮丫~D野都好快到..大約5分鐘就到..PS果陣爆場勁多人!!花蝦沙律同海膽SHISU超正!!!大約食左2個鐘到..埋單都係6百幾蚊~ANYWAY點都會再去..簡直GOOD呀!不過D唯一問題係樓面D態度可以叫差,好似扮睇唔到我地叫佢地咁..我地係消費者..點都應該有番D服務加洲卷同三文魚卷大大件都係20蚊..岩哂D又想食又唔識食果D人..睇番之前D POST 開始覺得佢地識唔識食日本野囉!!回應小蝦: 本人認為人地真正日本料理D飯新鮮..有小小暖係正常..想要凍既...我會介紹你去百佳$2.9一舊!!

本人上個星期六約了朋友去食lunch, 一行4人, 已有人到達, 從未試過食日本野, 一定要齊人才可入座, 我們那時已超過一半, 在其他出名的日本食市都不需等人齊.當時根本人不多, 甚至有空位剩, 最後經一番理論後才可入坐, 消氣後好好食番一餐, 因為已經等了45分鐘, 已十分肚餓, 落單後, 最最普遍的食材隔了10分鐘後, 才告知無貨, 叫的是北寄貝及海膽. 到最後, 食物到齊, 但發覺根本不值得要排隊, 從未食過墨魚刺身是咬不開的, 好似橡膠咁, 其他的食物都不太新鮮, 最後仲要漏單, 不單只漏單, 因漏單已取消的食物, 竟然計算在帳單內, 要我付錢. 到這間食市, 只可用不知所謂來形容, 本人一定不會再去這間食市, 不明白為何這麼多人排隊.

7月31日突然約朋友銅鑼灣食飯, 朋友見御家無人等位, 咪叫"唔該2位", 侍應小姐問:人齊未? 無聽錯,2位都是人齊先入得, 何況人地6位~_~ 已經有d覺得唔係呀? 咪睇有幾好, 咪因為地方細, 我同朋友搭抬座, 2張2人枱放一齊, 隔離2個人可以一齊傾計囉, 好迫. 算數, 照叫野食, 點知枝豆是暖同濕, 剛剛烚熟, 我想話枝豆通常是凍食, 其他食物一般, 將貨就價, 差不多, 但係個好似”燒芝士蝦壽司”和pizza 就幾特別, 可以一試. 這裡還有可取之處, 就是快, 快到張抬唔夠位放, 迫住張d壽司放晒在自己隻碟到, 趕時間必然之選, 如果唔洗等位. (見每人消費偏貴, 因我們飲啤酒)

咁岩唔駛等位,出面睇見價錢合理,就試下。其實我覺得環境一般啦,又唔係好差,又有vedio睇,ok。但一叫野食就眼都凸埋。d野全部都超細件,試問我個口都唔算大囉,但真係一啖放晒落個口都仲卓卓有餘。舊飯得個珍寶珠差不多咁大。依刻我終於明白點解個menu入面,上面舊刺身好似好大件囉!!個手卷呀,有無攪錯,個size同條廚師牌雞肉腸一樣呀!最離譜呀,係d壽司飯係熱架!!咁大個女都未試過食壽司d飯係熱架,勁無誠意!!諗住叫個天婦羅,睇下有無得頂下肚,結果同預期一樣,超細碟。好慘。所以無乜食過野,都決定走,唔好最比佢呃落去。我覺得刺身味道就好一般,但最過份係舊飯係熱囉,又超級唔抵食。全部size同元氣比係一半,我覺得好似入左黑店!!臨走時,仲聽到隔離枱話,食刺身有條好大既骨。我見到都有1cm到2cm咁上下長,個食客話差d吉親。個waitess 同師父講,意思叫師父換過碟卦!?個師父竟然話無問題,唔駛換。個食客於是話算啦,唔緊要。以後人地就算請我都唔會去,寧願食快餐店。

10 July 2007 (Tue) - 晚飯我未去過銅鑼灣分店，只去過旺角分店，但當時就唔係有太好既回憶，因為佢哋落單亂咁黎．．．估唔到呢度都係咁．．．亂咁落單，明明冇tick既嘢，又幫人落咗單，好似襯人叫得多嘢而亂黎咁！你話唔駛錢就話啫．．．！跟住啲waitress/waiters態度其差，我兩個friends去完都話以後唔再去，我再同佢哋講我之前喺旺角既經歷，佢哋更加覺得呢度唔得！嘢食又唔係特別好食，最主要係唔抵食，食咗唔係好多嘢，但勁貴．．．我都覺得唔抵．．食得好唔開心！仲要我哋三個人想坐order枱，落到去有張幾四正既四人枱，我哋話想坐，佢就話有人book咗，但係後尾我哋發現佢哋分咗張四人枱變兩張兩人枱，比咗兩pair人，我就覺得跟本唔係訂咗位囉．．．係佢哋唔想我哋三個人坐四正四人枱，而要我哋坐一張連櫈都係膠既臨時既嗰種！我乞人憎囉！早知唔去啦．．．

除左地方狹小同服務態度一般外，呢度d SUSHI都幾OKd魚生幾新鮮，各項都唔錯；個帆立貝、帶子同牡丹蝦都幾好。個海膽唔夠峰壽司鮮甜，但都算唔錯。我唔會話佢係一間好top既壽司舖，但樣樣野都起碼有above average - good既水準，我覺得幾ok。果日仲遇到一位好人既該店熟客，俾左張八折coupon我, 食咁多貴價野，每人都只係$90. 好抵lor

係朋友極力推介下.. 擒晚同老公黎左銅鑼灣分店食.... 7.30pm 到門口... 等左15分鐘就有位喇.... 一入去... 哇... 好迫.. 又嘈... 係咁放concert MV... 環境我已經覺得好差... 好似去大排檔咁...講番食... 都幾多種類既.... 不過... 就... 飯太大舊... 魚冇魚味... 最普通既三文魚腩都食唔到有三文魚味.... 鰻魚sushi 件鰻魚... 仲細過元氣果件... 咁好啦~~ 我地食佢d 推介喇.... 芝士燒三文魚sushi.... 好so.. 我係極度like 芝士既人都好想吐番出黎.... 仲有叫左燒三文魚sushi... 人地燒三文魚係會帶番出三文魚獨有既一種香味出黎... 佢冇囉... sorry.. 可能因為平既手握sushi 店掛... 佢d price 同元氣差不多.... 元氣仲好味過佢....anyway.. 我個人係會比兩次機會一間食店... 我朋友係mk 果間食.. 我會去一次.. if 都係咁呢.. 真係冇下次...@_@"

未入前都抱幾大期望,因為始終都係新開業.而款式都叫多係壽司店(海鹽壽司).本人以同區"浪速"作比較-地方極為屈膝.可以叫迫, 浪速起碼多半個位極嘈雜.開著電視食飯, 唔覺有咩好處,但係70分貝一定有...無心機食飯食物....算數把啦. 叫左X魚沙律...唔係剌身,係"碌"過,但係一D味都無個沙律刺身比起浪速好唔新鮮, 無味的.基本的海水味都無特別海鹽壽司, 無特別, 太重咸味整體--差

見到有bad comment, 初次order都比較就住咁點~先試下水準如何才決定是否大吃一餐!點了芝士pizza - 有三文魚餡料, 好味炸雞軟骨- 炸物正常水準三文魚壽司- 有魚既鮮味吞拿魚壽司- 男友話好有鐵(血)味, good牛肉他他壽司- 係火灸左既生牛肉, 雖然冇雪花, 但係呢個價錢食到生牛肉, 真係好抵~特大帶子(刺身) - 特別鮮味, 唔同平時食開生帶子果d味, 不過menu上寫住(好似係)有一吋厚, 但係到既時候就唔係menu上咁寫既樣囉, 有少少欺場, 不過好彩真係幾好食, 補返數~試完咁多樣, 發覺質素都唔錯, 所以再多叫些壽司~可以試下沾鹽既壽司, 有柚子鹽, 梅鹽, 入口初初得個咸字, 之後有陣果香味出黎, 好過癮~環境就真係迫左少少, 可能地方真係唔多大既關係~不過侍應都幾勤力, 俾5分係值!!點得太多野食, 最後多野食到要打包返屋企~haha~我覺得好過和民, 以後如果要去日本料理都會揀呢度, 和民既水準真係每況越下~

一班損友0既聚會, 已經唔太記得食過d 咩壽司不過記憶中壽司0既質素都ok 0既,而且我地都無乜睇價錢咁狂叫ga都係$125,0係銅鑼灣黎講,算唔錯啦!!