御品 (已結業)

經家人介紹話依間雞煲比附近的「X極」又好食又抵，而且我上年睇TVB節目「搵食飯團」都有做過，心思思都想試。星期日8點去搵位，環境細，應該10張枱都冇，但咁啱又有吉枱，即時入座。我地三人，叫了半隻麻辣雞煲$108，因而未試過係咩辣度，就算平日食開譚仔大辣的我，都係保守D，叫小麻辣。不過，我地都覺得唔夠辣...😓雞煲份量都合理，家人話仲半隻有多。但不知道是否不夠麻，雞肉質又唔係滑，我覺得都係一般，未至於好食。我地叫了一支啤酒$30、檸檬梳打$18、凍柚子茶$18、王老吉$14。食到7788，就可以加湯打邊爐!! 我地叫左好少野，牛栢業$48、豬肚$38。之前友人來食過，想揀魚鰾$48、脆鯇骨腩$68，都冇得食，今晚終於食到。我對魚鰾冇咩興趣，只食了一件試下。另外，叫了炸魚皮$28，但好似唔多新鮮，有D益味，但沾沾雞煲汁，就遮左陣味。本來揀了牛展，可惜都話冇(諗住友人唔叫肥牛，我都有牛展過口癮，都好吖)😩之間仲叫了豆苗(餐單上沒有標明，可能是季節限定關係)，細細籃，應該有4兩左右。因為都唔好多選擇，所以就叫了有推薦公仔的長洲魚蛋$38(6粒)。相比起在長洲食，都要$10，化算少少吧~哈哈..

家住附近，本來想落九龍城打邊爐，但好肚餓關係，唯有揀間附近，小店型式、諗住會比較用心，點知食到條氣有啲唔順，點咗醉雞湯底（半隻）$88，隻雞唔掂都算、根本冇酒味，想點先？！🙄 安格斯肥牛，嚟到見到個樣都唔開胃、瘀瘀黑黑、食落有一半係冇牛肉味，盛惠 $268，打邊爐最梗要碟肥牛，碟肥牛唔掂，其他點好食都冇用～ 😟叫咗蕃茄 $28，嚟到又係覺得好離譜，份量係兩個細番茄、搶錢咩？！榨竹蔗茅根 $28，味道好似糖水咁囉～ 美國桶蠔 $158，好彩新鮮肥美、炸響玲 $38，都叫食得吓、娃娃菜 $28，份量同樣少，環境細，隔離枱個肥西掹大喉嚨講嘢，成間店都震懾、食龍肉都無味，連加一 $720，堅俾得唔順氣～ 😪冇下次～ 事此教訓我，做人要忍耐一點，如果走落九龍城，哩個價，素質一定有保證 😤

味道很適合冬天食 不錯不錯座位優雅 最緊要坐得適服推薦食雞煲，記得記得要8:30後先入座 有半價 黃大仙區味道算數一數二 平時放工叫半隻加碗飯 60左右又一餐 平時同朋友聚一聚都錯..............................

平靚正 出菜速度夠快雞煲夠辣 有唔同嘅辣度可以揀小辣中辣大辣 建議初體驗可以先嘗試小辣雞煲入面啲雞唔會話好多骨 每一舊都會有肉仲有其他小菜都好食 打邊爐啲料都好靚食材新鮮

今日夜晚經過見到都幾多人就入尼試下 試左個花雕雞煲 個酒味都好濃 個煲一滾起就即係試下隻雞 隻雞真係好滑 吾係講笑 再叫多碟手切肥牛 諗住食完雞打下邊勞 碟牛啲紋真係好靚 我覺得依間鋪絕對值得一試

羊腩煲炆得好味，羊肉好稔滑，酱香味好濃，最好就连炸枝竹吸收咗酱汁之後出奇另外叫咗壹碟手切肥牛，肉质好嫩，牛肉好濃··，油花分佈得好均匀，值得大力推介，手打墨丸及蝦丸超彈牙，唐蒿菜幼身，菜味略欠不足。

行過見門口有人圍住，以為應該唔錯，就入去試下。叫左個雞煲，點知個雞又唔香，又唔麻，完全唔係果回事。叫碟肥牛，黎到見到啲脂肪位係灰黑色既，一睇就知唔新鮮。個水餃睇落幾大粒，但完全無味，勁難食，湯底又係無味既。之後見啲打邊爐料咁差，就加個小菜，落單時侍應同我地確認左幾次，問左幾次，重複左幾次，都仲可以漏單！仲要埋黎同我講"你地都食唔晒架啦"，真係即刻着左。仲叫左鵝腸，薯粉，脆肉鯇，全部都一般般。兩個人食左$450，又唔好食又唔抵食。

冬至飯系御品, 黃大仙港鐵出都要行一段路哩！之前已點了餸，大家為了遷就我，雞牛羊鴨都冇叫到，辛苦了他們！炸豆腐$42我覺得很好吃，細細粒，又香囗！墨魚餅$68很彈牙，但沒有鮮味。花膠雞湯4位$192坦白説，應該系足料老火湯，味道很濃帶鹹，份量也多，湯內有雞肉，花膠及雞腳。瀨尿蝦4隻$592超大隻賴尿蝦，吃下去雞手鴨腳，美味！薑蔥焗桶蠔$158薑蔥下得多，可惜生蠔走油的粉太厚身及沾油很多！南非大飽魚4隻$352鮑魚很爽口，十分好吃!咕嚕肉$58大家一致都喜歡咕嚕肉，酸味不搶喉。蟹粉扒豆苗$128其實我鍾意食清炒豆苗多啲!價錢亦不貴，可惜路途夠遙遠！如果元朗區都有這類飯店就好了！

見到好多人幫襯火鍋（肥牛）同海鮮，原來間餐廳都有做lunch set，一個飯/三送米線$36，仲有學生優惠$28就得另有午市小菜優惠，$38-$58一個送，加$10有白飯同嘢飲今次叫做魚香茄子煲同南乳藕片炒豬頸肉，都係$38，好大碟，好抵食！魚香茄子，茄子好入味好林，肉碎都足料，唔辣，好食過茶餐廳個啲頹飯（我都試過好多魚香茄子，有啲真係冇味）呢間魚香茄子色香味有曬，推介！南乳藕片炒豬頸肉，藕片好脆好爽口，南乳夠味，小小辣，開胃店內環境還算舒適，夠位坐，想食個快餐又唔想去茶餐廳頹，呢間都算唔錯的選擇。